Bernard Miles

Lees reeks by Shakespeare in Afrikaans

Mercurio en Benvolio kon natuurlik nie hulle monde hou nie. Hulle vertel in die dorp rond dat hulle saam met Romeo die dansparty in die huis van die familie Capulet bygewoon het en dat niemand hulle herken het nie. Hulle vertel selfs hoe  Romeo met Juliet gedans het, terwyl hy haar styf vashou en diep in haar oë staar soos 'n minnaar. Dit was nie lank nie of Tybalt hoor daarvan. Hy is Juliet se neef en hy word so kwaad toe hy hoor hoe Romeo se vriende met die storie loop en spog dat hy dadelik sy swaard gaan haal en vir Romeo in die strate gaan soek.

Intussen weet Mercutio en Benvolio nog nie dat Romeo en Juliet daardie oggend getroud is nie. Hulle nooi vir Romeo om 'n glasie wyn saam met hulle by die herberg te kom drink. Mercurio is opgewek en laat vir Romeo en Benvolio skaterlag met sy nabootsing van die ou man Capulet , die gaste en die ou oppaster. Toe verskyn Tybalt meteens in die deur van die herberg. Hy is woedend. Sy swaard is reeds uit sy skede en hy daag Romeo tot 'n tweegeveg uit.

Mediaverklaring

Blanke prokureurs: onttrek aan Malema se saak

Herstigte Nasionale Party

Die HNP het kennis geneem van die uitlatings van Julius Malema oor sy wit regsverteenwoordigers en blanke ondersoekbeamptes wat sy sake hanteer en ondersoek.

Malema het gesê elke keer as hy in ’n vergadering met sy drie wit prokureurs sit, is hy baie geïrriteerd. Hy meen die regbank word deur die wit minderheid beheer.

Die saak is baie eenvoudig. Malema het regsverteenwoordigers nodig omdat hy ’n oortreding begaan het en het kundiges nodig om dié sake te hanteer. Hy het waarskynlik self sy regsverteenwoordigers gekies. Hy sou, met groot finansiële steun tot sy beskikking, waarskynlik die beste regsverteenwoordigers aangestel het om sy verdediging te behartig.

VALENTYNSDAG EN SIMBOLE

Ds A vd Berg

"Valentynsdag is in wese heidens.  Dit kan op geen manier op godsdienstige wyse gevier word nie en word selfs deur ander godsdienste verbied.  In Indië word ’n hindoe wat Valentynsdag vier, vervolg.  So ook moslems in Saudi-Arabië."

Skrif: Efes.5:22-33

Valentynsdag is ’n nuwe gestalte van ’n ou Romeinse fees; die fees van Lupercalis.  Dis jaarliks op 14 Februarie gevier.   Die Roomse Kerk het dit later ter ere van Valentyn, ’n Roomse martelaar, Valentynsdag genoem.  Valentyn was ’n priester wat in die geheim huwelike voltrek het nadat dit deur keiser Claudius verbied is omdat te veel jongmans militêre diensplig ontduik het deur te trou.  Destyds kon slegs ongetroude mans by die weermag aansluit.

Toe Valentyn betrap is dat hy huwelike voltrek is hy ter dood veroordeel.  Terwyl hy op die voltrekking daarvan gewag het, het talle jong verliefdes hom glo besoek met briefies oor die verkieslikheid van liefde bo oorlog.  Dit laat ’n mens aan die slagspreuk van die vervloë Hippie-kultuur dink: Make love, not war. Valentyn is op 14 Februarie 269nC tereggestel.

Dr J P Botha

Lees reeks by ESTER

HAMAN WORD ONTMASKER

Toe ek terugkom, kry ek Haman besig om op die bank waarop Ester sit, neer te val.  Ek skreeu toe vir hom:  “Wil jy nou ook nog die koningin in my paleis verkrag?”

Ek het bevel gegee en my amptenare het hom in hegtenis geneem.

Garbona, een van my amptenare,  sê toe:  “Haman het by sy huis ‘n paal laat inplant van 23 meter hoog, om vir Mordegai wat destyds die koning gered het, daaraan op te hang.”

Ek beveel:  “Hang hom daaraan op!”  Nadat hulle dit gedoen het, het my woede afgekoel.

Ek het alles wat Haman besit het aan koningin Ester gegee.  Sy het ook vir my vertel hoe Mordegai aan haar verwant is.

Alani Janeke

Altesaam 52 renosters is tot dusver vanjaar al in Suid-Afrika se nasionale parke deur stropers doodgemaak, sê Sanparke.

Luidens ’n verklaring is die Krugerwildtuin en provinsiale parke in Limpopo die hardste getref met 26 en 13 renosters wat onderskeidelik in dié dele doodgemaak is.

KwaZulu-Natal en Noordwes staan derde en vierde in die ry, met onderskeidelik ses en vier renosters wat binne die eerste ses weke van 2012 in die provinsies doodgemaak is.

Alani Janeke

Onluste in Iran en Sirië kan oliepryse opjaag, hoewel ‘n 1c daling in die dieselprys in Maart 2012 verwag word, sê mnr. Tony Twine, senior ekonoom by die Econometrix-groep.

Twine sê soos wat sake tans staan kan die dieselprys volgende maand met 1c per liter daal, terwyl die petrolprys met 15c per liter kan styg.

“Maar wat ek nie van hou nie, is dat die onluste in Iran en Sirië tans in die agtergrond rondskuil en die olieprys beïnvloed. Ons sien dat die prys die afgelope week met $1 per dag styg,” vertel Twine.

Hoewel Sirië nie een van die wêreld se hoofverskaffers van olie is nie, beskik dié land oor een van die grootste pyplyntoevoere, wat voorrade kan beïnvloed.

Dr J P Botha

Lees reeks by ESTER

EK BEWYS EER AAN MORDEGAI

Haman is daardie dag in ‘n goeie bui en vrolik daar weg.  Toe hy egter by die ingang van die paleis op Mordegai afkom en hy weer nie opstaan om aan hom eer te bewys nie of glad nie wys dat hy vir hom  bang is nie, het hy woedend geword vir Mordegai, maar hy het hom egter beteuel.

By sy huis het  hy sy vriende en sy vrou Seres nadergeroep.  Hy het by hulle gespog oor hoe ryk hy is en oor hoe baie seuns hy het.  Hy het uitgewei oor die koning wat hom so vereer het en hom bo al die ander amptenare en onderdane van die koning bevorder het.  “ En dit is ook nie al nie,” het hy gesê. “Koningin Ester het vandag net vir my saam met die koning uitgenooi na die onthaal wat sy gegee het.

Reeks by Versamelde Werke van Langenhoven

DIE VROU VOOR DIE HEK

Ek wens hierdie verhaal wou helfte soveel plesier aan die leser verskaf as aan die skrywer. En dit is nie uit selfvoldaanheid oor die werk nie - en dié is ook maar daar; daar is ander mense wat gelukkig minder menslik is - maar omdat hy herinneringe terugbring, groen en vars en lewend, uit my ver- vergange kinderjare.

Dlit moet 'n veertig jaar wees, of miskien langer, wat die pad oor Huisrivier se Berg aangelê is. Voor dié tyd het 'n mens van Ladismith (Kaap) of na Calitzdorp nie 'n berg oor gery nie maar 'n bergpoort deur die Caledons-Kloof.  Dikwels as kind het ek daardie poort deurgery; ek is seker ek sou baie van die draaie en driwwe en kranse vandag nog herken; en regtig, ek wens ek kon weer daardeur gaan, eenmaal vir oulaas. Maar ek twyfel of daar vandag 'n rybare pad bestaan. Op sy beste was meeste van die pad pure rivierbed; daar is geen ander plek nie, die poort is nou, buiten in die middel waar hy oopgaan om plek te maak vir 'n aanleggie en 'n plasie.

‘Natuur in SA verswak ergste’

Hierdie berig het in Beeld verskyn, so ongelooflik as wat dit mag klink vir 'n liberale koerant wat vir 18 jaar die ANC so ter wille was dat die waarheid meestal 'n lastigheid was - dieselfde waarheid wat nou nie meer verbloem kan word nie. Dit verdien om wyer gelees te word:

Suid-Afrika se natuurlike omgewing het die afgelope 20 jaar die vinnigste van alle lande ter wêreld agteruitgegaan onder beheer van die vernietigende selfverrykende terroris ANC plunderbende.
Dit is die bevinding van ’n span wetenskaplikes aan die Universiteit van Yale en Columbia, in samewerking met die Wêreld- Ekonomiese Forum, wat die stand van die natuurlike omgewing in 132 lande gemeet het.
Suid-Afrika is in die 128ste plek, net drie plekke beter as Irak, wat laaste geëindig het.
Die navorsers het bevind die Switsers het hul omgewing die afgelope twee dekades die beste bewaar en bestuur.
Sy lug- en watergehalte, biodiversiteit en die bestuur en bewaring van sy ekostelsels is die beste ter wêreld.

MEDIAVERKLARING

Plaasmoorde moet ook prioriteitsmisdade wees

TLU SA is bly om te verneem dat veediefstal in die Vrystaat nou ‘n prioriteitsmisdaad verklaar is.  Netso is TLU SA verheug om te verneem van al die maatreëls wat ingestel word om renosters teen stropers te beskerm.

Daar was egter weer ’n plaasmoord en in hierdie geval is die 71-jarige mev. Ingrid Niebuhr in haar huis op haar plaas in die Wakkerstroom-omgewing vermoor.

“So bly as wat ons is dat sekere misdade, wat met boerdery verband hou, prioriteitsmisdade verklaar word, so bekommerd is ons dat die regering en polisie nie die aandag aan plaasmoorde gee wat dit verdien nie.

Reeks by Bybelverhale vir jong kinders

Jacqueline Sibley

MATTEUS SE PARTYTJIE

Partytjies is groot pret, of hoe? Dan eet ons jellie en roomys en koek met versiersuiker. Ons speel heerlike speletjies met ballonne en soms dra ons ook snaakse papierhoede. Ek hou baie van partytjies, en jy?

Eendag het Matteus ook partytjie gehou. Dis 'n grootmensparty en al het hulle ook lekker eetgoed gehad, het hulle darem nie speletjies gespeel nie. Matteus het die party gehou sodat ou vriende vir Jesus, sy nuwe Vriend, kon ontmoet. Die mense wat genooi was, het nie baie vriende gehad nie. Matteus wou hê hulle moet dat Jesus ook hulle Vriend sal wees as hulle dit so wil hê.

Dr J P Botha

Lees reeks by ESTER

HAMAN HAAT MORDEGAI EN DIE JODE

Mordegai het egter geweier om dit te doen.  Toe my ander dienaars wat in die poort van die paleis gewerk het, vir Mordegai vra, “Waarom oortree jy die opdrag van die koning?” het hy net vir hulle gesê:  “Omdat ek ‘n Jood is.”

Haman was briesend.  Toe hy boonop ook hoor dat Mordegai ‘n Jood was, het Haman se woede sommer teen al die Jode in my koninkryk ontbrand.  Hy het toe na ‘n manier begin soek om nie net vir Mordegai nie, maar sommer al die Jode in Susan en die hele Persiese ryk om die lewe te bring.  Hy wou ‘n  presiese maand en datum vasstel wanneer hulle uitgeroei moes word en laat toe die lot werp – die Pur -  en dit val toe op die dertiende dag van die twaalfde maand Adar.

Ds A van den Berg

Lees reeks by Wandel met God

Die beste ding om te doen

“En nou Israel, wat eis die Here jou God van jou as net om die Here jou God te vrees, in al sy weë te wandel en Hom lief te hê en die Here jou God te dien met jou hele hart en met jou hele siel, om te hou die gebooie van die Here en sy insettinge wat ek jou vandag beveel, dat dit met jou goed kan gaan? (Deut.10:12,13).

Om met God te wandel, gee aan die lewe sin.  Die teksverse noem die wortel en die vrug daarvan.  Die wortel is die eerbied en liefde vir God.  Geen mens sal Hom volg as hy nie eerbied en liefde vir Hom het nie.  Dis die wortel (begin) van wandel met God – eerbied en liefde.   Die vrug daarvan is dat dit met jou goed sal gaan.  Jy sal nie altyd sonskyn in jou lewe hê nie.  Jy sal ook onweer ervaar.  Maar in sulke tye versterk God jou om jou las blymoedig te dra want Hy is by jou.  “As jy deur die water gaan, is Ek by jou....” (Jes.43:2).

Daar was deur baie jare reeds talle sogenaamde sieners in die verlede wat geroem het oor hulle visioene. Maar min van hulle was Christene en maar min van hulle het so in die kol soos Siener van Rensburg en Johanna Brandt voorspel wat met Suid-Afrika baie jare later as hulle eie leeftyd, sou gebeur. Daar is genoeg rede om te glo dit is omdat die Here daardie vooruitskouinge aan hulle gewys het – as kinders van die Here kon hulle daardie beelde nie gefabriseer het nie.

So was daar nog ‘n persoon in die vorige eeu waarvan min mense bewus is maar wie baie interessante voorspellings oor wêreldtoestande in toekomstige tyd gemaak het,veral oor die uitbreek en verloop van die Derde Wêreldoorlog. En meer spesifiek moet ons hier Siener van Rensburg se voorspelling uitlig waar hyself in 'n visioen Engeland onder die water sien verdwyn het, “want", het Siener gesê, "God gaan Engeland op hierdie manier straf vir al die verskriklike dinge wat hulle aan talle lande, en ook aan die Afrikanervolk gedoen het.”

THELMA CILLIE

Die verhaal van Suid-Afrika se grootste aardbewing ooit - 1969 in die Ceresgebied.

Lees reeks by Die aarde het gebewe!

(Lees ook meer oor aardbewings by Aardbewings - teken van ons tyd)

MY ganse lewe deur het ek nog nooit van my huis en meubels 'n afgod gemaak nie; maar alles wat ek besit, het ek graag na die beste van my vermoë goed versorg, want ons het dit stuk-stuk aangekoop, soos die meeste mense maar, en elke ou stukkie hoe gering ook al, het ek op 'n besondere manier lief.

'n Paar maande voor die aardbewing is ons huis nuut uitgeverf en gedeeltelik geplak. Ons het ook volvloer tapyte in al ons slaapkamers gelê, en sommige gordyne het ek vervang met nuwes wat ek self gemaak het — keurig, soos ek daarvan hou. Ek was tevrede toe dit alles klaar was — dit was myne, en ek het lank uitgesien daarna om, wanneer ek van my bed afklim, die sagte pool onder my voete te voel. Ek was opreg dankbaar dat alles in my huis nou weer so skoon en netjies was.

En nou? Na hierdie ramp?

BYBELVERHALE VIR JONG KINDERS (13)

Reeks by Bybelverhale vir jong kinders

Jacqueline Sibley

Daar was eenmaal 'n baie ryk man. Sy naam was Matteus. (Party mense het hom ook Levi genoem.  Hy het in 'n groot huis gewoon en pragtige klere gedra. Hy was lief om lekker te eet. Hy het baie bediendes gehad om hom te help.

Matteus het geld ingesamel vir die koning. Elke môre het by sy groot huis verlaat en die pad gevat wat naby die see verbyloop. Daar het by 'n kantoor gehad. Hy het by 'n tafel gaan sit en mense wat daar verbyloop, moes betaal.

Daar het allerhande soorte mense verbygeloop. Eendag kom daar 'n man verby in 'n donkiewa. Matteus sê vir hom: "Jy moet belasting aan die koning betaal vir die wa en die donkie. Dit sal drie silwerstukke wees."