U sou in gister se Die Burger die berig opmerk oor die 'rower' wat aan diens by die polisie is. Verhoorafwagtende konst. Makonxa is einde April op borgtog vrygelaat en het opdrag van die provinsiale polisiekantoor gekry om onmiddellik na sy pos by die Kabega-polisiekantoor terug te keer. Dít ten spyte van ’n vroeëre onderneming deur 'n swart brigadier van die provinsiale polisiewoordvoerder, dat met ’n interne tugproses begin is en ’n “nuwe skorsing” in werking sou tree. Dit is die werklikhede waarmee ons in 2012 te doen het. Die misdadigers is die land se polisie – sogenaamde wetbeskermers.

Hierdie regering is nie in staat om mense of hul eiendom en lewens te beskerm nie. Misdaad gaan nie afneem nie want die respek vir gesag en wet en orde het totaal verval. En in 'n bevolking waar grense afgebreek is en mense nie meer deur sterk sosiale bande gebind word nie soos nou in Suid-Afrika die geval is, ken mense mekaar al minder en word die sosiale afkeer van misdaad al meer uitgeskakel.

"Wanneer demokrasie, soos nou by ons, uit sy regte plek gehaal en toegelaat word om die hele horison te vul, wek dit enorme haat... In plaas van te verenig, lei dit tot verbrokkeling en tot nydigheid."

Die grootste perversie van ons tyd is die wanopvatting oor die rol van demokrasie: dat demokrasie mense kan verenig as blote telbare eenhede. Die demokrasie het te maak met burgerskap, en burgerskap is die mees geesteslose hoedanigheid van 'n mens se bestaan. Dit raak net die dinge wat gedoen moet word, sodat jy in staat is om ander, hoër dinge te doen. Wanneer demokrasie, soos nou by ons, uit sy regte plek gehaal en toegelaat word om die hele horison te vul, wek dit enorme haat, nie net van alle onderskeid nie, maar later van alle verskil. In plaas van te verenig, lei dit tot verbrokkeling en tot nydigheid. Dis dwarsdeur die wêreld so. Demokrasie is verhef tot 'n soort alternatiewe geloof in Suid-Afrika waaraan alle godsdienste kan glo, tot 'n godsdiens of 'n filosofie.

SEGREGASIE, ENIGSTE KANS TOT VOORTBESTAAN

Waarskynlik die belangrikste kenmerk van ons samelewing vandag, veral onder die Afrikaners, is in die eerste plek die verslaentheid, en in die tweede plek die verwardheid.
By al die dinge wat gebeur het en wat mense nog nie verwerk net nie, word ons oorspoel met krete van vrede en versoening en 'n oproep om verdraagsaamheid terwyl ons verniel, verdruk en vermoor word. Ons moet maar glo net verduur en hoop dat dinge sal verbeter, terwyl die werklikheid waarmee ons te doen het, is dat ons ons in 'n voortgesette oorlog teen die Afrikaners bevind. Die gewapende oorlog van die terroriste is nou binnelands, en dit is nou ook binne die Afrikanerdom wat die oorlog voortgesit word. Die Afrikanerdom het sy politieke mag verloor en hy het sy hele sosiale status verloor in Suid-Afrika, maar sy gees is nog nie gebreek nie, en dit is waarom die oorlog nog gaan.

KULTUUR AS GRONDSLAG VAN ONS VOLKSKAP

Lees reeks by  Kultuur as grondslag van ons volkskap

Ons reg op verskeidenheid is die reg op beskerming van ons eie identiteit. En dit is waar ons moet stuit teen die huidige kultus van menseregte en die sogenaamde Menseregte-akte, wat 'n instrument is waardeur gepoog word om kulture te integreer  met die skyn van juridiese geregtigheid. Om die slim Franse intellektueel, Alain te kwoteer: "Die ideologie van menseregte, die nuwe godsdiens van die sterwende moderniteit, funksioneer as 'n skuilplek waar die ontgogelde stryders van weleer ná hulle aftog nou rou oor hulle illusies". Dit klink wel bietjie ingewikkeld, maar die strekking kan gevolg word.

" 'We must destroy the instruments of White power... the mines, the railways, the docks, the factories, the farms, the police, the whole administration. Organised violence will smash apartheid.' - En dit is waarom ons land tans in hierdie haglike omstandighede verkeer: die ware feite is nie deeglik onderskei en in regte perspektief geplaas nie – daarom was die breinspoeling so maklik en die gevolge so fataal!"

Ons leef in 2012 in 'n tyd waarin die betekenis van ons land se apartheidsjare, oftewel die tyd toe ons as verskillende volke afsonderlike ontwikkeling nagestreef het, meer aktueel as ooit te vore geword het.

LESERSBRIEF

Hierdie lesersbrief spreek weer van wat elke opgevoede persoon verteenwoordig: die onmoontlikheid om saam met barbare in een juk te trek:

Ryno van As skryf:

Die belaglike goed wat politici kan kwyt raak gaan my verstand te bowe! Na gister se optog in Delmas, oor die moord op die babaseuntjie en sy oppasser, word daar nou weereens gesê dat dit nie rasgedrewe was nie. Die liberales, soos die DA, sê dat dit eerder erger is om die terroriste vlag te verbrand – dit is glo erger as die lafhartige, gruwelike moord wat die Swartes gepleeg het.  Dit is nie volksmoord nie, o nee, glo glad nie.

30 MEI 1902 - 30 MEI 2012: ONS VOLK IS STEEDS HIER GEWORTEL

"Dié land is óns land: die geskiedenis sê dit luid. Vir dié wat dit betwis, of betwyfel, is die vraag: As dit nie óns land is nie, wie s'n is dit dan? Wie, behalwe die Afrikaners, het om hierdie land oorloë geveg teen buitelandse uitbuiters? En as beweer word dit is nie ons land nie, het ons dan nooit 'n land gehad nie? En as ons nie 'n land gehad het nie, waarom het ons oorloë geveg teen magte wat die land van ons wou afneem?"

Van 29 Mei af is by Vereeniging finale helderheid begin kry. Verslae van die verskillende ondersoekgroepe was byna almal ontvang en verklaar. Op Vrydag 30 Mei was die einde werklik in sig. Pres. Steyn het die 29e weens swak gesondheid as Vrystaatse president bedank, en CR de Wet is in sy plek as waarnemer aangewys. Die hele dag is daar gepraat –deur JC Smuts, Louis Botha, JBM Hertzog, JH de la Rey, J Naudé, kmdt Chris van Niekerk, genl Chris Muller van Boksburg en nog andere. Almal het die allerhaglikste beeld van die vernietiging oral in die Republieke geskets.  Wie aanhou veg sal die Boerevolk uitroei want Brittanje se oogmerk was in ieder geval om die Afrikaner onherroepelik te breek – dit was min of meer die gang van elkeen se betoog.

Hierdie volk, wat die Britse owerheid wou probeer uitwis, staan steeds gewortel in Suid-Afrika se aarde.

KORSIES OP DIE RUGBYVELD (52)
(Die hele pastei by: Korsies van Pastei)

In 'n opwarmingswedstryd tussen die Stormers en SWD Arende 'n paar jaar gelede sou die kaptein van die SWD, Johan Kapp, die tekens vir die springers roep. In die lynstaan was SWD se manne gelys van A to O. In een stadium is daar 'n lynstaan en Kappie roep: "Auckland!" Niemand was reg vir die lang gooi na die stert van die lynstaan nie en die Stormers bemeester die bal en druk boonop 'n drie. Agterna waarsku Kappie sy spelers om hulle ore in die toekoms oop te hou vir die teken 'Auckland met 'n O'.
Soos een van die SWD-spelers opgemerk het: "Seker onnodig om te sê dit was Kappie se fout en nie ons s'n nie!"

Kriewelkop

Met sulke slim ministers gaan ons nog ver kom. Hierdie maand gaan die dubbele prys aan die minister van Landbou, Bosbou en Visserye, ene Tina Joemat-Pettersson. Sy reken dit is nie nodig om ondersoek te doen na die doeltreffendheid van entstowwe wat deur Onderstepoort Biologiese Produkte (OBP) vervaardig word nie. Solank daar nog geen verslae van ondoeltreffendheid is nie hoef ons nie te bekommer oor die veiligheid van dié entstowwe nie, meen sy. Nou wonder mens net hoe daar hoegenaamd verslae van ondoeltreffendheid kan wees as daar geen ondersoeke gedoen word nie, of sal die tokkelossie ons kom vertel indien daar enige ondoeltreffende entstowwe is...

"Dit is die volk wat nou as 'n miskende en verstote "minderheid" moet aanskou hoe in gruwelike onreg hierdie vaderland wat deur hulle opgebou is, geplunder word en verval tot wat die Engelse skrywer, Paul Johnson, noem ' 'n industriële rommelhoop, beestelik, bloedig en bankrot'."

Wie is die Afrikaner?

Die eerste feit is dat dit die voorsate van hierdie Afrikanervolk is wat die land aan die wildernis ontworstel het: die Skiereiland, die Boland, die Swartland, Namakwaland, Boesmanland, die Suid-Kaap, die Oos-Kaap, die Karoo; en vandaar noordwaarts en ooswaarts, is die Vrystaat, Noord-Natal, die Oos-Transvaal, die Noord-Transvaal, die Bosveld, die Wes-Transvaal beset en bewoon en bewerk deur Afrikaners as die grondgebied van hul vaderland. Die name van plase: Dwaalboom en Armoedsvlakte; van dorpe: Steynsburg en Ermelo en Steytlerville; van stede: Bloemfontein, Pietermaritzburg, Pretoria getuig daarvan: die land is die land van die Afrikanervolk.

Mediaverklaring, 29 Mei 2012

Die Verkennersbeweging van Suid-Afrika

‘n Volksgemeenskap wat met sy normale lewe voortgaan en skouers optrek terwyl sy weerloses uitgemoor word, verdien geen voortbestaan nie. So ‘n volk sal uiteindelik uitsterf, omdat sy individue te veel op hulleself en te min op mekaar ingestel is. Daar is ‘n deel van die Boere-Afrikanervolk wat hierdie waarheid besef. Daarom kan en sal ons nie die barbaarse verwurging van ‘n baba en ‘n bejaarde vrou in Delmas op 23 Mei 2012 met ‘n blote sug laat verbygaan nie.

Wie van ons se weerlose baba, wie van ons se weerlose kind, vrou of bejaarde ouers is volgende? Watter Boere-Afrikaner word volgende by sy plaashek voorgelê en deur ‘n Swart oormag met panga’s opgekap? Watter Boere-Afrikaner word volgende in ‘n dorp of ‘n stad onverwags deur ‘n Swart rowerbende oorval en in ‘n koeëlreën afgemaai?

'n Lesersbrief in een van die liberale Afrikaanse koerante is die moeitewerd om weer te lees:

Johan Marx van Roodepoort skryf: "Mnr Carl Niehaus pas perfek in die ANC en dit behoort vir die hele wêreld duidelik te wees. Die hele organisasie bestaan uit 'n klomp strugglers. Nie een enkele achiever onder hulle nie, net strugglers. Niehaus het nou die top-pos oorgevat as die hoof-struggler in die ANC. Terwyl hulle struggle om die waarheid te praat, struggle om nie geld te steel nie, struggle om nie handtekeninge te vervals nie, struggle om uit die howe te bly en struggle om hulle verkiesingsmanifes na te kom teenoor hulle kiesers, struggle Niehaus om uit die skuld uit te kom. Terwyl hulle struggle om die land te regeer en die een ná die ander monument, straat en stad (wat deur die haatlike witmense gebou en tot stand gebring is) na nog 'n obskure struggler te noem, verander die hele Suid-Afrika in een groot struggle. Jy struggle om 'n rybewys te kry. Jy struggle om 'n identiteitsdokument te kry. Jy struggle om 'n paspoort te kry. Jy struggle om 'n polisieman te kry wanneer jy hom nodig het. Jy struggle om jou munisipale dienstariewe te verstaan en te regverdig. Jy struggle om 'n dokter by 'n staatshospitaal te kry... alles het verander in een groot struggle. Hoe lank gaan dit vat voor hierdie land weer in 'n land vol achievers verander? Op die oomblik is die achievers besig om in strome die land te verlaat..."

DIE REG OM TE WERK

Jeanette Koekemoer

In die jare vóór 1994, dus voor die onbevoegdheid van die ANC om in stand te hou dít wat hulle onwettig en gratis ontvang het ter sprake was, was dit die blanke regering se beleid om die stelsel van 'n vryemark-ekonomie te steun waarin die private sektor maksimum vryheid gegee is om ekonomiese groei te stimuleer om sodoende werkgeleenthede te skep. Maar die verantwoordelikheid het ook by die staat gelê om te sorg dat sy burgers se reg om te werk uitgevoer word – die reg om te werk veronderstel tog 'n verpligting om werk te verskaf. Daarom was dit uit twee oorde nodig om seker te maak dat daar nie 'n onherstelbare werkloosheidsyfer is nie: die regering se steun aan 'n vryemark-ekonomie, en die regering se eie werkskeppingsprogramme.  Hierdie twee uitgange het gemaak dat Suid-Afrika vóór 1994 nie in die onbenydenswaardige situasie was waarin hy nou verkeer nadat die ANC die vryemark-ekonomie met sy kommunistiese  stelsel vernietig het nie. Daarby kom die ANC ook nie sy verantwoordelikheid teen sy landsburgers na soos die Departement van Mannekrag in die vorige regering hulle taak vervul het nie.

Kriewelkop

Apartheid in die hande van die ANC is soos 'n flikkerlig – hy werk, hy werk nie; hy werk, hy werk nie... Hier kom Tafel & Bedjie se boetie, Moeletsi Mbeki en hy reken amper al die gemors in ons land is die ANC se skuld. Dit is glo die ANC wat die hele infrastruktuur wat ons Afrikanernasionaliste in die apartheidsjare alleen opgebou het, vernietig het. Hy meen die swart kommuniste is nie in staat om so 'n goeie infrastruktuur in stand te hou nie al het hulle dit soos lekkergoed persent op 'n skinkbord gekry.

Maar hy is ook nou nie heeltemal so seker dis net die ANC se skuld nie want daai selfde Afrikanernasionaliste het daai selfde wonderlike infrastruktuur opgebou deur uitbuiting van swart arbeid terwyl die arme ANC hulle s'n deur middel van die staatskas moet doen.

  Nou wonder mens wie is die mense wat die staatskas vol maak terwyl die ANC dit so vinnig in hul sakke uitdop. En dit is seker nie uitbuiting van blanke belastinggeld wanneer onmenslike hoë belasting gehef word waarmee die ANC partytjies hou nie?

CHRISTUS HET OPGESTAAN...

Vanaand is die laaste van die reeks pinksterdienste vir 2012 voordat ons Sondag Nagmaal saam met Hom vier. Hierdie week van besigwees dáármee ná die herdenking van die hemelvaart van onse Here Jesus verlede Donderdag 17 Mei, laat ons weer besef hoe groot ons Vader se liefde vir ons is.

Christus het waarlik opgestaan vir u en elkeen wat in Hom glo sodat ons nie verlore sal gaan nie maar die ewige lewe sal hê. Dit is hiéraan wat ons hierdie week so intens herinner word. U mag dalk steeds vra waarom Jesus Christus se opstanding so belangrik is?  Die antwoord is dat Jesus Christus se opstaan uit die dood die basis is van ons en enige ander Christen se nuwe lewe. As Jesus nie opgestaan het nie, sou daar geen opstanding, geen nuwe lewe wees nie - dan sou dit wat ons elke dag beleef, ervaar, hoor, proe, voel en sien...  net dit alleen wees.

Gedurende ons herdenking van hemelvaart fokus ons gewoonlik op die feit van die nut van die hemelvaart of ons vestig die aandag op die opdrag net voor die hemelvaart, naamlik om dissipels te maak, maar dink ons ooit na oor die getuienis van hemelvaart? Dit is of ons soms in die Twaalf Artikels vassteek by die opvaar na die hemel, en dan vergeet ons van "en sit aan die regterhand van God..."

Die hemelvaart getuig ook van Christus se koningskap. Die Here Jesus sê net voor Hy opgeneem is: Aan My is gegee alle mag in die hemel en op aarde (Mt 28:18), en beklee met hierdie mag het Hy aan die regterhand van God gaan sit (Efés 1:20). Dit is die strategiese posisie vanwaar Hy alles regeer. Onder sy hoofskap word alles in die hemel en op aarde verenig.

Wat is vir ons die nut daarvan dat Christus ons Koning is wat regeer? Die Kategismus in Sondag 19 antwoord hierop dat Hy ons deur sy Heilige Gees versorg met hemelse gawes en beskerm teen ons vyande.  Hier word hemelvaart en pinkster direk aan mekaar verbind. Die feit dat Christus opgevaar het en vanuit die hemel ons Koning is, het die koms van die Heilige Gees tot gevolg gehad. Die Here Jesus het reeds voor sy hemelvaart belowe dat die Gees sal kom (Joh 14:16-17). Dit is die Gees wat ons seën met alle geestelike seëninge in die hemele in Christus (Eés 1:3). Hierdie seëninge sluit onder meer in die wedergeboorte en bekering, regverdigmaking, heiligmaking en volharding, die vrug van die Gees, geloof, hoop en liefde, vreugde en vrede.

Dit mag soms lyk of die mens of dalk selfs die duiwel oor hierdie wêreld regeer, maar die Bybel leer ons dat ongeag hoe chaoties wêreldsake lyk, Christus steeds regeer en nie één haar van ons hoofde sal val sonder dat Hy daarvan weet nie.

Kom ons gaan dan hierdie jaar verder in verryk deur ons Pinkstervoedsel en met die sekerheid dat Hý regeer, as Koning van ons lewens en die heelal!

KORSIES OP DIE RUGBYVELD (51)
(Die hele pastei by: Korsies van Pastei)

Daar word vertel van die keer toe Transvaal teen die WP op Ellispark gespeel het. Heeltemal teen die verwagting in klop die Streeptruie toe die Rooibontes in hulle eie agterplaas. Dit was natuurlik tot groot vreugde vir die WP-ondersteuners in die skare. Een van hulle gaan staan toe net buite die hek van die stadion en gil uit volle bors: "Wiepieeee! Wiepieeee!"

Hy staan nog so en skree toe die vuis van 'n groot Transvaalse mynwerker hom met een hou neervel. En terwyl die arme WP-ondersteuner neersyg grondtoe, snou die Transvaler hom toe: "Shaddap, jou %&*&%@#*&% Kommunis!"