KORSIES OP DIE RUGBYVELD (48)
(Die hele pastei by: Korsies van Pastei)

In Danie Craven se onder-16-dae opskool in die Vrystaatse dorpie Lindley was sy rugbyafriger die skool se Engelse onderwyser, ene mnr Coetzer. Op 'n dag moes die spannetjie op Petrus Steyn gaan speel, en Craven het 'n geleentheid gekry om saam met mnr Coetzer agterop sy motorfiets tot daar te ry.

Iewers in Petrus Steyn wou die onderwyser vir die jong Craven tussen die gebrul van die motorfiets deur, iets oor die spel vertel maar toe hy geen reaksie kry nie en oor sy skouer loer, was sy passasier skoonveld!

Ds. André van den Berg

Reeks by  Ouers vir Christus

Ons het verlede keer op die gevaar van oorbeskerming gelet.  Vandag meer oor die regte ouerbegeleiding

Begeleiding

Die regte manier

Met die regte begeleiding kan ouers hul kinders na vroeë volwassenheid lei sonder om hulle van hul kindwees te ontneem.  ‘n Mens is net eenmaal jonk, maar jy kan ‘n leeftyd onvolwasse bly.  Die regte begeleiding is om ‘n kind te leer om die gevolge van sy optrede self te dra. As ‘n kind nie verantwoordelikheid aanvaar nie, bly hy onvolwasse.

Dissiplineer jou kind met liefde. Hy het jou aanmoediging meer as enigiets anders nodig ten einde volwasse te word.  Moenie hom onnodig kritiseer of met ander kinders vergelyk nie. Moenie onnodig negatief wees nie.

Laat jou arms sterk genoeg wees om jou kind in sy nood op te tel, jou skoot sag genoeg dat hy jou sal vertrou, jou oog verskonend genoeg om geringe oortredings oor te sien en jou oor oop genoeg dat hy jou met groot vrymoedigheid van al sy wedervarings en toekomsdrome kan vertel.

Sarie Pieterse

Dit lyk of ons outjies wat so graag 'n stukkie volstuisbiltong verorber maar ons lus 'n bietjie sal moet knyp - slegs 'n week nadat die vorige verbod op die uitvoer van volstruisvleis opgehef is, is dit weer ingestel as gevolg van 'n nuwe positiewe uitslag van 'n H5-virus-toets. Hierdie keer is dit die uitslag van 'n toets wat gedoen is in die omgewing van Mosselbaai. Nou is die gevaar klaarblyklik realisties in 'n omtrek van 10 km van die plaas en word daar verdere toetse in daardie hele radius gedoen.

Lees reeks by Die Keeromstraat-kliek

POLITIEKE DUBBELBED

Dr At van Wyk

Die Burger se bekendmaking van die onderhandelinge tussen genls Hertzog en Smuts, en sy verwerping van die koalisie-gedagte, het uiteenlopende gewaarwordinge by sy lesers gewek. Sommige het geglo dat die bittere "rassestryd" op 'n einde gekom het; ander wou weet of die Afrikaner en die Engelsman se worsteling van die vorige geslagte dan net 'n gejaag na wind was. Terwyl Geyer en sy blad téén 'n politieke koalisie van watter aard ookal gekant was, was hulle in die minderheid wat Jan Alleman betref.

Die Burger het inderdaad teen die hoofstroom geswem, want die vooruitsig van politieke rus en vrede wat 'n samewerking tussen Hertzog en Smuts ingehou het, het wye steun onder Afrikaners en Engelse oor die hele land geniet. Die kennelikste teken hiervan was dat geen Suid-Afrikaanse regering ooit groter perssteun as dié van genl Hertzog van 1933 tot 1939 geniet het nie. Baie, veral Afrikaners, het gehoop dat koalisie vir hulle uitkoms sou bring, uit die ekonomiese rampspoed van die wêrelddepressie wat deur die groot droogte van 1933 vererger is. Vas daaraan gekoppel maar uit 'n heeltemal ander gesigs- en leefkring, was Hoggenheimer se geloof wat nie beskaam sou word nie, dat vir hom groot voordele uit koalisie te haal was.

KORSIES OP DIE RUGBYVELD (47)
(Die hele pastei by: Korsies van Pastei)

In die vyftigerjare moes Piketberg een Saterdag op Wellington gaan speel. Die aand na die wedstryd is vier van die Piketbergspelers, Manus Bester, Cas Mouton en Matthys Laubscher (bekend as Lang Loupie), asook die vlagman, Celliers van Rensburg, in 'n motor oppad terug Piketberg toe.

Of die manne kwaai gekuier het word liewer nie gesê nie. Ook nie of hulle te vinnig gery het nie. Maar naby Paarl, op 'n plek langs die Bergrivier, loop die motor van die pad af, slaan om en beland op sy dak in die vlak water van die rivier, maar dis pikdonker en die manne weet nie dit is vlak nie. Met die watertjies wat in die donker teen die motorruite klots is hulle vreesbevange en seker hulle laaste nag het aangebreek.

Ds. André van den Berg

Reeks by  Ouers vir Christus

Ons het reeds gesien dat ouerlike gesag onontbeerlik vir die regte kinderopvoeding is.  Waarvoor moet ouers versigtig wees?

Oorbeskerming

Pasop vir oorbeskerming.  Dis een van die duurste foute wat ouers kan maak.  Oorbeskerming is bv een van die hoofoorsake van skisofrenie - ‘n gesplete persoonlikheid.  Deur jou kind oor te beskerm, gee jy voor dat hy te swak en onbevoeg is om sy plek in die lewe vol te staan.  Jy ontneem dus jou kind daardie selfvertroue wat hy as volwassene nodig gaan hê.

Iemand het eenkeer gesê: “Die sekerste manier om jou kinders te verloor is om hulle vir altyd te wil behou”. Ja, wees baie versigtig!  As jy jou kinders wil behou, moet jy hulle kan laat gaan.  Laat jou kinders van kleins af toe om ook die skerp kante van die lewe te ervaar.  Jy kan hulle nie vir altyd wil beskerm nie.  Hoe gouer hulle self leer, hoe meer sal dit tot ‘n positiewe persoonlikheidsontwikkeling bydra.

Dr JP Botha

(Uit skrywer se boek oor diereverhale: Langs die Toelanie)

BOEKRAK VIR AFRIKANERTJIES

Lees nog stories by Boekrak vir Afrikanertjies

In die skadu van die bloekombome op die werf van die ou plaaswoning op Outhomasseloop, staan 'n jong seun, Henkie Basson, met die een hand beskermend oor sy oë terwyl hy met gespanne aandag drie bewegende stippeltjies in die blou lug volg.  Soms glimlag hy senuweeagtig wanneer die dynserige afstand dreig om die drie duiwe daarbo voor sy turende oë te laat vervaag.

Agter hom teen die lang muur van sy pa se waenhuis en stoor, waarvandaan die aanhoudende pronkgeluide van die res van sy duiwegemeenskap weerklink, het hy sy goed ingerigte duiwehok gebou.  Maar op die oomblik gun Henkie sy duiwehok geen stukkie aandag nie.  Die drie duiwe wat so swierig daarbo in die blou ruimte sirkel, is vir hom soos die appel van sy oog; dis sy pronkpaar daardie, die enigste posduifpaar wat hy besit en die derde is 'n jong mannetjie wat deur sy trotse ouers op een van sy proefvlugte vergesel word.

Skrik wakker: daar’s nie krag én water nie

Anita Morkel

Die samestelling van eindverbruikersforums sal waarskynlik die enigste oplossing wees vir die kragonderbrekings waarmee dorpe regoor die land al hoe meer te doen kry.

Sulke forums sal op eie houtjie elektrisiteitsverspreiding kan doen ingevolge Artikel 6 van die Elektrisiteitswet 4/2006. Die nasionale energiereguleerder (Nersa) het egter tot dusver nie juis sy samewerking in hierdie verband vir belastingbetalersunies of die Nasionale Belastingbetalersunie (NBU) gegee nie.

Nersa is die organisasie wat lisensies aan munisipaliteite moet verskaf om elektrisiteit te versprei indien daar aan die lisensievoorwaardes voldoen word.

Vanaf 10 Oktober tot die einde van die maand word die sensus opgeneem in die land, en na slegs enkele dae was dit al duidelik dat hier weer eens ‘n monumentale gemors besig is om te ontvou.

Die eerste berig van ’n roof is bekendgemaak skaars nadat die sensusopnames begin het.

In Kensington is mnr. Godwin Symons beroof van R5 000 kontant en ’n vuurwapen. Hy het goedgelowig twee mans in sy huis toegelaat wat hulleself as sensusopnemers voorgestel het en hom toe aangehou en beroof het.

Vorige sensusopnames het veral die blankes van die land op hulle agtervoete gekry oor wat daar agter sit. Ook hierdie jaar is daar weer vrae op die sensusvorm wat mense se nekhare laat rys en wonder waarom sekere vrae gevra word. Waarom wil die sensus weet of daar ‘n televisie of ‘n wasmasjien in die huis is, of wat die inkomste is? Waar die regerende party van die land allerhande geluide laat hoor van herverdeling van rykdom, nasionalisering, uitwissing van sogenaamde ekonomiese ongelykhede, en selfs praat van ‘n ekonomiese revolusie (Julius Malema se woorde), is dit heeltemal verstaanbaar dat mense dan nie bereid is om enige inligting wat daarmee te doen het, wil verskaf nie.

Alani Janeke

Droogtetoestande het gelei tot geweldige skade aan die jong koring-aanplantings in veral die Swartland, sê Graan SA.

Mnr. Andries Theron, voorsitter van die koringwerkgroep, sê ‘n groot deel van die jonger koring wat in die Swartland geplant is, het doodgeskroei.

September was ‘n droë maand in dié streek met geen noemenswaardige reën wat geval het nie. “Dit is tans een van die belangrikste tydperke vir aarvorming, maar basies geen vog is beskikbaar nie. En die dagtemperature het vinnig hoë vlakke bereik,” verduidelik Theron.

27 EN 28 OKTOBER 2011

"Malema se afsluitingswoorde in die video:
'Now or never victory is setting!'
Die betekenis agter hierdie woorde is nie verskuil nie – die swart massas gaan 'n magsvertoning lewer waartydens niks en niemand ontsien sal word nie."

Daar is rede om te glo dat die meeste "normale" burgers in hierdie land nog nie besef wat op hulle wag op 27 en 28 Oktober hierdie maand nie. Gaan kyk asseblief na Malema se bekendstellingsvideo op YouTube by hierdie skakel, http://youtu.be/_bODoftJRG8 en vergewis uself van die motiewe agter hierdie massa-aksies, genoem NATIONAL DAYS OF MASS ACTION.

Ons wil ernstig waarsku dat die moontlikheid groot is dat dit nie 'n 'gewone' opmars sal wees nie – daarvoor is daar baie redes aan te voor maar u hoef net die video te besigtig om te weet dat dit 'n bloedbad kan afgee.

Die video begin met 'n klomp skote van 'n handwapen en word gevolg deur outomatiese geweervuur, beide met 'n spesifieke boodskap so gekies sodat daar kennis geneem kan word van die aard en omvang van hierdie massa-betoging.

Ds. André van den Berg

Reeks by  Ouers vir Christus

Hoe lyk ‘n gelukkige huisgesin?

Wat is ‘n gelukkige huisgesin?

‘n Mens is so groot soos sy liefde vir God en sy huisgesin. Dit kan ‘n groot staatsman tot die grootte van ‘n ryskorrel laat krimp of armoedige ouers so groot soos die heelal maak!  Mense wat die liefde en versorging van hulle gesin nie hoog aanslaan nie, mag miskien die wêreld wen, maar hulle kinders verloor.

Die vreugde van ‘n gelukkig gesin is een van die wonderlikste ervarings in die lewe. Gelukkige gesinne woon nie in huise nie, maar in tuistes. ‘n Tuiste is ‘n plek met liefde, warmte en onderlinge aanvaarding.  Dit kan nie gebou word nie; dit word slegs geskep.

Dr JP Botha

(Uit skrywer se boek oor diereverhale: Langs die Toelanie)

BOEKRAK VIR AFRIKANERTJIES

Lees nog stories by Boekrak vir Afrikanertjies

Hoog teen die regaf rotse, op 'n deurlopende, uitstaande kliplysie, sit Vaaljas die dasmannetjie, met sy swart voorpootjies netjies onder hom ingevou.  Die lysie is so breed hier dat hy sy agterbene lekker gemaklik kan dwarsgooi, soos 'n hond gewoonlik doen.

Die son het so pas oor die plaat bome en bosse op die kruin van die oorkantste bergrug sy verskyning gemaak.  Toe het Vaaljas eers versigtig uit sy donker holte bo-op die krans geloer en met 'n paar ratse hardloopspronge in sy bekende paadjie afgewip tot hier waar hy gewoonlik brandwag sit.

“Most frightening of everything in this FSB report, however, is the reply Putin gave to Russia’s top generals yesterday when asked what preparations should be made and he answered…. “Prepare for Armageddon.”

Ons het in die vorige berig beloof om te vertel wat Obama met al die geld wat hy so leen beoog – hy wil oorlog maak!

Eerste Minister Putin en China se leier Hu Jintao, beplan om vroeg volgende week in Beijing te vergader oor hoe om die VSA te keer in sy plan om beide die Midde-Ooste en Sentraal-Asië binne te val. Rusland sowel as China het reeds hulle militêre magte in plek met opdragte van hoogste prioriteit om hierdie inval genoem "Total Global War" teen te staan.

Die planne vir Amerika se "Total Global War" is aan China se Departement Veiligheid verklap deur Bryan Underwood, 'n spioen wat tans in die VSA aangehou word vir sy aktiwiteite. China het hierop Rusland gewaarsku oor Amerika beplande aanval. Binne ure nadat Putin die waarskuwing ontvang het, het hy in 'n artikel in 'n dagblad aangekondig dat hy 'n noodsaaklike reis na China gaan onderneem om Hu vir samesprekings te ontmoet.

Ons plaas hier 'n onveranderde gedeelte van die berig van die EU Times:

As ons dink slegs die ANC is roekeloos oppas na 'n militêre revolusie, moet ons Obama bekyk! Sy administrasie het hierdie week 'n mylpaal in Amerika se geskiedenis bereik – die nasionale skuld van Amerika het hy nou tot die hoogste ooit opgestoot: sedert September het hy dit sommer gou met $44.8 biljoen opgejaag en staan die totaal nou $14,837,099,271,196.71 – 'n sommetjie wat vir die meeste van ons so effe onuitspreekbaar is...

Dit beteken dat in die minder as drie jaar wat Obama president is, die VSA se skuldlas met  $4,212 triljoen gestyg het – meer as die totale nasionale skuld van ongeveer $4.1672 triljoen veroorsaak deur al die VSA-presidente vanaf George Washington tot George Bush. Met Obama sover ongeveer 986 dae in die presidentstoel, bring dit die styging in skuld op sowat ongeveer $4.27 biljoen per dag.