Gedagtes vir elke dag
Of lees almal by Gedagtes vir elke dag
Speel jy die lotto? Of doen jy besigheid op Sondae? Of dalk bly jy sommer saam met iemand sonder om God se seën in 'n huwelik te verkry het; of glo jy dat homoseksuele geregverdig voor ons HERE staan? Dalk dink jy dat aborsie nie verkeerd is nie? Die 'deugniete' in jou land wat al hierdie sondes gewettig het en wat jou hierdie afgode laat aanbid moet met die swaard doodgeslaan word, sê God, sodat jy weer sy Gebooie sal hou en Hom dien en Hy sy toorn van jou en jou volk sal wil afwend – Deut 13.
BLOMVROUE
Lees reeks by BLOMVROUE
Aletta Lübbe
DIE ARONSKELK
(Zantedeschia)
“Die aronskelkvrou doen dinge korrek en stiptelik. Sy is 'n geordende mens wat op die regte tyd reg optree en haar woorde tel. Sy weet watter klere om wanneer aan te trek en grimeer so dat jy haar raaksien en nie die grimering nie. En eenvoud is haar wagwoord: in die huis, die ruin, die klerekas, die spyskaart. Sy skarrel nooit doelloos en gespanne rond nie en hink nie op twee gedagtes nie want sy glo: ‘He who hesitates is lost.’ ”
Hoe is dit moontlik dat die aronskelk, simbool van reinheid, ooit die bynaam van varkoor of varklelie gekry het? Dit rym mos nie! 'n Vark hou van nature daarvan om in die modder te rol, terwyl die lelie reinwit en hoog bo die modder van die moeras uitstoot. Die volksnaam kom uit die Wes-Kaapland waar die reuse wit lelies wild groei. Die varke wei in die vleie tussen die lelies omdat hulle graag die wortelstok daarvan vreet. Vandaar blykbaar die naam.
'n Profeet is nie altyd in sy eie land geëer nie, so ook die aronskelk. Tog kon die blom voor staan in die ry van die "lelies van die veld" waarvan Jesus gesê het dat Salomo in al sy rykdom nie so gekleed gegaan het nie. In die geskiedenis van die mensheid is daar ook talle vroue wat nooit vermeld is nie, wat nie groot rykdomme verwerf het nie, maar wat meer liefdesdiens verrig het as baie konings.
In Suid-Afrika het jy gewoond geraak aan die aronskelk. Hy's mos net so algemeen soos die sonskyn en groei in heelwat streke wild en oorvloedig. Die blom is eintlik 'n veranderde blaar of die bloeiskede van die plant. Kyk weer 'n keer fyn na die een in jou tuin: watter skoon, volmaakte lyne en eenvoud in blom en blaar. In die reinste wit en roomkleur en groenwit en songeel en sagroos blom hulle die land vol - in die vleie, die klowe en langs die paaie. Sou hy moeiliker gegroei het, sou hy moontlik meer status gehad het soos die glansende uitheemse anthuriums.
Reeds in 1697 het Simon van der Stel van die plante na Holland gestuur. Vroeg in die negentiende eeu is hulle in die Verenigde State van Amerika gekweek waar die lieflike blomme vinnig gewild geraak het. In die vorige eeu wou 'n kweker in Engeland glo nie negentig ghienies (bykans R1.90) vir twee van sy geel aronskelkplante (Zantedeschia pentlandii) aanvaar nie! Hierdie spesie groei wild in die Transvaal wat dit al as sy blom-embleem aanvaar. Dit gaan af in die winter en blom in November tot Desember met die geelste geel tuite wat goed as plukblom in die water hou en ook weke lank die tuin versier.
Wat die aronskelkvrou so interessant maak, is dat sy nie net altyd koelwit en onversteurbaar is nie. Soos die geel aronskelk, kan sy 'n gloed die lewe indra - geler as die sonlig, geler as die suiwerste goud. 'n Durende gloed wat die kenmerk van 'n bestendige mens is. Nie vandag so en more anders nie, maar iemand op wie jy kan reken. Nie heeltemal 'n engel nie, want diep in haar kelk skuil daar 'n stukkie donkerte ...
Of sy kan fyn en teerpienk haar geliefde se hart verbly.
"Hoe is dit moontlik dat ek haar gekry het, dat sy my bo soveel ander kon verkies het?" vra haar man homself af deur die loop van die goeie jare. Want haar soort is besonders en raar. En ontvang jy van haar 'n brief of 'n kaartjie word dit versigtig weggelê in die bêre-album wat ‘n kosbare erfstuk gaan word.
Bekoorlik is die klein pienk aronskelk {Zantedeschia rehmannii) wat in Natal, Swaziland en Transvaal groei. Dit rus ook in die winter en blom teen November. Die meeste van die leliesoorte is teen strawwe ryp bestand.
Jy weier om die aronskelk net met die dood, met blomkranse en grafstene en gedenkkaarte te vereenselwig. In Europa is hulle lank reeds gewild vir bruidsruikers. Op vele plekke in die wêreld word hulle in kweekhuise en in blombakke vertroetel. Want dis 'n blom waarna 'n mens kan kyk sonder om daarvoor moeg te word.
Met die oog en met die sketspotlood of verfkwas lei die lyn jou oog om en om en om tot by die heuningby wat diep onder in die oop kelk met die pootjies geel van die stuifmeel na nektar soek. Onweerstaanbaar vrou, die aronskelk ...
En 'n mens wonder of die Voortrekkervrou nie haar kappie by die aronskelk afgekyk het nie! Die blom wat 'n mens laat dink aan die vrou wat in haar stille gang deur die lewe nie altyd na waarde geskat word nie. Die getroue werkster wat met ywer versorg en versier, wat ander mense oop en ongekompliseerd in haar siel laat inkyk. Sy is vreesloos in haar eenvoud en integriteit en onkreukbaar as sy haar woord gegee het. Sy vertroos en kalmeer almal met wie sy in aanraking kom. Sy is oorvloedig in haar liefde vir haar naaste en haar God.
Die aronskelkvrou doen dinge korrek en stiptelik. Sy is 'n geordende mens wat op die regte tyd reg optree en haar woorde tel. Sy weet watter klere om wanneer aan te trek en grimeer so dat jy haar raaksien en nie die grimering nie.
En eenvoud is haar wagwoord: in die huis, die ruin, die klerekas, die spyskaart. Sy skarrel nooit doelloos en gespanne rond nie en hink nie op twee gedagtes nie want sy glo: "He who hesitates is lost."
Hoewel sy na sommige se smaak koel of gereserveerd voorkom, trek sy tog mense na haar toe aan. Want hulle weet wat hulle aan haar het; hulle weet hulle kan haar vertrou; hulle weet sy skinder nie. En sy het iets waaraan die wêreld vandag 'n ontsaglike behoefte het: rustigheid en ewewigtigheid.