Gedagtes vir elke dag
Of lees almal by Gedagtes vir elke dag
Waarom is ons bang vir die dood as ons weet dat ons geliefdes op ons wag? Om met hierdie wete te sterf, is in werklikheid ʼn wonderlike avontuur!
BYBEL EN VOLKSTRYD (6)
Ds C R Kotze
Lees reeks by Die Bybel en ons volkstryd
In hierdie reeks word 20 preke aangebied wat almal betrekking het op die Afrikaanse volkslewe en die politiek. Dit is geskryf deur wyle ds. C R Kotze wat as jongman by die Boeremagte tydens die Tweede Vryheidsoorlog aangesluit het. Hy is in ’n veldslag gewond, gevange geneem en na St. Helena as krygsgevangene verban. Hier het hy onder diep geestelike indrukke gekom en besluit om sy lewe te wy aan die bediening van die Goddelike Woord.
GEEN UITLANDER-REGERING NIE
Deut. 17:15: “Dan moet jy sekerlik ’n koning oor jou aanstel wat die Here jou God sal verkies; uit die midde van jou broers uit moet jy ’n koning oor jou aanstel ; jy mag geen uitlander, wat jou broer nie is nie, oor jou aanstel nie”.
GOD het die volk uit die Egiptiese slawerny verlos. God gee hulle wette. God lei die volk na hul vryheidserfenis. Maar die Here sê : As julle daar kom en julle wil ’n koning kies, dan moet julle geen uitlander kies nie. Net een uit jul eie volk. En ’n man wat God vrees. So regeer God oor ’n volk, deur ’n persoon of persone daar in die regering te stel wat God dien.
God kan sonder middels ook werk, maar in die reël gebruik God middels. God gebruik wolke om te laat reëln en God gebruik mense om deur hulle oor ’n volk te regeer. Gods regeringDaar moet ’n regering wees. God is nie ’n God van wanorde nie. God verlos Israel uit die slawerny van Egipte en lei hulle kortpad na Sinai om wette te kry.
In die huis moet gesag wees.
Die kerk het ’n bestuur.
Die volk moet ’n regering hê.
Dit mag nie 'n vreemde regering wees nie. ’n Kind moet onder gesag van sy ouers staan. ’n Heiden moet onder ’n voog staan. Dis ook waar van ’n volk wat nog kinders is, of ’n heidense volk. Die kind of heiden kan nie vry wees nie, kan nog nie sy eie baas wees nie.
Maar ons Boerevolk is in Suid-Afrika die grootste, mees ontwikkelde en mees christelike volk.
As ons let op die universiteitseksamens, dan is verreweg die meeste B.A.’s, M.A.’s en doktore net Afrikaners.
Ons is die mees ontwikkelde volk.
Ons is ook die mees kerkvaste en Bybelvaste volk.
Die mees christelike volk.
Ons is dus die een volk in Suid-Afrika wat volgens Gods Woord geen vreemde gesag oor ons mag hê nie, geen voogd, maar ’n eie regering.
Ons moet ‘n eie regering hê. Die leiers en regeerders moet kom uit ons eie volk !
Eseg. 22:30 sê : Ek soek ’n man uit hulle wat die muur sal toemuur !
Yir 300 jaar het God ons volk gelei, bewaar en gered en steeds laat groei. God het ons lief, maar ons moet Hom dien. Nie net op ons knieë in die kerk nie, maar ook in die werk, in die handel, in die vriendekring, in die politiek.
Kies een wat die Here sou gekies het. Is dit nie ’n spottery as ek bid en dink dat God regeer, maar ek kies ’n heiden as leier en regeerder nie ! Kies dus een wat die Here kan gebruik, een wat in die Here se diens staan.
Tot watter skande en ellende het die volk gekom, deurdat hulle vir Absalom as leier en regeerder gekies het.
Hoe het verkeerde leiers ons volk verskeur en in ellende gedompel !
Die leier en regeerder moet sterk wees.
Daar is skatte en weelde binne sy bereik ; daarom moet hy sterk wees.
Daar is versoekings. Hy moet sterk wees.
Daar is vleitaal; hy moet sterk wees.
Daar is omkooppryse ; hy moet sterk wees.
Alleen God kan hom help om vas te staan. Alleen ’n man met Bybel en gebed kan as leier of regeerder sterk staan !
Nog nie een sonder godsdiens kon staan nie.
Saul het sy volk in ellende gedompel.
Jerobeam het ’n vreemde godsdiens ingevoer.
Agab het sy eie kerkmense vervolg.
Kan ’n mens nou God bid en dank dat Hy regeer, as die mens sulke leiers en regeerders kies ?
Waarorn roem ons net Retief, Cilliers, Kruger, Steyn en De Wet ? Waarom roem ons net hierdie godsdienstige manne ? Omdat die ongodsdienstige manne almal hul volk in die steek gelaat het.
Die ellende van Europa vandag, is te danke aan die verkeerde leiers !
Nog nie een leier met ware godsdiens het geval nie ! Dawid, Hiskia, Josia. Hulle is nie een onfeilbaar nie, maar hulle hou koers vir volk en kerk.
Daar is ’n krisis voor die deur. Die saak is ernstig. Die saak eis spoed. Alleen God kan reg lei en help en bewaar. Daarom kies reg ! Kies geen uitlander nie, maar een uit u eie mense, een wat die Here kies.
En vertrou dan. Wees vol vertroue. Ons het leiers met Bybel en gebed. Onse God regeer.