Gedagtes vir elke dag
Of lees almal by Gedagtes vir elke dag
Dr DF Malan het by geleentheid gesê wie wil lewe en waarlik wil lewe, moet nie net lewenslus hê nie maar ook sterwensmoed. Dit sluit aan my DL Moody se stelling: "Eendag sal julle in die koerant lees dat DL Moody dood is. Moenie 'n woord daarvan glo nie! Op daardie oomblik sal ek meer lewend wees as tevore."
JOHANNES PRAAT VAN JESUS
BYBELVERHALE VIR JONG KINDERS (9)
Lees almal Bybelverhale vir jong kinders
Jacqueline Sibley
Julle kry seker dikwels kuiermense. Dan maak jou mammie heerlike eetgoed. Partykeer bak sy seker Iekker koekies om by die tee te eet. Sy rangskik ook blomme in 'n mooi vaas om die kamer op te vrolik. As 'n mens kuiermense kry, sorg jy dat alles reg is as hulle kom, nie waar nie?
Jou mammie vertel seker vir jou wie die kuiermense is wat kom. Sy vertel miskien vir jou dat dit ‘n ou vriend van jou pa is wat kom kuier. Miskien sê sy dit is 'n vrou wat jy nog nooit gesien het nie. Of miskien vertel jou ma dat dit iemand is wat haar geken het toe sy 'n klein dogtertjie was.
Jy vra seker uit oor die persoon wat gaan kom. Miskien vra jy: "Is die oom so oud soos Pappa, of is hy ouer?" Jou ma en pa verduidelik dan mooi vir jou wie dit is wat hulle verwag.
Baie jare gelede toe Jesus na die aarde kom, wou God alles vir Hom gereed hê. God wou hê dat almal moet weet wie Hy is, en na moet luister. Daarom het Hy 'n man gestuur om die mense te vertel van Jesus, en om hulle gereed te maak om na Hom te luister. Die man was Johannes.
Johannes was nie ryk nie. Hy het nie mooi klere gehad om aan te trek nie. Hy het nie lekker kos gehad om te eet, of 'n mooi huis om in te woon nie. Maar mense het van heinde en ver gekom om na hom te luister en hy het met almal gepraat.
Hy het met die ma's en pa's gesels; met die ooms en tantes; met die oupas en oumas. Hy het met die rykes en die armes gepraat; slimmes en die dommes. Hy het met die skaapwagters gepraat; met die winkeliers en met die soldate. Johannes sê vir hulle: "Julle het verkeerde dinge gedoen. Julle het God baie hartseer gemaak. Julle moet vir Hom sê dat julle jammer is." Al die mense luister. Toe hulle hoor wat Johannes sê, voel baie van hulle sleg. Ons is jammer dat ons slegte gedoen het, dink hulle. HuIle sê toe vir God hulle jammer is en vra vir Horn om hulle te help sodat hulle nie weer slegte dinge sal doen nie.
Toe vertel Johannes hulle van Jesus. Hy sê: "Ek het al vir julle van God vertel. Maar Iemand anders, wat bale belangriker is as ek, gaan kom. Hy is God se Seun. Hy weet alles van God af, want is self God, en sal vir julle meer van Hom vertel.
Die mense is bly toe hulle hoor dat God se Seun vir hulle meer van God sal vertel. Hulle wil graag meer weet van God. Johannes was mos besig hulle gereed te maak om na Jesus te luister, waar nie?
Eendag sien Johannes hoe Jesus na hom aangestap kom. Jesus is nou al groot en Johannes weet dat Hy die mense meer van God sal leer. Hy sê vir die mense: "Dit is die Een van wie gepraat het. Hy is baie belangriker as ek. Hy is die Seun van God."
Die mense kyk na Jesus en dink: Nou weet ons van wie Johannes gepraat het. Party van hulle dink: Ons moet na Hom luister. Hulle was nou gereed na Jesus te luister.
Die volgende dag staan Johannes by twee van sy vriende. Die een se naam is Andreas. Andreas en die ander vriend het al baie gehoor hoe Johannes van Jesus praat. Hulle is gereed om na Jesus te luister. Terwyl hulle daar staan, sien Johannes vir Jesus. Hy se vir sy vriende: "Daar is die Een wat God gestuur het." Johannes se vriende los toe om saam met Jesus te gaan. Johannes gee nie om nie. Hy is bly dat sy vriende gereed is om na Jesus te luister.
Jesus weet dat Johannes vir Andreas en sy vriend vertel het wie Hy was, en vir hulle gesê het om na Horm te luister. Hy weet ook dat Johannes dit vir baie ander mense vertel het. Kort daarna begin Hy die mense leer.
Baie mense het kom luister na wat Jesus te vertel het. Baie van hulle het seker gedink: Dit is die Persoon van wie Johannes ons vertel het. Ons moet goed luister na alles wat Hy sê. Johannes het alles gedoen wat God wou hê hy moes doen, nie waar nie? Hy het die mense gereed gemaak om na Jesus te luister.
'n Gebed
Dierbare God, ek weet dat Johannes lank gelede vir die mense van Jesus vertel het. Ek weet ook dat daar vandag nog mense is wat ander van Jesus vertel. Help hulle asseblief in hulle werk en help die mense om na hulle te luister.
Amen.