Gedagtes vir elke dag
Of lees almal by Gedagtes vir elke dag
Niks is so vernietigend as om nie te kan vergewe nie. As jy die skerp klip van wrok en haat in jou hart dra sal jy bedruk en magteloos voel. Om te vergewe is 'n vorm van kreatiwiteit. En dat jy kán vergewe, is genade, die bewys van oorwinning – oor die vlees, groter as alle ander soorte oorwinnings!
TOWENAARS IN KERKLIKE GEWAAD
Ds AE van den Berg
Lees reeks by Artikels: Ds Andrè vd Berg
Mt.7:13-23; 24:24-26; 2 Thess.2:9,10
Johannes waarsku gelowiges in Openb.20:8 dat die Satan net voor die wederkoms van Christus losgelaat gaan word “…om die nasies te verlei wat in die vier hoeke van die aarde is…” Hierdie misleiding sal wêreldwyd wees. Sodra dit gebeur, moet ons weet dat Jesus op pad is. Hierdie naderende wederkomsteken gaan tans in vervulling!
Mense word deur agente van die Satan oorreed om die leuen vir die waarheid aan te sien. Dieselfde het in die tuin van Eden gebeur - Satan het Eva oorreed om die verbode vrug vir iets goed aan te sien. Luister wat sê Jesus van die Satan: “…. Hy was ’n mensemoordenaar van die begin af en staan nie in die waarheid nie…omdat hy ’n leuenaar is en die vader daarvan” (Joh.8:44). Satan is die bron van leuens en misleiding die gevolg van leuens.
KORSIES VAN PASTEI
(Die hele pastei by: Korsies van Pastei)
BID ASSEBLIEF VIR MY!
Die kerkdiens sou binne enkele oomblikke begin. Die vrou met haar kleuterseuntjie aan die hand, was amper laat toe sy na haar sitplek taamlik voor in die kerk aanstap om te gaan sit. Die knaap aan haar hand het egter dié dag vir pret meer lus gehad as vir die preek. Hy het kort-kort opgespring en vir die mense in die rye agter hulle die soetste glimlaggies uitgedeel. Soms het hy regop gaan staan sodat die mense sy vriendelikheid beter kan geniet. Sy ma het hom dan taamlik hardhandig in sy sitplek teruggepluk en beveel om stil te sit en voor hom te kyk. Nie vir lank nie, toe’s dit maar weer so.
Die ma kon dit naderhand nie meer met die knapie uithou nie en spring op in haar sitplek, gryp hom aan die een hand en sleepdra hom die gang af na buite. Hy probeer weerstand bied en gryp met die ander hand na die banke in die verbygaan en kyk in die gesigte van die mense, terwyl hy aanmekaar soebat: “Bid tog vir my asseblief, toe bid tog vir my!”
DOOD,WAAR IS JOU ANGEL? (4)
Ds David Niebuhr
Lees reeks by Dood, waar is jou angel?
SELFMOORD (2)
Wanneer ons na volwassenes kyk wat selfmoord pleeg, vind ons dinge wat ooreenstem en ook ander faktore wat ‘n groot rol speel. Die een ding wat veral prominent is, is die ‘aangeleerde selfmoord gedrag’. Dit kom reg deur die spektrum voor. Veral waar persone aan depressie lei en hulle gesien het dat iemand anders uit die situasie kon kom deur selfmoord, word die risiko al groter. Maar kom ons kyk na nog ‘n paar dinge wat ek uit my persoonlike ondervinding gesien het as redes waarom mense sulke dinge doen.
Naas depressie is die eerste natuurlik huweliksprobleme. Huweliksprobleme kan veroorsaak word deur finansiële stremming in die gesin, egbreek deur ‘n party, werksverlies, persoonlikhede wat bots, drank, dwelms, en baie meer.
Hier het ek gevind dat daar basies twee hoofredes is waarom mense sou selfmoord pleeg.
VOLKSVERRAAD (3)
In 1968 is Hertzog van sy Ministerskap onthef. Uiteindelik, toe die vernietigingsproses van die Afrikanerorde voltrek was, is met 'n deeglike siftingsproses alle moontlike opponente binne die Nasionale Party netjies uitgeskakel. Net meer as tweehonderd van die meer as agthonderd lede van die Afrikanerorde het op daardie wyse hulle weg tot die Afrikaner Broederbond gevind.
Dit was nie voldoende nie. Die Rockefeller-CI A-konneksie het die Afrikaner Broederbond as 'n versperring in hulle weg meer gevrees as die Afrikanerorde en daarom moes die Afrikaner Broederbond ook volledig ingepalm word as instrument van die nuwe politiek. Vorster het sy staatsadministrasie misbruik om die CIA-ketting se invloedsfeer binne die Broederbond te vestig en meer spesifiek die Veiligheidspolisie.
Teen die middel van 1967 het die bestaan van 'n Spesiale Afdeling binne die Veiligheidspolisie taamlik wyd in Pretoria bekend geword. Die naam daarvan was die Republikeinse Inligtingsdiens (RI), wat in die omgang sommer kortweg die "Spookafdeling" genoem is.
VOLKSVERRAAD (2)
Adv PJ Pretorius
Lees volledig by Volksverraad - die boek
DIE BEGIN VAN DIE EINDE VAN BLANKE HEERSKAPPY IN SUIDELIKE AFRIKA
Hierdie hoofstuk plaas die kollig op die Vorster-era wat van September 1966 tot Augustus 1978 gestrek het. Toe B.J. Vorster op 13 September 1966 ingehuldig is as Eerste Minister van die Republiek, het hy belowe dat hy in die voetspore van dr. Verwoerd sou volg. Tyd sou ons leer dat daardie belofte geen krag sou dra nie, want Vorster was vanweë sy obskure verlede reeds ingebind by kragte wat die Afrikaner nie goedgesind was nie. Ons sal vind dat Vorster tot hy sy bedanking as premier op 28 Oktober 1978 gehou het by die riglyne van die bloudruk wat in 1964 deur die Council on Foreign Affairs aan horn gegee is.
Die Illuminati het met hulle beplanning gesorg dat Vorster se bewindsjare sou saamsmelt met Richard Nixon se bewindsjare toe hy president van die Verenigde State van Amerika sou word.
DOOD,WAAR IS JOU ANGEL? (3)
Ds David Niebuhr
Lees reeks by Dood, waar is jou angel?
SELFMOORD (1)
Sekerlik een van die moeilikste gevalle in die lewe wat ‘n persoon mee gekonfronteer kan word. Hoe kan ek van hulp wees vir vriende, familie en my gemeenskap as hulle geraak word deur hierdie geweldige traumatiese dood van ‘n geliefde? Weereens wil ek begin om te kyk na wat ons glo en na wat die Bybel werklik sê oor selfmoord. Is dit wat ek oor die onderwerp glo 100% reg? Wil God nie juis my oë open vir ‘n waarheid wat ek nog nie ondersoek het nie? So, wat sê die Bybel daaroor? In die Bybel lees ons vyf keer van selfmoord, waar ses persone hulle lewens so verloor.
Die eerste geval waarna ons kyk, kry ons in Rigters 16:23-31. Hier lees ons van die dood van Simson. Simson, wat ná hy gevange geneem is deur die Filistyne, en sy oë uitgesny was, homself in die posisie bevind waar hy gebruik word vir die Filistyne se vermaak. Ons lees dat hy homself bevind tussen die twee pilare wat die gebou regop hou en hy roep tot God. Sy gebed is dat God hom tog weer die krag sal gee, sodat hy die Filistyne kan vernietig en self ook sterf. God verhoor sy gebed en baie Filistyne sterf, asook hyself.
JOHANNES VD WALT - DIE MENS (9)
Lees reeks by Johannes van der Walt - Nasionalis en Boer
SWAARGEWIGKAMPI0EN VAN DIE BRITSE RYK
Ná sy terugkeer in sy vaderland het Johannes nog aan baie stoeigevegte deelgeneem. Sy terugkeer was in die begin van die historiese Voortrekkereeufeesjaar, toe die Boere weer hul baard laat groei het — tot ergernis vir baie ander mense. Johannes het sy baard ook laat groei; wanneer hy in die stoeikryt verskyn het, het sy Boerebaard saam met hom verskyn.
Van die gevegte waaraan hy sedert sy terugkeer deelgeneem het, is daar een wat ons meer in besonderhede wil deurgee.
Op dié dag toe Johannes met die "Pretoria" in Kaapstad aangekom het, het die "Duilio" swaargewigkampioenstoeier van die Britse Ryk en Australië geland — George Pencheff. Nadat hy aan wal gestap het, het Pencheff die hoop uitgespreek om teen Johannes van der Walt te stoei: "Hoe ek sal vaar, weet ek nie," het hy gesê, "maar ek sal van my beste lewer om nie een van die twee titels wat ek het, te verloor nie." Op 11 April het Johannes voor 'n groot skare in die Wanderers teen George Pencheff opgetree om die Britse Rykstitel en die goue gordel wat deur die Transvaalse Nasionale Sportklub aan die wenner uitgeloof is.
BLOMVROUE
Lees reeks by BLOMVROUE
Aletta Lübbe
Dahlia
(Fam. Compositae)
Hoewel dahlias vry en maklik groei, is hulle nie meer so gewild by sommige tuiniers nie. Mense raak glo moeg vir hulle flambojante styl!
Tog is daar min somertuine in Suid-Afrika wat nie een of ander tyd met 'n paar dahlias spog nie. Veral vir beginners is dit die eerste blomrne in !n eie tuin ná 'n woonstellewe hoog in die lug wonderlik. In blommetaal staan die dahlia vir prag, praal, vertoon en plegstatigheid.
Daar is dié wat min moeite gee en sonder fiemies blom, maar daar is die gesofistikeerdes wat meer van die lewe vra. Daar is enkelblomme en dubbeles, grotes en piepklein pom-poms. Maar kom die sap een keer aan jou vingers, ken jy die geur van die dahlia toe-oë uit.
BLOMVROUE
Lees reeks by BLOMVROUE
Aletta Lübbe
Swaardlelie
(Gladiolus)
Vleg vir my bruid 'n mirtekrans;
Gee haar 'n lelie in die hand
En lei haar uit en laat haar dans -
Dit is jou laaste, laaste kans,
Want more is sy uit die land.
(C Louis Leipoldt)
Die veredelde swaardlelie wat die rangskikker by die gerf op die mark kan koop, of wat vroue by skitteraande op die verhoog ontvang, het 'n rits eg-Afrikaanse familie. Die name sing in die volksmond: kalkoentjie en klippypie, bergpypie en bakpypie, sandpypie en sandveldlelie, blouklokkie en ribbokblom, vlamlelie en vlei-aandblom.
Die naam van die lelie is afgelei van die Latynse gladius wat "swaard" beteken.
HIPNOSE – GENESEND OF SKADELIK?
Ds AE van den Berg
Hipnose neem iets weg waarsonder gelowiges nooit durf wees nie - selfbeheersing. Dis immers een van die vrugte van die Heilige Gees. “Maar die vrug van die Gees is liefde, blydskap, vrede, lankmoedigheid, vriendelikheid, goedheid, getrouheid, sagmoedigheid, selfbeheersing” (Gal.5:22). “Want God het ons nie ’n gees van vreesagtigheid gegee nie, maar van krag en liefde en selfbeheersing (2 Tim.1:7).
(Eseg.18)
Hipnose word al jare lank as ’n sielkundige tegniek aangebied. Duisende mense maak daarvan gebruik. Maar wat is dit werklik? Mag gelowiges dit gebruik? Is dit nie miskien sonde nie? Wat sê die Bybel?
Hipnose vorm deel van ’n moderne beweging wat innerlike genesing voorstaan. Dis nie ’n Bybelse begrip nie en het hoofsaaklik by ateïs-wetenskaplikes soos Sigmund Freud, Carl Jung en Agnes Sanford steun verkry. Sielkundiges soos Norman Vincent Peale en ander het dié idees selfs in die kerk te lande laat kom.
As gelowige het ek ’n probleem met hipnose want dit verplaas mense se vertroue van God na ’n ander mens. Die metodes wat voorgeskryf word soos visualisering, joga, selfhipnose en geestesgenesing laat vir my rooi ligte brand.
Die probleem is dat hipnose dikwels met Christelike terminologie versluier word.
KORSIES VAN PASTEI
(Die hele pastei by: Korsies van Pastei)
HY BID DAT JESUS HOM MOET HELP
Die kerkdiens gaan nou enige oomblik begin. Die pastoriemoeder het reeds met haar vyfjarige seuntjie hulle plekke ingeneem toe die deur na die konsistorie oopgaan en die predikant voor die kerkraad uit, sy paadjie na die kansel stadig afstap. Toe hy die trappies wat na bo lei, bereik, staan hy ‘n paar oomblikke stil om met geboë hoof die Here se seën te vra.
Sy seuntjie in die pastoriebank wat hom dopgehou het, fluister taamlik hoorbaar vir sy moeder: “Mamma, hoekom gaan staan pappa altyd by die preekstoeltrappies ‘n rukkie stil voordat hy opklim?”
Sy fluister terug: “Hy bid, my liefie.”
“Wat bid by?”
“Hy bid dat liewe Jesus hom moet seën en hom moet help om mooi te preek.”
“Nou maar waarom help liewe Jesus hom dan nie?”
GROND WEGGEE IS SELFMOORD!
Die HNP het met minagting kennis geneem van die feit dat die ANC-staatshoof van laakbare metodes soos afpersing en omkopery gebruik wil maak om blanke boere van hulle grond te ontneem.
Om boere te beloof dat hulle grond veilig sal wees as hulle ander boere se grond in wese aanbied vir “grondhervorming”, is omkopery. Om boere te beloof dat hulle outomaties SEB-status sal kry as hulle deel vorm van gemeenskapsprojekte om blanke boere van hulle grond te ontneem, is afpersing van dié boere wat nie daarby betrokke wil raak nie.
Zuma erken self dat minder as die helfte van die kleinboere wat hy gevestig het, ‘n bydrae lewer tot landbou. Dit gaan dus nie by hom en sy kommunistiese kollegas oor die verbouing van voedsel nie, maar net om grond te besit. Hulle klou aan die wanpersepsie dat grond rykdom impliseer. Die besit van grond op sigself is geen rykdom nie. Dit kan wel bydra tot rykdom as daar deksels hard op daardie grond gewerk word.
VOLKSVERRAAD (1)
"Op die graf van De Klerk moet 'n goeie vaderlander die volgende grafskrif aanbring: 'Hier lê De Klerk. Hy het regs gewys en links gedraai.' ... By die Afrikaner se grafskrif sal dan staan: 'Hier is die enigste volk ter wêreld wat so min van homself gedink het dat hy selfmoord gepleeg het!'."
Gelofteland begin nou met die opsienbarende werk, VOLKSVERRAAD, van oud-Nasionale Intelligensie-agent, Piet Pretorius. Geen enkele geskrif die afgelope jare het dieper wonde in behoudende Afrikaner-geledere geslaan as hierdie werk nie.
Dit het aanleiding gegee tot verskeie siviele gedinge: In een uitspraak ten gunste van die destydse KP-leier, dr Ferdi Hartzenberg, in 'n ander teen die HNP, en in nog 'n geding teen genl Tienie Groenewald en ten gunste van die HNP en mnr Jaap Marais. Genl Groenewald het aangevoer dat mnr Marais die eintlike outeur van die boek is en is daarmee verkeerd bewys.
BLOMVROUE
Lees reeks by BLOMVROUE
Aletta Lübbe
Kamelia
(Fam. Theaceae)
Kyk 'n mens vinnig na sommige kamelias, wil-wil hulle na rose lyk. Hulle is net nog meer volmaak en delikaat, as so iets moontlik is. Daar is meer as tagtig spesies bekend en in die meeste tuine groei een of meer kamelias. Die tee-plant {Camellia sinensis) dateer in die Sjinese literatuur so ver terug as bykans 500 voor Christus.
Die plant is die eerste keer beskryf deur Georg Josef Kamel (1661-1706), oftewel Georgius Josephus Camellus, 'n Morawies-Jesuitiese sendeling. Die Sweedse botanis, Linnaeus, het die kamelia vernoem na Kamel, wat baie plante van die Filippyne beskryf het.
Die hoogbeskaafde blom met die suiwer bloedlyn en adellike afkoms is lank reeds geliefd by edelliede in Sjina en Japan. In 1739 is dit deur ene Lord Petre in Engeland bekendgestel. Die oorspronklike bome het teen 1860 steeds in die Lee-Kennedy kwekerye in Hammersmith gegroei.
DOOD,WAAR IS JOU ANGEL? (2)
Ds David Niebuhr
Lees reeks by Dood, waar is jou angel?
Begrip van die dood
Dit is vir enige persoon wat ander in tye van dood wil bystaan belangrik om te weet wat hulle glo aangaande die dood, en hoekom hulle so glo. Ek maak hierdie stelling, omdat ek al te veel gesien het hoe mense wat met die dood konfronteer word, soms knak onder die wrede realiteite daarvan, aangesien dit nie inpas by wat hulle geglo het, of gedink het hulle verstaan nie. Soms word mense se geloof erg geskaad want wat hulle aanvanklik geglo het, is dalk deur die realitieite van die dood in flarde geskeur.
Ek het al op ‘n paar geleenthede aspirant kapelane gehad wat graag betrokke wou raak by die kapelaans-bediening, omdat hulle geglo het dat God hulle wil gebruik om vir die oorledenes te bid, en hulle weer op te wek uit die dood.
Hulle het vas vertrou dat as hulle dit in geloof van God afvra, dit wel sal gebeur. Dit is immers wat die woord van God ons leer.
Erg was die realiteite om dan uitgeroep te word na ‘n grusame motorvoertuig ongeluk, waar die liggame van oorledenes in stukke geskeur is, en versprei is oor die toneel.
JOHANNES VD WALT - DIE MENS (8)
Lees reeks by Johannes van der Walt - Nasionalis en Boer
WêRELDFIGUUR
Oorsee het Johannes aan 37 stoeigevegte deelgeneem. Hiervan het hy 34 gewen, twee gelykop gestoei, en een verloor.
Sy eerste geveg was in Plymouth, Engeland, waar hy "Bulldog" Garnon, 'n Amerikaner, rnet 2 valle teen 0 geklop het. Sy tweede geveg was in Manchester teen die Engelsman Dave Armstrong, en dié het hy na 27 minute ook met 2 valle teen 0 uitgestof. Hy het nie juis 'n danige hoë dunk van die Engelse stoeiers gehad nie. Aan sy familie skryf hy uit Londen: "Die ou Engels-mannetjies beteken niks nie. Ek loop hulle almal plat in die gimnasium."
Van Engeland is Johannes na Parys, waar hy in die Palais de Sport teen Henri Deglane van Kanada opgetree het. Johannes het hom met 1 val teen 0 uitgestof. (Op die Vasteland is die wedstryd op 1 val beslis). Van Parys is hy na Brussels, waar hy Dan Koloff platgeloop het.
BLOMVROUE
Lees reeks by BLOMVROUE
Aletta Lübbe
Viooltjie
(Viola odorata)
Gelukkig het jy nog van hulle in die tuin, die ouwêreldse blommetjies wat skynbaar besig is om in die vergetelheid te raak. Want veel word nie meer oor hulle geskryf nie en om 'n bossie viooltjies te pluk, beteken om laag te buk en geduldig die fyn blomsteeltjies tussen die digte blare een vir een raak te vat. En om laag te buig, geduld te beoefen en tyd te hê klink na 'n anachronisme ...
Hierdie welriekende blom uit die leliefamilie kom voor van die Britse Eilande, oor Europa heen tot in Noord-Afrika. In die Midde-Ooste word die viooltjies lank reeds vir parfuum gekweek, asook in die Mediterreense streke. Geen wonder nie dat in Engels van "sweet violets" gepraat word.
DOOD,WAAR IS JOU ANGEL? (1)
Ds David Niebuhr
Lees reeks by Dood, waar is jou angel?
Inleiding
As kapelaan van die nooddienste word ek daagliks konfronteer met sterfgevalle wat strek oor die hele spektrum van gelowe, en kerkgrense. Ek dien tans as die President van die “Emergency Services Chaplaincy of Southern Africa” asook as opleidingsbeampte vir aspirant kapelane. Dit is vir my fassinerend om te sien dat daar so ‘n groot hoeveelheid van ons mense, en selfs kerkleiers is, wat werklikwaar geen idee het van wat die Bybel sê oor die dood nie. Ek het sekerlik met meer foutiewe sienings van die dood te doene gekry as wat ek met sienings te doene gekry het wat werklik gegrond was op Bybelse beginsels. In die eerste plek poog ek met hierdie boek om jou te help ondersoek instel oor wat jy werklik glo aangaande die dood, en om jou siening te toets teen wat ons uit die Woord van God leer.
In die tweede plek wil ek jou help om toegerus te word om ander by te staan wanneer hulle dalk ‘n geliefde moet afstaan aan die dood. In die boek gaan ek poog om jou te wys wat soms die verkeerde dinge is om te sê en doen, en wat werklik behulpsaam mag wees vir iemand wat deur die trauma gaan om ‘n geliefde te moes afstaan aan die dood.
JOHANNES VD WALT - DIE MENS (7)
Lees reeks by Johannes van der Walt - Nasionalis en Boer
JOHANNES SE SPANNENDSTE STOEIGEVEGTE
Later gevra wat hy beskou as sy spannendste gevegte, het Johannes geantwoord: "Wel, dit is eintlik twee gevegte wat altyd weer in my gedagtes terugkom as ek terugdink — die een teen die Turk, Hűiseyin, in Stamboel, en toe die een daarna teen Jim Londos, 'n maand later in Athene... Ons het so pas in Athene aangekom, waar Jim Londos toe reeds was. Ek het op die toneel verskyn net toe die moontlikheid van 'n stoeigeveg tussen Londos en Hűiseyin, deur al die nuusblaaie bespreek is. Die wêreldkampioen het kort tevore in Athene aangekom en almal wou hê dat hy sal kragte meet met Hűseyin, die Turk, wat nog nooit verloor het nie en kort tevore afgereken het met stoeiers soos Zhyszko, Magnimus Como, Vincent Lopez (gewese wêreldkampioen), die Rus Kwariani, die Fransman Henri Deglane. en Jack Sherry. Geeneen van hulle het langer as nege minute teen hom staande gebly nie en selfs die beroemde Jack Sherry is binne drie minute deur hom geklop.
BLOMVROUE
Lees reeks by BLOMVROUE
Aletta Lübbe
Boslelie
(Clivia miniata)
Boslelie... bosnimf. So skoon, so helder, so volmaak is die praglelie van die Suid-Afrikaanse inheemse blommeryk, herout van die lente. Hoewel sy skugter skuil, weg van die volle Afrikason en die winterryp, vlam die groot oranje blomkoppe soos lampe in die halfskaduwee van boom en bos. En in 'n goeie jaar mag 'n mens maar spog: "Jy moet my clivias sien..."
Die gewilde lelie behoort tot die amaryllis-familie en groei welig in Natal, waar dit die eerste keer ontdek is, in Oos-Transvaal en in Oos-Kaapland. Die plant aard ook goed in houers en wil nie gesteur word nie. In 'n oorvol houer gaan hy in 'n stryd om oorlewing welig aan't blom. Die appelkooskleur lelie is al vir meer as 'n eeu 'n gewilde potplant in Engeland.