Gedagtes vir elke dag
Of lees almal by Gedagtes vir elke dag
Dwase leiers word maklik deur hul gevoelens en nie deur hul verstand nie gelei. ‘n Wyse leier daarenteen dink met sy verstand. Hy neem dikwels meer blaam as wat hy verdien en minder eer as wat hom toekom.
M O S E S... (15)
...vriend van God, wat Israel van Egipte tot by Kanaän gelei het
Dr JP Botha
Lees reeks by MOSES
EDOM WEIER TOEGANG
Moses het hier van Kades af boodskappers na die koning van Edom gestuur en toestemming gevra om deur sy land te trek Kanaän toe. Moses het vertel wat alles met die Israeliete al sover gebeur het en dat hulle nie sy veld of wingerde sal beskadig of sy drinkwater sal gebruik nie. Maar Edom het geweier en Israel met sy weermag gedreig. Ons het toe weer gevra en belowe om padlangs te trek en om vir water wat hulle mag gebruik, te betaal. Edom het terug laat weet: “Julle trek nie hier deur nie!”
IMMANUEL, GOD MET ONS!
25 Desember 2012 - Kersfees
Ds AE van den Berg
Lees reeks by Artikels: Ds Andrè vd Berg
"Niks is op hierdie Kersoggend is vir God so groot dat Hy nie mag daaroor het nie. ...Ons hoef nie soos die ou Babiloniërs na God te probeer opklim nie, Hy het na ons toe neergedaal. In Christus is Hy langs my, voor my, agter my, onder my en bokant my, daarom kom ek niks kort nie. ...Die Seun van God het mens geword sodat mense kinders van God kan word. "
“En die Woord het vlees geword en het onder ons gewoon….” Joh.1:14.
’n Mens praat soms met iemand oor die foon wat jy nog nooit ontmoet het nie. In jou verbeelding plaas jy ’n gesig by die stem en wanneer jy later die persoon ontmoet is jy dikwels teleurgesteld omdat hy nie aan jou verwagting voldoen nie. Die probleem lê egter nie by dié persoon nie, maar by die denkbeeldige voorstelling wat ons van hom het.
KERSBOODSKAP REEDS IN OU TESTAMENT
Ds Andrè van den Berg
Lees reeks by Artikels: Ds Andrè vd Berg
“Die Gees van die Here HERE is op My, omdat die Here My gesalf het om ’n blye boodskap te bring aan die ootmoediges; Hy het My gestuur om te verbind die gebrokenes van hart; om vir die gevangenes ’n vrylating uit te roep en vir die geboeides opening van die gevangenis” - Jes.61:1
Dit is môre weer Kersfees!
Kersfees is anders as die res van die Christelike feesdae omdat dit net van vreugde spreek. Tydens Lydenstyd raak ons bedroef as ons aan Jesus se lyding dink, maar Kersfees is louter vreugde! ’n Mens sou graag van die Kersfees-gees in flesse wou opvang en elke maand een daarvan oopmaak. Dit sou ons van neerslagtigheid bevry.
STUDIE VAN DIE OU TESTAMENT (17)
DIE AFRIKAANSE PROTESTANTSE BYBELSKOOL
Studieleier: ds. Andrè van den Berg (Sr)
Lees reeks by Studie van die Ou Testament
LES 3
DIE UITTOG
Ex 12:1-17, 43-51; 14:1-15, 21-27; 15:22-27; 16:1-16; 17
1. Die pasga
Met elke plaag wat Egipte getref het, het die Israeliete ʼn magsdaad van God aanskou. Dit het groot spanning met die Egiptenare veroorsaak. Toe Moses aankondig dat God deur Egipte gaan trek en al die eersgeborenes sou ombring, het die Farao weereens nie geluister nie. Israel sou weer oorgesien word, maar dié keer nie sonder ʼn sigbare geloofsdaad nie (Hebr.11:28). Elke huisgesin moes ʼn lam slag en die bloed aan die kosyne smeer sodat die doodsengel die huis nie besoek nie.
Die Israeliete het dit gedoen en bly lewe. Daarna is elke huishouding in Egipte getref waarna die Farao onvoorwaardelik bevel gegee het dat Israel moes trek. Die Egiptenaars het uit vrees vir nog plae selfs by die Farao aangedring om die Israeliete weg te stuur.
M O S E S... (14)
...vriend van God, wat Israel van Egipte tot by Kanaän gelei het
Dr JP Botha
Lees reeks by MOSES
WEER WATER UIT ‘N ROTS
Hier by Kades was daar nie genoeg drinkwater nie. Toe sak die volk weer op Moses en Aäron toe. Hulle het die gang en die klank van hulle deuntjie al baie goed geken. Hierdie keer het dit só gebeur: “Ons moes maar liewer saam met die ander voor die Here doodgegaan het. Hoekom het julle die Here se mense na hierdie woestyn toe gelei, sodat ons hier saam met ons vee kan doodgaan? Waarom het julle ons uit Egipte weggevat en na hierdie onleefbare plek gebring? Hier is nie landerye of vyebome of granate nie. Hier is nie eers water om te drink nie.
Moses en Aäron het na die ingang van die tabernakel gegaan en daar gaan kniel. Toe kom die magtige Teenwoordigheid van die Here na hulle toe en Hy sê vir Moses:
GOD SAL OP SY TYD MET SATAN AFREKEN
Ds AE van den Berg
Lees reeks by Artikels: Ds Andrè vd Berg
" Die boodskap van Kersfees gaan nie oor die kind in die krip, die herders op die ope velde of wat ook al nie, maar oor die kop van die slang wat vermorsel word, Satan se houvas wat met die koms van Christus gebreek is... Satan is die teenpool van God. Toe ons ’n Christelike grondwet gehad het, was daar wet en orde. Toe dit geskrap is, wetteloosheid en misdaad."
“En Ek sal vyandskap stel tussen jou en die vrou en tussen jou saad en haar saad. Hy sal jou die kop vermorsel en jy sal Hom in die hakskeen byt”.
Die Bybel is vol verhale. Baie daarvan is tragies soos Rigt.16 wat van die vroeë dood van Simson vertel. In 1 Sam.31 lees ons van die selfmoord van Israel se eerste koning, Saul en in Klaagliedere 1 van die verwoesting van Jerusalem. In Mt .27 lees ons van die kruisiging van ons Here Jesus Christus.
M O S E S... (13)
...vriend van God, wat Israel van Egipte tot by Kanaän gelei het
Dr JP Botha
Lees reeks by MOSES
OPSTAND VAN KORAG, DATAN EN ABIRAM
‘n Entjie verder op die ongelowige en ongehoorsame pad van Israel in die woestyn in, het die volgende ongelukkige voorval plaasgevind: ‘n Klompie Leviete het onder aanvoering van drie manne, Korag, Datan en Abiram, ontevrede geraak met Moses en Aäron se leierskap. Hulle het vir hulle ‘n gevolg van 250 man bymekaargemaak en teen Moses-hulle bymekaargekom en vir hulle gesê: “Die Here is onder ons almal. Waarom beskou julle jul belangriker as die res van die Here se volk?
Moses het op die grond neergeval. Hy het vir hulle gesê: “Môre-oggend sal die Here wys wie aan Hom behoort.”
STUDIE VAN DIE OU TESTAMENT (16)
DIE AFRIKAANSE PROTESTANTSE BYBELSKOOL
Studieleier: ds. Andrè van den Berg (Sr)
Lees reeks by Studie van die Ou Testament
LES 2
DIE ROEPING VAN MOSES
Ex 3; 4:1-17; 7:1-13
1. God praat met Moses
By geleentheid het Moses sy skoonvader se kudde tot by die Sinaigebergte laat wei. Horeb was die hoogste punt van hierdie bergreeks en sou later as die berg van God bekend staan (1 Kon.19:8). Daar het die Engel van die Here met Moses uit ʼn brandende doringbos gepraat. Hierdie Engel word hier weer met hoofletters gespel - heelwaarskynlik Christus in sy voormenslike staat.
Dit was die eerste verskyning van ʼn engel in nagenoeg 400 jaar. Die laaste keer was aan Jakob (Gen.46:2-4). Moses het nie geweet dat hy met ʼn teofanie (godsverskyning) te doen gehad het nie. Sinai is ʼn uitsonderlike warm landstreek en die son kon droë takke aan die brand laat slaan. ʼn Brandende doringbos was dus geen buitengewone vreemde gesig nie. Maar een wat nie uitbrand nie, wel!
M O S E S... (12)
...vriend van God, wat Israel van Egipte tot by Kanaän gelei het
Dr JP Botha
Lees reeks by MOSES
11. UITSTUUR VAN VERKENNERS
Die Here het hier vir Moses opdrag gegee om twaalf verkenners uit te stuur om die land Kanaän te gaan verken. Hulle moes elkeen ‘n leier wees in een van die twaalf stamme van die volk. Moses het vir hulle gesê om te gaan kyk hoe die land is, of die inwoners sterk of swak is, of die dorpe inneembaar is en so meer.
Hulle het die land toe gaan verken vanaf die Sinwoestyn. Hulle was by Regob, by Lebo, Hamat en by Hebron. By Eskolspruit het hulle ‘n groot tros druiwe gepluk en oor ‘n stok gedra. Hulle het na 40 dae weer teruggekeer. Moses het toe met ons by Kades in die Paranwoestyn gestaan.
SIENER VAN RENSBURG, DIE MENS (4)
Lees reeks by Siener van Rensburg, die mens
Siener lei Boere deur die 'Rooi See'!
Daar is vroeër reeds na enkele parallelle tussen die Afrikaner en Israeliete verwys.
Soos die Israeliete van ouds deur die Rooi See gegaan het, so het genl. De Wet en sy vasgekeerde burgers op 'n keer in die Boere-oorlog deur'n vol rivier voor die vyand uitgcvlug, en die Engelse wat op hul hakke was, het hulle onmiddellik agternagesit. Maar toe gebeur daar iets wat selfs genl. De Wet tot sy dood toe nie kon verklaar nie.
Tydens die Boere-oorlog was dit nie net die gewone burgers wat groot agting en respek vir Siener gehad het nie, maar onder sy werklike bewonderaars was mense soos Koos de la Rey, pres. Burgers, pres. Steyn en ook die onverskrokke Christiaan de Wet. Genl. De Wet het self erken dat hy en sy manskappe etlike kere op die nippertjie deur oom Nieklas se persoonlike boodskappe en/of waarskuwings gehelp is om uit die hande van die Engelse soldate te bly.
KORSIES VAN PASTEI
(Die hele pastei by: Korsies van Pastei)
Die wêreld vergaan oor twee dae – nou kan ons almal ophou om tande te vlos en vitamiene te drink!
VOLKSVERRAAD (15)
Adv PJ Pretorius
Lees volledig by Volksverraad - die boek
DIE OORGAWE VAN SUIDWES-AFRIKA HET BEGIN
Die sluipmoord op dr. Verwoerd sou ook 'n einde bring aan Suid-Afrika se seggenskap oor Suidwes-Afrika. Op 27 Oktober 1966 het die VN onder druk van 36 Afrikastate resolusie nr. 2145 aangeneem. Hiervolgens beskou die VN Suidwes-Afrika voortaan as sy direkte verantwoordelikheid. 'n Adhoc-komitee van veertien lande is saamgestel om praktiese middele te vind om die gebied te administreer en onafhanklik te maak. Waarskynlik sit die CIA ook agter hierdie inisiatiewe. Die VN het Suid-Afrika toe die stryd aangesê om beheer oor SWA te verkry.STUDIE VAN DIE OU TESTAMENT (15)
DIE AFRIKAANSE PROTESTANTSE BYBELSKOOL
Studieleier: ds. Andrè van den Berg (Sr)
Lees reeks by Studie van die Ou Testament
EXODUS
LES 1
SLAWERNY
Ex 1-2
1. Wantroue en verdrukking
Jakob se nageslag het in Egipte aansienlik vermeerder. Dit was ʼn vervulling van God se belofte aan Abraham (Gen.12:1; 15:5). Die Hiksostyd van volksvreemde dog vriendelike faraos was verby. Die nuwe Egiptiese vorstehuis het die Israeliete nie vertrou het nie. Hulle het geglo dat die Israeliete die vyand in ʼn oorlogstyd sou steun. Daarom is daar slawe van hulle gemaak.
Die Farao het gewetenlose opsigters van dwangarbeid oor hulle aangestel en die Israeliete reuse voorraadskure by Pitom en Raămses laat bou. Hy wou hulle so uitput, dat hul bevolkingsaanwas sou afneem. Alle groot bouprojekte is deur mensehande verrig en baie het in die proses omgekom.
KORSIES VAN PASTEI
(Die hele pastei by: Korsies van Pastei)
DIE MOEILIKE LEGKAART
Die blondine skakel haar dominee omdat hy mense met probleme uitgenooi het om met hom in verbinding te tree.
“Dominee, kan jy my asseblief met my legkaart kom help? Ek kan nie eens daarmee begin nie, so moeilik is dit” pleit sy.
“Hoe lyk die prentjie?” vra die dominee belangstellend.
“’n Snaakse hoenderhaan” snik sy.
“Ek is binne ’n paar minute daar” sê hy.
Toe hy daar kom en die stukke bekyk, sê hy vir haar:
“Suster, jy gaan hierdie legkaart nooit in der ewigheid regkry nie. Maak jy solank vir ons tee terwyl ek die graanvlokkies bere!”
1994: VOLK GESLAG OP MEINTJESKOP (3)
Die dag sal kom... soos by Vereeniging
Dr Harry Mocke
Lees reeks by 1994: Slag van Meintjeskop
"Magtig, watter soort mense het ons tussen ons! Lafaards wat nie saam met die Boerevolk vir hulle vryheid en vir die vryheid en die toekoms van hulle kinders wil veg tot die dood toe nie? Huigelaars wat allerlei verskonings soek vir wat hulle gedoen het? Gierigaards wat net dink aan die sakke vuil geld waarmee hulle in luuksheid kan lewe; geld wat hulle saam met die kommuniste uit die beursies van die Boerevolk help druk? "
Alles is verby. Die gewere lê op 'n hoop - daardie gewere wat so dikwels die enigste menslike skild tussen dood en lewe was. Nou lê hulle daar.
Die hoofde is geboë. Die trane biggel oor verrimpelde, sonverweerde wange. Die borskaste skeur van innerlike onmag en pyn.
Hulle staar na die grond: na die bodem wat baie van hulle se bloed opgedrink het, wat baie van hulle se dierbares in sy skoot bewaar, waaruit hulle nie kan terugkeer nie.
Die "Vrede van Vereeniging!"
"Vrede? Watter vrede?"
STUDIE VAN DIE OU TESTAMENT (14)
DIE AFRIKAANSE PROTESTANTSE BYBELSKOOL
Studieleier: ds. Andrè van den Berg (Sr)
Lees reeks by Studie van die Ou Testament
LES 14
JAKOB SE LAASTE DAE
Gen 46-50
1. Uiteindelike vreugde
Na ʼn lewe vol teëspoed en verdriet, het die nuus dat Josef leef en onderkoning van Egipte was, Jakob se beker van vreugde laat oorloop. Sy jarelange verdriet was genoeg straf op sy sondes. Desondanks het God hom liefgehad en hom vertroos om Josef weer te sien.
Daarna het Jakob en sy mense uit Hebron vertrek en in Bersèba aangekom. Hierdie plek het hulle sterk aan Abraham en Isak herinner. Laasgenoemde het by geleentheid ʼn altaar daar vir God gebou. Nadat Jakob ook daar geoffer het, het God aan hom verskyn en hom bemoedig. Hy kon die land met vrede verlaat omdat sy nasate ʼn groot volk in Egipte sou word (Gen.15:13-16). Christus sou uit die nageslag van Jakob gebore word (Hand.3:13).
M O S E S... (11)
...vriend van God, wat Israel van Egipte tot by Kanaän gelei het
Dr JP Botha
Lees reeks by MOSES
BY KADES-BERNEA IN DIE WOESTYN
Uiteindelik het ons onder hierdie goedgekontroleerde omstandighede Sinaï verlaat en gaan kamp opslaan by Kibrot-Taäwa. Die volk wat meer as twee jaar lank rustig by Sinaï gekamp het, was nie meer aan die ontberings van die trek gewoond nie en het sommer direk by die Here begin kla dat hulle swaarkry. Hy het toe in sy toorn vuur onder hulle laat uitbreek. Dit het tot by die kant van die kamp gebrand en die benoude volk het beangs na Moses om hulp geroep. Hy het tot die Here gebid en die vuur het bedaar. Daarna is die plek Tobera genoem.
GELOFTEDAG- BOODSKAP 16 DESEMBER 2012
ONS KÁN OMDRAAI!
Ds AE van den Berg
Afrikaanse Protestantse Kerk Moot-Sentraal
"Ons staan vandag by ons eie Ebenhaeser stil - Bloedrivier. Baie volksgenote het dit vergeet. Ander het dit tot ’n versoeningsdag met die heidene afgeskaal. Die Boerevolk is net soos oud-Israel aan heidene onderworpe. Baie van ons volksgenote, selfs familielede, lek soos tjankende honde die hande van hul kastyders. Wat het met ons volk gebeur dat ons so veragter het? ...Tydens die volksvergadering by Mispa het Samuel drie dinge vir sy volk gesê wat ook vir die Boerevolk op 16 Desember 2012 waar is (i) '….As julle met jul hele hart julle tot die Here bekeer…' Ons aanbid nie ’n ander God as Israel nie. Wat Hy vir Israel gedoen het, wil Hy ook vir die Boerevolk doen."
1 Sam.7:12
“Toe het Samuel ’n klip geneem en dit opgerig tussen Mispa en Sen en dit Ebenhaeser genoem en gesê: Tot hiertoe het die Here ons gehelp”
’n Mens leer uit jou foute, so lui die gesegde. Dis hoe ons in die lewe vorentoe beweeg; so ook ’n volk. Die grootste fout is om nie uit jou foute te leer nie, want dan misluk jy. ’n Mislukking is ’n fout wat nie reggestel is nie. Sommige mense/volke stel foute onmiddellik reg; ander neem baie jare om dit te doen!
STUDIE VAN DIE OU TESTAMENT (13)
DIE AFRIKAANSE PROTESTANTSE BYBELSKOOL
Studieleier: ds. Andrè van den Berg (Sr)
Lees reeks by Studie van die Ou Testament
LES 13
JOSEF
Gen 37;39;41;44-45
1. Jaloesie onder broers
Josef het in Hebron gewoon. Toe hy by geleentheid na sy nomadiese broers in Sigem gaan soek het, het hy hulle heelwat verder in Dotan gevind. Hulle het Josef gehaat omdat hy sy pa se witbroodjie was en mooi klere gedra het. Daarbenewens het hy hulle ook van sy drome vertel. Hy was die middelpunt van hul eerbetoning. Dit het hulle rooi laat sien!
Toe hy in Dotan by hulle aankom, was hulle van plan om hom dood te maak. Ruben het hulle egter gekeer waarna hulle Josef in ʼn droë put gegooi het. Ruben wou hom later bevry. Sy plan het egter misluk toe daar ʼn handelskaravaan Ismaeliete oppad na Egipte daar verby gekom het. Kamele was die skepe van die woestyn wat in lang rye oor reuse afstande met handelsware deur die woestyne geloop het. Josef is as slaaf aan hulle verkoop.
KORSIES VAN PASTEI
(Die hele pastei by: Korsies van Pastei)
TOELATINGSVEREISTE
Die leraar besoek die nuwe inrigting vir verstandelik gestremdes.
“Hoe besluit julle wie om hier op te neem?” vra hy die verpleër.
“Ons maak ’n bad vol met water en gee aan die persoon ’n lepel, koppie en emmer met die opdrag om die bad leeg te maak” sê die verpleër.
“O, ek sien, die slim een sal die emmer neem omdat dit groter is” sê die dominee begrypend.
“Nee, die slim een sal die badprop uittrek. Waar sal u graag ’n bed wil hê, dominee? Naby ’n venster?” vra die verpleër.