Gedagtes vir elke dag
Of lees almal by Gedagtes vir elke dag
... Ek het dit teen die profete wat my woorde steel... wat leuenagtige drome profeteer, dit rondvertel en my volk verlei met hulle leuens en grootpratery terwyl Ek hulle nie gestuur het nie... en hulle vir hierdie volk hoegenaamd geen voordeel bring nie... – Jeremia 23
HOE LYK U GESINS- VERHOUDINGE?
GESINSVERHOUDINGE
God laat die eensames woon in ’n huisgesin ... – Ps. 68:7
Prof. Danny Nel
Ons gesinslewe beleef uitdagende tye. Gesinslede het nie meer tyd vir mekaar nie. Almal werk laat. Kinders gaan nie meer ná skool dadelik uit die huis uit nie of keer terug huis toe na hul studies. Dit alles het daartoe bygedra dat die gesin as sosiale eenheid die afgelope tyd baie verander het.
Maar hoewel die gesin in sy samestelling en die dinamiek van gesinsverhoudinge vanweë tydsomstandighede mag verander, bly die gesin as instelling van God dié mees praktiese plek waar ons verhouding met die Here “vlees” word.
HET KRUISTEKENS PLEK IN CHRISTENE SE LEWE?
Ds AE van den Berg
KRUISE EN KRUISTEKENS
Eseg.8:13-18; 2 Kor.5:11-21
Die rede waarom kruis-simbole vir die Christendom belangrik is, is dat dit gelowiges aan die kruisdood van Jesus herinner toe Hy die mens se sondes op Hom geneem het:
“Nogtans het Hy ons krankhede op Hom geneem en ons smarte – die het Hy gedra, maar ons het Hom gehou vir een wat geplaag, deur God geslaan en verdruk was, maar Hy is ter wille van ons oortredinge deurboor, ter wille van ons ongeregtighede is Hy verbrysel; die straf wat vir ons die vrede aanbring, was op Hom en deur sy wonde het daar genesing gekom. Ons het almal gedwaal soos skape, ons het elkeen sy eie pad geloop; maar die Here het die ongeregtigheid van ons almal op Hom laat neerkom” (Jes.53:4-6)
Sedert die vroegste dae is kruis-simbole ook tydens duiweluitdrywing, genesing en seën gebruik. Baie van die ouer kerkgeboue is selfs met die kruis as grondplan opgerig en het as kruis-kerke bekend gestaan.
GEEN ANDER FONDAMENT
Lees reeks by Pitkos vir die siel
Ds AE van den Berg
“Want niemand kan ‘n ander fondament lê as wat daar gelê is nie”
(1 Kor.3:11)
Jare gelede het ‘n Amerikaanse sakeman tydens ‘n konferensie in ‘n hotel tuisgegaan. Aan die oorkant die pad was konstruksiewerkers besig om die fondament van ‘n gebou te lê. Vragmotors het vragte sement afgelewer. Wat sou daar gebou word. ‘n Sakesentrum? ‘n Wolkekrabber? Toe die sakeman ‘n jaar later weer daar kom, was hy teleurgestel om te sien wat op die fondament gebou is – ‘n kafee!
VOLKSVERRAAD (26)
Adv PJ Pretorius
Lees volledig by Volksverraad - die boek
" 'n Strategie (wat reeds in die sewentigerjare deur die Afrikaner Broederbond beplan is) is gevolg om regse politieke groepe (waaronder die KP, die Herstigte Nasionale Party en die AWB) in te trek, Afrikanerskap kultureel brandend te hou en dan die volkstaatgedagte te propageer. Dié pogings op politieke gebied was nie 'n sukses nie, en die Herstigte Nasionale Party en die KP het mekaar in die een verkiesing na die ander teengestaan."
CIA WERK KOVERT MEE OM DRUK OP DIE REGERING TE VERHOOG OM SWARTMENSE IN DIE POLITIEKE BESTEL TE AKKOMMODEER
As deel van die Rockefeller Foundation se Aksieplan om binnelandse druk op die Suid-Afrikaanse Regering te plaas vir politieke hervorming, het afvaardigings van alle rasse, wat 575 organisasies verteenwoordig het—vakbonde, sportliggame, gemeenskapsorganisasies, vroue en jeugorganisasies — in Augustus 1984 die United Democratic Front (UDF) gestig met die doel om alle interne/binnelandse weerstand teen Apartheid te koödordineer. Die UDF het tydens sy stigtingskonferensie verklaar dat dit die organisasie se doel is om 'n "united democratic South Africa, free of Homelands and group areas and based on the will of the people " daar te stel.
1994: VOLK GESLAG OP MEINTJESKOP (12)
Die dag sal kom... soos by Vereeniging
Dr Harry Mocke
Lees reeks by 1994: Slag van Meintjeskop
Die pad deur Sinai
"Dit is 27 April 1994. Vervloekte dag vir die Boerevolk. Sy 'verspieders' word lam in die knieë. Dit word aanlokliker om by die vyand aan te sluit."
Die bussie met sewentien van ons, 'n bestuurder en 'n gids, rol soos 'n miskruier se waardevolle bolletjie deur die Sinaiwoestyn. Dit duik deur die nuwe tonnel onderdeur die Suezkanaal en swaai suidwaarts, al langs die Rooisee deur die woestyn. Sand, sand, sand.
Dit is warm. Sommer baie warm. Die lugversorgingstelsel van die bussie doen sy bes, maar verloor grootliks sy stryd teen die woestynson. In die mik van die Rooisee en die Golf van Akkaba, by die Berg Horeb, waar die braambos ook staan, oornag ons. Hier in die vlakte voor die beroemde berg, sien jy voor jou geestesoog die kamperende Israeliete. Groot dinge vleg deur jou gemoed.
STUDIE VAN DIE OU TESTAMENT (33)
DIE AFRIKAANSE PROTESTANTSE BYBELSKOOL
Studieleier: ds. Andrè van den Berg (Sr)
Lees reeks by Studie van die Ou Testament
LES 4
SAUL
1 Sam 11,13-14
1. Die stryd met Nahas
Pas nadat Samuel vir Saul gesê dat God met hom sou wees, het Nahas, ʼn Ammoniet, die Israeliete wat in Jabes (Gilead) was beleër. Dit was hulle eerste aanval op Israel nadat Jefta hulle meer as ʼn eeu tevore kafgedraf het. Die inwoners van Jabes wou ʼn verdrag met Nahas sluit, maar sy voorwaardes was onmenslik wreed. Elke inwoner se regteroog moes uitgesteek word!
Daarom het die inwoners van Jabes na Saul gegaan en hom om hulp gevra. Toe hy van Nahas se voorwaarde verneem, was hy so ontstoke dat hy ʼn paar beeste in stukke laat opsny en as ʼn waarskuwing deur sy ryksgebied gestuur het.
MONUMENTE VAN SUID-AFRIKA (7)
Lees reeks by Monumente van Suid-Afrika
PIET EN HENDRINA JOUBERT-STANDBEELD
Ligging: Op die Burgerplein, 'n tuingevul met beelde en 'n museum voor die munisipale kantore op die suidwestelike hoek van Thabo Mbeki- en Landdros Marestraat in Pietersburg.
GPS-koordinate: S23°54.720, E29°27.105.
Toegang: Die Burgerplein is omhein maar bedags oop. Geen toegangsfooi. Die parkeerterrein kan besig raak.
Geriewe: Toilette en winkels in die nabyheid.
Beeldhouer: Danie de Jager.
Inwyding: 1986, deur die Minister van Verdediging, generaal Magnus Malan.
Petrus Jacobus (Piet) Joubert (1831-1900) was die Kommandant-Generaal van die Zuid-Afrikaansche Republiek (ZAR -Transvaal) van 1883 tot met sy dood in 1900. Vroeër in sy lewe was hy in die regeringstyd van president T.F. Burgers vir 'n kort tydjie die vise-president van die ZAR. Die Britte het die ZAR in 1877 geannekseer.
VOLKSVERRAAD (25)
Adv PJ Pretorius
Lees volledig by Volksverraad - die boek
1983-REFERENDUM BEVEILIG DIE REGERING SE POLITIEKE HERVORMING
Die Regering het geweet dat hy 'n gunstige reaksie op sy konstitusionele hervormings sou kry. P.W. Botha het op 10 Mei 1983 'n referendum aangekondig om die Nasionale Party se nuwe Grondwetlike voorstelle te toets, wat voorsiening maak vir 'n driekamer-parlementêre stelsel. Hoekom die referendum, as die Regering dan reeds sy nuwe konstitusionele voorstelle in die Algemene Verkiesing van 1977 getoets het? P.W. Botha moes dit doen om 'n algemene verkiesing af te weer!
Hierdie referendum word later uitgestel na 2 November 1983. Die Nasionale Party het egter byna in 'n dilemma beland toe dr. Van Zyl Slabbert van die PFP by sy mense aanbeveel het om Nee te stem,
SIENER VAN RENSBURG, DIE MENS (8)
Lees reeks by Siener van Rensburg, die mens
Siener se kinders weggevoer
Enkele dae later toe oom Nieklas weer terug is by genl. De la Rey se kommando 'sien' hy in 'n gesig hoedat vyf van sy kinders deur die Engelse gevang en hy en sy vrou en die ander twee alleen agterbly. Koos de la Rey het oom Nieklas sonder aarseling toestemming gegee om Rietkuil toe te vertrek sodat hy sy mense kon gaan beveilig. Daar aangekom, gaan waarsku die Siener toe eers sy ouers (hulle het nog in die oorspronklike opstal op Rietkuil gebly) en van die ander boere in die omgewing om dadelik die gebied te verlaat, want die Engelse is op pad om hulle huise te plunder en die vrouens en kinders weg te voer.
Slegs enkele bure en 'n vriend of twee het oom Nieklas geglo en toe saam met hom begin reëlings tref om die plase te verlaat.
Met die hulp van 'n huisvriend is die Van Rensburgs se paar stukkies huisraad en ander aardse besittings in een vertrek opgestapel en toe met 'n ekstra kleimuur aan die binnekant toegemaak.
NORMAAL OM TE SÊ STAKINGS IS NORMAAL?
Mediaverklaring
Die Herstigte Nasionale Party
Stakings is deel van ‘n groeiende rewolusie
Die uitlating van die ANC-staatshoof, Jacob Zuma, dat stakings die kenmerk is van ‘n demokrasie, verraai baie meer as net die die absolute geklikheid van dié stelling.
Vernietiging van eiendom, die plundering van plase, woonhuise en besighede en die chaos in die mynbedryf is tekenend van ‘n toenemende rewolusie. In demokratiese lande is daar wet en orde en word die eiendom van die landsburgers beskerm. Om wet en orde te handhaaf, is per slot van sake die eerste en primêre verantwoordelikheid van enige regering, veral in ‘n demokrasie.
Die bestel in Suid-Afrika is geen demokrasie nie.
STUDIE VAN DIE OU TESTAMENT (32)
DIE AFRIKAANSE PROTESTANTSE BYBELSKOOL
Studieleier: ds. Andrè van den Berg (Sr)
Lees reeks by Studie van die Ou Testament
LES 3
KONINGSKAP IN ISRAEL
1 Sam 8-10,12
1. Die volk wil ʼn koning hê
Toe Samuel oud was, het sy twee seuns in Bersèba as rigters opgetree om sy taak ligter te maak. Hulle was egter nie regverdig nie en het daarom ʼn slegte naam gehad. By geleentheid het die oudstes by Samuel in Rama daaroor gekla en hom versoek om vir Israel ʼn koning aan te stel “soos by al die nasies”. Dit het Samuel hewig ontstel. Hy het Gideon se siening van ‘n teokrasie gehuldig (Rigt.8:23). Israel moes juis anders as die omringende nasies wees. Israel het die voorreg om God as koning te hê nie waardeer nie en wou liewer soos die heidennasies ‘n aardse koning hê.
God het Israel egter laat begaan.
MONUMENTE VAN SUID-AFRIKA (6)
Lees reeks by Monumente van Suid-Afrika
Ligging: Langs ou nasionale pad, tans die R101, sowat agt kilometer suid van Potgietersrus, vlak suid van die brug oor die Nylrivier.
GPS-Koordinate: 524"16.556, E28"58.471.
Toegang: Die monument staan vlak langs die teerpad. Geen toegangsbeheer of toegangsfooi nie.
Geriewe: Genoeg parkeerplek. Geen geriewe.
Opgerig: deur die Geloftefeeskomitee van Potgietersrus.
Onthul: 1937.
Hierdie monument bring hulde aan die slagoffers van een van die mees gewelddadige insidente van swart op wit in die pioniersgeskiedenisvan die Zuid-Afrikaansche Republiek (Transvaal).
1994: VOLK GESLAG OP MEINTJESKOP (11)
Die dag sal kom... soos by Vereeniging
Dr Harry Mocke
Lees reeks by 1994: Slag van Meintjeskop
Wie tel die krummels op?
Selfs krummels het waarde. Waar dit val, voed dit die hondjies, of die voëltjies, of die miere. As dit geen lewende wese voed nie, dan voed dit die organismes in die grond.
Maar waar kom daardie krummels vandaan?
Krummels was eers deel van 'n brood of 'n koek of 'n pot pap. Dit was deel van 'n eenheid. Toe breek die brood of die koek, of dit val met die opskep of met die roer van die pap uit die pot.
Daar was dus aksie, toe val die krummels - en een of ander wese staan gereed om voordeel daaruit te trek.
VOLKSVERRAAD (24)
Adv PJ Pretorius
Lees volledig by Volksverraad - die boek
"Daar is besef dat die HNP tot die amptelike opposisie sou groei en die CIA wou dit ten alle koste verhoed. Om dit te voorkom, moes die KP gestig word. Op 20 Maart 1982 word die KP gestig in die Skilpadsaal op die Skouterrein van Pretoria."
CIA-SPIOENASIE-NETWERK IN SUID-AFRIKA
Volgens betroubare inligting het die CIA op daardie staduim sowat nege klandestiene bronne/agente op Regeringsvlak gehad wat goed ingeweef was in die Afrikaner Broederbond, die Nasionale Party en die Staatsveiligheidsraad. Hulle was Pik Botha (1982-), GerritViljoen (1973-1991),OwenHorwood (1975-I979), Alwyn Schlebusch (1977-1981), Barend du Plesis (1975-1993), F.W. de Klerk (1975-), Kobie Coetzee (1975-1991), Chris Heunis (1976-1989) en Fanie Botha (1980-1985).
STUDIE VAN DIE OU TESTAMENT (31)
DIE AFRIKAANSE PROTESTANTSE BYBELSKOOL
Studieleier: ds. Andrè van den Berg (Sr)
Lees reeks by Studie van die Ou Testament
LES 2
SAMUEL
1 Sam 1; 2:1-10;7:2-14
1. Samuel word gebore
Samuel se naam dui daarop dat hy van God afgebid is. Sy ouers was Hanna en Elkana - Efratiete soos Dawid se vader (1 Sam.17:12). Hulle het in Rama gewoon waar Elkana nog ʼn vrou gehad het met die naam van Pennina. Hanna was egter kinderloos en het God om ʼn kind gebid met die belofte dat as dit ʼn seun was, sy hom aan die Here sou teruggee.
In haar gebed hoor ons vir die eerste keer die aanspreekvorm Here van die leërskare. Dit kom in latere Bybelboeke dikwels voor. Daar is vier moontlike betekenisse - krygers van God (Jos.5:14), sterre, engele of God die Almagtige. Laasgenoemde is die heelwaarskynlikste.
VOLKSVERRAAD (23)
Adv PJ Pretorius
Lees volledig by Volksverraad - die boek
HUNTINGTON KRY DEUR MIDDEL VAN PIK BOTHA VASTRAPPLEK TOT BINNE DIE HOOGSTE VLAKKE VAN DIE REGERING
Professor Samuel Huntington het op versoek van Pik Botha Suid-Afrika besoek, waarin hy verskeie lesings in Suid-Afrika aangebied het, onder andere by die South African Institution of International Affairs. Professor Huntington se tema wat hom in die VSA baie bekendheid laat verwerf het, is sy strategieë vir politieke verandering in Suid-Afrika. Hy het so 'n indruk op die lede van die Verligte Aksie-beweging en P.W. Botha se vernaamste adviseurs gemaak dat hulle P.W. Botha en Huntington bymekaargebring het en dat die twee soms lang tye in mekaar se geselskap deurgebring het. Sodoende het professor Huntington toegang verkry tot binnekringe waarin P.W. Botha beweeg het en Huntington word (naas die Rockefeller Foundation-verslag) die Suid-Afrikaanse regering se tweede belangrikste bron van hulle hervormingsbeleid.
STUDIE VAN DIE OU TESTAMENT (30)
DIE AFRIKAANSE PROTESTANTSE BYBELSKOOL
Studieleier: ds. Andrè van den Berg (Sr)
ELI & SAMUEL
LES 1
1 Sam 2:12-36; 4-7:1
1. Eli in Silo
Eli en Samuel word beide as rigters beskou. Eli het Israel 40 jaar lank gerig en Samuel daarna vir die res van sy lewe. Eli was uit die stam van Levi en dus ʼn nasaat van Aäron. Sy seuns, Hofni en Pinehas, was ook priesters wat onder hul vader gewerk het. Die meeste hoëpriesters het van Aäron afgestam aan wie God ʼn ewige priesterskap toegesê het.
Eli was egter ʼn nakomeling van Itamar, ʼn broer van Eleasar. Hoe hierdie priestergeslag ontstaan het, word nie in die Skrif vermeld nie.
MONUMENTE VAN SUID-AFRIKA (5)
Lees reeks by Monumente van Suid-Afrika
Krugerstandbeeld - Pretoria
Ligging: Op Kerkplein, die middelpuntvan Pretoria. Toegang: Kerkplein is perma¬nent oop vir die publiek. Geen toegangsfooi.
Geriewe: Parkering rondom Kerkplein. Daar is toilette en eetplekke in die nabye omgewing.
Beeldhouer: Anton van Wouw.
Onthul: 1954, deur die Eerste Minister, D.F. Malan.
Stephanus Johannes Paulus (Paul) Kruger (1825-1904) is sekerlik een van die belangrikste figure in die geskiedenis van die Afrikanergemeenskap. Hy is in die Ooskaap gebore en het as seun saam met sy ouers die Groot Trek meegemaak.
MONUMENTE VAN SUID-AFRIKA (4)
Lees reeks by Monumente van Suid-Afrika
MAJUBA
Ligging: Op die kruin van die berg Majuba. GPS-Koordinate: S27°27.969 E29"50.402 (die ingang na die Majuba-terrein). Toegang: Die berg Majuba staan in 'n beheerde gebied. 'n Toegangsfooi is betaalbaar. Geriewe: Daar is geen geriewe op die berg nie, maar daar is ablusie-geriewe en kampeerplek aan die voet van die berg asook 'n steil paadjie wat na bo lei. Inwyding: 1935.
Die monument is tydens die Majuba-reünie op 7-8 Oktober 1935 deur oudstryders en lede van die publiek opgerig. Dit staan op die historiese terrein van die bekende oorwinning van die Transvaalse Boere onder bevel van kommandant-generaal Piet Joubert oor die Britte op Sondag 27 Februarie 1881.
VOLKSVERRAAD (22)
Adv PJ Pretorius
Lees volledig by Volksverraad - die boek
ROCKEFELLER-AKSIEPLAN TEEN BLANKE SUID-AFRIKA WORD GEAKTIVEER
In Eschel Rhoodie se boek PW Botha: The Last Betrayal wys hy op bladsye 134 en 135 daarop dat die Rockefeller-CIA-konneksie in 1981 bepaalde voorskrifte aan die Suid-Afrikaanse Regering gemaak het, wat nie net deur die Suid-Afrikaanse Regering sedertdien as 'n bloudruk vir politieke en ekonomiese hervorming voorgehou is nie, maar ook as 'n bloudruk vir die Amerikaanse regering se buitelandse beleid jeens Suid-Afrika gedien het. Die Rockefeller Foundation Study Commission on US policy towards Southern Africa vorm die hoeksteen in die aanslag om Blanke Suid-Afrika finaal te vernietig: