Gedagtes vir elke dag
Of lees almal by Gedagtes vir elke dag
Dis jammer dat die Handves van Menseregte so ’n aanklank onder volksgenote vind. Dis die gevolg van politici en kerklui wat met verandering ter wille van verandering besiel geraak en mense mislei het. Ná die prysgawe van politieke mag in April 1994 is kerk, politiek en kultuur deur ’n veranderingsmanie beetgepak; kerk, politiek en kultuur moes verander ter wille van verandering.
BLOMVROUE
Lees reeks by BLOMVROUE
Aletta Lübbe
Bougainvillea
(Fam. Nyctaginaceae)
As blomme 'n waterval in kleur kon voorstel, sou dit die bougainvillea wees wat oor rotse, mure, pergolas, boë en heinings in al die sonkleure stort. Reis 'n mens deur die Laeveld, weet jy: hier regeer die bougainvillea, wat vuurkleurig teen die bome die hoogtes inklim. Wanneer 'n paar kleure saam in dieselfde boom rank, is dit 'n baken in die omgewing.
Die plant dra die naam van die interessante Louis Antoine de Bougainville (1729-1811), 'n Franse seevaarder, ontdekker en militaris in Napoleon I se tyd. In 1764 stig hy 'n kortstondige Franse kolonie op die Falkland-eilande. Van 1766 tot 1769 vaar hy per skip om die wêreld met 'n bemanning wat sterrekundiges (as navigators?) en natuurkundiges insluit. Die grootste van die Solomon-eilande, Bougainville, is ook na hom vernoem.
BLOMVROUE
Lees reeks by BLOMVROUE
Aletta Lübbe
Pronkertjie
(Lathyrus odoratus)
Delikate vreugde ... afskeid ... geboorte ... liefde of watter herinnering ook al, word sonhelder opgeroep wanneer die geur van pronkertjies deur die huis swewe. Die blomgeur is mos die asem van die lente, die geur van lewe. Soos 'n wolk pastelkleurige skoenlappers met vlerke wat sagweg oop- en toemaak, fladder hulle die winter weg. Trouens, die pronkertjie kom uit die subfamilie Papilionaceae, en papilio is die Latyn vir pers.
Hoewel stoelplante ook gekweek word, is die pronkertjie beslis 'n rankplant. Saai 'n ry van die jaarplante in 'n slootjie los grond, gee hulle kos en 'n stellasie waaraan die rankies kan vasheg, en hulle sorg vir die geurigste vertoning van kleur denkbaar. Hulle is op hul beste in die laat winter en vroeë lente, want hulle hou nie in die drukkende somerhitte nie.
KORSIES VAN PASTEI
(Die hele pastei by: Korsies van Pastei)
KINDERS SE SÊGOED
VERDUUR HULLE MAAR
Die Verbondsonderrig-onderwyseres verduidelik die gebod: 'Eer jou vader en jou moeder', en vra haar klassie daarna of daar enige wet is wat liefde vir boeties en sussies eis? “Ja, jy mag nie doodslaan nie!” kom dit van Kosie.
STUDIE VAN DIE OU TESTAMENT (5)
DIE AFRIKAANSE PROTESTANTSE BYBELSKOOL
Studieleier: ds. Andrè van den Berg (Sr)
Lees reeks by Studie van die Ou Testament
LES 5
DIE TWEEDE BEGIN
Gen 9-11
1. ʼn Nuwe verbond
Omdat God die mensdom nie geheel en al verdelg het nie, kon Hy direk na die sondvloed ʼn nuwe begin met hulle maak (Gen.6:13). Hy het hulle opdrag gegee om te vermeerder (Gen.9:1,7). So ook aan die diereryk. Oral waar mense hulle gevestig het, het die wilde diere na onbewoonde gebiede uitgewyk. Mense kon voortaan ook van die diere slag en eet. Ons kan hieruit aflei dat die eerste mense slegs plantaardige voedsel gebruik het. Alhoewel die diere steeds deel van God se skepping gebly het, kon mense voortaan van hulle eet.
Daarna het God ʼn paar reëls neergelê wat tot die ordening van die nuwe samelewing moes bydra. Omdat die mens na God se beeld geskape is, kon die een wat ʼn ander een doodmaak se eie lewe geneem word (Mt.26:52). Die owerheid het die reg tot bloedwraak gehad (Rom.13:4, Openb.13:10). Dit moes die wilde wraaksug van mense soos Lameg in bedwang hou.
M O S E S... (8)
...vriend van God, wat Israel van Egipte tot by Kanaän gelei het
Dr JP Botha
Lees reeks by MOSES
6. DIE EERSTE PAASFEES
Al die plae het uitgeloop op die aankondiging van die tiende plaag. Moses het nie weer met die farao onderhandel nie, maar hom voor die feit gestel dat die uittog gaan plaasvind nadat die plaag voltrek is.
Die Here het vir Moses gesê: “Hierdie maand sal van nou af die belangrikste maand wees en die nuwe jaar moet met hierdie maand begin. (Dit is die lentemaand Nisau – Maart/April). Elke gesin moet op die 10e van die maand ‘n lam in die hande kry. Indien daar te min mense in die huisgesin is om ‘n lam op te eet, moet hulle dit met ‘n ander gesin deel. Dit moet ‘n rammetjie wees uit die skape of bokke wat ‘n jaar oud is sonder enige gebrek.
BLOMVROUE
Lees reeks by BLOMVROUE
Aletta Lübbe
Frangipani
(Plumeria - Fam. Apocynaceae)
'n Frangipani hoort naby die huis, knus teen 'n muur of by 'n stoep van waar die blomme se geur deur 'n oop venster kan sweef. Hulle vra ook om geskilder te word terwyl Mozart-musiek die lug vul - oorbekend, maar nie onbemind nie.
Die subtropiese Amerikaanse struik of klein boom met die geurige blomme, melkerige, giftige sap en eenvoudige gladde blare, is vernoem na 'n Italiaanse edelman, die markies Muzio Frangipani van Rome, wat in die sestiende eeu 'n parfuum uitgevind het om handskoene te geur! 'n Lekkerny wat bestaan uit ronde stukke tertdeeg wat gevul is met 'n vlavulsel wat amandels bevat, word ook 'n frangipani genoem.
Die plant aard goed in 'n warm klimaat en die bekendste een is acutifolia met die ryk geel wat diep uit die kelk die wit kroonblare invloei.
VOLKSVERRAAD (10)
Adv PJ Pretorius
Lees volledig by Volksverraad - die boek
Sedert 1971 bestaan daar koverte (geheime) samewerking tussen die regering en die Geldmag — 'n geheime agenda tussen die NP-regering en die Geldmag. Die Geldmag word sedertdien toenemend Suid-Afrika se onsigbare regering. Die NP-beleid van wegbeweeg van diskriminasie het die Geldmag bevoordeel ten koste van die Afrikanervolk se belang.
•Die Sunday Times van 20 April 1975 het 'n berig gedra oor 'n "top secret" beleid. Die berig se opskrif was Geheime Plan kan SA se lewenstyl verander en die eerste sin lui: "Die regering het deur aanvaarding van die hoogs geheime ('Top Secret') Kollektiewe-aksieprogram teen inflasie homself verbind tot voorstelle wat die politieke, ekonomiese en sosiale aangesig van Suid-Afrika sal verander. So ver is net die private sektor se aandeel in die program openbaar gemaak."
STUDIE VAN DIE OU TESTAMENT (4)
DIE AFRIKAANSE PROTESTANTSE BYBELSKOOL
Studieleier: ds. Andrè van den Berg (Sr)
Lees reeks by Studie van die Ou Testament
LES 4
DIE SONDVLOED
Gen 6-8
1. Die ou wêreld
Al die aartsvaders van Adam tot Lameg het seuns en dogters gehad. Die goeie Lameg het egter net seuns gehad. Destyds het die mensdom aansienlik vermeerder. Daarom word die geboorte van dogters duidelik vermeld. Hulle het ʼn baie belangrike rol vervul nl. om kinders te baar. Die seuns van God was mense wat deur hul opregtheid in ʼn besondere verhouding tot God gestaan het. Hulle was uit die nageslag van Set. Henog was die beste voorbeeld van hulle vroomheid en opregtheid voor God. Die Bybel noem vromes elders ook seuns van God (Deutr.32:5, Hos.1:10; Ps.73:15; Joh.1:12).
Die term 'Seuns van God' word ook vir engele gebruik (Job.1:6). Ons weet egter dat Gen.6 nie op engele dui nie omdat hulle met vroue getrou het. Engele trou nie (Mt.22:30) maar voer uitsluitlik ʼn geestelike bestaan. As hier van engele sprake was, moes hulle tydens die sondvloed gestraf gewees het. Gevolglik is hier van mense sprake.
M O S E S... (7)
...vriend van God, wat Israel van Egipte tot by Kanaän gelei het
Dr JP Botha
Lees reeks by MOSES
AGSTE PLAAG: SPRINKANE!
Die Here het vir Moses gesê Hy maak die farao en sy beamptes onwillig om Hom te gehoorsaam, sodat Hy rede kan hê om al die rampe oor die land te bring. Hy doen dit sodat almal kan weet dat Hy die Here is. Hy stuur toe weer vir Moses en Aäron na die farao toe. Hulle sê toe vir hom:
“Die Here, die God van die Hebreërs vra vir jou: Hoe lank gaan jy aanhou weier om na My te luister? Laat my volk gaan, sodat hulle My kan gaan aanbid. As jy aanhou weier, gaan Ek môre sprinkane oor jou hele land laat kom. Daar sal so baie van hulle wees dat jy nie eers die grond onder hulle sal kan sien nie. Hulle sal alles wat van die haelstorm oorgebly het, wegvreet. Hulle sal selfs die bome wat weer begin uitloop het, kaalstroop. Hulle sal in jou paleis en jou amptenare se huise en in al die huise in Egipte inkruip. Dit gaan die grootste ramp wees wat Egipte nog getref het.”
BLOMVROUE
Lees reeks by BLOMVROUE
Aletta Lübbe
Asalea
(Fam. Ericaceae)
As daar 'n blom is wat 'n mens helder oordag drome in kleur laat droom, is dit die asalea. Of dit in Oos-Transvaal of Pietermaritzburg of Pretoria is, asaleas in bloeityd laat 'n mens na die naaste kwekery toe haas om van die wonder-plante te koop... Om sukses met hulle te hê, is 'n ander storie.
'n Paar soorte asaleas groei wild in die bergagtige streke van Asië en die VSA. Die Noord-Amerikaanse spesies is bladwisselend terwyl die Indiese soorte {Azolea indica) immergroen is. Hulle hou van ryk veengrond wat sanderig is en floreer in streke met 'n hoë humiditeit, maar moet wegbly van vlak boomwortels wat hulle letterlik kan doodwurg en al hulle kos opneem.
WAT IS ENGELE...
... EN WAT DOEN HULLE?
Ds AE van den Berg
Lees reeks by Aktuele geloofsonderwerpe: Ds AE vd Berg
’n Kind is oor die algemeen bang vir die donker en sal nie sommer alleen in ’n donker kamer inloop nie. Maar as een van sy ouers saamloop, is hy nie meer bang nie want iemand groter as hy verdryf die vrees. Namate ons groter word, begin ander dinge ons bang maak –slegte omstandighede, siektes, misdaad, onreg ens. Bang mense dink nie altyd baie logies nie en vrees die dinge wat hulle nie verstaan nie.
Maar toe ons tot bekering gekom en Jesus as Verlosser aanvaar het, het ons onmiddellik rustig geword omdat die Bybel vir ons sê dat niks met ons gebeur waarvan ons Hemelse Vader nie weet nie. “Soos ’n vader hom ontferm oor die kinders, so ontferm die Here Hom oor die wat Hom vrees” (Ps.103:13).
VOLKSVERRAAD (9)
Adv PJ Pretorius
Lees volledig by Volksverraad - die boek
INKATHA WORD GESKEP AS ALTERNATIEWE MAGSTRUKTUUR VIR DIE ANC
As een van die mees opspraakwekkende Swart bewegings wat voortspuit uit die koverte inligtingsprojekte was Gatsha Buthelezi se Swart vryheidsbeweging, Inkatha yeNkululeko yeSizwe (Vryheid van die Nasie), wat in 1975 tot stand gekom het. Inkatha is gestig as alternatief vir die ANC met sy pro-Kommunisme en Buthelezi het toe sy nuutgestigte party in die buiteland gaan bemark. Die verwagting was dat indien die buurstate die Konstellasie van State- beginsel sou aanvaar, dit tesame met die opkoms van Inkatha outomaties kon lei tot internasionale erkenning van die Republiek se Nie-BIanke beleid en kon dit in 'n groot mate die buitelandse aanslag teen die Republiek lam lê en die ANC/SAKP se internasionale aansien diskrediteer.
KORSIES VAN PASTEI
(Die hele pastei by: Korsies van Pastei)
KINDERS SE SÊGOED
ARME DOMINEE
Die Verbondsonderrig-onderwyseres vra haar klassie wat hulle gaan doen as hulle eendag groot is. “Ek gaan baie geld verdien en vir ons dominee daarvan gee” antwoord Dawie. “Waarom sê jy so” vra sy verbaas. “My Engelse oupa sê dat hy ‘the poorest preacher’ is wat hy ooit in sy lewe ontmoet het” antwoord Dawie.
M O S E S... (6)
...vriend van God, wat Israel van Egipte tot by Kanaän gelei het
Dr JP Botha
Lees reeks by MOSES
DERDE PLAAG: MUSKIETE
Die Here het toe vir Aäron gesê; “Vat jou stok en slaan in die stof op die grond. Dit sal muskiete oor die hele Egipte bring.” Hy het toe so gemaak en die stof het muskiete geword wat op mens en dier toegesak het. Die stof oor die hele land het in muskiete verander. Die farao se towenaars kon nie daarin slaag om sulke insekte te maak nie. Die muskiete het al wat mens en dier was, toegetakel. Die towenaars het vir die farao gesê dis ‘n vingerwysing van God. Maar hy het geweier om te luister en het onversetlik gebly. Hy staan nou alleen voor die Here. Sy helpers het geswig.
VIERDE PLAAG: STEEKVLIEË
Toe gee die Here vir Moses die volgende opdrag: “Staan môre vroeg op en gaan ontmoet die farao wanneer hy op pad is na die rivier toe. Sê vir hom hy moet die volk laat gaan, sodat hulle God kan gaan aanbid.
STUDIE VAN DIE OU TESTAMENT (3)
DIE AFRIKAANSE PROTESTANTSE BYBELSKOOL
Studieleier: ds. Andrè van den Berg (Sr)
Lees reeks by Studie van die Ou Testament
LES 3
DIE OUDSTE MENSEGESLAGTE
Gen 4-5
1. Die eerste kinders
Die geskiedenis van die mens ná Eden het met die geboorte van kinders begin. Kain was die eerste kind wat op aarde gebore is. Eva het hom as ʼn geskenk van God ontvang en geweet dat God haar gehelp het. Sy het Kain se geboorte nie as die gevolg van geslagtelike omgang beskou nie, maar dat God haar gehelp en begenadig het. Eva se woorde het nie net van groot dankbaarheid nie, maar ook van ʼn besondere geloofsinsig gespreek.
Kain beteken ek het gekry. Hy was ʼn geskenk. Eva se aanvanklike geesdrif oor Kain sou later tragies gedemp word. Baie ouers was al opgewonde oor ʼn kind wat hulle later bitter teleurgestel het. Al gaan gelowige ouers ook deur groot dieptes, bly God by hulle. Daarna het Eva nog ʼn seun gebaar en hom Abel genoem; skynbaar met minder vreugde. Sy naam beteken “nietigheid” - ʼn naam sonder enige geesdrif.
BLOMVROUE
Lees reeks by BLOMVROUE
Aletta Lübbe
Krismisroos
(Hydrangeaceae)
As daar oorgewig is wat selfs aantreklik kan wees, dan vind 'n mens dit by die vrou in die krismisroos. Wanneer dit by vroulikheid en mensekennis kom, kan min ander haar oortref. Die soet en die suur van die lewe laat haar op verskillende verruklike wyses blom.
As deel van die klipbrekerfamilie {Saxifragaceae) groei meer as tagtig spesies van die krismisroos versprei in Noord- en Suid-Amerika en Asië. Dit is 'n geliefde kruid by die Cherokee Indiane. Hulle glo dit help vir rumatiek en klierprobleme en vir urologiese kwale. Die kleur van die blomme word bepaal deur die grond waarin hulle groei. Suur grond lewer blou blomme en soeter grond pienkes. Hulle hou nie van alkaliese grond nie.
STUDIE VAN DIE OU TESTAMENT (2)
DIE AFRIKAANSE PROTESTANTSE BYBELSKOOL
Studieleier: ds. Andrè van den Berg (Sr)
Lees reeks by Studie van die Ou Testament
LES 2
DIE TUIN VAN EDEN
Gen 2:4-3:24
1. Die mens
In hoofstuk twee begin ʼn nuwe gedeelte met die opskrif: Skepping van die man en die vrou en oor Eden en brei op die sesde skeppingsdag uit. Dis die eintlike verhaal van die geskiedenis van die mens. God het alles op die aarde gereed gemaak alvorens Hy die mens geskep het. Hierdie skepping word selfs twee maal genoem. Die eerste keer as slot en hoogtepunt van die skeppingsverhaal en die tweede keer as ʼn beginpunt van die mensegeskiedenis. Alles wat daarna volg, het met die mens as sulks te doen.
STUDIE VAN DIE OU TESTAMENT (1)
DIE AFRIKAANSE PROTESTANTSE BYBELSKOOL
Studieleier: ds. Andrè van den Berg (Sr)
Lees reeks by Studie van die Ou Testament
(Gelofteland sal voortaan daagliks 'n opvolgles uit hierdie leersame studie-werkstuk plaas, en in afsienbare tyd die hele Ou Testament-studie as 'n gratis aflaaibare pdf-boekie beskikbaar stel. U is ook welkom om by ons navraag te doen indien u 'n gratis laserskyfie daarvan wil ontvang.)
Ter inleiding
Glo u aan God? Hoe weet u dat daar werklik ʼn God is? Het iemand Hom miskien per toeval ontdek? Nee, God het self die aanvoorwerk gedoen en Hom aan die mens openbaar. As dit nie daarvoor was nie, het niemand Hom geken nie. Hy openbaar Hom op twee maniere - deur die natuur (Ps.19:1-4) en deur die Woord (Hebr.1:1). Die PROTESTANTSE BYBELSKOOL handel uitsluitlik met Woordopenbaring en gebruik die 1953 Afrikaanse Bybelvertaling vir hierdie Bybelstudie.
DIE OU TESTAMENT
GENESIS
LES 1
DIE SKEPPING
Gen 1-2:3
1. Wie is God?
Wat is die eerste ding wat God wil hê dat ons van Hom moet weet? Dat Hy ʼn Skepper is. Ons bely dit in die Twaalf Artikels: “Ek glo aan God....Skepper van hemel en aarde”. Wanneer skep Hy? Die Bybel sê: In die begin. Maar waar kom God dan vandaan?
VOLKSVERRAAD (8)
Adv PJ Pretorius
Lees volledig by Volksverraad - die boek
AFRIKANER WEERSTANDSBEWEGING
AS GEHEIME INLIGTINGSPROJEK:
SUBVERSIE OM REGSES TE VERDEEL EN VOLKSTAATIDEE TE BEVORDER TYDENS SWARTHEERSKAPPY
Teen die agtergrond van die Parlementêre opdrag aan die Erika Theron-kommissie om 'n nuwe grondwetlike bestel te ondersoek, is op grond van 'n voorstel van Eschel Rhoodie van die Departement van Inligting en genl. Hendrik van den Bergh van die Buro vir Staatsveiligheid (ook die argitek) besluit dat die Afrikaner Weerstandsbeweging (as 'n moontlike herlewing van die Ossewa-Brandwag) gestig moet word met die doel "as 'a resistance orga¬nisation' and to provide the basis of a right-wing army. It was hoped that this along with the volkstaat concept, would appease militant rightist aspirations. "
Die Afrikaner Weerstandsbeweging (AWB) is toe gedurende 1973 in Heidelberg gestig — 'n organisasie wat daargestel is deur regeringsintervensie om Blanke Afrikaanse waardes 'glo' te beskerm 'to provide a political bal¬ance as (a result of) the government changing its policy'.
BLOMVROUE
Lees reeks by BLOMVROUE
Aletta Lübbe
Usambara-viooltjie
(Fam. Gesneriaceae)
Min potplante kan die gewilde Usambara of African violet klop. Word hulle nie in 'n ry op 'n rakkie of vensterbank vertroetel nie, dan word enetjie - met 'n lintstrik opgedollie - as 'n geskenkie of 'n gebaar van waardering aangebied. In 'n massa bymekaar op strategiese plekke in kwekerye en blomwinkels en by skoue, is dit versoeking in die meervoud.
Die SaintpauHa ionantha of gewoonweg die African violet kom van tropiese Oos-Afrika waar hulle natuurlik groei. Hulle is ook bekend as Usambara-viooltjies van die botaniese familie Gesneriaceae met 1500 spesies wat hoofsaaklik Suid-Amerikaans is. Van hulle is die Saint-paulia die bekendste en die gewildste.