Prof AWG Raath

Lees reeks by Kerk as instrument van ANC-revolusie

(Let daarop dat hierdie reeks oorspronklik in 1989 geskryf is, vandaar verwysings na later-veranderde situasies oa ANC-SAKP-alliansie ens.)

" Van die regters wat in die Nasionale Hof dien word verwag om ’n onvoorwaardelike lojaliteit aan die ANC af te 1ê. Hierdie regters kan ook na willekeur deur die Nasionale Uitvoerende Komitee ontslaan word. By die bestudering van die bepalings van die Kode van die ANC ontvou ’n makabere prentjie wat ’n mens met afgryse vervul...dat ’n instansie tot sulke laagtes van juridiese en staatlike manipulasie kan daal, ten einde ’n goddelose magsdiktatuur in stand te hou.

STRAF- EN SIVIELE KODE VAN DIE ANC: ’N MAKABERE WERKLIKHEID

Waarskynlik een van die belangrikste berigte wat gedurende 1988 in die pers verskyn het, het feitlik ongesiens verbygegaan. In die Citizen van 16 Maart 1988 (p. 13) het ’n berig onder die volgende opskrif verskyn: “Code, ‘a form of revolutionary law’: Nurenberg-type courts for ‘apartheid criminals”. In hierdie berig van Tony Stirling word onder andere vermeld dat ’n dokument wat deur die ANC opgestel is, ’n konvensie vir voorlegging aan die Verenigde Volke-Organisasie en ’n kriminele kode bevat.

Hannes Ollewagen

Lukas 13:22 – 30

‘n Vraag wat so algemeen deur gelowiges gevra word is dieselfde as die vraag wat Dawid mee geworstel het:  “Waarom gaan dit altyd goed met die goddelose en kom hul lewens so sorgeloos voor terwyl die regverdiges deurentyd in ‘n stryd van een of ander aard gewikkel is?”

Wil ons ‘n duideliker antwoord op ons vraag kry as die gelese gedeelte?  Christus self kom sê vir ons dat ons deurgaans hard moet stry om in te gaan deur die nou poort, aangesien baie sal probeer om in te gaan maar sonder sukses.  Die ewige lewe word nie net op ‘n skinkbord aan my en u gegee en nou kan ek totaal-en-al sorgeloos in ‘n goddelose wêreld voorleef nie.

HOU JOU BYBEL JOU WEG VAN SONDE, OF HOU SONDE JOU WEG VAN JOU BYBEL...

Ds AE van den Berg

“...terwyl julle veral dit moet weet, dat geen profesie van die Skrif in saak van eie uitlegging is nie; want geen profesie is ooit deur die wil van ’n mens voortgebring nie, maar, deur die Heilige Gees gedrywe, het die heilige mense van God gespreek” 2 Pet.1:20,21.

Die Bybel laat sommige mense sidder; by ander loop dit soos water van ’n eend se rug.    By die een mens val dit in diep grond en ontkiem; by ’n ander een beland dit op die rotse.   Een enkele Bybelvers het Augustinus tot bekering laat kom en die grootste kerkvader van sy tyd laat word  -  Rom.13:13.    Een enkele Bybelvers het Martin Luther daartoe gebring dat hy met die Roomse Kerk gebreek en Protestantisme op die been gekry het – Rom.1:17.    God het die waarheid van sy Woord soos spykers in hulle siele ingeslaan!

(Die hele pastei by: Korsies van Pastei)

IEMAND TUIS?...

'n Blondine gaan een Saterdagaand vir 'n wandeling in Niew Seeland in 'n straat waar die straatligte helder brand.
Onder een van die ligte teen die lamppaal is 'n advertensie vasgeplak met die bewoording: 'Woonstel Te Huur'.
"Wonderlik, ek soek juis dringend na 'n woonstel!" dink sy hardop en klop teen die paal, maar niemand antwoord nie. So klop sy 'n hele paar kere teen die paal.
Naderhand kom 'n man wat haar geruime tyd van oorkant die straat dophou nader en vra of sy 'n probleem het. Op haar vraag oor wie hy is, verduidelik hy dat hý die Fransman is wat vandag rugbyskeidsregter tussen die All Blacks en die Springbokke was.
Die blondine vra hom wat hy nou eintlik met haar te doen het.
Hy sê: "Ek het gesien hoe jy bly klop maar ek kan nie verstaan waarom niemand oopmaak nie; die lig brand tog, daar moét iemand tuis wees!"

IS DAAR LEWE IN DIE BUITENSTE RUIMTE?

Ds AE van den Berg

"Amerika spandeer jaarliks miljoene dollar belastinggeld op soek na tekens van lewe in die buitenste ruimte, maar spandeer nie ’n sent om na God te soek nie."

Miljoene mense glo dat daar intelligente lewe in die buitenste duisternis is, ’n geloof wat met bykans godsdienstige koors groei!   Dit word aangevuur deur verhale van vlieënde pierings en mense se ontmoetings met ruimtewesens.   Dan is daar ook nog rolprente en TV-reekse oor ruimtewesens (aliens) wat jaarliks biljoene dollar insamel!

In 1995 is daar selfs ’n Wêreldkongres van Vreemde Vlieënde Voorwerpe in Duitsland gehou.  In ’n onlangse meningsopname in Duitsland het 17% van die Duitsers geglo dat ruimtewesens die aarde besoek en 31% dat daar lewe op ander planete is.

In 1900 het die Franse Akademie vir Wetenskap ’n aansienlike bedrag geld uitgeloof vir enigeen wat met ’n buiteruimtelike beskawing kontak kon maak.  Sedertdien is daar nog geen spoor van enige groen mannetjies of enige planetêre lewe gevind nie.  Wetenskaplikes soek al langer as ’n eeu tevergeefs na enige tekens van buite-ruimtelike lewe.  Selfs die duisende frekwensies wat daarvoor ingespan word, het nog geen ware teken van lewe opgespoor nie.

Prof AWG Raath

Lees reeks by Kerk as instrument van ANC-revolusie

In die SAKP se program van beginsels wat in 1962 aanvaar is, is verklaar dat die dwingende belange van alle dele van die Suid-Afrikaanse bevolking die uitvoering van ’n nasionale demokratiese revolusie (NDR) vereis; 'n revolusie wat die grondslag sal vorm vir die voortgang van die Republiek na ’n volkome sosialistiese en kommunistiese toekoms. Hierdie revolusie is in 2013 nog nie afgehandel nie. Die laaste fase van die NDR is beplan om finaal van die witman in Suid-Afrika ontslae te raak – wat nie met druk om te immigreer of met plaasmoorde en huisaanvalle uitgevoer kon word nie, sal in die vorm van grootskaalse anargie en doodslag voltrek word om die blanke finaal te probeer vernietig.  Met reg sou ons kon saamvat dat die Freedom Charter op ’n revolusionêre grondslag berus wat slegs deur geweld prakties gerealiseer kan word -  oningeligte Suid-Afrikaners is dikwels geneig om die Freedom Charter se  inhoud te ondersteun. Lees in prof Raath se reeks meer oor hoe lank gelede en fyn die kommunistiese planne vir Suid-Afrika beraam is.

(Let daarop dat hierdie reeks oorspronklik in 1989 geskryf is, vandaar verwysings na later-veranderde situasies bv 'ANC/SAKP-alliansie'.)

JURIDIESE STEUN VIR DIE FREEDOM CHARTER

" Nelson Mandela het tydens die Rivionia-verhoor in 1964 verklaar dat die SAKP vir die vestiging van ’n staatsorde wat op die beginsels van die Marxisme gegrondves is staan... Die bevolking in ’n land word deur die kommunistiese party as ’n manipuleerbare massa en bron van energie in die stryd om mag gesien.... Een van die belangrikste vraagstukke vir die kommunistiese party is hoe om beheer oor die massa te verkry en dit vir sy eie doeleindes in te span... om die werkersklas te organiseer sodat dit ’n leidende rol in die nasionale demokratiese revolusie kan speel...   ...kommunistiese partye gebruik alle moontlike instrumente en onwettige metodes om organisasies soos die vakbonde te infiltreer... indoktrinasie word gebruik om fundamentele idees aan klein groepe oor te dra. In die praktyk kom dit daarop neer dat slegs aanhangers van die kommunistiese party aan die volle omvang van kommunistiese doelwitte en metodes blootgestel word, terwyl die massa van die bevolking gemobiliseer word deur anti-kapitalistiese wekroepe en slagspreuke vir 'brood', 'vrede', 'grond' en 'eenheid' (vgl. Selznick, p. 10)... 

Prof AWG Raath

Lees reeks by Kerk as instrument van ANC-revolusie

(Let daarop dat hierdie reeks oorspronklik in 1989 geskryf is, vandaar verwysings na later-veranderde situasies.)

Frank Chikane: " ...Christene bereid moet wees om saam met die “slagoffers van onderdrukking” in die gevangenis te wees en sy opmerkings dat ’n tyd sal aanbreek wanneer elke kerk in die land in ’n stoorkamer vir wapens van die ANC verander sal word."

DIE ANC EN DIE KERK

Kommunistiese partye en hulle fronte wêreldwyd spits hulle aandag op die eerste fase van die revolusie toe. Hierdie fase behels ’n opstand teen die bestaande staatsgesag in ’n betrokke land, teweeggebring deur die mobilisering van die massa van die bevolking. Ten einde die bevolking te mobiliseer en ’n regering te ontsetel, maak kommunistiese partye wêreldwyd van alle geoorloofde en ongeoorloofde metodes gebruik om hulle doelwitte te bevorder. Selfs die kerk is van hierdie infiltrasie en mobilisasie deur kommunistiese partye nie uitgesluit nie. Omdat die kerk ’n sterk gewetenshouvas op sy lidmate het, bied dit ’n uitstekende afspringplek aan die kommunisme om die massas van die bevolking te bereik.

Lees reeks by Kort vertellinge - Jan Spies

Droomlangs stroom-af opdraand

Ons trek eenkeer ná ’n kwaai droogte uit die Kalhari terug na ons plaas toe. Maar omdat dit ’n stuk of tweehonderd kilometer van die plek waar ons die veldjie te huur gekry het, tot by ons huis is, en omdat die waters ver uitmekaar was, en waar daar water was, dit nog maar skrappies ook was, het my pa vooraf die ent pad van boer tot boer afgery en by hulle gereël dat ons by hulle ons vee kon water gee wanneer ons die terugtog aanpak. En so gebeur dit dat my pa by ’n ou vriend van ons ook aandoen, en dié sê vir my pa maar dis geheel en al nie nodig dat ons die draai trek wat die pad loop om by sy huis langs te kom nie. Ons kan wat hom betref, sommer reguit deur die veld steek en die elmboog uitsny.

... ONS SAL DIE HERE DIEN

Hannes Ollewagen

Josua 24:1 – 33

Wanneer ons verse 2 – 12 van die gelese gedeelte bestudeer, sien ons duidelik hoe die volk herinner word aan al die weldade wat God aan hulle en hul voorgeslagte bewys het en word hul gedwing om opnuut tot die besef te kom hoe God nie net sy liefde vir hul in Woorde uitdruk nie, maar dat hulle dit in werklikheid kon beleef!

Is dit nie wonderlik dat ons volk dieselfde kan getuig nie?  Behalwe vir die wonderwerke van die Groot Trek, Vryheidsoorloë, ens., hou ons (behoudendes) al vir bykans 180 jaar elke jaar 'n Geloftefees oor die wonderwerk wat God aan ons volk bewys het – so 'n oorweldigende groot wonderwerk, dat dit deur die eeue heen nog nooit vergeet is nie!

Johan de Ridder

Lees reeks by Die Jameson-inval

“Die stroom van vlugtelinge het so geweldig toegeneem dat daar geen plek meer te kry was in die passasierswaens nie en baie vroue en kinders moes in oop trokke lang reise aflê. So hals oor kop het dit gegaan, dat kinders in die trein gebore is, en een kleintjie weens gebrek aan melk op pad in sy moeder se arms gesterf het, en die meeste passasiers geen tyd gehad het om kos of klere saam te neem nie."

LIONEL PHILLIPS

Laat pres Kruger verder vertel: “Mnr Lionel Phillips (die hoof van die firma H Eckstein & Kie), een van die samesweerders, het na Kaapstad gegaan, vermoedelik om besonderhede persoonlik met mnr Rhodes te bespreek. Hy het skielik teruggekeer, onder die voorwendsel dat hy die nuwe gebou van die Kamer van Mynwese moes open. Die gebou was egter nog nie eers voltooi nie en die opening was slegs ‘n ekskuus om mnr Phillips die geleentheid te gee om ‘n politieke toespraak te maak”.

Hofmeyer wys daarop dat geen moeite ontsien was om die geleentheid so indrukwekkend as moontlik te maak nie. Die rykes, invloedrykste en vernaamste mense in die land is genooi, selfs die toonaangewende dames van Johannesburg, iets wat voorheen nooit gedoen is nie.

In die land waar ons volk gebore is, word ons nou behandel as 'n miskende en verstote "minderheid"; meer nog, as misdadigers en gehate spesie. Deur misleiding en bedrog is ons geleidelik geestelik ontwapen, later ook fisies, sodat ons bloedloos van ons geboortereg beroof kon word. Dit is die sentrale feit van die huidige Suid-Afrikaanse toestand.

Die Boere-soldate en -polisie wat voorheen hul vaderland verdedig het teen Brits-geїnspireerde en kommunisties-gedrewe terroristebendes, word gehoon en bespot en vervolg as misdadigers. En die Afrikanervolk word deur leuens en laster simbolies op die beskuldigdebank van die geskiedenis gestel om skuld te bely voor die vyande wat hom wil vernietig.

Hy is die een gemeenskap wat ter wille van "vrede" op elke terrein moes toegee, prysgee, weggee en opgee totdat daar niks meer was om te behou nie en sy "leiers" eerloos kon oorgee aan die vyande.

Prof AWG Raath

Lees reeks by Kerk as instrument van ANC-revolusie

(Let daarop dat hierdie reeks oorspronklik in 1989 geskryf is, vandaar verwysings na later-veranderde situasies bv ANC-SAKP-alliansie ens.)

Sedert 1986 het die African National Congress (ANC) alles in sy vermoë gedoen om die kerk in Suid-Afrika as afspringplek van en instrument vir sy revolusionêre aanslag te gebruik. Vir hierdie doel het die ANC ’n “Departement van Godsdienssake” in die lewe geroep om die aanslag teen die kerk te voer. As hoofkapelaan van hierdie departement, is ’n Anglikaanse priester met die naam Fumanekile Gquiba, jarelange lid van die ANC, aangestel.

In sy oproep aan Christene in Suid-Afrika, het Gquiba in sy Circular to the Religious Community verklaar dat ’n demoniese regering, wat nie volgens die wil van God bestaan nie, in Suid-Afrika die oorsaak is van bloed, dood en ellende.

Kriewelkop

"As Ek die swaard oor 'n land bring, en die mense van die land neem 'n man uit hulle kring en stel hom as wag vir hulle aan, en hy sien die swaard aankom oor die land en waarsku die mense – as iemand hom nie laat waarsku nie en die swaard neem hom weg, dan is sy bloed op sy eie hoof. As daarenteen die wag die swaard sien kom en die basuin nie blaas nie sodat die mense nie gewaarsku is nie, en die swaard neem 'n siel uit hulle weg – sy bloed sal Ek van die hand van die wag eis."

Met die stakings wat tans eskaleer en die chaos wat hieruit gaan voortkom, dink mens onwillekeurig weer aan die verraderlike leuen van FW de Klerk in 1994 dat hy glo geen ander keuse gehad het nie as om die land aan 'n swart kommunistiese bestel oor te gee, omdat dit kwansuis onregeerbaar gemaak sou word. Daar was destyds nie sprake van, of 'n vergelyking met die huidige toestand van stakings, misdaad, moord en anargie nie; tog het hy met daardie leuen weggekom, dit aan 'n spul korruptes gegee, en dáármee die swaard oor Suid-Afrika laat kom. Hiervoor sal hy en sy bende sowaar as wat dit hier geskryf staan, verantwoording doen.

Ons moet ook nie vergeet nie dat hy gesê het hy die land binne vyf jaar weer sou regeer. Dit as sulks is 'n bekentenis dat hy goed geweet het dat 'n swart regime die land werklik onregeerbaar sou maak, dat die burgers so magteloos sou staan dat hulle hom en sy meelopers later weer sou kies wanneer hulle nie meer kan huishou met die gemors in die land nie.

DIE VOORSPEL
OP 29 Desember 1995, was dit presies ‘n eeu gelede dat dr Leander Star Jameson met sy troepemag van 800 man in die nag die Zuid-Afrikaansche Republiek van pres Paul Kruger, by Pitsane in Betjoeanaland (later Botswana) ongeveer 46 km van Mafeking, ná maandelange sameswering in geheimsinnige voorbereiding ingeval het.
Dit sal egter seker nie oordrewe wees om te beweer dat hierdie geweldige gebeurtenis, wat die Zuid-Afrikaansche Republiek, suidelike Afrika en die wêreld op daardie tydstip geskud het, en verrykende gevolge gehad het, vandag by die meeste Afrikaners slegs vaagweg of geensins bekend is nie.

Ds AE van den Berg

Gen.2:25: “En hulle was al twee naak, die mens en sy vrou, maar hulle het hul nie geskaam nie”. 3:11: “En Hy sê: Wie het jou te kenne gegee dat jy naak is?...”

As jy iewers op aarde kon bly en geld is nie ’n kwessie nie, waar sou jy graag wou woon?   Op ’n tropiese eiland, naby die Alpe of iewers ver van ’n stad in die ongerepte natuur?    ’n Mens kan aan wonderlike plekke dink om te woon.  Niks sou egter met die tuin van Eden vergelyk het nie.

Eden was anders - dit het die varsheid van die skepping gehad.   Hoe wonderlik om in ’n omgewing wat geen letsel van die tyd getoon het voor die grote God te kon staan!    Alhoewel die res van God se skepping volmaak was, was Eden tog anders – ’n tuin deur God self geplant en in stand gehou.   God is mos nie net Skepper nie, maar ook die Onderhouer van sy skepping.

Eden beteken plek van heerlikheid en die woonplek van die eerste mense.   Hulle het reg van die begin af die verskil tussen Eden en die buitewêreld geken.  God het hulle ’n woonplek mooier as enige ander plek op aarde gegee.

Hannes Ollewagen

Johannes 15:1-27

Ons sien in die opskrif van die gedeelte dat hierdie laaste onderwys ook ‘n innige vereniging van Jesus met sy dissipels is.  Die boodskap was dus vir Hom ‘n baie belangrike onderwysing.

Wanneer ons onsself kinders van God noem, is ons mos ook veronderstel om sy dissipels (volgelinge) te wees?  Moet ons onsself dan nie ook deur sy Woord laat onderrig soos wat die dissipels in die Nuwe Testament gedoen het nie?  Moet ons nie ook die boodskap met dieselfde erns aanneem as wat hulle gedoen het nie?

In verse 1 en 2 begin Jesus sommer onmiddellik sy dissipels daarop wys dat God ondersoek instel in sy wingerd.  Hy kyk gedurig of daar lote is wat nie vrug dra nie, die grond onnodig onvrugbaar maak en kap hulle dan uit.