Lees reeks by Die Nuwe Suid-Afrika (1990 en verder)

Mandela—“’n Kommunis verbind tot geweld”

IN die afgelope tyd was daar herhaalde pogings om die ANC se Kommunistiese agtergrond en beïnvloeding weg te praat. Die jongste poging is die van prof. HW van der Merwe van die Abe Bailey-gefinansierde Sentrum vir Intergroepstudies aan die Universiteit van Kaapstad in die blad Buurman, wat deur die Jewish Board of Deputies uitgegee word.

Onder andere skryf die prof. Van der Merwe: “In die berugte hoogverraadsaak het die staat probeer aanvoer dat Mandela ’n Kommunis is... Die dokument wat deur die staat voorgelê is om te bewys dat Mandela ’n Kom­munis is, is ook nie deur die hof aanvaar nie”.

As Christengelowiges leef ons in benoudende tye, veral in ons land, anders as die heidene en afgedwaaldes wat meen dat alle struikelblokke verdwyn het nadat afsonderlike rasse-ontwikkeling in die land afgeskaf is.

Ons weet egter ook dat God 'n besondere plan met ons het, en ons glo dat Hy tot in die eindtyd vir Hom 'n oorblyfsel hier suid van die riviere van Kus behoue sal laat bly; 'n oorblyfsel wat wel hulle heiligheid wil handhaaf –  en natuurlik 'n struikelblok en ontsteltenis vir die res van die 'wêreld' is. Die pad van die beplande Eenwêreldregering moet volgens hulle ten alle koste gestap word en enigiets wat dit verhinder moet uitgeroei word. Daarom moes 'apartheid' tot sonde verklaar word en moet die Christendom, die behoudende faktor hier aan die suidpunt van Afrika, met alle mag uitgewis word.

Lees reeks by Die Nuwe Suid-Afrika (1990 en verder)

Waarom is die VSA sterk?

Die stellings wat die Kommissie maak (in voruge aflewering aangehaal) in verband met die deugsame uitwerking van ’n menseregte-akte in die VSA, bevat dinge wat ernstig bevraag moet word. Daar word byvoorbeeld gesê: “Die bestaan van ’n menseregte-akte en die toetsreg van die howe het nie verhoed dat die VSA een van die sterkste lande in die wêreld geword het nie, nog het dit die staatsveiligheid ondergrawe”.

Die VSA het sterk geword in ’n eeu toe daar weinig gesteur is aan die “menseregte” van Swartes in die VSA. Die VSA het sterk geword ondanks die afdwing van rasse-integrasie deur “affirmative action” en ander liberale dwangmetodes.

Hannes Ollewagen

Markus 12:18-27

“En Jesus antwoord en sê vir hulle: Is dit nie daarom dat julle dwaal dat julle die Skrifte en ook die krag van God nie ken nie?” (:24)

“God is nie ‘n God van dooies nie, maar ‘n God van lewendes. Julle dwaal dus grootliks.” (:27).

Jesus wys die Sadduseërs in die gelese gedeelte op hul dwaling en voer ook as rede aan waarom hulle dwaal. Die rede is tweeledig dat hulle die Skrifte nie ken nie en tweedens dat hulle die krag van God nie ken nie.

Vandag, in 2018, sien ons steeds dieselfde verskynsel in baie kerke. Daar is vandag steeds baie dwaalleraars wat vreemde leringe verkondig omdat hulle nie die Skrif ken nie. Dit het tot gevolg dat hulle, presies soos die Sadduseërs, menigmaal teksverse buite verband aanhaal om hul eie teorieë te probeer regverdig of verdedig eerder as om hul leer te vorm o.g.v. die leer van die Woord van God.

Lees reeks by Die Nuwe Suid-Afrika (1990 en verder)

Nasionalisme

Op die grondslae van nasionalisme, kan mens hom nie vereenselwig met ’n beoogde stelsel wat ’n volslae negering van nasionalisme sal wees nie, en wat na ’n fase van wrywing en botsing sal uitloop op ’n Swart meerderheidsregering wat, soos die les van Afrika leer, waarskynlik onder Kommunistiese beheer sal wees en Suid-Afrika betreklik gou sal afdruk tot die peil van nasionale armlastigheid, korrupte administrasie en miskenning van elementêre menseregte en demokratiese waardes. (En nou het ons land rommelstatus; hoe in die kol was hierdie insig!)

Byna ses-en-sestig persent van die klousules van die voorgestelde Menseregte-akte is eintlik ’n bevestiging van die huidige regsposisie, en in die sin van min betekenis.

Ds Andrè van den Berg

Ons staan aan die begin van 2018. Ons land is een van die gewelddadigste plekke ter wêreld. Geweld en ontwrigting is deel van heidenregerings se politieke mondering. Afrika wemel van aanskouingslesse!

Wat het van die wet en orde geword wat soveel jare aan die suidpunt van Afrika geheers het?   Die fondamente van die Westerse beskawing is behoorlik omgekeer en daarmee saam die kerklike lewe!   Die Boerevolk word deur onrus, verwarring, leuens en dwaalleer geskud. Politici en kerklui het ons willens en wetens in ʼn noodlottige proefneming laat beland!  

Ons land is besig is om te verarm. Kos word al hoe duurder, mense verloor hul werk, pryse skiet die hoogte in, misdaad, korrupsie, liefdeloosheid en eiewaan neem toe.   Is daar hoop vir 2018? Ja, daar is! En hierdie hoop vloei uit ons geloof in God dat Hy, wanneer alles verlore lyk, kan vernuwe en nuwe lewe in ʼn volk kan inblaas soos wat met die doodsbeendere in die laagte gebeur het.

Lees reeks by Die Nuwe Suid-Afrika (1990 en verder)

Regskommissie se konsep-menseregte

Winnie Mandela het in Junie 1990 in die VSA gesê sy sal terug gaan bos toe “om die blankes te beveg”. Wanneer Swartes die politieke mag bekom het, neem die meerderheidsgroep oor en plaas die ander onder dwang.

(Kommentaar voorgelê aan die Suid-Afrikaanse Regskommissie oor sy Werkstuk 25 in verband met ’n Menseregte-Akte).

DIE feit dat die Suid-Afrikaanse Regskommissie volgens ’n wet van die politieke owerheid ’n ondersoek gedoen het na en ’n verslag uitgebring het oor die kwessie van ’n Menseregte-akte, verander weinig aan die feit dat die verslag en ’n groot deel van die voorgestelde menseregte-akte neerkom op’n bloudruk vir ’n ingrypend veranderde politieke orde in Suid-Afrika.

Die essensie van die saak is dat die eerste en die laaste tien klousules van die voorgestelde akte (met enkele kwalifikasies) feitlik net as ’n bevestiging van die bestaande regsposisie in Suid-Afrika beskou kan word, en daarom as’t ware oorbodig is. Maar van klousule 11 tot 21 (ook met en­kele kwalifikasies) word die grondslae gelê vir ’n rasgemengde bestel wat die gevestigde sosiale en politieke orde moet vervang — inderdaad ’n po­litieke beleid ingeklee in kwasi-juridiese terme.

Die lot van dwaalgeeste

Ds. Andre van den Berg

“Nie elkeen wat vir My sê: Here, Here! sal ingaan in die koninkryk van die hemele nie, maar hy wat die wil doen van my Vader wat in die hemele is. Baie sal in daardie dag vir My sê: Here, Here, het ons nie in u Naam geprofeteer en in u Naam duiwels uitgedrywe en in u Naam baie kragte gedoen nie? En dan sal Ek aan hulle sê: Ek het julle nooit geken nie. Gaan weg van My, julle wat die ongeregtigheid werk!”(Mt.7:21-23)

1.   Wees gewaarsku

Jesus waarsku in die Bergrede sy volgelinge om nie deur dwaalleraars se voorkoms en optredes geflous te word nie: “Maar pas op vir die valse profete wat in skaapsklere na julle kom en van binne roofsugtige wolwe is” (Mt.7:15).Hulle is Satansagente wat keer dat siele gered word.

Hannes Ollewagen

Jes. 48:1-22

“So sê die HERE, jou Verlosser, die Heilige van Israel: Ek is die HERE jou God, wat jou leer wat heilsaam is, wat jou lei op die weg wat jy moet gaan.” (:17)

Ons bely maklik met ons mond die almag en grootheid van die Here. Ons is ook vinnig om te praat oor die grootheid van sy wysheid en raad. Maar waarom verkies ons dan dikwels om eerder ons eie gedagtes as sy raad te volg? Die getuienis van ons mond en ons optrede strook mos nie wanneer ons só handel nie.

Ons is vinnig om die vinger te wys na die volk Israel wat telkens in die nood beland het doodeenvoudig omdat hulle nie na die HERE se raad geluister het nie en aan Hom ongehoorsaam was. Dit is vir ons maklik om in retrospek te sien dat God se plan van die volk Israel se planne verskil het en dat sy leiding telkens uitkoms gebied het.

Lees reeks by Die Nuwe Suid-Afrika (1990 en verder)

NG Kerk en Apartheid

DIE besluit van die NG Sinode dat ras as onderskeidingsfaktor by lidmaatskap in die ban gedoen word en tegelyk verklaar dat daar, anders as wat vroeër geïmpliseer is, geen Bybelse gronde vir apartheid bestaan nie, het ’n reaksie ontlok wat klaarblyklik nie verwag is nie. Wat die reaksie veral verhewig, is die Sinode se afleiding dat die NG Kerk vroeër die sake nie reg begryp het nie en daarom nou skuld moet bely.

Kerkleiers wat by die besluite ’n leidende rol gespeel het, wil graag te kenne gee dat die saak suiwer teologies oorweeg is en dat alleen onreg veroordeel is waar apartheid ter sprake was. Die standpunt is ’n ontwyking van die werklikheid — ’n werklikheid waarin die politieke betekenis van hierdie Sinodebesluite groot figureer.

... ONS CHRISTUSFEES

Ds Andrè van den Berg

“Die Gees van die Here HERE is op My, omdat die Here My gesalf het om ’n blye boodskap te bring aan die ootmoediges; Hy het My gestuur om te verbind die gebrokenes van hart; om vir die gevangenes ’n vrylating uit te roep en vir die geboeides opening van die gevangenis” - Jes.61:1                              

Dit is môre weer Kersfees – of soos ons eerder sê: Christusfees !

Hierdie fees is anders as die res van die Christelike feesdae omdat dit net van vreugde spreek. Tydens Lydenstyd raak ons bedroef as ons aan Jesus se lyding dink, maar hierdie fees is louter vreugde. Vergeef maar as mens dit soms steeds Kersfees noem aangesien die meeste mense uit gewoonte daarin vrede vind.  ’n Mens sou graag van die Kersfeesgees in flesse wou opvang en elke maand een daarvan oopmaak. Dit sou ons van neerslagtigheid bevry.   

Ds Andrè vd Berg

“Vrede laat Ek vir julle na, my vrede gee Ek aan julle; nie soos die wêreld gee, gee Ek aan julle nie. Laat julle hart nie ontsteld word en bang wees nie” (Joh.14:27).

In die 1800’s is ʼn skilderfees met groot pryse in ʼn Europese stad gehou wat baie mense gelok het. Die deelnemers is nie vooraf van die tema verwittig nie en eers by die aanvang aangekondig. Die tema was vrede.

Dit het die deelnemers onkant gevang want hoe skilder ʼn mens iets abstrak soos vrede? Die meeste het rustige natuurtonele, berge, valleie en rivieroewers geskilder, met net een uitsondering; die wenner. Hy het ʼn vreesaanjaende waterval geskilder wat etlike meters na benede in ʼn kokende watermassa stort. Oor die rand het ʼn boomtak uitgesteek wat enige oomblik meegesleur kon word en op die punt daarvan ʼn voëltjie op haar nessie sonder vrees in haar oë.

Dr Danie Theron

Die geldmagte se euforie oor die verkiesing van Cyril Ramaphosa gaan gouer tot 'n einde kom as wat selfs hulle kon droom. Daar is immers sekere realiteite wat die liberale droom telkens baie gou in 'n nagmerrie verander.

Maar wie is Cyril Ramphosa?

Ramaphosa was voor 1994 die groot vegter vir die belange van die swart mynwerker. Hy was dus die groot sosialis wat hom volledig geskaar het by die ideologie van die ANC-SAKP. Met die aanvaarding van die nuwe bedeling is hy deur die Anglo-Amerikaanse magte omgekoop en skatryk gemaak. Hy het dus 'n metamorfose ondergaan en skielik het hy geen probleem daarmee gehad om homself in die kapitaliste se kamp ("wit monopolie kapitaal") te bevind teen wie hy voorheen so hard geveg het nie. Marikana was die finale bewys van hierdie gedaanteverwisseling toe werklik gesien is wie Ramaphosa is; die slagter van mynwerkers wat gedurf het om 'n myn waarin hy belange het, op sy knieë te wil bring!