1948: DIE BERLYNSE LUGBRUG

Gedagtes vir elke dag

In Markus 13 vertel Jesus vir sy dissipels van die begin van die smarte en die groot verdrukking wat mense hier op aarde sal beleef net voor die Here se wederkoms. Ook waarsku Hy hoe ons as kinders van God moet onderskei tussen die waarheid en die vreeslike misleiding wat dan sal plaasvind, en dat ons waaksaam moet wees tot Hy kom. Ons moet ernstig bid dat God ons die insig sal gee om te onderskei, en ons moet bid vir groot geloof om hieraan vas te hou tot Hy weer op die wolke kom om ons te kom haal.

1948: DIE BERLYNSE LUGBRUG

Druk | E-Pos

Lees volledig by Kultuurdagboek

KULTUURDAGBOEK 28 JUNIE

Slegs drie jaar nadat die Tweede Wêreldoorlog in Europa beëindig is, het die Westerse lande weer eens voor 'n krisis te staan gekom Die faktore wat hiertoe aanleiding gegee het, kan teruggevoer word na die vredesvoorwaardes wat op Duitsland afgedwing is.

Duitsland is in vier sektore verdeel, en die Sowjet-Unie, Brittanje, die VSA en Frankryk sou elk 'n deel beheer. Die hoofstad van Duitsland, Berlyn, wat in die Russiese sektor geval het, is ook in vier verdeel.

Aanvanklik het die Sowjet-Unie alle hulp aan die Westerse moondhede verleen maar namate die sektore onder die Weste se beheer ekonomies ontwikkel is, het die Sowjet-Unie Berlyn geblokkeer om sodoende die Weste uit Duitsland te verdryf. Die slagoffers van hierdie besluit was die Berlynse inwoners. Slegs steun van die Weste kon hulle red.

Op 28 Junie 1948 besluit die Westerse moondhede om alle moontlike hulp te verskaf en word die Berlynse lugbrug in werking gestel. Kos en voorrade is deur die lugbrug met vliegtuie, verskaf deur Amerika, Engeland, Panama, Alaska, Suid-Afrika, Japan, Hawai, Guam, Australië en Nieu-Seeland, na Berlyn vervoer.

In September 1948 het 'n afdeling van 31 man, onder bevel van maj DM van der Kaay, uit Suid-Afrika vir deelname aan die lugvrug na Engeland vertrek. Na intensiewe opleiding is hulle op 16 Oktober onderwerp aan die streng program van die Berlynse lugbrug. Vliegtuie het met tussenpose van drie minute in Berlyn geland. Gure weer het die taak geensins vergemaklik nie. Met sluiting van die lugbrug op 11 Mei 1949, is die Suid-Afrikaners se aandeel aan die unieke lugvaartgeskiedenis in gloedvolle taal deur die Lugbevelvoerder van die Berlynse Lugbrug erken.

Ons land se deelname het sterk verband gehou met ons Diets-Europese erfenis, ons anti-kommunistiese en vryheidsgevoel, en was 'n poging van die jong Afrikanerbewind van dr Malan om in die buiteland goeie gesindheid teenoor ons te skep.

NUUTSTE BYDRAES

Gedagtes vir elke dag

1948: DIE BERLYNSE LUGBRUG

Opsoek na inligting?

Besoekers aanlyn