Gedagtes vir elke dag
Of lees almal by Gedagtes vir elke dag
Die meeste mense wonder wat die geheim van gelukkig wees is, in die allesdaagse rondom hom. Jy kan nie die vreugde wat jy aan iemand anders gee deur iets mooi aan hom te sê of te doen, beleef sonder om self daardie gelukkige gevoel te ervaar nie – vandaar die spreekwoord dat dit saliger is om te gee as om te ontvang!
DIERESTORIES VAN LANKGELEDE (3)
Lees reeks by Dierestories van lankgelede
KRODODIL EN LUIPERD
Teen die rand van die eilandjie naby die bo-punt van die kuil, het die krokodil die nag deurgebring, kake en voorlyf gestut teen die hellende kant, terwyl die stert op die water dryf. Aan die oorkant van die eiland lê ’n gesin seekoeie —- pappa, mamma en kalfie; af en toe kruip ’n waterskilpad so sukkel-sukkel uit die water, steek die eilandjie oor en gly anderkant terug in die kuil in. Maar die krokodil steur hom aan niks; hy slaap.
Namate die duister dieper word, ontwaak die lewe en geluide van die nag. Uit die verte, waar die vlakte anderkant die bome geleidelik opskiet na die voet van die berge, kom nou en dan die kort, diep gegrom van ’n leeu wat sy prooi soek.
STUDIE VAN DIE OU TESTAMENT (60)
DIE AFRIKAANSE PROTESTANTSE BYBELSKOOL
Studieleier: ds. Andrè van den Berg (Sr)
Lees reeks by Studie van die Ou Testament
JOAHAS EN JOAS KONINGS VAN JUDA
LES 9
II KON 13-14:16
1. ʼn Goddelose lewenshouding
Terwyl Joas koning van Juda was, het Joahas sy vader Jehu as koning van Israel opgevolg. Hy was goddeloos en ʼn aanhanger van die kalwerdiens, die sonde van Jerobeam, Israel se eerste koning ná die skeuring van die ryk. Dit het tot sinkretisme gelei; die vermenging van meer as een godsdiens.
Dan was daar ook die heilige boomstamme, ʼn ander vorm van Baäldiens wat net so ʼn gruwel in die oë van God was. Desondanks al die gruwels het Joahas, toe God hom straf, om genade gesmeek en genade ontvang. Hy is die enigste koning van die tienstammeryk wat verhoring op sy gebede verkry het.
DAAR ÍS HULP VIR JOU!
Ds AE van den Berg
“My hulp is van die Here wat hemel en aarde gemaak het” - Ps.121:2
Ps.121 is ’n Bedevaartslied, ’n lied wat pelgrims op pad na die groot Joodse feeste in Jerusalem gesing het. Die Psalm vertel van die gevare op pad. Ja, daar was destyds ook rowers. Die gelykenis van die Barmhartige Samaritaan vertel van ’n Jood wat na ’n rooftog vir dood agtergelaat is.
Vers 1 is nie ’n belydenis van geloof nie, maar eerder ’n uitroep van wanhoop; ’n man wat bang is om op pad te wees. Hy vertel van die gevaar wat in die heuwels skuil en rowers wat wag om moeë reisigers te beroof omdat die booswigte geweet het dat hulle geld by hulle gehad het. As so ’n reisiger aangeval is, waar sou hy hulp vandaan kry? Beroofde mense is dikwels aan hul eie lot oorgelaat.
VOLKSVERRAAD (42)
Adv PJ Pretorius
Lees volledig by Volksverraad - die boek
DIE AANLOOP TOT DIE STIGTING VAN DIE VRYHEIDSFRONT
Op 15 November 1993 het die lede van die AVU, FAK en akademici (waaronder Marinus Wiechers van Unisa en Lawrence Schlemmer van die RGN) in die Sinodale Sentrum in Pretoria ontmoet. Schlemmer het getoon hoe die NP tydens die onderhandelinge in duie gestort het, en hy en prof. Johan Heyns van die FAK het 'n nuwe politieke party om Afrikanerbelange te bevorder, aanbeveel. Heyns het hom sterk uitgespreek ten gunste van die beleid van die AVU en vermeld dat Mandela dieselfde sentiment deel. Daar is besluit dat Viljoen genader moes word word vir die skep van 'n slenterparty. Viljoen het op 16 November 1993 saam met Heyns, Attie van Niekerk en Gerdus Kruger by Kruger se huis bymekaar gekom. Daar is groot gewag gemaak van Heyns en Viljoen se gemeenskaplike bande met die NG kerk en hulle bande met die Broederbond. Toe Viljoen die noodsaak van 'n slenterparty opper, het Heyns en Kruger hom daarop gewys dat dit die rol is wat van hom verwag word.
DIERESTORIES VAN LANKGELEDE (2)
Lees reeks by Dierestories van lankgelede
KROKODIL BLAAS DIE AFTOG
Die wild op die oewer en op die vlakte het ook gevind dat die kom van mense die bedreiginge van hulle bestaan vermeerder het. Die swart inboorlinge laat geen doodmaak-kans verbygaan nie. Dikwels, soos hulle voortstryk, gaan hulle staan wanneer hulle klein bokkies in die oog gekry het, sprei geruisloos in ’n diep halfsirkel uit, trek nader deur die gras, omsingel ’n afgekeerde bokkie en maak hom dood. Skaars ’n dag gaan verby sonder dat die gewig van lasdraers se bondels vermeerder word deur vleis vir die pot, buitgemaak deur die gewapende voorlopers.
Op ’n dag het ’n trop waterbokke, wat al verskeie van sy maats verloor het, getrek na ’n klompie bome, ’n halfmyl verderweg van die brug af.
STUDIE VAN DIE OU TESTAMENT (59)
DIE AFRIKAANSE PROTESTANTSE BYBELSKOOL
Studieleier: ds. Andrè van den Berg (Sr)
Lees reeks by Studie van die Ou Testament
LES 8
JOAS KONING VAN JUDA
2 Kon 11:4-21; 12 en 2 Kron 23-24
1. Joas word koning
Joas, ʼn seun van Ahasia, is vir ses jaar deur sy tante Joseba en haar man, die priester Jojadja, weggesteek. Daarna het Jojadja die kind na vore gebring om koning te word. Dit het moed gekos omdat Atalia nog regeer het en hewige teenstand van haar verwag moes word. Dit was ʼn geloofsdaad waarin hy die steun van die Leviete en die meeste van die familiehoofde in Juda gehad het. Die familiehoofde het hom gesteun omdat hulle die Dawidshuis in ere herstel wou hê. Die Leviete het hom weer ondersteun omdat hulle teen Atalia en haar Baälaanbidding gekant was.
Ter voorbereiding van die staatsgreep, het Jojadja offisiere van twee militêre groepe na hom laat kom - die Kariërs en die hardlopers. Eersgenoemdes was huursoldate wat in diens van Atalia was. Dawid het ook huursoldate gehad tewel die Kreti en die Pleti asook Gittiete (2 Sam.15:19). Die Kariërs het onder die offisiere van Juda gedien. Die hardlopers was lyfwagte (1 Kon.14:27). Toe die twee groepe by Jojadja kom en hy die seun aan hulle wys, het hulle besluit om vir hom te veg.
Die staatsgreep is vir ʼn feesgeleentheid beplan waartydens al die familiehoofde en Leviete in Jerusalem byeen was.
MANDELA SE SIEKTE
Daar is genoeg kere die afgelope jare wolf-wolf geskreeu waarop die blanke in hierdie land telkens in 'n staat van angs verkeer het. Dit is juis nie die doel met die aanhaal van hierdie skrywe van Vaandel Uitgewers nie. Dit is egter nodig om deurlopend ingelig en op alle gebiede paraat te wees. Jesus self het ons in Mattheus 24 geleer dat ons bedag moet wees op die tekens van die tye; dat daar tans duidelike tekens is van 'n gewelddadige tyd wat vir ons wag, is nie te betwis nie - sorg dat u te alle tye veilig, versorg en paraat is.
VN berei moontlik voor vir Mandela se begrafnis
Sedert die plasing van die blog-artikel, VN magte reeds in SA (12/7/2012), het ons talle versoeke ontvang vir opvolginligting met meer resente gegewens.
Ons het sedertdien verskeie berigte ontvang dat daar in Kimberley-omgewing ‘n Fema-konsentrasiekamp bestaan, maar kon dit tot dusver nog nie bevestig nie. Indien van ons lesers dalk oor meer inligting (of selfs foto’s) beskik, ontvang ons dit graag vir plasing op die blog.
Dat daar egter geheime Amerikaanse, Britse en selfs VN bedrywighede in Suid-Afrika aan die gang is, is lankal nie meer te betwyfel nie. Ons kry kort-kort berigte van betroubare bronne wat dit bevestig. Amerikaanse en Britse soldate in uniform is die afgelope tyd veral in Natal opgemerk, terwyl die VN op sy beurt by militêre operasies betrokke is.
Ook die Chinese het hulle reeds hier ingegrawe en soldate (mans sowel as vroue) ontvang militêre opleiding in en om Johannesburg, Bloemfontein, Durban, naby Sasolburg, en selfs in die Langkloof naby Mosselbaai.
Suid van Sasolburg is daar al sedert 2008 ’n Chinese vesting by ’n ou uitgewerkte myn. Die Chinese het ’n permit van die ANC regime bekom om 35 000 van hul landgenote daar te vestig. Groot hoeveelhede wapens word in reuse vraghouers op ’n Chinese plaas daar afgelewer.
DIERESTORIES VAN LANKGELEDE
Lees reeks by Dierestories van lankgelede
DAL, RIVIER EN KROKODIL
Die mens, wat die woeste streke van die aarde een na die ander in besit neem en die wildernis laat plek inruim vir weiland, die oerwoud vir huise en strate, het op daardie dal nog nie sy stempel afgedruk nie; geen paaie of brue of huise was te sien ergens tussen die gebroke reeks rante wat dit na die suide begrens, en die berge aan die noordekant nie. Drie myl na die weste, op die oop vlaktes anderkant die laaste rant, was ’n inboorlingdorpie geleë; nog een het teen die voetheuwels van die berge gelê. Maar altwee het kos en water byderhand gehad, en hoewel daar af en toe ’n klompie inboorlinge mag afgekom het na die rivier wat die middel van die dal afstreep, het die golwende hange aan elke kant van die water die ongestoorde gebied van wilde diere gebly.
JESUS KOM WEER!!
Ds AE van den Berg
"Geen deel van die Christelike leer word so aangeval soos Jesus se opstanding nie. Waarom gebeur dit? Omdat die opstanding die pen is wat ons geloof vashou. As daardie pen uitgetrek word, stort die hele Christelike leer soos ’n kaartehuis in duie! Waar staan jy in hierdie teologies waansinnige wêreld met sy geleerdes wat die opstanding van Jesus as simbolies en ’n storie afmaak?"
“En terwyl hy neerbuk, sien hy die doeke lê….” Joh.20:5
Ek het onlangs in ’n dokumentêre film gesien hoe die lyk van ’n gebalsemde man na 20 jaar opgegrawe is. Die liggaam het merkwaardig goed bewaar gebly; selfs die klere waarmee hy begrawe is. Toe dink ek aan ’n ander graf wat nie deur mensehande oopgemaak is nie, maar deur God self. ’n Graf met geen liggaam in nie, slegs grafklere; die graf en klere van ons Here Jesus wat uit die dood opgestaan en by sy graf uitgeloop het. Al wat in die graf oorgebly het, ja, die enigste getuienis dat Hy wel in die graf was, was die grafdoeke.
LEUENS
Lees reeks by Pitkos vir die siel
Ds AE van den Berg
Die Boerevolk het voor ‘n groot keuse te staan gekom - om òf volgens die Woord van God òf dié van heidene te leef.
"Sonde is om nie vir God te kies nie"
"Daarom het God hulle oorgegee aan skandelike hartstogte, want hulle vroue het die natuurlike verander in dié wat teen die natuur is; net so het ook die manne die natuurlike verkeer met die vrou laat vaar en in hulle wellus teenoor mekaar ontbrand; manne het met manne skandelikheid bedrywe en in hulleself die noodwendige vergelding van hul dwaling ontvang. En omdat hulle dit nie die moeite werd geag het om God in erkentenis te hou nie, het God hulle oorgegee aan ‘n slegte gesindheid om te doen wat nie betaam nie” (Rom.1:26-28).
Ons leef in ‘n wêreld van leuens, ook van sagte leuens – leuens wat goed op die oor val.
KOMMUNISME, DIE GODSDIENS VAN HAAT (1)
Wêreldwye ervaringe van die kommunisme-monster
deur Richard Wurmbrand
Lees reeks by Kommunisme, die godsdiens van haat
EPISODES UIT DIE GESKIEDENIS VAN DIE ONDERGRONDSE KERK
Hierdie is een episode uit die geskiedenis van die Ondergrondse Kerk. Dit het in 1969 gebeur.
In Noord-Korea het min werkers ’n vry dag. Hulle werk van die le Januarie tot die 31e Desember. Die rewolusionêre feeste word deur verhoogde produksie gevier. Jy kan alleenlik tuis bly as jy siek is.
In ’n groot steenkool-mynkamp met sowat 40 000 werkers, het dit opgeval dat 1 200 op Sondae altyd as siek aangemeld word. Dit het die owerhede se agterdog gewek en hulle vind toe uit dat die afwesiges om die beurt in private huise of, gedurende die gunstige jaargety, in die woude vergader het. Hulle pastoor sou ’n gesang opgee maar omdat die gevaar om gehoor te word, te groot was, het niemand gesing nie. Hulle sou slegs almal terselfdertyd in stilte die onderskeie liedere uit handgeskrewe gesangboeke lees. Dan sou hulle bid, ook in doodse stilte. Die pastoor sou ’n paar Bybelverse lees en ’n baie kort boodskap bring wat dan deur die hele gemeente in stilte oordink word. Daarna sou hulle in klein groepies uitmekaar gaan, terwyl hulle rondkyk om seker te maak dat niemand hulle sien nie.
STUDIE VAN DIE OU TESTAMENT (58)
DIE AFRIKAANSE PROTESTANTSE BYBELSKOOL
Studieleier: ds. Andrè van den Berg (Sr)
Lees reeks by Studie van die Ou Testament
LES 7
DIE KONINGSKAP EN EINDE VAN JEHU
1 Kon 10-11:1-3
1. Samaria gee oor
Ten tye van Jehu se sameswering het Agab 70 volwasse seuns in Samaria gehad. Jehu het briewe aan verskeie owerhede in Samaria geskryf en voorgestel dat hulle een van hierdie seuns as koning moes kies omdat hulle in ʼn vesting met wapens, strydwaens en perde was. Hy het slegs ʼn handjievol manskappe by hom gehad. Alhoewel dit baie ridderlik geklink het, was dit eintlik ʼn uitdaging. Twee konings kon nie eens teen Jehu standhou nie! Gevolglik het die owerhede in Samaria eerder aan Jehu trou gesweer en hom ʼn vrye hand gegee om na goeddunke te handel. Daarna het Jehu ʼn brief aan hulle geskryf waarin hy hulle versoek het om as blyke van gehoorsaamheid die hoofde van die familie (Agab se seuns) die volgende oggend na hom in Jisreël te stuur.
Wat het hy met hoofde bedoel? Was dit die aanvoerders van die koninklike familie of die koppe van die 70 seuns?
BEDIENING VAN DIE VERSOENING
Ds AE van den Berg
Lees reeks by Artikels: Ds Andrè vd Berg
“En dit alles is uit God wat ons met Hom versoen het deur Jesus Christus en ons die bediening van die versoening gegee het, naamlik dat God in Christus die wêreld met Homself versoen het deur hulle hul misdade nie toe te reken nie en die woord van die versoening aan ons toe te vertrou. Ons tree dan op as gesante om Christus wil, asof God deur ons vermaan. Ons bid julle om Christus wil: Laat julle met God versoen” (2 Kor.5:18-20)
‘n Mens leef slegs eenmaal op die aarde. Dan sterf jy. Daarna gaan jy vir ewig na een van twee plekke; hemel of hel. Nie een van die twee word op ‘n mens afgedwing nie. Elkeen kies self waarheen hy wil gaan. Die meeste mense kies die hel. “....want breed is die poort en wys is die pad wat na die verderf lei, en daar is baie wat daardeur ingaan” (Mt.7:13).
Hoe kom ‘n mens egter in die hemel? Kan jy self daar kom?
VOLKSVERRAAD (41)
Adv PJ Pretorius
Lees volledig by Volksverraad - die boek
Die mobilisasie het egter nooit werklik van die grond af gekom nie. Op daardie stadium het Groenewald deur middel van 'n komitee die 'generaals ' begin help om aan die leiding van die volksfront te staan. Die Komitee van Generaals, bestaande uit Viljoen, Groenewald, Bisschoff en Kobus Visser het laat in April 1993 tot stand gekom. In 'n onderhoud met The Johannesburg Sunday Times van 2 Mei 1993 het Groenewald gemeld dat die koms van die Komitee van Generaals die resultaat was van maandelange beplanning agter die skerms.
Dr. A.P. Treumicht is deur Groenewald as 'n struikelblok in die weg van die 'generaals' se toetrede tot die politiek geïdentifiseer. Wat vertroulik en onbevestig berig word, is dat dr. Treurnicht op 23 April 1993 op 'n onnatuurlike wyse aan sy einde gekom het.
KOU JY GRUISKLIP?
- maak kopskoon saam met Klaagliedere en kry weer hoop.
Johannes de Koning
(Lees meer van hierdie skrywer by skattegemynuitgodsewoordintsumeb. blogspot.com
Daar kom tye ook in die lewe van ’n gelowige dat dit werklik ellendig gaan…Alles loop skeef, alle hoop vervaag... die ergste is dat ek beleef dat die Here se hand teen my is. Hierdie skrywer was in so ’n posisie: “Ek is die man wat ellende belewe het. Die Here het my met sy toorn geslaan”. (Klaagliedere 3:1) Hy het lyding in die uiterste vorm ervaar. Hierdie swaarkry was so erg dat dit geblyk het dat bid nie eers meer help nie! “Al roep ek en al smeek ek om hulp, Hy weier om my gebed te verhoor.” (3:8) Daar was net geen uitkomkans nie. Het jy al só vasgekeer gevoel in ellende met geen uitsig op verlossing nie? “Hy het my pad met klip toegebou, vir my geen uitkomplek gelaat nie.” (3:9) Dit voel vir jou of jy klippe kou en jou tande besig is om een vir een te breek.
STUDIE VAN DIE OU TESTAMENT (57)
DIE AFRIKAANSE PROTESTANTSE BYBELSKOOL
Studieleier: ds. Andrè van den Berg (Sr)
Lees reeks by Studie van die Ou Testament
LES 6
JEHU KONING VAN ISRAEL
2 Kon 8-9
1. ʼn Vrou kry haar eiendom terug
By geleentheid het Elisa die seun van ʼn Sunamitiese vrou uit die dood opgewek. Sy en haar man het hom dikwels herberg verskaf. Kort na haar man se dood het daar hongersnood in die land gekom en het Elisa haar aangeraai om vir ‘n tyd lank in die land van die Filistyne te gaan woon waar daar volop kos was (Rigt.15:5). Daar word nie gesê dat die hongersnood weens droogte was nie. Oorlog, strooptogte en sprinkane het ook hongersnode veroorsaak.
Hoe sy haar eiendom verloor het, word nie gesê nie. Eiendom wat vir ‘n lang tydperk alleen gelaat is, het staatseiendom geword. Toe sy later terugkeer, moes sy ʼn beroep op die koning doen om haar eiendom en die opbrengs van haar grond terug te kry.
1994: VOLK GESLAG OP MEINTJESKOP (18)
Die dag sal kom... soos by Vereeniging
Dr Harry Mocke
Lees reeks by 1994: Slag van Meintjeskop
DRUIP WISKUNDE, MAAR SLAAG LOGIKA...
Die sin vir waardes raak dikwels, selfs aan opvoedkundige inrigtings, 'n probleem.
Vir die Amerikaners is voetbal dikwels die oorheersend belangrike saak wat alle ander waardes oorheers. Dit suur deur na skole en universiteite. Soos hier te lande dan ook gebeur, "koop" hulle goeie voetbalspelers met beurse en ander voorregte om aan hulle universiteite te "studeer" en sommer "terloops" ook vir hulle voetbal te speel. Daar bestaan egter 'n reël dat hierdie "studente" af en toe toetse moet slaag en "vordering" moet toon.
Aan een van hierdie universiteite was daar ook so 'n student wat 'n uitmuntende voetbalspeler was. Hy het egter 'n groot probleem gehad. Die vermoë om met sy studie te "vorder", het ontbreek.
VOLKSVERRAAD (40)
Adv PJ Pretorius
Lees volledig by Volksverraad - die boek
VOLKSEENHEIDSKOMITEE AS REGERINGSFRONT EN BOUSTEEN VIR DIE AFRIKANER VOLKSFRONTEugene Terre' Blanche is deur die Afdeling Militêre Inligting se Kommunikasie Operasie (Kom.ops.) aangesê om 'n geheime vergadering te hou sodat die AWB se verhouding met die staat opnuut gekonstitueer word. In November 1991 hou Terre' Blanche so 'n vergadering en stig hy die Volkseenheidskomitee. Vervolgens rapporteer die Weekend Star van 1-2 April 1995 op bladsy 3 in sy artikel: "AWB formed by Voster government: Plan backfired and resulted in rise of militant neo-Nazis, says secret document.
".... Years later, Terre' Blanche became involved in a power struggle with other council members and it was apparently demanded in 1990 that he resign his post as leader. He refused with the result that several AWB members then resigned. Terre 'Blanche is then said to have called a secret meeting to reconstitute the AWB and this was held in Kiber Park, Johannesburg, in November 1991.
SIENER VAN RENSBURG, DIE MENS (20)
Lees reeks by Siener van Rensburg, die mens
" Smuts is 'n geel hond met 'n wit halsband. Hy is kompleet Engelsman, en het net ‘n Boerenaam (wit halsband)... "
Generaal Botha se einde
Die uitbreek van die Groot Griepepidemie in 1918 het 'n tragiese begin en ewe tragiese einde gehad.
Hierdie gegewens kom grootliks uit geskrifte in privaatbesit.
'n Vriend en vertroueling van oom Nicolaas vertel dat Siener hom reeds vóór die uitbreek van die Eerste WêreldoorIog gewaarsku het dat genl. Louis Botha nog eendag sy rug op die Afrikaner sou keer. Hy vertel as volg:
Toe ons in 1910 selfregering kry, toe hou ons volk bidure sodat die Heer vir ons die regte man as Eerste Minister moet aanwys.
Destyds moes ons tussen Botha en Merriman kies. Botha val toe uit met die verkiesing. Maar ons gee hom Losberg en maak hom Eerste Minister. Vier jaar later (1914) laat skiet die einste Botha toe die Boeregeneraals wat in die Tweede VryheidsoorIog hul plig gedoen het omdat hul nie onskuldige bloed wou vergiet en landpale wou verruk nie.
STUDIE VAN DIE OU TESTAMENT (56)
DIE AFRIKAANSE PROTESTANTSE BYBELSKOOL
Studieleier: ds. Andrè van den Berg (Sr)
Lees reeks by Studie van die Ou Testament
LES 5
GOD VERLOS WONDERBAARLIK
2 Kon 6 -7
1. ʼn Byl dryf op water
Toe die blyplek van die profeteseuns in Jerigo te klein word, het hulle ‘n paar bome by die Jordaanrivier gaan afkap om dit te vergroot. Hulle was sterk genoeg om self die werk te doen (2 Kon.2:16). Elisa is gevra om saam te gaan. Toe een van die profeteseuns se byl breek en die kop in die water val, was hy in die verknorsing. Dit was ‘n geleende byl! Elisa het nadergekom, ʼn stok afgesny en dit in die rigting van die byl gegooi waarna die byl op die water gedryf het. God gee selfs in daaglikse klein dingetjies uitkoms!