Gedagtes vir elke dag
Of lees almal by Gedagtes vir elke dag
Die liefde is nie jaloers nie...
PCR-COVID-TOETSINGS FOUTIEF (2)
Ons het gister geskryf oor hoe die PCR-toetsmetode wat gebruik word om die Covid-19-virus by mense op te spoor, nie in staat is om dit te doen nie. Volgens Fuellmich is die enigste rede waarom die PCR-toets gebruik word en nog op 'n verkeerde manier ook gebruik word, om genoegsame vrees by die publiek te skep sodat niemand die pandemie-maatreëls wat in werking gestel word, sal bevraagteken nie.
Die Duitse Departement van Binnelandse sake het ‘n geklassifiseerde koerant naamlik die “Panic Paper” wat onlangs aan die pers gelek is. Daarmee is onthul dat die Duitse regering doelbewus beplan het om mense paniekerig te maak.
Fuellmich het die saak ondersoek en bevind dat een van die fyn strategieë wat in die koerant uiteengesit is, is om kinders skuldig te laat voel indien die gesin nie die Covid-regulasies nakom nie.
Volgens Fuellmich is PCR-toetsings vals en foutief. Daarby bestaan daar nie 'n dodelike viruspandemie nie, "en ek kan dit in die hof bewys," sê hy.
Soos Fuellmich opgemerk het, begin al hoe meer mense regoor die wêreld nou wakker word oor die feit dat die beperkings wat onder die dekmantel van die beskerming van volksgesondheid ingestel word, nie binnekort gaan verdwyn nie. Dit is deel van 'n veel groter langtermynplan, en die doel is om die wêreldbevolking 'n nuwe lewenswyse in te lei as digitaalbeheerde gevangenes van ‘n sataniese plan deur ‘n groep skatrykes. Die Nuwe Wêreldorde beteken letterlik dat die wêreld gedwing gaan word om ‘n nuwe orde te aanvaar waar ons sonder ons vorige vryhede dan as slawe van die Geldmag en hulle god, Satan, sal moet leef.
PCR-COVID-TOETSINGS FOUTIEF
Soos ons reeds 'n geruime tyd die waarheid oor Covid-19 aan ons lesers probeer bring, het ons hier weer eens bewyse van die bedrogspul. Dit is nie net in Suid-Afrika waar mense snuf in die neus gekry het nie. Talle lande, ook nou in Duitsland, is daar 'n spesiale komitee gestig wat bestaan uit regsgeleerdes wat van plan is om dagvaardings uit te reik sodra hulle ondersoeke finaal afgehandel is.
Reiner Fuellmich, wat al 26 jaar 'n advokaat vir verbruikersbeskerming in Kalifornië en Duitsland is, is 'n stigterslid van die Duitse buitelandse parlementêre Corona-ondersoekkomitee (Außerparlamentarischer Corona Untersuchungsausschuss, (ACU), wat op 10 Julie 2020 van stapel gestuur is.
Fuellmich lei die komitee se korrupsiekrisis-saak - 'n internasionale groepsgeding teen diegene wat verantwoordelik is vir die vals toetsings en bedrog in verband met Covid-19; hulle wat ‘n sogenaamde pandemie ontwerp het om ekonomiese verwoesting regoor die wêreld te bewerkstellig.
Hy skat dat meer as 50 ander lande die voorbeeld sal volg om ondersoek in te stel na die waarheid.
Professor Christian Drosten, Ph.D., 'n Duitse viroloog is die hoof van die Instituut vir Virologie aan die Universiteit van Bonn Mediese Sentrum. Drosten is veral bekend vir die ontwikkeling van die eerste diagnostiese toets vir SARS in 2003. Hy het ook 'n diagnostiese toets vir varkgriep ontwikkel, en in 2009 gehelp om paniek hok te slaan oor die H1N1.
BURGERLIKE ONGEHOORSAAMHEID
Ds A.E. van den Berg
“En Petrus en die apostels antwoord en sê: Ons moet aan God meer gehoorsaam wees as aan die mense” (Hand.5:29).
Mense met baie name haat dit om vorms in te vul. Keiser Nero sou een kon wees - Nero Claudius Caesar Augustus Germanicus! Hy was 12 jaar lank keiser van Rome en met ʼn man getroud. Toe ’n brand ’n deel van Rome verwoes het, het hy die Christene die skuld daarvoor gegee terwyl hy self die brand laat stig het om plek te maak vir nuwe geboue wat hy wou oprig.
Paulus se brief aan die Romeine is tydens hierdie regering geskryf. Nogtans vuur hy gelowiges nie tot opstand teen die regering aan nie en sê dat die beginsel van regeermag van God kom. Hy skryf in Rom.13 dat die staat sy mag van God ontvang en sodoende ’n dienaar van God is.
Toe Jesus voor Pilatus verskyn, sê Pilatus vir Hom:
“…. Weet U nie dat ek mag het om U te kruisig en mag het om U los te laat nie?” (Joh.19:10) waarop Jesus sê: ” …U sou geen mag teen My hê as dit u nie van bo gegee was nie…” (:11).
Toe Paulus later voor Festus staan, sê hy:
SY HEERSKAPPY IN MY LEWE
Hannes Ollewagen
Psalm 19:1-15
“Hou u kneg ook terug van moedswillige sondes; laat dit nie oor my heers nie. Dan salek onbestraflik wees en vry van groot oortreding.” (:14).
Hoe kosbaar is Dawid se versoek nie? Hy vra die Here om hom as nietige en sondige mens te help om vir Hom wat God is na behore te eer. Hy vra dat die Here hom daartoe sal help om daardie sondes in sy lewe waarvan hy bewus is te oorheers en te oorwin. Hy vra die Here om hom te help om nie aan hierdie ongeregtighede toe te gee nie, maar om daarteen weerstand te bied. Hy vra die Here om hom te help om nie die knie voor die heerskappy van ongeregtigheid te buig nie, maar om ‘n lewe van geregtigheid te lei.
Dawid maak nie soos talle mense vandag nie. As koning oor Israel ag hy homself nie so heilig en onaantasbaar en ontken dat daar enige sonde in hom is nie. Nee, geliefdes – hy besef dat daar in sy lewe dinge is wat die Here mishaag en hy verkies om daarteen te stry. Hy ontken dit nie. Hy praat die nie goed nie. Hy ignoreer dit nie as iets wat onbelangrik is nie. Dit is nie maar God se probleem as Hy nie daarvan hou of nie daarmee tevrede is nie. Hy soek nie verskonings daarvoor dat die tye dalk verander het of dat hy as ‘n vors onder God se volk nie God se insettinge hoef te onderhou nie. Nee, geliefdes – omdat Dawid se liefde vir God so groot was, was dit vir hom uiters belangrik om God te behaag. Hy het ‘n diepe begeerte gekoester om aan God gehoorsaam te wees, om Hom te eer en sy welbehae te doen. Ja, God lewer self getuienis van hierdie kosbare begeerte in die hart van koning Dawid.
DIE AANSLAG OP VOLKE SE SOEWEREINITEIT
Die Europese Unie probeer nou sy begroting van 1,8 triljoen Euro goedkeur, maar met die politieke slenter daarin opgesluit dat lidstate ‘n minimum aantal vlugtelinge moet aanvaar. Net Pole en Hongarye weier om daardie voorwaarde te aanvaar en word nou boonop gedreig dat hulle nie die “rule of law” in hulle onderskeie lande handhaaf as hulle nie hierdie voorwaarde as deel van die pakket wil aanvaarnie. Voor in die koor van die dreigers is die Nuwe Wêreldorde-dissipel, Angela Merkel, iemand wat globalisme reeds volledig omarm het.
Soos William Endahl, bekende onafhanklike internasionale politieke ontleder dit stel:
“However when we look more closely at various EU laws, it becomes clear that the phrase [“rule of law”] is used as yet another neuro-linguistic manipulation, much as the earlier “Responsibility to Protect” that was used by the Obama Administration to bomb Libya to the stone age.”
Die Poolse Eerste Minister, Mateus Morawiecki en Viktor Orbán, Eerste Minister van Hongarye, het ‘n gesamentlike perskonferensie gehou en gaan poog om hierdie stap te veto en sal die begroting alleenlik goedkeur as hierdie bepaling uitgehaal word.
Dis gewoon skreiend dat ‘n staat se soewereiniteit op so ‘n wyse aangeval word en dit onder die dekmantel van die “rule of law”.
ONTWAAK UIT DIE SLAWERNY!
Vandag, 2 Desember, word die vrymaak van slawe internasionaal herdenk. Hoe ironies dat die Blanke in Suid-Afrika juis vandag in groot slawerny verkeer. Minstens het die slawe wat tot in 1834 met hulle vrystelling hier in Suid-Afrika nie vir hulle lewens gevrees en is hulle nie in duisende vermoor nie, meer as wat ons vandag van óns toestand vandag kan sê.
Daar vind vandag internasionaal verslawing van volke plaas wat die slawe van destyds se omstandighede na ‘n kinderpartytjie laat lyk. Regoor die wêreld word gesien hoe volke deur hulle politieke leiers uitgelewer word. Of dit nou aan die banke is of aan vreemde oorheersing, die resultaat is dieselfde: verslawing.
In Suid-Afrika het die NP-regering in die vroeë 90’s die land op ‘n skinkbord aan die ANC oorhandig. Die gevolg? Slawerny vir die Blanke.
In Griekeland het daardie regering die Grieke uitgelewer aan die Internasionale Monetêre Fonds (IMF) met die gevolg dat armoede die grootste deel van daardie land in die gesig staar.
STOP VIGS...
...HEILIG SUID-AFRIKA SE SEDELIKE GEDRAG!
Die voorspoed of verval van ʼn volk hang baie van die sedelike peil van sy burgers af. Van die 22 beskawings wat al tot ʼn val gekom en van die wêreldkaart verdwyn het, het 19 weens sedelike verval tot niet gegaan. Suid-Afrika se sedelike peil verkeer in bodemlose put met die hoogste voorkoms van VIGS ter wêreld! Nagenoeg 18% van alle volwasse Suid-Afrikaners is besmet en die getalle styg steeds soos wat die gat in ons morele osoonlaag groter word.
In 1982 was twee homoseksuele vlugkelners die eerste mense wat in Suid-Afrika met VIGS gediagnoseer is. Vyf-en-twintig jaar later was 5,7 miljoen mense in Suid-Afrika besmet. In 2010 alleen het 280,000 mense in ons land daaraan gesterf; 42% van die sterftes daardie jaar!
Niemand weet vir seker waar en wanneer VIGS begin het nie. Dit was nie altyd daar nie. Die algemene verklaring is dat dit iewers in Afrika ontstaan het waar mense wat die vleis van sekere ape geëet het ʼn virus na mense oorgedra het. Dis hoogs onwaarskynlik. Daarvoor het die virus net te vinnig versprei!
VIGS staan vir verworwe immuniteit gebrek sindroom. Die naam sê dat dit van nêrens gekom het nie maar miljoene lewens geëis het toe mense se immuniteit-sisteem skielik ophou werk het. Die VIGS epidemie vergelyk met die Swart Plaag wat eeue gelede in ʼn betreklik kort tyd van die een land na die ander versprei en miljoene lewens in Europa en Engeland geëis het.
ESKOM VAN BINNE EN BUITE VERROT
'N Ondersoeker van Eskom het bevind dat atmosferiese besoedeling van deeltjies tot tien keer die toelaatbare perk gedurende die afgelope twee jaar konstant by die Kendal-kragstasie gevind word.
Die Minister van Omgewing, Bosbou en Visserye, Barbara Creecy, het erken dat daar op 27 November ‘n dagvaarding aan Eskom beteken is, waarin die senior staatsaanklaer waarsku om 'n strafregtelike vervolging uit te voer ten opsigte van lugbesoedeling deur Eskom se Kendal-kragstasie.
Dit sluit die aanklag in van die verskaffing van vals en misleidende inligting in verslae wat deur die bestuur by Kendal-kragstasie opgestel is – wat 'n kriminele oortreding is soos in Artikel 51 (1) (g) van die Wet op luggehalte gelys. Die dagvaarding beveel dat Eskom-verteenwoordigers op 28 Januarie 2021 in die Witbank-streekhof moet verskyn.
DIE WONDER VAN GOD SE WOORD (8)
BESTANDDELE VAN ‘n BYBELSE GEBAK
Botter
“Water het hy gevra, melk het sy gegee, in ‘n sierlike skottel het sy dikmelk gebring” (Rigt.5:25).
Olie en meel
“…Die meel in die pot sal nie opraak en die olie in die kruik sal nie minder word nie….”
(1 Kon.17:14).
Vye en rosyne
“Daarby gee hulle hom ‘n stuk vyekoek en twee rosynekoeke” (1 Sam.30:12).
Water
“…Laat my tog ‘n bietjie water uit jou kruik drink” (Gen.24:17).
Heuning en neute
“…bietjie balsem en bietjie heuning, …neute en amandels” (Gen.43:11).
Eiers
“…en ek het die hele aarde bymekaargeskraap soos wat ‘n mens eiers bymekaarskraap” (Jes.10:14).
Sout
“…en jy mag die sout …nie laat ontbreek nie…” (Lev.2:13).
Suurdeeg
“…Weet julle nie dat ‘n klein bietjie suurdeeg die hele deeg suur maak nie?” (1 Kor.5:6).
Baie speserye
“…daar het nooit weer so ‘n menigte speserye ingekom as wat die koningin van Skeba aan koning Salomo gegee het nie” (1 Kon.10:10).
DIE OES VAN ONS LAND
Hannes Ollewagen
Lukas 8:4-15
“En ‘n ander deel het in die goeie grond geval en gegroei en honderdvoudige vrug opgelewer. Toe Hy dit gesê het, roep Hy uit: Wie ore het om te hoor, laat hom hoor!” (:8).
Dit is weer daardie tyd van die jaar wat die boere hier in die Vrystaat met ywer hul lande bewerk. Die reëntjie wat ons tot dusver ontvang het, het die meeste met groot opgewondenheid vervul. Dit wek by die mens sommer ‘n groot verwagting. Daar word hard gewerk, lande word voorberei en saad word geplant, want die huidige stand van sake wek ‘n vooruitsig van ‘n goeie opbrengs. En hierna wag die landbouers op die opbrengs van hul handewerk soos wat ons in Jakobus 5:7 lees.
“…Kyk, die landbouer wag op die kostelike vrug van die aarde en het geduld daarmee totdat dit die vroeë en die laat reën ontvang het.”
Hierdie opgewondenheid en verwagting onder ons mense laat my dink aan die woorde van die Here by monde van die profeet Jesaja.
DIE WONDER VAN GOD SE WOORD (7)
DIE BYBEL GEE LEWE
DIT BEVAT
Die wil van God
Die verlorenheid van die mens
Die weg na saligheid
Die verdoemenis van sondaars
Die blydskap van gelowiges
Die lig wat ons lei
Die voedsel vir die gees
Die troos om ons op te beur
DIE WONDER VAN GOD SE WOORD (6)
DIE BYBEL BLY VIR ALTYD STAAN
Eeue kom en eeue gaan
Tog bly die Bybel voortbestaan
Koninkryke kom en heerskappye wyk
Nogtans word die Bybel deur mense gebruik
Al word dit ook deur mense bespot
Bly dit vir gelowiges die hoogste gebod
Storms van haat oorweldig dit nie
Voor God buig eendag elke knie
DIE WONDER VAN GOD SE WOORD (5)
DIE NUT VAN DIE BYBEL
Die Bybel is vir ons:
Die handves van ware staatkundige vryheid
Die voorloper van minsame beskawings
Die insteller van owerheidsgesag
Die vormgewer van regverdige wetgewing
Die resep vir volksvoorspoed
Die gids van die geskiedenis
Die dryfveer agter die meeste letterkunde
KASSINGA – DIE WAARHEID OOR 4 MEI 1978
“Dit is Hemelvaartdag, 4 Mei 1978; ons is oppad na Cassinga, 260 kilometer binne Angola – en ‘n moontlike vroeë dood... Die bome lyk vir my gevaarlik naby, maar dis dalk beter so, want so is dit onwaarskynlik dat die radar ons sal optel, en ons dan ‘n prooi word vir ‘n Kubaanse Mig vegvliegtuig. Skielik swiep ‘n grys voorwerp van agter af onder ons deur, en vir ‘n oomblik versteen ek.”
Geloftelandlesers het die uiters groot voorreg om die persoonlike ervaring van Peet Victor, een van die dapper valskermsoldate wat ons landsgrense in die sewentigerjare help beskerm het, eerstehands hier te lees. Ons hartlike dank aan hom vir hierdie inligting wat nie net ‘n opwindende ware aksieverhaal is nie, maar definitief bevestig dat Kassinga een van die hoofkwartiere van die terroriste-organisasie SWAPO was, en nié soos SWAPO later beweer het, ‘n vlugtelingkamp wat onreg gely het nie. Die aanval op Kassinga was ‘n noodsaaklike operasie om die kommunistiese guerillavegters van Suid-Afrika te probeer afkeer. Vandag kan ons net lof en eer bring aan hierdie dapper manne wat hulle lewens nogeens in gevaar gestel het!
Bietjie agtergrond – Red
Die Slag van Kassinga, ook bekend as die Cassinga Raid of Cassinga Massacre, was 'n omstrede Suid-Afrikaanse lugaanval op 'n kamp van die guerrilla-organisasie SWAPO in die stad Kassinga, Angola, op 4 Mei 1978. Gelei as een van die drie belangrikste aksies van Operasie Reindeer tydens die Suid-Afrikaanse Grensoorlog, was dit die eerste groot lugaanvaloperasie van die Suid-Afrikaanse weermag.
Wat dit omstrede gemaak het is SWAPO se bewering dat Kassinga eerder 'n vlugtelingkamp as 'n militêre kamp was, en dat die klopjag kwansuis 'n bloedbad op burgerlikes eerder as 'n baie suksesvolle militêre operasie was.
DIE UURGLAS LOOP UIT (12)
Ds A.E. van den Berg
Die ewige goeie tyding
“Salig is die wat sy gebooie doen, sodat hulle reg kan hê op die boom van die lewe en ingaan deur die poorte in die stad.... Ek is die wortel en die geslag van Dawid, die blink môrester” (Openb.22:14,16).
Die afsluiting van Openbaring is uniek. Niks word aan die verbeelding oorgelaat nie. Jesus waarsku dat niks van hierdie boek weggeneem of daaraan bygevoeg mag word nie omdat dit sy boodskap van hoop sal belemmer en mense mislei word soos bv. die dwaling van die wegraping wat leer dat daar vir sekere gelowiges ʼn ontsnaproete voor die groot verdrukking sal wees.
In die openingsverse van Openbaring word gesê:
“...dit is die openbaring van Christus Jesus wat God Hom gegee het om aan sy diensknegte te toon.”
Daarna volg ʼn saligspreking:
“...salig is hy wat die woorde... bewaar wat daarin geskrywe is...”
en op die laaste bladsy van die Bybel herbevestig:
“Hierdie woorde is betroubaar en waaragtig; en die HERE, die God van die heilige profete, het sy engel gestuur om sy diensknegte te toon wat gou moet gebeur”.
Daarna volg nog ʼn saligspreking:
“Salig is hy wat die woorde van die profesie van hierdie boek bewaar”.
OM GEHOORSAAM TE WEES
Hannes Ollewagen
1 Samuel 15:1-35
“Daarop sê Samuel: Het die HERE behae in brandoffers en slagoffers soos in gehoorsaamheid aan die stem van die HERE? Kyk, om gehoorsaam te wees is beter as slagoffer, om te luister beter as die vet van ramme.Want wederstrewigheid is ’n sonde van waarsêery, en eiesinnigheid is afgodery en beeldediens. Omdat jy die woord van die HERE verwerp het, het Hy jou as koning verwerp.” (:22&23).
Saul gaan vir Samuel ewe selfvoldaan tegemoet nadat hy teruggekom het van die oorlog teen Ámalek. Hy het ‘n groot oorwinning behaal. Hy het die vyand se land met die banvloek getref. En dan het hy boonop met ‘n groot buit teruggekom wat hy van voorneme was om aan die Here te offer. Samuel deel egter nie Saul se opgewondenheid oor die oorwinning nie. Inteendeel, Samuel is woedend omdat Saul aan die Here ongehoorsaam was. Hierdie groot, aansienlike buit en offer was vir hom glad nie indrukwekkend nie.
Geliefdes, ons behoort beslis in ons tyd hierdie lering uit God se Woord ter harte te neem. Ons sien ook hoedat mense al te graag dinge doen om indrukwekkend te lyk. Dink maar hoe indrukwekkend moes daardie offer van Saul nie gelyk het nie! Die beste van die Ámalekiete – en dit in hul menigte wat as offer aan God gebring word. Ja, soos daardie mense in ons tyd wat hul skenkings van miljoene rande maak – hoe indrukwekkend vir die mens. Maar hoe gering voor God omdat die gesindheid waarmee dit gedoen word nie vir Hom aanneemlik is nie.
“EN Jesus het reg voor die skatkis gaan sit en gekyk hoe die skare geld in die skatkis gooi. En baie rykes het veel ingegooi.En daar kom een arm weduwee en gooi twee geldstukkies in, dit is ’n oortjie.Toe roep Hy sy dissipels na Hom en sê vir hulle: Voorwaar Ek sê vir julle, hierdie arm weduwee het meer ingegooi as almal wat in die skatkis gegooi het.” (Markus 12:41-43).
WES-KAAP WIL AFSTIG
Is die afstigting van die Wes-Kaap werklik ‘n haalbare opsie?
Dr Danie Theron
(Gelofteland deel nie skrywer se siening oor afstigting van ‘n gebied vir ‘n Afrikanerstaat nie. In hierdie artikel is daar egter baie ander interessanthede en plaas ons dit.)
Dr Corne Mulder van die VF Plus het onlangs in ‘n toespraak by die KaapstadsePersklub gestel dat “ons” toekoms in ‘n onafhanklike Wes-Kaap lê. Meer bepaald dan dat daardie provinsie selfbeskikking deur middel van sesessie (afstigting) moet oorweeg en ‘n onafhanklike staat moet word.
Hy het aangevoer dat 71% van die inwoners nie wil hê dat die ANC oor hulle moet regeer nie en dat die ANC maar hoogstens 36% van die mense aldaar sedert 1994 kon oorreed om vir hom te stem, ‘n persentasie wat intussen kleiner geword het.
Ek het reeds in ‘n vorige artikel daarop gewys dat afstigting van ‘n gebied (en daarmee saam onafhanklikheid) die tussentydse aangewese opsie vir die Afrikaner is. (Gelofteland het dit goedgedunk om nie die vorige artikel te plaas nie – Red). Of die Wes-Kaap, soos hy tans daar uitsien, egter die oplossing is, kan bevraagteken word. Dit vanweë die etniese samestelling van die provinsie.
ONTMASKER DIE MASKER...
Nege maande ná die COVID-19-pandemie duur die bittere konflik oor die dra van maskers in elke land nog voort. Die meeste van ons hou nie van die ding oor ons gesig nie maar daar is diegene wat glo dat die dra daarvan noodsaaklik is. En dit word steeds deur owerhede op die publiek afforseer te midde van die feit dat alle navorsing sover aantoon dat die dra van maskers nie die verspreiding van virale siektes voorkom nie.
In ‘n video voer Robert F. Kennedy Jr., stigter van Children's Health Defense, 'n onderhoud met die ondersoekjoernalis Jeremy Hammond - bekend vir sy talle artikels oor buitelandse beleid, finansies, inentstowwe en meer onlangs oor pandemiese reaksiemaatreëls.
In die onderhoud het hulle 'n reeks vrae bespreek, waaronder:
• Wat is die einddoel van wêreldwye maatreëls soos inperkings en die dra van maskers?
• Gaan dit regtig om die beskerming van die volksgesondheid, of is daar 'n ander agenda?
• Wat sê die wetenskap oor die doeltreffendheid van maskers teen virussiektes? Is daar nadele, soos gevolge vir slegte gesondheid? Moet kinders maskers dra, alhoewel hul risiko vir die opdoen van COVID-19 feitlik nie bestaan nie?
• Wat is die groter samelewingsgevolge van die dra van maskers?
Wat sê die wetenskap?
DIE WONDER VAN GOD SE WOORD (4)
DIE BOODSKAP VAN DIE BYBEL
Die Bybel is in hoofsaak met die verhaal van God se verlossing in Jesus Christus gemoeid. As ons die Bybel lees, maar die verhaal van verlossing mis, mis ons die boodskap en betekenis van die Bybel. Die verhaal van Jesus is in feitlik elke boek van die Bybel te vinde. Hy is die volgende:
Genesis: Die Saad van die vrou
Exodus: Die Paaslam
Levitikus: Die versoenende Offer
Numeri: Die geslane Rots
Deuteronomium: Die Profeet
DIE UURGLAS LOOP UIT (11)
Die verheerlikte bruid
“En een van die sewe engele .... het na my gekom en met my gespreek en gesê: Kom hierheen, ek sal jou die bruid toon, die vrou van die Lam”(Openb.21:9).
In die OT lees ons van Moses wat by geleentheid op ʼn berg geklim het waar God hom noukeurig voorgeskryf het hoe om die tabernakel op te rig en daarna reg in te rig. Dit moes as ʼn sigbare simbool van God se inwoning onder sy volk dien en almal wat dit besoek het, moes weet dat God op besondere wyse hier te vind was.
In Openb.21 word Johannes ook deur die Gees na ʼn hoë berg meegevoer om hom te wys hoe die woonplek van God onder die mense op die nuwe aarde gaan lyk. Die eerste tabernakel het net een poort aan die oostekant gehad. Die laaste een het 12 poorte; drie in elke windrigting en kan van alle kante af binnegekom word.
Johannes sien die name van die 12 stamme van Israel op die stadspoorte en die name van die 12 apostels op die stadsfondamente. Dis die simbool van die apostels se uitdra die evangelie van verlossing aan alle volke, tale en nasies. Dis die ware kerk en bruid van Christus deur die eeue. Johannes sien die eindproduk.
Bruide doen altyd groot moeite om hulle vir hul troudag mooi te maak. Geen bruid vergelyk egter met die skoonheid van die bruid wat hier beskryf word nie. Volgens die Bybel was Moses ʼn aantreklike man. Toe hy destyds na die opdrag om die tabernakel in te rig, van die berg gekom het, het sy gesig so geskitter dat mense nie na hom kon kyk nie. Hy moes ʼn sluier moes dra (Ex. 34).