Gedagtes vir elke dag
Of lees almal by Gedagtes vir elke dag
Hoe lyk jou gesindheid en optrede binne die omgewing waarin jy leef en gesien word? Is jy ook een van dié wat hoor maar nie regtig luister nie, wat ervaar maar nie belééf nie, wat bestaan maar nie regtig lewe nie? Daar is 'n manier waarop jy hierdie saak kan regstel: in elke taak, optrede en handeling, vra eers vir jouself wat dink jy Jesus sou gedoen het soos toe Hy hier op aarde as mens was. As jy hiermee volhou sal jy intens bewus word van sy voortdurende nabyheid en leiding, en dit sal die begeerte van jou hart word om altyd die regte ding te doen en te sê.
KOM VEROOTMOEDIG SAAM
KENNISGEWING VAN BEOOGDE VEROOTMOEDIGINGSDIENSTE VIR DIE AFRIKANERVOLK VAN GOD:
9 DESEMBER 2014 – 16 DESEMBER 2014
Op 16 Desember 1949 het die woorde van ons eertydse Eerste Minister, dr. DF Malan, die wekroep tot sy volk gestuur het met dié vraag:
“Waarheen Suid-Afrika?"
“As u weggedwaal het van die Voortrekkergees en –gedagte; as daardie vraag 'waar gaan jy heen?' aan u opgedring word, staan dan stil en draai terug! Terug na u volk, terug na u kerk en terug na u God.”
Vandag, 65 jaar later, het ons volk só ver weggedwaal ook omdat menige van ons kerke daarin voorgeloop het. Sou ons stil raak wanneer die vraag “Waar gaan jy heen?” vandag aan ons opgedring word, is die antwoord steeds: Terug na ons God! By Hom alleen lê ons heil en ons verlossing!
WARE KWINKSLAE (21)
Humor in die Anglo-Boereoorlog 1899-1902
Samesteller: Elria Wessels
Lees reeks by Ware kwinkslae
Die dagboek van Hugo H. van Niekerk, De Wet-armale 1:
Hendrina Rabie-Van der Merwe is deur die Engelse op Jagersfontein as redelik gevaarlik beskou. Een aand word 'n paar soldate gehuur om haar na haar huis toe te vergesel waar sy die nag bewaak moos word.
Sy sê vir hulle: "Go back to your officer and tell him that it is beneath me to be seen walking with two common soldiers. If they want me to come they must send an officer to fetch me."
Een offisier word toe gestuur en hy is baie beleefd. Terwyl hy staan en wag, sê Hendrina aan 'n ander vrou wat ook in die huis is: "Give me my gown." Die twee wagte voor die huis hoor dit en verstaan dat sy sê: "Give me my gun!"
"O no!" sê die een vir die ander, "let us clear out, she is going to shoot!"
Ná die misverstand opgeklaar is en hulle op pad na die huis is, sê sy vir die offisier: "Look here, Sir, you are an Englishman, I am an Afrikaner woman. You are not to walk near me but at a distance of ten yards!"
UIT DIE 2e VRYHEIDS- OORLOG (10)
Lees reeks by Uit die Tweede Vryheidsoorlog
Die Huisgenoot het in die vroeë dertigerjare, onder J.M.H. (Markus) Viljoen as redakteur, uittreksels oor die Tweede Vryheidsoorlog geplaas.
Tussen water en vuur
G.D. Kotze
Swaar reëns het in die Vrystaat geval toe genl. De Wet ’n rapport van een van sy verkenners ontvang dat ’n groot Engelse mag in die rigting van die Sandrivierbrug opruk en heel moontlik die rivier sal oorsteek. Daar was wel ’n drif en ’n skuit ’n paar myl bokant die brug, maar mens kon net met groot gevaar daar deurtrek, en dit was onwaarskynlik dat die Tommies dit sou waag.
Dit het die Boeregeneraals nou ’n gulde geleentheid gebied om die Engelse in ’n hinderlaag te lei en hulle met ’n sekere mate van sukses teen die oormag te verdedig.
’n Groot Boeremag onder genl. De Wet en kommandante Froneman en Du Plooy het dus by die Sandrivier saamgetrek. Omdat die generaal niks aan die toeval wou oorlaat nie, het hy kmdt. Du Plooy beveel om saam met dertien burgers, my inkluis, die drif en skuit wat aan die oorkant van die rivier in vyandelike gebied gelê het, te gaan bewaak en hom dan dadelik te laat weet as daar gevaar van daardie kant dreig.
BEKEER ONS TOT U, HERE...
...DAN SAL ONS ONS BEKEER
Ds Andrè van den Berg
“Bekeer ons tot U, Here, dan sal ons ons bekeer; vernuwe ons dae soos in die voortyd” - Klaagl.5:21
Daar is niks so hartseer as om in tye van swaarkry na die goeie ou dae terug te verlang nie, veral as jy weet dat die swaarkry nie jou eie skuld is nie. Dit het met Juda gebeur. Jeremia het die onaangename taak gehad om Juda 40 jaar lank te waarsku dat God hulle gaan straf. En toe hulle nie wou luister nie, was God se geduld met hulle op en het Hy hulle met die Babiloniërs as tugroede in sy hand ʼn loesing gegee. Jerusalem is in Augustus 586vC, hierdie maand presies 2,600 jaar gelede, platgeslaan en baie van die inwoners in ballingskap weggevoer. In Klaagliedere huil Jeremia oor die verwoesting van hierdie eens glorieryke stad.
UIT DIE 2e VRYHEIDS- OORLOG (9)
Lees reeks by Uit die Tweede Vryheidsoorlog
Die Huisgenoot het in die vroeë dertigerjare, onder J.M.H. (Markus) Viljoen as redakteur, uittreksels oor die Tweede Vryheidsoorlog geplaas.
Twee maal voor 'n vuurpeloton
W.J.H. Jacobs, opgeteken deur sy dogter mev. E.J. Weeber
Vóór die oorlog was ek ’n welgestelde boer van Griekwastad. Met die uitbreek van die oorlog het kmdt [J.J.] Jordaan ons dorpie in die Kaapkolonie op 17 November 1899 as Vrystaatse gebied geproklameer, en alle diensbare manne opgeroep as Vrystaatse burgers. Ons kommando is na Kimberley en het deelgeneem aan die Slag van Magersfontein. Met die oorgawe van genl. Piet Cronje het ons rebelburgers almal teruggekeer na ons huise. Ons het toe kennis gekry om ons wapens neer te lê. Dat ons so lig daarvan afgekom het, is seker toe te skryf aan die feit dat ons opgekommandeer was.
In Julie 1901 was daar weer gerugte van ’n Boerekommando onder genl. De Villiers. Ons het onmiddellik kennis gekry om al ons bruikbare perde vir beskerming na die dorp te bring. Maar ek het liewer gesien dat die Boere my perde kry as die Engelse. Dus het ek my perde weggesteek en kalmpies gaan aanmeld dat die Boere my perde gevat het. Die Engelse kolonel was toe al klaar ingelig dat ek die perde weggesteek het sodat hulle my in die tronk gestop en die perde laat haal het.
WARE KWINKSLAE (20)
Humor in die Anglo-Boereoorlog 1899-1902
Samesteller: Elria Wessels
Lees reeks by Ware kwinkslae
Die volgende twee staaltjies kom uit Hendrina Rabie-Van der Merwe se boek Onthou! In die skaduwee van die galg, pp. 121-122
In Calvinia laat Generaal Hertzog my (Rooi Faan van der Merwe) toe roep en hy sê vir my: "Kyk, Faan, ons het nou Calvinia van die Engelse afgeneem en ek en generaal Nieuwoudt gaan verder — ons wil gaan tot by Lambertsbaai en ons kan nie Calvinia sommerso los dat die Engelse hom weer inneem nie. Ek stel jou nou aan as landdros van Calvinia; jy kan vir jou 'n klompie man uitsoek — so tussen twintig en vyf en twintig en dan bly julle agter en julle sien toe dat wet en orde in Calvinia gehandhaaf word totdat ek terugkom."
So gesê, so gedaan. Ek word aangestel as landdros van Calvinia en die twee generaals gaan verder. Daar het nou nie juis ernstige sake voor my gedien nie, maar ek het gou uitgevind dat 'n man soos ek geen kennis van regspleging het nie en baie gou in die war gebring kon word deur getuienis aan te hoor vir 'n man en teen 'n man, terwyl aan die ander kant, as 'n man skuldig pleit, word daar geen getuienis gelei nie! Toe maak ek 'n plan.
WARE KWINKSLAE (20)
Humor in die Anglo-Boereoorlog 1899-1902
Samesteller: Elria Wessels
Lees reeks by Ware kwinkslae
Die volgende twee staaltjies uit C R de Wet, De Strijd tusschen Boeren Brit:
Daar was ook ’n paar Jode in Calvinia wat winkeleienaars was en wat glad nie gediend met die Boerelanddros en sy regstelsel was nie. Tewens soveel so dat hulle my glad nie gegroet het nie. Ek het dit 'n rukkie lank verdra en toe op 'n dag vervies ek my vir die Jode. Ek sê eendag vir my manne "Kyk, moreoggend bring julle almal van hulle — bring hulle voor die hof." Die volgende oggend is die hele ou spul daar en ek laat hulle onmiddellik weet dat ek hulle aankla van minagting van die landdros. Natuurlik het ek nie geweet of daar so 'n wet was of nie, maar nietemin dit is waarvoor ek hulle aangekla het. Ek vind hulle toe een na die ander skuldig en beboet hulle elkeen met £10. Hulle het geen opsie gehad nie en moes maar opdok. En daarna? Waar 'n Jood my ook al op die straat gesien het, of dit nou twee of drie blokke ver was, sê hy al: "Môre, miester Landdros, môre miester Landdros!"
KINDERVERHALE (18) (SLOT)
CE Latsky
Lees reeks by Kinderverhale van CE Latsky
"Binne ons bereik"
Drie kort verhaaltjies:
EENDAG kom daar 'n besoeker in die huis van 'n baie eenvoudige paartjie. Wat was hy verwonderd om te sien daar hang aan die muur in 'n raam 'n banknoot van taamlike hoë waarde. Hy vra om dit te sien en toe hulle dit afhaal en nader gee, merk hy op dat dit 'n banknoot van 'n vreemde land is, maar wel een wat uitgeruil en gebruik kan word."Waar kom u daaraan?" wil hy weet.
"O meneer," antwoord hulle, "in die oorlog het 'n gewonde man eendag hier aangesukkel gekom. Ons het hom ingeneem, verpleeg en versorg. Hy was baie dankbaar, veral daar hy een van die vyand was, en toe die vrede gesluit word en hy weggaan, het hy vir ons hierdie mooi ou prentjie gegee; ons bêre dit as 'n aandenkinkie van hom.
WARE KWINKSLAE (19)
Humor in die Anglo-Boereoorlog 1899-1902
Samesteller: Elria Wessels
Lees reeks by Ware kwinkslae
Robert de Kersauson de Pertnendreff, Ek en die Vierkleur, p. 52:
By Kruidfontein was ons almal in die huis besig om koffie te drink terwyl 'n paar van ons op die klavier en 'n ghitaar musiek maak toe een van ons Kleurlinge die deur oopdruk en benoud skree: "Baas! Kakies!"
Ons hardloop uit met ons wapens in die hand en verras twee Engelse wat net daar aangekom het op fietse. Hulle gewere was aan die fietsrame vasgemaak. Een skree dadelik: "Don't shoot, we surrender!" terwyl die ander een byvoeg: "I'll be damned if I want to get shot for five shillings a day!"
UIT DIE 2e VRYHEIDS- OORLOG (8)
Lees reeks by Uit die Tweede Vryheidsoorlog
Die Huisgenoot het in die vroeë dertigerjare, onder J.M.H. (Markus) Viljoen as redakteur, uittreksels oor die Tweede Vryheidsoorlog geplaas.
"Wil julle Boere sien wegloop?"
D.J. du Toit
D.J. du Toit skryf dat hy letterlik drie jaar in ballingskap was. Hy is op 21 Oktober 1899 met die Slag van Elandslaagte gevang en het St. Helena op 21 Oktober 1902 verlaat op pad terug na Suid-Afrika. Van Elandslaagte af is hy en ander krygsgevangenes na Durban gebring, daar op 'n smerige skip gelaai en na Simonstad vervoer, waar hulle op 'n skoon oorlogskip, die Penelope, oorgeplaas is. Die lewe op die skip was maar baie eentonig daar in die hawe, maar aangesien die gevangenes van 'n hele aantal nasionaliteite was, kon hulle die tyd met 'n groot verskeidenheid speletjies verdryf. Bolandse vriende het allerhande lekker kossoorte gestuur sodat hulle in plaas van skeepskos lekkernye kon geniet soos heerlike vet skaapvleis, boerbeskuit, koek, lekker Bolandse vrugte, konfyt en botter. Eendag het daar soveel hoendereiers aangekom dat elkeen vyftien gekry het.
Hy vertel self:
SCOTT NA DIE SUIDPOOL (17)
Scott se Ekspedisie na die Suidpool 1910 – 1913
Lees reeks by Scott na die Suidpool
Terugreis (vervolg)
Lashly het styf vasgehou en op die een of ander manier het ek en Crean van die brug afgekruip. Ons het ons ysspore vas in die ys gedruk en na die plek waar Lashly was, opgekruip. Ons het aldrie aan die bergklimmerstou vasgehou en op die een of ander buitengewone manier het ons die bopunt van die lys bereik. Hier het ons ons vasgeanker en reggemaak om die slee boontoe te hys. Soos ek reeds gesê het, het die slee 400 lb. geweeg en omdat ons aldrie heeltemal uitgeput was, het die spanning van die gewig van die slee ons krag tot die uiterste getoets. Die ellendige ding het eenkanttoe gegly en op die helling omgeslaan. Byna het die slee ons in daardie ysige afgrond afgeruk, maar ons gesamentlike pogings het ons gered en weereens het ons die gevaar van die oomblik vergeet.
WARE KWINKSLAE (18)
Humor in die Anglo-Boereoorlog 1899-1902
Samesteller: Elria Wessels
Lees reeks by Ware kwinkslae
HENDSOP EN UITSKUD
J.A. Smith, Ek rebelleer!, p. 28:
Die vyand moes vir alles sorg. Ons het altyd genoeg Kakies met hulle perde en uitrusting gevang sodat ons soms kieskeurig kon wees.
Ek het baie kere gesien dat die Kakies wat al gewoond daaraan geword het, gaan sit en skoene uittrek of hulle kamaste afhaal om dit te oorhandig, sodra hulle ontwapen word en nog voor hulle beveel word om dit te doen. Soms is die burger nogal ontevrede en teleurgesteld as die Kakie wat hy gevang het, nie by hom het wat die burger wou gehad het nie.
So dam oom Andries eendag 'n Kakie by om nuwe stewels te kry. Die ou soldaat sit reeds en begin dit los te maak.
"Boots, tommie, boots!" beveel oom Andries. "Pull out!"
Die ou soldaat spook om die swaar en stywe goed los te kry. Oom Andries buk om te help en bemerk meteens dat dit nie die soort is wat hy kan gebruik nie.
PLIGTE VAN GODS- GEHOORSAME KINDERS
Hannes Ollewagen
1 Petrus 3:1-7
In die bose samelewing waarin ons leef raak ons soms só verstrengel in die stryd vir ons geloof en beginsels dat ons amper uit die oog verloor waarvoor ons stry. Dikwels maak ons onsself ook aan ongehoorsaamheid aan die Evangelie skuldig.
Ons stryd aan die suidpunt van Afrika is ‘n edele stryd teen die bose en vir die behoud van die Christelike geloof en Evanglie in ons land, want sou ons volk as ligdraer hier ten gronde gaan, word die Evangelie bes moontlik saam met ons begrawe.
UIT DIE 2e VRYHEIDS- OORLOG (7)
Lees reeks by Uit die Tweede Vryheidsoorlog
Die Huisgenoot het in die vroeë dertigerjare, onder J.M.H. (Markus) Viljoen as redakteur, uittreksels oor die Tweede Vryheidsoorlog geplaas.
Die kinders (2)
E.F. Rohm
2 DIE BAASSPIOEN THYS VAN TONDER
Thys van Tonder se grootste begeerte was om een van die lang verkykers te besit wat die Engelse offfisiere gebruik het. Op ’n dag toe drie van hulle gebuit is, het hy so gesoebat dat hy ene gekry het. Van dié dag af het hy verkenningswerk van geen geringe gehalte gedoen nie. Sy bruin mêrrietjie se stert het hy kort geknip sodat sy op ’n afstand soos ’n Engelse perd moes vertoon - en hy natuurlik as Engelsman. Hy het altyd ’n entjie van die kommando af gery en verkenningswerk op sy eie verrig.
KORSIES VAN PASTEI
(Die hele pastei by: Korsies van Pastei)
Ronald Reagan, gewese Amerikaanse president het ewig 'n humoristiese aanmerking kwytgeraak. So ietsie daarvan:
"Politiek is nie 'n slegte beroep nie. As jy slaag, daar is baie belonings. As jy 'n skandaal aanvang, kan jy altyd 'n boek skryf."
"Resessie is wanneer jou buurman sy werk verloor. Depressie is wanneer jy joune verloor. En herstel is wanneer Jimmy Carter syne verloor."
"Wanneer 'n man 'n fles gekleurde lekkergoed sit en eet verklap dit sy karakter – hou dop of hy een kleur uitsoek, of sommer 'n handvol vat en eet..."
"Een manier om seker te maak misdaad betaal sou wees om die regering dit te laat beheer."
"Ek sien almal wat ten gunste van aborsie is, is reeds gebore."
ONTHOU VOLKS- VERGADERING 10 OKTOBER
van die Geloftevolk van Suid-Afrika –
D.V. 10-12 Oktober 2014 te Dankbaar CVO Skool, Bloemfontein.
Tema: Ps.33:12a “Welgeluksalig is die nasie wie se God die HERE is...”
Geagte Volksgenoot,
CHAOS is besig om elke sektor van die Nuwe Suid Afrika lam te lê. Die land met die “beste grondwet” in die wêreld, stort in duie! Parlementslede maak ‘n bespotting van die Parlement en die Regering ondersoek die moontlikheid om 50% van die blanke boere se plase ten gunste van die plaasarbeiders te onteien
[i] . Myne, Banke, Nywerhede
[ii] , Privaat eiendom, Besighede, ens. staar nasionalisering in die gesig.
Elke myn, plaas, dorpshuis en besigheid in hierdie land kom onder die Hamer en Sekel. Selfs u beleggings is onveilig en pensioenskemas is ook aan’t wankel. Die waarborge [wigte en teenwigte] wat die Nuwe Suid-Afrika vir die Blankes moes bestendig het saam met die Nasionale Party van die toneel verdwyn en is vervang met die beleid van Regstellende Aksie wat ongekende blanke emigrasie en ellende teweeg gebring het.
SIEN DIE VOLLE PRENTJIE
Ds Andrè van den Berg
“... dit is vir my goed om naby God te wees; in die Here HERE het ek my toevlug gestel....” (:28).
Ses blinde mans kom eendag by ʼn dieretuin aan en huur vir hulle ʼn gids om hulle rond te neem en van die diere te vertel wat hulle nie kon sien nie. Die gids neem hulle toe na ʼn mak olifant en gee aan elkeen die geleentheid om aan een deel van dier te vat en vir hom te sê hoe ʼn olifant vir hom voel.
Die eerste blinde het aan die stert gevoel en gesê dat ʼn olifant soos ʼn dik tou voel. Die tweede een het aan die poot gevoel en gesê dat ʼn olifant soos ʼn boomstomp voel. Die derde een het aan die sy vel gevoel en gesê dat ʼn olifant soos ʼn skurwe muur voel. Die vierde blinde het aan die olifant se oor gevat en gesê dat dit soos ʼn groot waaier voel. Die vyfde een het aan die slurp gevoel en gesê dat ʼn olifant soos ʼn groot slang voel. Die sesde een het aan die tand gevoel en gesê dat ʼn olifant soos ʼn sabel voel.
Omdat hulle almal blind was, kon nie een van hulle die werklikheid sien nie.
WARE KWINKSLAE (17)
Humor in die Anglo-Boereoorlog 1899-1902
Samesteller: Elria Wessels
Lees reeks by Ware kwinkslae
Oom Ben Wasserman, W.H. Ackerman se Opsaal!, p. 169:
Op kommando het dominee Burger van Middelburg altyd 'n pakmuiltjie gehad waarop al sy losgoed vasgebind was, en die muiltjie het oral agter hom aangedraf. Dominee Burger het die kommando's gereeld besoek en dienste gehou. Soms het hy lank by Jack Hindon se korps gebly en dan weer na 'n ander kommando vertrek. Ons was eenmaal weer afgesaal op Nooitgedacht en dominee Burger was by ons. Onderkant ons was 'n groot pan waarheen die muiltjie altyd gedwaal het om water te gaan suip en in die groen gras langs die kant te wei. Maar hierdie muiltjie het die nuk gehad om altyd eenkant te wei as Dominee hom nodig gehad het, tot groot ontsteltenis van sy eienaar. Ek en 'n maat was op kampwag en het bokant die pan in die lang gras gesit toe ons Dominee hoor aankom.
UIT DIE 2e VRYHEIDS- OORLOG (6)
Lees reeks by Uit die Tweede Vryheidsoorlog
Die Huisgenoot het in die vroeë dertigerjare, onder J.M.H. (Markus) Viljoen as redakteur, uittreksels oor die Tweede Vryheidsoorlog geplaas.
Die kinders
E.F. Rohm
Seuns van selfs jonger as tien jaar het hul aandeel aan die oorlog gehad as beeswagters en spioene. Spioenasiewerk het hulle veral gedoen vir hul eie gesinne of soms vrouelaers wat van plek tot plek gevlug het om aan die konsentrasiekampe te ontkom. Sommige van die kinders was oud genoeg om by die kommando's aan te sluit. Kinders wat as te jonk beskou is vir kommandodiens het weggeloop van plase, uit kampe en Basoetoland (die huidige Lesotho) om te gaan veg. Baie van hulle het op die ou einde in die krygsgevangenekampe beland.
Die vegtende seuns was oor al die kommando's versprei, maar daar was ook een geval waarin 'n klein veldkornetskap net uit seuns bestaan het - ongeveer 25. Die burgers het na hulle verwys as "die kinders". Die veldkornet van "die kinders" was E.F. Rohm, uit wie se artikel in Die Huisgenoot van 22 Januarie 1943 hierdie uittreksel gemaak is.
KINDERVERHALE (17)
CE Latsky
Lees reeks by Kinderverhale van CE Latsky
Die Storie van 'n Bekende Lied
HOEVEEL van julle ken die lied wat gebaseer is op ons Heiland se gelykenis van die verlore skaap? Dit kom nie voor in die Halleluja, sover soos ek kan vasstel nie, maar die Engelse lied is alombekend.
"There were ninety and nine that safely lay
In the shelter of the fold;
But one was out on the hills away,
Far off from the gates of gold;
Away on the mountains wild and bare,
Away from the tender Shepherd's care."
Hierdie lied is geskryf deur 'n Skotse dame in die jaar 1851, net voor sy haar een en twintigste verjaardag sou vier.