Gedagtes vir elke dag
Of lees almal by Gedagtes vir elke dag
Daar kom ’n dag van afrekening:“Want ons moet almal voor die regterstoel van Christus verskyn, sodat elkeen kan ontvang wat hy deur die liggaam verrig het…” (2 Kor.5:10). Daar is ’n verband tussen wat ons op aarde doen en ons hiernamaalse verblyf. ’n Mens kan nie ergerlik leef, maar verwag om op ’n verebed die hemel ingedra te word nie!
DIE DWAASHEID VAN DIE KRUIS...
... IS ‘N KRAG VAN GOD
Dr Willem Jordaan
Waar bly die wyse? Waar bly die skrifgeleerde? Waar die redetwister van hierdie eeu? Het God nie die wysheid van hierdie wêreld dwaas gemaak nie? – 1 Kor 1:20
Paulus noem die evangelie “die krag van God” – 1 Kor 1:18. Die kruisdood van Jesus het die spot van teenstanders verwerk. Die “krag van God” lê daarin dat dit die hoogste aktiwiteit openbaar van die steeds werkende, handelende God tot saligheid van die mens. Die krag word sigbaar omdat dit ‘n skeiding veroorsaak tussen dié wat verlore gaan en dié wat gered word.
“Wyses, skrifgeleerders en redetwisters” verwys na Jode en Grieke wat weens hulle ongelowige lewens – en wêreldbeskouing, onaangeroer is deur die Heilige Gees en oorgegee is aan oordeel en ondergang.
Deur middel van sy eie wysheid sal die wêreld God nie ken nie. Nie deur verligting van die verstand sal jy gered word nie, maar verligting van die hart – ja, deur geloof.
Die Jode verlang deurgaans na ‘n teken ( ‘n wonder vanuit die hemel wat sal bevestig dat Jesus die Here is) en die Grieke as denkers, iets wat hulle verstand sal aanspreek. Paulus steur hom nie hieraan nie maar verkondig ‘n gekruisigde Christus. Meeste het dit verwerp maar tog gryp (roep) God hulle wat dit aanvaar:
Want wat dwaas is by God, is wyser as die mense; en wat swak is by God, is sterker as die mense – 1 Kor 1:24
‘n Gekruisigde Messias was vir die Griek ‘n toonbeeld van dwaasheid en vir die Jood ‘n teken van swakheid. En tog is die gekruisigde die oorwinnaar oor alle vermeende wysheid en krag van mense.
Om deur God net verkies (geroep) te word, is nie ‘n prestasie nie; dit is ‘n wonderwerk van genade. As christen word jy dus opgeneem in die gemeenskap met Christus. Dit beteken ook ‘n herskepping en word jy deel van die geestelike rykdom van Christus.
Aan God is dit te danke dat julle met Christus Jesus verenig is. Hy het vir ons geword die wysheid wat van God kom; die vryspraak, die heiliging en die verlossing – 1 Kor 1:30.
Geloof bestaan nie in die wysheid van mense nie maar in die krag van God – 1 Kor 2:5.
Paulus het te kort geskiet in oorredingskrag van menslike wysheid (volgens die Grieke )maar hy is gedra deur die Heilige Gees en die krag van God. Vir diegene wat wou hoor het sy prediking wel ‘n kragdadige uitwerking gehad.
Maar ons spreek die wysheid van God, wat bestaan in verborgenheid wat bedek was en wat God van ewigheid af voorbeskik het tot ons heerlikheid. – 1 Kor 2:7.
Die wysheid van God bestaan in die heilsgeheim wat vir die mens se verstand verborge is, en wat daarom alle menslike wysheid oortref. Diegene wat glo sal die heilsgeheim ken( Efesiërs 3:3).
Hoe sal ons die goddelike wysheid ken? Alleenlik as die Heilige Gees in jou woon. Hy lei jou in alle waarheid en maak die betekenis van God se optrede jou bekend.
Maar God het dit aan ons deur sy Gees geopenbaar, want die Gees ondersoek alle dinge, ook die dieptes van God.
Wie dus die Gees van God besit, is ook bekend met die heilsgedagtes van God. In die gees van die wêreld is daar geen krag nie. Dit is ontoereikend. Dit is leeg. Dit is nutteloos. Dit kan die dinge van God nie beoordeel nie.
Ja, vestig jou oë op die kruis – en die krag wat alle krag te bowe gaan sal in jou vaardig word.
ROOMSE MISLEIDING ONTMASKER (7)
Ds A E vd Berg
Lees reeks by Roomse misleiding ontmasker
Die misoffer
Die Roomse misoffer is nie bloot ʼn ander manier van Nagmaalsviering nie. Dis geen Nagmaal nie! Nagmaal is ʼn gedagtenis maaltyd (Luk.22:19) waartydens gelowiges hul die lyde en sterwe van Christus voor die gees roep. Die RK beskou dit verkeerdelik as ʼn offer soos wat die eertydse OT priesters gebring het en staan so sentraal, dat selfs die prediking daaraan ondergeskik is.
Hierdie misoffer is Babilonies van oorsprong. Die afgodspriesters se hooffunksie was om tot eer van Semiramis te offer waartoe ʼn hoëpriester hulle georden het. Alle ander funksies was daaraan ondergeskik. Dis presies dieselfde in die RK. Priesters word georden om tot eer van Maria te offer. Tydens dié ordening sê die biskop:
DIE JOODSE REVOLUSIONÊRE GEES
Dr Danie Theron
The Jews having rejected Logos (Christ), were inevitable rendered revolutionaries.
Daar het al baie boeke oor die Jode verskyn. Self het ek baie boeke oor die Jode gelees. As ek ‘n paar mag uitsonder wat beslis gelees moet word is dit The Zionist Factor van Ivor Benson, Judaïsm Discovered van Michael Hoffman, Controversy of Zion van Douglas Reed ea. Dit is uitstaande werke en ‘n absolute moet vir enigeen wat iets van die Joodse gees wil verstaan.
Maar sover dit mag gaan, sal mens steeds op werke afkom wat uitstaande is. So het ek afgekom op die werk van Michael Jones, The Jewish Revolutionary Spirit and the Impact on World Humanity. Wat ‘n uitstaande werk! Terloops, Amazon, die maatskappy van die rykste man op aarde, Jeff Bezos, verkoop die boek tweedehands vir $150, sowat R2 100!
ROOMSE MISLEIDING ONTMASKER (6)
Ds A E vd Berg
Lees reeks by Roomse misleiding ontmasker
ʼn Uitgediende amp
As die hoof siek is, is die res van die liggaam ook siek. Van die pous tot die priesters vertolk alle Roomse kerklui ʼnrol wat skerp van die NT se oorskrifte vir kerklike opsieners verskil (1Tim.3). So is die priesterskap bv. ʼn uitgediende amp.
In die OT het priesters ʼn waardige amp bedien deur vir sondaars by God in te tree om versoening vir hul sondes te verkry. Hulle was egter net ʼn voorafskaduwing van Christus, die eintlike Hoëpriester, wat sou kom. Daarom is die priesteramp na die kruisiging van Christus afgesluit. Sondaars moes God voortaan sonder tussengangers nader.
Die OT priesterskap is met ʼn nuwe amp vervang – die amp van die gelowige. Elke gelowige is ʼn priester met Jesus as Hoëpriester.
DIE JODE EN SWARTES
Dr Danie Theron
Goyim (non-Jews) were born only to serve us. Without that, they have no place in the world... Rabbi Ovadia Yosef
Voormalige hoofrabbi van Israel - 18 Oktober 2010
Die Azkenazi Jode het as groep die hoogste gemiddelde IK van enige groep. Dit is aangewend om aan hulle ‘n invloed te gee ver buite die verhouding van hulle getalle tot die res van die bevolking. Veral in Amerika. In die VSA is byvoorbeeld bevind dat Jode daar ‘n gemiddelde IK van 115 het, terwyl dié van die Negers 85 is.
Toe die Jode boonop toegetree het tot die uitbou van die Swart bewussynsbeweging in die VSA, was dit ‘n formaliteit dat hulle ook dié beweging sou beheer.
LET OP SY KRAG
Hannes Ollewagen
Exodus 9:13-35
“...maar juis hierom het Ek jou nog laat bestaan, dat Ek jou my krag kan toon, en dat hulle my Naam op die hele aarde kan verkondig.” (:16).
Ons wonder dikwels oor God se benadering tot en hantering van sake. Ons kan byvoorbeeld wonder waarom Hy nie opslag die satan vernietig het toe hy teen God in opstand gekom het nie. Waarom hom uit die hemel werp en daarna selfs toelaat dat hy die mensekinders versoek? Ons wonder dalk waarom God nie sommer met die plaag van die dood van die eersgeborenes begin het en sodoende die volk Israel soveel vroeër uit Egipte laat trek het nie.
God verklaar vir ons sy optrede teenoor Farao in Exodus 9:14-16. Hy stel aan Farao in vers 13 dat Hy wat God is aan hom ‘n bevel gee. God beveel aan Farao dat hy die volk Israel moet laat trek. God ken egter die hart van hierdie heiden en weet dat dieselfde opstandigheid daarin seëvier as wat in die satan is om God se bevele te verontagsaam.
WOEKERY: VERDERE BETOOG
Dr Pieter Swart
Woekery is in effek ‘n oorlog wat teen die individue en teen die mense van ‘n land gevoer word. Die hef van rente deur banke op geld wat hulle uit niks geskep het nie deur bloot ‘n bankinskrywing te maak, verplig die lener om na daardie geld te gaan “soek” in die “vryer markte”.
Baie Christene sal vandag geskok wees as hulle moet hoor dat hulle ‘n heilige oorlog moet voer teen sonde of vyande van ons geloof. Waarom is hulle nie geskok oor die oorlog wat die woekeraars teen ons voer nie?
Om rente op ‘n lening te hef maak almal vreemdelinge van mekaar, soos vandag die geval is en wat Thomas Hobbes genoem het Bellum omnium contra omnes, of te wel, ‘n oorlog van almal teen almal.
RENTE ‘N SONDE?
Dr Pieter Swart
Psalm 15:
Wie het die reg om in u woonplek te kom, Here?
... hy wat sy geld nie op rente uitleen nie.
Daar word beweer dat hierdie voorskrif, soos baie ander voorskrifte in die Ou Testament, nie meer geldig is nie. Of dan dat dit bloot na die ideale persoon verwys.
Tog vind mens dieselfde verbod in Esegiël 5:8:
...hy sal nie op rente uitleen nie en nie woekerwins vat nie.
Geld is ‘n ruilmiddel en indien geld self gebruik word om geld te maak, in teenstelling met geld wat verdien is deur werk, word geld uit niks gemaak nie.
Die persoon wat rente vra het dus nie daarvoor gewerk nie. Dit word dus ten koste van iemand anders gemaak.
DIE 911 POLIS
Ds A E vd Berg
“Hy wat in die skuilplek van die Allerhoogste sit, sal vernag in die skaduwee van die Almagtige (Ps.91:1).
Wanneer ʼn mens aan terrorisme dink, onthou jy 11 Sept. 2001 toe terroriste twee wolkekrabbers in New York met vliegtuie in puin gelê het. Die beeldmateriaal daarvan sal ʼn mens altyd bybly. Suid-Afrika ken ook terrorisme. Die ANC se Kerkstraat-bomontploffing in die 80er jare is een voorbeeld. Wat goed is vir ʼn terroris, is altyd baie sleg vir ʼn land!
Waar kom terrorisme vandaan? Van die Satan. Daarmee verwoes hy lewens, gesinne, kerke, gemeenskappe en lande. Kyk wat ná April 1994 in Suid-Afrika gebeur het toe die Christelike bestel m.b.v. kerke afgebreek is om aan Satan beheer te gee. Suid-Afrika het die gevaarlikste land ter wêreld geword. Dit gebeur as mag aan die grootste terroris oorhandig word –Satan! Jesus sê van hom:
“...Hy was ʼn mense moordenaar van die begin af....” (Joh.8:44).
Wat kan gelowiges teen hierdie terroris doen? ʼn Beskermingsplan uitneem; die 911 beskermingsplan (Ps.91:1).
“Hy wat in die skuilplek van die Allerhoogste sit, sal vernag in die skaduwee van die Almagtige”.
Vernag beteken beskerm. Gelowige sal die Almagtige se beskerming verkry. Ons durf nie sonder hierdie geestelike dekkingsplan leef nie; dis te gevaarlik! Wanneer Satan, die geestelike terroris, ons aanval, maak ons die Bybel by Ps.91:1 oop – ons eie 911 polis met drie wonderlike voordele. Kyk daarna :
- (i)Ons kan na God hardloop.
- (ii)Persoonlike verhouding.
- (iii)Vertrou op God se beloftes .
- (i)Ons kan na God hardloop.
Nood laat ʼn mens hardloop; òf na òf weg van God. In die teksvers doen die skrywer die regte ding en hardloop na God toe. Ps.91:1 is nie vir almal nie; dis slegs vir hulle wat God deur die bekering tot Jesus leer ken het. Dis vir die kinders van God wat in die Vaderhuis bly, bedoel. Hierdie polis maak nie vir mense wat so af en toe kom kuier voorsiening nie; dis alleenlik vir permanente inwoners bedoel en nie vir die gaste nie!
Dawid praat ook van hierdie geestelike verblyf in die Vaderhuis:
“Een ding het ek van die Here begeer, dit sal ek soek, dat ek al die dae van my lewe mag woon in die huis van die Here...” (Ps.27:4).
Watter voordeel het hierdie vaderhuis vir God se kinders? Die teksvers sê dat dit ʼn skuilplek is – ʼn plek van heilige en veilige verkeer met die Vader.
“Want U, Here, is my toevlug. Die Allerhoogste het jy jou beskutting gemaak” (:9).
Salomo sê:
“Die Naam van die Here is ʼn sterk toring; die regverdige hardloop daarin en word beskerm” (Spr.18:10).
Hierdie vaderhuis is ʼn geestelike fort.
Luther skryf die woorde van ons Ges.265:
“ ʼn Vaste burg is onse God, ons skuil in Hom, die sterke...”
ʼn Burg is ʼn ondeurdringbare verdedigingsvesting. So is God vir sy kinders. Niemand is teen Hom bestand nie, selfs nie Satan nie.
Hoe lyk hierdie sterke God? In die Bybelse tyd het ʼn naam ʼn karakter beskryf So ook God s’n. Ps. 91 gebruik vier name vir Hom wat sê waarom gelowiges in ons nood na Hom kan hardloop. Verse 1 en 9 noem Hom die ALLERHOOGSTE (El Eljon); die hoogste God is in beheer van alles daarom hardloop sy kinders na Hom vir beskerming.
Verder noem vers 1 Hom die ALMAGTIGE (El Shaddai). Hierdie benaming is van ʼn woord afgelei wat berg beteken en dui op God se beskermende genoegsaamheid.
Verse 2 en 9 noem Hom HERE (Jahwe) wat beteken om te wees. God sê aan Moses: “EK IS WAT EK IS” (Ex.3:14) en beskryf daarmee sy onveranderlike karakter. In ʼn wêreld van veranderlikes is God die enigste vasstaande Onveranderlike. Daarom soek gelowiges beskerming by Hom.
Vers 2 praat ook van Hom as God (Elohim). Dit beteken dat Hy bo alle ander sg. gode verhewe is. Hy is die sterk Een, die magtige Leier en die hoogste God waarheen gelowiges kan hardloop!
Jare gelede het ʼn reuse veldbrand in die Yellowstone Nasionale Park (VSA) gewoed. Nadat dit geblus is, het ʼn veldwagter by ʼn boomstam ʼn voël gevind wat byna tot kaiing verbrand het. Toe hy met ʼn stok aan haar krap, het drie kuikens onder haar dooie moeder se vlerke uitgedop. Sy het geweet wat kom, haar kuikens uit die nes geneem en op die grond met haar vlerke toegemaak. Sy kon hulle gelos en na veiligheid gevlieg het. Sy het nie haar kinders verlaat nie en gewillig gewees om te sterf sodat hulle onder haar vlerke kon bly lewe.
“Hy sal jou dek met sy vlerke, en onder sy vleuels sal jy skuil....” (Ps.91:4).
Elke mens hardloop in tye van nood hetsy fisies of psigies; niks fout daarmee nie, solank as wat hy in die regte rigting hardloop. Moet nooit van God af weghardloop nie; hardloop eerder na Hom toe en gebruik die beskerming wat Hy voorsien. God is bo ons benarde situasies verhewe met alle mag in die hemel en op die aarde. Woorde soos skuilplek, toevlug en bergvesting spreek van behoud. God wil jou nie verdelg nie, maar eerder bewaar!
(ii) Persoonlike verhouding
Dit bring ons by die tweede voordeel van die 911 polis. Die eerste voordeel is dat ek na God toe kan hardloop. Die tweede is dat dit ons in ʼn PERSOONLIKE VERHOUDING MET GOD bring. Vers 2:
“Ek sal tot die Here sê: My toevlug en my bergvesting, my God op wie ek vertrou” .
Drie maal hoor ons die woord my. Dit spreek van ʼn persoonlike verhouding. Ek ken God en Hy vir my.
Watter voordeel het hierdie persoonlike verhouding vir gelowiges? Vers 3 antwoord: God red hulle uit die net van die voëlvanger en van die verderflike pes. Voëlvanger dui op gevaar wat ons van buite bedreig en die verderflike pes van gevaar wat ons van binne bedreig. God bewaar ons onder alle omstandighede:
“U sluit my in van agter en van voor, en U lê u hand op my” (Ps.139:5).
Ps.91 praat van baie bedreigings - skrik, pyle, peste, boosheid ens. Ja, dit voel soms asof die lewe so buite beheer raak, dat ons slagoffers van ons omstandighede geword het. Ons beantwoord dikwels ʼn groet met: Dit gaan goed onder omstandighede”. Waarom onder? Wat doen ons onder ons omstandighede? Die lewe is soos ʼn matras; as ons bo-op is, slaap ons rustig. As ons onder dit beland, versmoor ons! God wil dat ons bo-op ons omstandighede kom en daar bly. Die 911 polis maak daarvoor voorsiening.
(iii) Vertrou op God se beloftes
Dit bring ons by die derde voordeel van die 911 polis: DIT LEER ONS OM OP GOD SE BELOFTES TE VERTROU.
“Omdat hy My liefhet, sê God, daarom sal Ek hom red; Ek sal hom beskerm, omdat hy my Naam ken. Hy sal My aanroep, en Ek sal hom verhoor; in die nood sal Ek by hom wees; Ek sal hom uitred en eer aan hom gee. Met lente van dae sal Ek hom versadig, en Ek sal hom my heil laat sien” (:14-16).
Wat sê dit vir my as gelowige? Dat God in beheer is al gaan dit ook hoe rof met my. In vers 11 sê die Psalmdigter dat God selfs sy engele opdrag gee om ons te beskerm! In Ps.91 sê God sewe maal Ek sal.
- (i)Ek sal hom red.
- (ii)Ek sal hom beskerm.
- (iii)Ek sal hom verhoor.
- (iv)Ek sal by hom wees.
- (v)Ek sal hom uitred.
- (vi)Ek sal hom versadig.
- (vii)Ek sal hom My heil laat sien.
Wat het ons meer as dit nodig? Die ramp van 9 Sept. 2001 was ʼn groot tragedie. Die grootste tragedie is en bly egter mense wat die 911 polis van God nie wil hê nie!
WAT MAAK ONS VANDAG VAN DIE VOORSKRIF IN 1 TIM 6:10? (93)
Dr Pieter Swart
“Want die geldgierigheid is die wortel van alle euwels” – 1933/1953-vertaling.
“Geldgierigheid is ‘n wortel van allerlei kwaad” – 1983-vertaling.
Daar is myns insiens ‘n groot verskil in die betekenis van die Skrifgedeeltes in die twee vertalings. “Die” teenoor “’n” impliseer dat daar ander wortels is en geldgierigheid bloot een daarvan is.
Daarbenewens word van “alle” euwels in die ‘33/’53-vertaling gepraat, terwyl die ’83-vertaling weer die saak versag.
In Engels word die saak eintlik veel duideliker gestel in die King James Version (KJV) waar geskryf staan:
“Money is the root of all evil”.
ROOMSE MISLEIDING ONTMASKER (5)
Ds A E vd Berg
Lees reeks by Roomse misleiding ontmasker
Die pous
Die RK is so van die heidendom deurtrek, dat gelowiges beswaarlik iets eg Bybels daarin kan vind. Haar hele kerkstelsel is heidens. Die Kollege van Kardinale met die pous aan die hoof is ʼn nabootsing van die ou Romeinse Kollege van Hoëpriesters met sy Pontifex Maximus (heerserpriester) aan die hoof.
Die woord pous kom van die Latynse papa wat vader beteken. Roomse priesters word in stryd met Christus se uitdruklike bevel as vader aangespreek:
ROOMSE MISLEIDING ONTMASKER (4)
Ds A E vd Berg
Lees reeks by Roomse misleiding ontmasker
Godin-verering
Babilon het in die Bybel altyd ʼn ongunstige betekenis. Vanaf die bou van die toring (Gen.11) tot in Openb.18 staan dit in die teken van opstand teen God. Babel was ʼn stad aan die benedelope van die Eufraat- en Tigrisriviere (tans Irak). Die Grieke het dit Babilon genoem omdat Babel die hoofstad daarvan was. Babel beteken godspoort. Ironies genoeg was dit nie ʼn poort na God toe nie, maar eerder na die Satan toe.
Die Babiloniërs was almal afgodsdienaars wie se godsdiens om die as van verborgenheid gedraai het. Slegs priesters kon mense in dié geheimsinnigheid onderrig. Wie dit te wete wou kom, moes vooraf eers ʼn geheime drank drink wat hulle bedwelm en in die mag van die priesters geplaas het.
SONDER JESUS OPPAD?
Dr Willem Jordaan
As U nie meegaan nie, laat ons nie hiervandaan verder gaan nie. – Exodus 33:15
In Johannes 6 lees ons van die dissipels wat sonder Jesus per boot na Kapernaïm gevaar het. Die see was onstuimig en ‘n storm was in die vooruitsig. Skielik het hulle Jesus op die see (van Galilea) sien loop en bang geword. Jesus het vir hulle gesê:
Dit is Ek, moenie vrees nie (Joh 6:20)
Hoe dikwels pak ons ‘n taak of selfs net ‘n dag aan sonder Jesus! Sonder om die Bybel te lees, sonder om kerktoe te gaan, sonder geloof. Dis dan wanneer Moses se woorde in Exodus 33:15 ons weer moet herinner wat ons behoort te doen.
NOGEENS: AARDVERWARMING
Dr J J Snyman
Daar is dalk heelwat lesers wat gefrons het oor die artikel oor globale verwarming en die feit dat twyfel oor die saak gewerp word.
Wat eerstens besef moet word, is dat nie globale verwarming nie, maar die redes wat daarvoor aangevoer word, in twyfel getrek word.
‘n Bietjie agtergrond sal die agenda wat gevolg word, duidelik maak. Al Gore, voormalige Visie-President onder Bill Clinton word as die “redder van nasies” beskou met sy kruisvaart teen aardverwarming. Sy 2006 dokumentêre film, An Inconvenient Truth oor die saak het ‘n Oscar gewen en hy is selfs vir die Nobelprys benoem.
HY IS TOT SEËN NA ONS GESTUUR
Hannes Ollewagen
Hand. 3:1-26
“God het, nadat Hy sy Kind Jesus opgewek het, Hom eers vir julle gestuur om julle te seën deur elkeen van sy booshede te bekeer.” (:26).
God het sy Seun, Jesus Christus, gestuur om ons tot seën te wees. Ons dink so ook aan Jesus se handeling net voordat Hy na die hemel opgevaar het. “EN Hy het hulle uitgelei tot by Betánië. En Hy het sy hande opgehef en hulle geseën. En terwyl Hy hulle seën, het Hy van hulle geskei en is in die hemel opgeneem.” (Luk. 24:50&51).
Dit is ongelukkig so dat die samelewing van ons tyd baie oppervlakkig geword het. Wanneer daar van seën in ons tyd gepraat word, is mense se eerste (en dalk enigste) gedagte een van materiële welvaart, gemak en voorspoed.
WAT IS DIE WAARHEID OOR GLOBALE VERWARMING?
Dr J J Snyman
In 2017 het die Verenigde Nasies ‘n konferensie oor globale verwarming gehou onder die vaandel van die International Panel on Climate Change (IPCC) in Suid-Korea. Die groot vraagstuk was hoe om die globale temperatuurstyging stop te sit. Die media blaas natuurlik paniek aan met berigte in hierdie verband.
So word aangevoer dat ons ‘n katastrofe tegemoet gaan indien CO2 (koolstofdioksied) uitlate nie dringend verminder en selfs stopgesit word nie. Biljoene is reeds bestee aan konferensies, ondersoek en modelle om hierdie vraagstuk op te los. Maar wat is die waarheid?
Sekere “kundiges” het aangevoer dat globale verwarming met minstens 1,5 grade Celcius verminder sal moet word in die volgende 12 jaar. Teen 2050 mag daar geen CO2 uitlate meer wees nie. Dit beteken geen voertuie wat met brandstof-enjin aangedrewe is nie, geen steenkool-aanlegte nie, ensovoorts.
EINDE VAN DONALD TRUMP?
Dr Danie Theron
Die aanduidings is daar dat die einde van Donald Trump in sig is. Reeds sedert die aanvang van sy ampstermyn het die Joodsbeheerde magte in die VSA alles in werking gestel om van hom ontslae te raak. Dis eintlik ‘n wonderwerk, of dan wel verbasend dat hy steeds in die tuig is.
Persoonlik het ek alle vertroue in Trump verloor dat hy merkbare verandering aan die politieke landskap van die VSA sou bring. Alles het baie belowend gelyk by sy ampsaanvaarding, veral omdat hy op die oog af nie deur Joodse geld beheer is nie. Ook die beloftes wat hy gemaak het was indrukwekkend.
Maar reeds met sy eerste aanstellings kon gesien word dat niks sou verander nie. En toe het hy boonop verder gegaan as enige vorige VSA-president in sy verhouding met Israel. So is Jerusalem nou as die eksklusiewe hoofstad van Israel erken ter negering van alle en enige regte van die Palestyne.
POLITIEKE KORREKTHEID
Dr Willem Jordaan
Veral sedert 1994 lewe baie Blankes in ons land in ‘n staat van ontkenning. Ontkenning van die waarheid. Dit is aangebring deur politieke korrektheid. In plaas daarvan om uiting te gee aan hulle ware gevoelens, word hulle deur hulle werk, omgewing, sosiale stand en wat nog, geforseer om die teenoorgestelde standpunt te handhaaf.
‘n Britse psigiater het die toestand van politieke korrektheid baie raak soos volg beskryf:
Political correctness is communist propaganda writ small. In my studies of communist societies, I came to the conclusion that the purpose of communist propaganda was to persuade or convince , not to inform, not to humiliate; and therefore, the less it correspond to reality, the better.
When people are forced to remain silent when they are being told the most obvious lies, or even worse, when they are forced to repeat the lies themselves, they lose once and for all their sense of probity. To assent to obvious lies is to co-operate with evil, and in some small way to become evil oneself. One’s standing to resist anything is thus eroded, and even destroyed.
A society of emasculted liers is easy to control. I think if you exmine Political Correctness, it has the same effect and is intended to.
Politieke korrektheid is dus nie net ‘n manier om die debat te beheer en om die waarheid te onderdruk nie, maar word die slagoffer geboelie om onwaarhede te aanvaar soos die fiksie van gelykheid en dat diversiteit ‘n “brug” is.
FRANKRYK STAAN OP
Dr Pieter Swart
Hoe verblydend was dit nie om te sien dat Frankryk herrys het uit sy doodslaap nie. Die sogenaamde Geel Hemde-beweging (Yellow Vests) het Frankryk behoorlik geskud met ‘n landwye betoging waarin onder meer teen die verhoogde prys in brandstof betoog is. Ontevredenheid behels ‘n verskeidenheid van onderwerpe en kom dit op een ding neer: Hulle het genoeg van die globaliste gehad!
Die president, Emmanuel Macron, is ‘n voormalige Rothchild bankier en daarom ‘n globalis deur en deur. Hy het geen simpatie met hierdie Gilets Jaunes (geel hemde) nie en die polisie opdrag gegee om gewelddadig op te tree.
WIE MAAK ONS GELD? (2)
FRIEDRICH JOSEF IRSIGLER
Lees reeks by Wie maak ons geld?
W.G. Simpson (op. bladsy p.622/23) skryf A.N. Field in “All These Things” (Omni Publications, 1963, bl. 218/9) soos volg: “Drie en dertig jaar nadat Cromwelll die Jode in Brittanje toegelaat het, het ’n Hollandse prins uit Amsterdam aangekom omring van ’n hele swetterjoel Jode uit daardie Joodse mekka. Nadal hy sy skoonvader uit die koninkryk verjaag het, het hy goedgunstiglik ingestem om die Britse troepe te betyg. ’n Baie natuurlike gevolg hiervan was die instelling van Nasionale Skuld ses jaar later toe die Bank van Engeland in die lewe geroep is om geld aan die Kroon leen. Brittanje het sy eie pot gekrap tot die Jood verskyn het. Toe is die pandjieswinkel geopen . . . Die geskiedenis van die tweede Joodse vestiging in Engeland is een lang spoor papierverbande wat die volke in skuld verkneg het. Elke opwaartse stap van die Jood in die volk se sake is gekenmerk deur die vermeerdering en vermenigvuldiging van skuld.