Gedagtes vir elke dag
Of lees almal by Gedagtes vir elke dag
Hoe lank gaan ons swyg as ons Christelike norme aangeval en Eerstewêreld-standaarde afgetakel word? Moet ons swyg as ons verkrag, beroof en vermoor word; swyg as onbevoegdes ons kundiges se toekoms so belemmer dat hulle na die buiteland verhuis? Moet ons oor alles swyg omdat ons bang is om as rassehaters gebrandmerk te word? Nee, ons durf nie verder swyg nie! Al word dit lewensgevaarlik om die waarheid te praat, is dit noodsaaklik dat volksgenote dit moet hoor!
DIE HEMEL IS WERKLIK (19)
Todd Burpo
Lees reeks by Die hemel is werklik
OM TE LEEF EN OM DOOD TE GAAN
'n Jaar na Colton in die hospitaal was, het die lente van 2004 aangebreek. Goeie Vrydag het daardie jaar in April geval en Colton sou die volgende maand vyf word. Ek het altyd van Goeie Vrydag gehou, want ek het 'n "kom- en-gaan-gesinsnagmaal" gehou. Dit het beteken dat ek by die kerk was vir 'n paar uur terwyl gesinne opgedaag het om saam nagmaal te hou. Ek het dit vir 'n aantal redes geniet. Een daarvan was dat dit ons kerkgesinne die geleentheid gegee het om spesiale tyd saam deur te bring gedurende die Paasweek. Dit het my ook die geleentheid gegee om individuele gesinne te vra of hulle gebedsversoeke gehad het en dan kon ek sommer daar en dan saam met hulle bid.
Daardie oggend moes ek 'n paar dinge gaan doen, en ek het Cassie en Colton in my rooi Chevy gelaai en die paar blokke dorp toe gery.
DIE DUISTERNIS VAN HIERDIE EEU (30)
Frank Peretti
Lees reeks by Die duisternis van hierdie eeu
Toe Edith Duster die aand bed toe gaan, het sy ’n voorgevoel dat iets besonders gaan plaasvind. Daarom is sy nie baie verbaas toe sy die nag wakker word en twee glinsterende figure in haar kamer bemerk nie.
“Loof die Here!” roep sy met eerbied uit, haar gesig stralend. Die twee lang manne, die een blond en die ander donker, is simpatiek, dog ernstig. ’n Eienaardige liggloed omgewe hulle en die hele kamer is verlig. Elkeen dra ’n goue gordel met ’n swaard wat met juwele versier is.
“Edith Duster,” sê die blonde man in ’n diep, trillende stem. “Die stryd vir Ashton gaan nou begin. Ons het die gebede van kinders van God nodig. Bid asseblief en motiveer ander om te bid. Bid dat die vyand verslaan sal word en dat die regverdige sal seevier.”
“Die pastoor, Henry Busche, is in die tronk,” beduie die donker man. “Jou gebede sal help om hom te bevry. Bel sy vrou, Mary, en bemoedig haar.”
AS DIE KERK ‘N VOLK MISLEI
Ds A.E. vd Berg
“.... Vertrou nie op bedrieglike woorde nie — wat sê: Die HERE se tempel, die HERE se tempel, die HERE se tempel is dit!”(Jer.7:4).
In die jaar 608 v.C. het die profeet Jeremia van God ʼn opdrag ontvang om sy komende oordeel oor Juda in die openbaar aan te kondig. Op daardie tydstip was die Tienstammeryk van Israel alreeds 114 jaar in Assiriese ballingskap met net die Tweestammeryk van Juda in die beloofde land oor.
Die internasionale politiekwas destyds onstuimig. Assirië se mag het gekwyn en Egipte en Babel het na vore getree en vir die wêreldkroon gewedywer. Juda was in die middel van die twee vasgekeer en geestelik op ʼn afdraande pad soos nog nooit tevore nie. Dit was alles die kerk se skuld wat die bose regering na die mond gepraat en gruwels bevorder het. Hulle het geweet wat die Skrifte sê, maar die teenoorgestelde verkondig. God se straf was onafwendbaar.
DIE HEMEL IS WERKLIK (18)
Todd Burpo
Lees reeks by Die hemel is werklik
JESUS HET REGTIG DIE KINDERS LIEF
Aan die einde van 2003 en vroeg in 2004 was daar 'n sekere klompie goed waarop Colton oënskynlik gefikseer het. Hy het op 'n vreemde - baie vreemde - manier oor die dood en doodgaan gepraat vir 'n vierjarige. Hy het ook verder vertel hoe die hemel lyk. Hierdie besonderhede het in brokkies uitgekom tydens aandete, terwyl hy saam met Sonja dagtakies verrig het en gedurende die algemene vloei van die lewe.
Hy het gesê hy het die hemelse hekke gesien: "Dit was van goud gemaak met pêrels op." Die hemelse stad self was van iets blink gemaak, "soos goud of silwer". Die blomme en bome in die hemel was "pragtig" en daar was diere van elke soort.
DIE DUISTERNIS VAN HIERDIE EEU (29)
Frank Peretti
Lees reeks by Die duisternis van hierdie eeu
Marshall lê plat op die vloer, sy arms agter sy rug geboei. Carmen, Brummel en Langstrat is in Brummel se kantoor besig om die bande na te gaan om vas te stel waarna Marshall en Bernice geluister het.
“Ja,” sê Carmen beslis. “Hulle het die band teruggerol. Hulle het na hierdie gesprekke geluister.”
Brummel lyk geïrriteerd. Hy stap na waar Marshall lê en vra dreigend: “En toe, wat het jy en Bernice alles gehoor?”
“Sover ek kan onthou, net jazz musiek,” antwoord hy spottend.
Venynig trap Brummel met sy hak op Marshall se nek. “Eina!”
“En wie het jou die sleutels van hierdie plek gegee?” gaan Brummel voort. “Was dit Sara?”
“Ek sê niks nie.”
“Ek sal haar ook moet laat aankeer,” sê Brummel fronsend. “Nee wat,” merk Langstrat vanuit die kantoor op. “Dis nie nodig nie. Sy is weg en sy is nie belangrik nie. Kreuger is die een wat ons aandag vereis.”
LIEFDE IS KRAGTIG!
Hannes Ollewagen
1 Pet. 4:1-19
“Maar bo alles moet julle mekaar vurig liefhê, want die liefde sal ’n menigte sondes bedek.” (:8).
‘n Rare verskynsel in ons samelewing – liefde. Die mense word mos deur die vermaaklikheidswêreld van die dag geleer wat “liefde” is. ‘n Oppervlakkige, oënskynlik opwindende gevoel tussen twee mense waarin elkeen se selfsugtige geluk en begeertes belangrik is. ‘n Situasie waarin die res van die wêreld nie bestaan nie en nie in ag geneem hoef te word nie. Daar is nie sprake van opoffering, selfvernedering, diensbaarheid en vergewensgesindheid, m.a.w. ware liefde, nie.
Liefde is dan ook sekerlik die een deugde wat in die Woord van God nie genoeg beklemtoon kan word nie. Die Here leer vir ons dat liefde vir God en ons naaste die fondament van die wet en die profete is. “Aan hierdie twee gebooie hang die hele wet en die profete.” (Matt. 22:40). Paulus bevestig hierdie woorde van Christus Jesus in sy brief aan die Galásiërs. “Want die hele wet word vervul in een woord, naamlik: Jy moet jou naaste liefhê soos jouself.” (Gal. 4:14).
DIE DUISTERNIS VAN HIERDIE EEU (28)
Frank Peretti
Lees reeks by Die duisternis van hierdie eeu
Verslae kyk Hank en Mary na hulle voordeur. Carmen het die deur letterlik gebreek toe sy daar uit is.
“Jy kan gerus ’n ander hemp aantrek,” sê Mary eindelik. “Joune is flenters.”
“Ja, sowaar. Net reg vir ’n vloerlap. Eina!”
“Wat is dit?” vra Mary besorgd en dan wys Hank haar die plek aan sy arm waar Carmen hom gebyt het. Dis persblou opgeswel met die tandemerke duidelik sigbaar. “Sjoe, ons beter die bytplek skoonmaak. Kom deur badkamer toe.”
Hank stap deur badkamer toe en Mary begin die wond was. “Haai, Hank, sy het jou op vier plekke gebyt. Kyk net hier.” Mary sug en skud haar kop. “Ek het altyd geweet daardie vrou voorspel niks goeds nie.”
Die voordeurklokkie lui en Mary stap om dit te gaan oopmaak. Na ’n paar oomblikke hoor hy haar roep: “Kom hiernatoe Hank, asseblief.”
DIE DUISTERNIS VAN HIERDIE EEU (27)
Frank Peretti
Lees reeks by Die duisternis van hierdie eeu
Marshall staan by die glasdeur net langs die kombuis en staar verslae na die dalende skemer. Sy gedagtes is ’n warboel van pynlike emosies, vrae en talle name — name soos Bernice, Kate, Sandy, Langstrat, Omni Korporasie, Kaseph en nog baie ander skarrel deur sy brein.
Hy weet nie hoe lank hy daar gestaan het nie, maar een ding is seker: hy het die einde van een tydperk in sy lewe bereik. Nou besef hy onteenseglik dat alles verander het. Te lank het hy gedink hy kan hierdie situasie hanteer, maar nou weet hy dat hy gefaal het. Net soos Harmel, Strachan, Edie, Jefferson, Gregory, die Carlucci’s en nog talle ander, is hy deur Kaseph en sy trawante vernietig.
Verward vee hy met sy hand oor sy hare. Hy moet ophou dink. Die gedagtes is soos vuishoue wat hom op die krop van sy maag tref. Tog kan hy nie afskakel nie. Die vrae teister hom. Hoe het die mense dit reggekry? Hoe kan hulle so magtig wees dat hulle menselewens letterlik kan verwoes? Is dit net ’n bisarre toeval? Nee, hy weet net nie. En buitendien is baie van sy probleme seker ook sy eie skuld. Hy het immers sy familie verwaarloos. Hy kan dit nie nou op die Organisasie se rekening plaas nie. Die harde werklikheid is egter dat hy sy familie verloor het, net soos al die ander.
Skielik hoor hy ’n geluid by die voordeur.
DIE HEMEL IS WERKLIK (17)
Todd Burpo
Lees reeks by Die hemel is werklik
DIE TROONKAMER VAN GOD
Een aand toe dit amper Kersfees was, het ek Colton teen slaaptyd in sy kamer ingevolg. Hy het volgens ons gewone roetine 'n Bybelstorie gekies wat ek vir hom sou lees, en daardie aand was dit "Die wyse koning en die baba". Die storie is gebaseer op die verhaal in 1 Konings waarin twee vroue onder een dak woon en albei 'n babaseun het. Gedurende die nag sterf een van die babas. Die ma van die dooie seun is so oorweldig deur smart dat sy probeer om die lewendige seun as haar eie op te eis. Die regte ma van die lewendige seun probeer die vrou in smart van die waarheid oortuig, maar kry dit nie reg om haar te oorreed om die oorlewende kind terug te gee nie. Die ma van die oorlewende seun is desperaat om haar kind terug te kry en stel voor dat koning Salomo - alombekend vir sy wysheid - die saak beslis en vasstel wie die ware ma is. In die Bybelse verhaal maak koning Salomo 'n plan om uit te vind wat in albei vroue se harte aangaan.
"Sny die kind middeldeur!" beveel die koning. "Gee aan elke vrou 'n helfte."
ONDERRIG ONS KINDERS!
Johan Hack
Ware woorde van Ds JD Kestell, gister en vandag
Ds J D Kestell het geskryf in ‘MET DIE BOEREKOMMANDO’S'. “God het die Afrikanervolk in hierdie groot stryd gevorm en gelouter. Hy is nie uitgedelg nie; sy taal is nie vernietig nie. Die mag van die vyand het hom oorweldig; hom soos n magtige golf oorspoel; maar die Afrikanerwil en –gees bestaan steeds. Geen swaard kan daardie wil buig nie; geen geweld kan daardie gees onderdruk nie. Die Afrikanervolk bly n onuitwisbare element van die Britse ryk.” Bevind ons onsself nie tans in ‘n situasie wat dieselfde is nie?
Ds Kestell het geskryf oor die leiding, deursettingsvermoë en geloof van die Afrikanervolk en hoe hard daar gestry is om onafhanklikheid te behou.
Ds Kestell sou heel moontlik sy kop in skaamte laat sak het as hy ons benarde posisie as Afrikaners moes aanskou in vandag se tyd, veral na wat die volk moes deurmaak tydens die Tweede Vryheidsoorlog.
DIE DUISTERNIS VAN HIERDIE EEU (26)
Frank Peretti
Lees reeks by Die duisternis van hierdie eeu
In die donker kamer onder die groot huis, is Kaseph en sy volgelinge steeds besig om te mediteer. Agter hulle staan die Sterkman met sy wagte en assistente langs hom. Sy afskuwelike gesig is vertrek in ’n wrede grynslag en sy slagtande glim in die kerslig.
“Een vir een word ons struikelblokke uit die weg geruim,” sê hy. “Ja julle offerande sal vir julle groot voorspoed bring. Bring haar.”
In die boonste kamer sit Susan magteloos tussen die twee wagte, haar hande agter haar rug vasgemaak. In haar desperaatheid bid sy tot die een ware God wat sy nog nie werklik ken nie, maar in Wie se bestaan sy wel glo. Hy alleen kan haar nou help.
* * *
Tal bereik die berge en styg op en op tot bo. Dan begin hy sweef, geruisloos en onsigbaar. Hy merk dadelik dat die demoniese wolk steeds digter word soos meer en meer demone by die ander aansluit. Hy kan maar net vertrou dat die gebedsdekking voldoende is, sodat hierdie bose magte hom nie sal raaksien nie.
Guilo hou die lugruim afwagtend dop. Met dankbaarheid bemerk hy die Kaptein wat soos ’n valk na hulle toe neerdaal.
Toe Tal langs Guilo tot stilstand kom, kyk Guilo die kryger langs hom dringend aan.
“Ons het die dekking,” fluister Tal.
DIE DUISTERNIS VAN HIERDIE EEU (25)
Frank Peretti
Lees reeks by Die duisternis van hierdie eeu
By die Sterkman se skuilplek, is alles in rep en roer. Vir Guilo en sy vier en twintig hemelse krygers wat die situasie dophou, is dit duidelik dat een of ander uittog aan die kom is. Die skare swart demone fladder en krioel soos 'n swerm bye.
“Hulle maak gereed vir iets,” sê een kryger ernstig.
“Ja,” stem Guilo saam. “Maar nogtans is alles nie lekker nie. lets is iewers fout en ek dink dit hou verband met haar.”
Rondom die geboue staan voertuie van alle soorte geparkeer. Almal is hoog gelaai met al die kantoorbenodigdhede, kabinette en selfs Kaseph se opgestopte trofeë en meubels. Die personeel is besig om die laaste persoonlike items aan te dra en die vertrekke op te ruim. ’n Atmosfeer van gespanne opwinding is voelbaar en die staf gesels gedemp met mekaar.
In die groot kliphuis, is Susan Jacobson in haar kamer besig om ’n hoop dokumente en papiere te sorteer. Sy probeer van alle oortollige materiaal ontslae raak, want sy het slegs een tas waarin haar goed gepak moet word. Met ’n dringende gebed in haar hart, begin sy die dokumente verdeel. Die helfte word netjies in die tas ingepak. Daar is ook foto’s, fotostate en onontwikkelde films.
DIE HEMEL IS WERKLIK (16)
Todd Burpo
Lees reeks by Die hemel is werklik
TWEE SUSSIES
Soos die groen somersdae plek gemaak het vir 'n pragtige herfs, het ons af en toe met Colton oor die hemel gepraat. Maar een gesprek het deurlopend plaasgevind: Toe Colton Jesus in die hemel gesien het, hoe het Hy gelyk? Die rede waarom die onderwerp so dikwels ter sprake gekom het, is omdat ek as leraar baie tyd in hospitale, Christenboekwinkels en ander kerke deurgebring het - almal plekke waar daar baie tekeninge en skilderye van Jesus is. Sonja en die kinders was baie keer saam met my; dus het dit 'n tipe speletjie geword. Wanneer ons op 'n prent van Jesus afgekom het, sou ons Colton vra: "Wat van die een? Lyk Jesus so?"
Colton sou sonder uitsondering 'n oomblik na die prent kyk en dan sy koppie skud. "Nee, die hare lyk nie reg nie," of "Nee, sy klere is nie reg nie."
DIE HEMEL IS WERKLIK (15)
Todd Burpo
Lees reeks by Die hemel is werklik
POP
Op 'n sonnige dag in Augustus het Colton, toe vier jaar oud, op die passasiersitplek van my rooi bakkie geklim en het ons Benkelman toe gery. Ek moes soontoe gaan om 'n kwotasie vir 'n installasie te gaan doen en het besluit om Colton saam te neem. Hy was nie juis geinteresseerd in die installasie van industriële garagedeure nie. Maar hy was mal daaroor om in my diesel-Chevy te ry omdat sy karstoeltjie hoër was as in die Expedition en hy alles kon sien.
Benkelman is 'n klein plaasdorpie ongeveer 60 kilometer suid van Imperial. Dit is in 1887 gestig, maar nou het dit begin verval soos so baie ander gemeenskappe in die platteland van Nebraska. Die aantal inwoners was besig om af te neem omdat tegnologie die werk op die plase begin verminder en mense na groter stede verhuis het vir werk. Ek het verby die bekende kunsmis- en aartappelaanlegte gery wat aan die oostekant van Imperial staan, toe het ek suid gedraai in die rigting van Enders-meer.
DIE DUISTERNIS VAN HIERDIE EEU (24)
Frank Peretti
Lees reeks by Die duisternis van hierdie eeu
Die byeenkoms is weer in Juleen Langstrat se woning, in die half- donker woonkamer, met die een brandende kers. Soos altyd is Langstrat die leidende figuur wat instruksies gee. Shawn is daar, die ondersteuner en helper en die ander speler in die drama is Sandy. Hierdie byeenkomste het al ’n gereelde instelling geword en hulle is besig om die jong meisie te leer om die wêreld van psigiese magte en ondervindings te betree. En sy is aangegryp en oorweldig deur al die nuwe belewinge. Dis ’n stadige, ritmiese oefening — asemhaling . . . in . . . uit. . . in . . . uit . . . ontspan . . . ontspan . . . ontspan . . .
Sandy is al redelik toegerus om na ander vlakke van bewussyn oor te gaan — die vlakke waarop die mens nie gewoonlik funksioneer nie. Iewers onder die gewone vlakke is die vlakke waar die psigiese magte en vermoëns funksioneer. Om hierdie vlakke te bereik, vereis meditasie, konsentrasie, en die absolute ontspanning van die liggaam. Al hierdie sake het Sandy al aangeleer onder die bekwame leiding en toesig van Langstrat.
IS DAAR NOG IETS BETROUBAAR?
Ds A.E. vd Berg
“Dit is ’n betroubare woord en werd om ten volle aangeneem te word” (1Tim.4:9).
“Die geloof dan is ’n vaste vertroue op die dinge wat ons hoop, ’n bewys van die dinge wat ons nie sien nie” (Hebr.11:1).
Wat is vandag 100% betroubaar? Baie dinge wat al as betroubaar gereken is, was nie. Dink aan beleggingskemas wat op die ou einde onbetroubaar was. Onbetroubaarheid het ook kerk en politiek besmet.Mense is mislei om die leuen vir die waarheid en die waarheid vir die leuen aan te sien!
Heidene is egter die onsekerste van alle mense. Hulle het duisende jare gelede al geglo dat die son opkom en die maan ’n sekere siklus voltooi waarvolgens hulle geplant en geoes het. Hulle het dit egter as geheimsinnige kragte gesien wat deur gode beheer is. Daarom is daar aan hulle offers vir die vrugbaarheid van plant en dier gebring om hulle te paai om voorspoed te verseker.
Niks het sedertdien verander nie. Luister hoe praat mense oor die lewe; alles is ’n waagstuk. Dis bv. ’n dobbelspel om te boer. Jy sit saad en kunsmis in die grond en hoop dat daar reën en ’n oes gaan wees. So ook om te studeer. Dit kos baie en dan is jy nie eens seker of jy in hierdie onreg-bedeling werk gaan kry nie. Die hele lewe is ’n dobbelspel. Karl Barth het gesê: Om in God te glo, is ’n sprong in die donker; komende van ’n teoloog!
LEWENS- BESKOUING VAN 'n AFRIKANER
Deur Christina Vorster van die Afrikaner Nasionalistiese Beweging
Iemand het onlangs opgemerk dat Afrikaners haat verwar met patriotisme. Ons is glo só verward… Ja, inderdaad is daar verwarde Afrikaners, maar dit is ook so dat die meerderheid propaganda glo in stede van om by eenvoudige definisies van belangrike begrippe te hou.
Drie definisies is hier belangrik:
- Volk: die wat in dieselfde gesinsverband/familieverband/taalverband/kultuurverband en rasverband gebore is.
- Rassisme ('n term wat maar redelik onlangs uitgedink is): Haat teenoor 'n ander volk/land/kultuur/taal of ras.
- Nasionalisme/patriotisme (eeu-oue begrip): Liefde vir eie volk, land, kultuur, taal of ras.
DIE DUISTERNIS VAN HIERDIE EEU (22)
Frank Peretti
Lees reeks by Die duisternis van hierdie eeu
Een Dinsdagmiddag toe toestande in die kantore van die Basuin weer rustiger is, neem Marshall ’n groot kartondoos en met die hulp van Carmen begin hy al die data wat hy en Bernice reeds versamel het, ordelik te rangskik. Hy stel ook ’n goeddeurdagte vraelys op sodat hy gereed is wanneer hy eindelik sy belangrike getuies gaan begin ondervra. Die eerste een is natuurlik Alf Brummel.
Die middag nadat Carmen weg is om ’n tandartsbestelling na te kom, skakel Marshall Alf Brummel se kantoor.
“Polisie Departement,” hoor hy Sara se stem.
“Hallo, Sara, dis Marshall Hogan. Mag ek asseblief met Alf praat?”
“Hy’s op die oomblik nie hier nie, Marshall,” sê sy en dan sug sy diep. “Jong, ek weet nie of jy besef nie maar hy wil nie met jou praat nie.”
DIE DUISTERNIS VAN HIERDIE EEU (23)
Frank Peretti
Lees reeks by Die duisternis van hierdie eeu
"Die man gaan van sy verstand af. Ek moet gaan kyk." "Nee, klim terug in die bed, asseblief."
"Ek kan nie, Kate. Ek kan nie bekostig om hierdie kontak te verloor nie."
"Marshall, ek glo dit nie. Jy moet gek wees!"
Marshall soen Kate op die voorkop en voordat sy mooi besef wat gaa de is, is hy weg. Vir 'n paar oomblikke sit sy op die bed, stomgeslaan. En dan val sy teen die kussings terug, vies en omge¬krap. Sy hoor hoe die motor aangeskakel word en teen 'n hoe spoed wegtrek .. .
Marshall ry noordwaarts deur die dorpie Windsor en dan nog 'n paar kilometer verder. Hy vind dit vreemd dat Harmel nog so naby aan Ashton woon. Die vorige keer toe hy hom ontmoet het, was dit seker twee honderd kilometers verder daar bo in die berge. Die arme man moet gek wees — beslis nie normaal nie.
ONS MOET GOED DOEN WANNEER ONS KAN
Hannes Ollewagen
Pred. 11:1-10
“WERP jou brood uit op die water, want ná verloop van baie dae sal jy dit vind.Gee ’n deel aan sewe, ja, ook aan agt; want jy weet nie watter onheil daar op die aarde sal wees nie.” (:1&2).
Ons samelewing raak toenemend individualisties en selfsugtig. Elke man vir homself. Ek is gelukkig solank dit met my goed gaan – my medemens se welstand is sy eie verantwoordelikheid. Hy kan mos so hard werk soos ek om iewers te kom. Hy is mos mooi groot en kan mos na homself kyk. Dinge is klaar moeilik soos dit is. Ek sukkel alreeds hard genoeg om net in my eie behoeftes te voorsien – hoe moet ek nog na ‘n ander ook omsien?
Die Woord van die Here leer ons in geen onduidelike taal dat God van gelowiges verwag om ook na ander uit te reik en goed te doen waar ons die geleentheid vind. In plaas daarvan om ons te beywer om ‘n oormatige hoeveelheid rykdom en skatte te vergader wat eindelik deur mot en roes verniel sal word, is ons veronderstel om daarna te streef om as rentmeesters van God dit wat Hy in ons hande plaas met verantwoordelikheid en tot sy eer te bestuur.