I’ve signed death certificates during Covid-19. Here’s why you can’t trust any of the statistics on the number of victims – Dr Malcolm Kendrick

Daar is ‘n ou uitdrukking wat so lui: moet nooit ‘n goeie krisis vermors nie; in ander woorde: gebruik die skuiwergate in ‘n moeilike tyd tot jou voordeel. Sommige gaan selfs so ver dat hulle self die krisis skep sodat daar skuiwergate kan ontstaan. Dit is presies wat die internasionale geldmag gedoen het met die Koronavirus-sage. Terloops, die ou mediese handleiding AMA 1989 gee op bladsy 1051 ‘n skematiese uitleg van verskeie virusse en langsaan beskrywings van die siektes wat elkeen veroorsaak. Langs “Coronavirus” is die enigste beskrywing “Common cold”. Daar het ons dit uit die perd se bek!

Terug na skuiwergate: die superrykes wat die wêreld probeer voorberei vir die Nuwe Wêreldorde waar hulle volle beheer oor elke lewende siel en dooie voorwerp wil uitoefen, het die gewone verkouevirus in ‘n laboratorium aangepas sodat dit meer aansteeklik is en mense ernstiger as gewoonlik aantas, en daarmee het hulle ‘n hele paar skuiwergate geskep. Die belangrikste skuiwergat is natuurlik die entstof wat nou inderhaas “ontwikkel” moet word sodat hulle daarmee saam ‘n mikroskyfie kan inspuit wat hulle toegang tot digitale beheer gee oor elkeen wat dit gaan ontvang. Nog ‘n skuiwergat wat hulle hiermee geskep het, is die versnelling van hulle plan om ‘n kontantlose wêreld te skep. Almal sal met ‘n digitale kaart/foon/mikroskyfie toegerus word waardeur die geldmag presiese beheer kan uitoefen oor elke sent wat jy toegelaat sal word om te spandeer.

Ds. A. E van den Berg

Van al God se gawes aan die mens is kinders van die grootstes. Wie hulle eerbaar opvoed, betuig hul dank teenoor Hom want dis waaruit gesonde gemeenskappe gevoed word. Ongelukkig is die teenoorgestelde ook waar en is sommige ouers aan die ontsporing van hul kinders aandadig. Hulle word nie so gebore nie, maar so grootgemaak.

God verwag van ouers om hul kinders reg op te voed want opvoeding sonder streng geestelike waardes maak van kinders slim duiwels. Dit gebeur gereeld met ouers wat hul doopbelofte nie nakom en die doop net as ʼn kerkformaliteit beskou. Van hierdie kinders lê later selfs belydenis van geloof af, maar ontspoor as hulle die ouerhuis verlaat.

Homoseksuele leraars

Ds. A.E van den Berg

Louis van der Riet, die NG Kerk se eerste openlik homoseksuele leraar, het ʼn tyd gelede sy dank teenoor die kerk betuig wat die huwelik nie as die enigste plek vir seksuele verhoudings verklaar het nie. Hy vind glo geen Skriftuurlike gronde dat die huwelik alleen heilig en Godgegewe is nie; komende van een wat behoort te weet dat die Skrif anders oor sedelike reinheid praat. 1 Thesss.4:1-8 is een van die duidelikste wekroepe tot seksuele reinheid.

Geen ware kerk durf ʼn persoon wat onrein leef tot teologiese studie toe te laat, nie eens van die bediening te praat nie. So ʼn persoon het nooit tot bekering gekom nie en kan Jesus nie sy Verlosser noem indien hy die teenoorgestelde doen as wat Hy eis nie. Die Bybel waarsku:

Meeste, indien nie almal van ons nie, kan nie wag dat alles weer na “normaal” terugkeer nie. Daardie dag wat ons weer met ons lewens kan voortgaan soos wat ons dit goeddink. Wat ons weer op Sondae kerktoe kan gaan, ons beroepe onbelemmerd kan beoefen, ons kinders weer soos voorheen skooltoe kan gaan, ons aan sport kan deelneem en na ons gunsteling sport op televisie kan kyk. Ons sien reikhalsend uit dat alles sal terugkeer na “normaal”.

Steeds verbysterd oor wat met ons gebeur het en te midde van ‘n oorvloed van leuens wat aan ons opgedis is en steeds word, glo ons steeds daar sal ‘n dag kom wat alles weer sal wees soos voorheen. Maar nou hoor ons dat ons in “fases” regeer sal word en dat “ongehoorsaamheid” kan beteken dat jy en jou stad of dorp sommer gou weer na ‘n “erger” fase verplaas kan word. Ons is dus wat ons bewegings betref, volkome afhanklik van ‘n regering wat in 26 jaar alles waarop hulle hulle hande gelê het, vernietig het. Hulle sal bepaal hoe ons vryheid gaan lyk. Wat “normaal” is aan ‘n toestand wat deur die grille en giere van ‘n onbevoegde en korrupte regering bepaal word, is bitter moeilik om in te sien. Dit word boonop gedoen terwyl niemand kan aandui wanneer ons van die “virus” ontslae gaan wees nie. Intussen moet ons blykbaar op die bona fides van ‘n regering staatmaak wat juis nie vertrou kan word oor enige saak nie.

‘n Predikant van die Geloofsbond van Hervormde Gemeentes, ds Faan Visser, het aan Cyril Ramaphosa geskryf oor die sluiting van kerke, en dat dié saak belangriker is as baie ander sake wat nou reeds verslapping van maatreëls ervaar. Ds Visser raak hier die kern van die saak aan waar hy meen dat daar ‘n duistere rede is waarom kerke nog gesluit moet bly. Die ooglopende rede is die staat van kommunisme wat nou in Suid-Afrika toegepas word waarin daar nie plek vir Christene sal wees nie, nie nou nie en ook nie later nie.

Mnr Ramaphosa,

Ten opsigte van die staat van inperking, die volgende opmerkings:

Daar is reeds en word steeds baie wyd verwys na die inkonsekwentheid en vreemdheid ten opsigte van die regulasies wat van die begin af aangekondig is en steeds aangepas word. Wat baie opvallend is en vreemd opval, is die feit dat massas mense oënskynlik ongehinderd voortgaan en toegelaat word om die regulasies ten opsigte van die dra van maskers en afstande wat tussen persone gehandhaaf moet word, te verontagsaam. Hierdie gedrag word oral op kamera vasgevang en op sosiale media geplaas, veral waar dit gereeld in groot winkelsentrums geskied. Telkens is daar polisielede teenwoordig wat sonder enige aksie die gebeure gade slaan.

Hannes Ollewagen

Rom. 13:1-7

“Betaal dan aan almal wat aan hulle verskuldig is: belasting aan die wat belasting, tol aan die wat tol, vrees aan die wat vrees, eer aan die wat eer toekom.” (:7).

Ons moes oor die afgelope paar weke sien hoedat regerings regoor die wêreld allerhande maatreëls in reaksie op die COVID-19 virus instel. Ons is hier ter plaatse nie die skade en histerie gespaar nie. Inteendeel, soos dit maar in Afrika gaan, is daar talle maatreëls en wette ingestel wat ‘n mens maar net kopskuddend ontvang het. Die sinvolheid en waarde is vir menige van ons glad nie duidelik nie.

Ds A.E. van den Berg

ʼn Regering wat deur geweld ontstaan, stort maklik weens die optrede van ʼn gepeupel ineen. Dis die skuim wat opborrel sodra ʼn volk begin kook; dwase wat van die ordelike samestelling van ʼn beskawing ontslae wil raak en hul eie mense in vrees en vullis laat voortleef.

Omdat geweld die hoofdis op sulke mense se spyskaart is, wil hulle altyd alles in hul pad vernietig sonder om oor die gevolge na te dink. Sodra mense se emosies sterker as hul verstand is, trek ʼn volk aan die kortste end. Hulle kom in die hoogste versnelling voordat hulle verstand in rat is.

...WAT SOOS 'N SONDAG DEURGEBRING MOET WORD

Dr Johan Celliers

Vandag is dit weer Hemelvaart  en herdenk ons Christus se opvaar na die hemel ná sy kruisiging en opstanding. Vir ons beteken Hemelvaart die terugkeer van Jesus na Vader in die hemel. Lees gerus die Lukas-evangelie  asook Handelinge waar die gebeure vertel word hoe Jesus ná die Opstanding verskeie kere aan sy apostels en volgelinge  verskyn  het, en ná veertig dae na die hemel opvaar terwyl sy volgelinge toekyk hoe Hy in die wolke onsigbaar word.

Dat Hemelvaart vir ons as Christene soos 'n Sondag deurgebring moet word, is ongelukkig iets waaroor nie genoeg gepraat word nie. Ons ouer lesers sal onthou dat ons wel vroeër jare hierdie dag as 'n Christelike dag deurgebring het. Dit is tyd dat ons weer ons besighede sluit en aan ons Vader die dank en eer vir hierdie groot gebeure bring.

Al is dit hierdie jaar buitengewone omstandighede, kom ons bring Hemelvaart hierdie jaar só deur dat ons voorbeeld vir die talle ongelowiges daar buite as hoeksteen van die Christelike geloof vas en duidelik staan. Ons kan ons besighede sluit en op hierdie wyse aan diegene rondom ons toon dat ons te midde van 'n ekonomiese krisis steeds op God vertrou deur gehoorsaam aan sy Gebooie te wees en Hom die eer en respek wat Hom toekom daardeur betoon.

Gedurende ons herdenking van hemelvaart fokus ons gewoonlik op die feit van die nut van hemelvaart of ons vestig die aandag op die opdrag net voor die hemelvaart, naamlik om dissipels te maak, maar dink ons ooit na oor die getuienis van hemelvaart? Dit is of ons soms in die Twaalf Artikels vassteek by die opvaar na die hemel, en dan vergeet ons van die "sit aan die regterhand van God..."

Die hemelvaart getuig ook van Christus se koningskap. Die Here Jesus sê net voor Hy opgeneem is: Aan My is gegee alle mag in die hemel en op aarde (Mt 28:18), en beklee met hierdie mag het Hy aan die regterhand van God gaan sit (Efés 1:20). Dit is die strategiese posisie vanwaar Hy alles regeer. Onder sy hoofskap word alles in die hemel en op aarde verenig.

LEEF DAN SOOS KONINGSKINDERS!

Ds Andrè van den Berg

“En nadat Hy dit gesê het, is Hy opgeneem terwyl hulle dit sien; en ʼn wolk het Hom voor hulle oë weggeneem” (Hand.1:9).

Ek wonder hoeveel volksgenote vandag Jesus se hemelvaart herdenk?  Ek wil waag om te sê dat die oorgrote meerderheid onverskillig teenoor hierdie dag staan.  Toe Suid-Afrika ʼn Christelike grondwet gehad het, was dit ʼn godsdienstige vakansiedag.  Ná die magsoorname in 1994 het booswigte dit  afgeskaf.  Ek is dankbaar vir mense wat nog waarde daaraan heg.

Ons kan die belangrikheid van Goeie Vrydag en Paassondag nooit genoeg beklemtoon nie.

  Jesus se aardse bediening het egter nie hier opgehou nie. Ná sy opstanding het Jesus vir 40 dae sy dissipels oor God se koninkryk onderrig en daarna na die hemel opgevaar.  Die kruis en die leë graf was die hart van die Evangelie wat deur Jesus se volgelinge versprei is.  Paulus skryf : “Broeders, ek maak julle die evangelie bekend ... dat Christus vir ons sondes gesterf het volgens die Skrifte; en dat Hy begrawe is, en dat Hy op die derde dag opgewek is volgens die Skrifte” (1 Kor.15:1-4).

HEMELVAART

Ascensionis Domini (Latyn vir Hemelvaart)

Hand.1:11: “Hierdie Jesus wat van julle opgeneem is in die hemel, sal net so kom soos julle Hom na die hemel sien wegvaar ..."

Op Hemelvaartdag herdenk Christene dat Christus ná die kruisiging en opstanding na die hemel opgevaar het en woon talle van hulle deesdae weer 'n herdenkingsdiens by.

Hemelvaart beteken in die Christendom die terugkeer van Jesus van Nasaret na sy Vader in die hemel. Die Lukas-evangelie  en Handelinge van die Apostels vertel die verhaal van hoe Jesus ná die Opstanding verskeie kere aan sy apostels en volgelinge verskyn het. Ná veertig dae styg Hy na die hemel op en word die sig daarvan dan deur 'n wolk belemmer terwyl sy volgelinge toekyk.

Hemelvaartdag vind altyd op die veertigste dag plaas gereken vanaf Eerste Paasdag, vandaar dat die datum elke jaar verskil. Hemelvaartdag is wél altyd op 'n Donderdag. Hemelvaartdag is tien dae vóór Pinkster.

Lees daaroor by Gru-Grendel-Gebeure

Elkeen van die gebeure in hierdie reeks speel af in die inperkingstyd vanaf 26 Maart 2020 en is opgevolg om seker te maak dat dit volkome waar is

‘n Ou vriend van Gelofteland het besluit om te kom inloer. Hy vertel dat hy verlede naweek darem weer ‘n slaggie met sy dogter kon kuier. Sy is ‘n mediese dokter werksaam in die Helen Joseph Hospitaal in Auckland Park, die staatshospitaal daar.

Hulle kon weer oor alles en wat mens nie oor die foon durf nie, gesels. Hy vra haar toe hoeveel Covid-19-pasiënte daar by hulle in die hospitaal is. Sy sê Pa, glo dit as jy wil, daar is nie ‘n enkele een nie. Maar ons word gedwing om op elke doodsertifikaat van ander sterftes te skryf: Rede vir dood: Covid-19. Dit is ‘n opdrag van heelbo wat niemand mag verontagsaam nie.

Hierdie praktyk is klaarblyklik in elke hospitaal oor die wêreld aan die gang. ‘n Paar dae gelede is Amerika deur die media beskuldig dat ook hulle roekeloos aanteken dat Covid-19 die oorsaak van bykans alle sterftes is.

Hierdie streep bedrog herinner aan die man wat verlede week sy 80 jaar-oue pa hier in ‘n Suid-Afrikaanse hospitaal bygestaan het toe dié sy jarelange stryd teen kanker gewonne gee. Groot was die man se skok toe daar op sy pa se doodsertifikaat aangedui word dat die oorsaak van sy dood Covid-19 is. Hy het dadelik die betrokke medici gaan spreek en verduidelik dat sy pa nie eers getoets is vir die virus nie; maar nee, niemand wou sy standpunt behoorlik aanhoor of verstaan nie en so moes dit bly.

Maak die dokter in Helen Joseph Hospitaal se weergawe nou sin?

Ds. A.E van den Berg

Ons leef in ʼn polities korrek-vertrapte land met mense wat toenemend oneerlik word. Politieke korrektheid is ʼn dwangbuis wat mense aanhits om verkeerd te dink en op te tree. Dis ʼn vorm van moderne sensuur wat mense die waarheid, uit vrees vir moontlike verguising, laat verswyg en gemaklik met die leuen omgaan. Waar dit vastrapplek kry, daal sedes en styg korrupsie.

Politieke korrektheid is tirannie met ʼn kunsmatige vroom gesig wat nêrens ter wêreld iets ten goede verander nie. Dis ʼn wapen teen reg en geregtigheid en veroorsaak ontwrigting. Dit werk geen verdraagsaamheid in die hand nie, maar wel rassehaat.   Hieraan is die vrysinnige media met hul oppervlakkige polities-korrekte woordeskat baie skuldig. Dis ʼn taalkundige oorlogvoering om mense anders te laat dink.

Met dié woorde: “We must make this the decade of vaccines”, het Bill Gates in 2010 ‘n verdere 10 miljoen dollar aan die Wêreld Gesondheidsorganisasie geskenk. Inderdaad het Gates dit ‘n dekade van inentings gemaak want sy doel was, soos hyself in ‘n Ted Talk op Amerikaanse TV gesê het: “ ...it could reduce population.”

In dieselfde jaar, 2010, was die Gates Foundation aan stuur van ‘n drie fase proefneming om malaria te bekamp toe 151 babas in Afrika aan die entstof gesterf het. Die res van die 6,000 kinders het ernstige gevolge soos verlamming, konvulsies en ernstige epileptiese aanvalle oorgehou.

In 2014 doen Gates dit weer toe 23 000 jong meisies in Indië teen die Human Papilloma Virus (HPV) ingeënt word. In Suid-Afrika het die advertensie gelui: “Moeders, beskerm julle dogters teen servikale kanker deur middel van inenting.” 1 200 Indiese meisies het vrugbaarheid- en ernstige ander -afwykings getoon insluitende outo-immuunsiektes. Sewe is dood voor die regering Gates laat ondersoek het vir ernstige oortreding van etiese praktyk toe weerlose meisies geforseer is om ingeënt te word onder andere deur middel van vervalste toestemmingvorms asof van hul ouers. Daarby is mediese hulp agterna aan die beseerde meisies geweier. Hierdie saak gaan steeds voort in die Hooggeregshof.

...VIR GEFORSEERDE INENTING IN NIGERIË

Die Opposisie Party in Nigerië, CUPP, het ‘n intelligensieverslag van hulle regering onderskep wat openbaar gemaak het dat die Huis van Verteenwoordigers gelei deur die Speaker, Femi Gbajabiamila, vir 10 miljoen dollar deur Bill Gates omgekoop is om die bevolking van Nigerië te forseer om ‘n inentingsprogram te ondergaan terwyl daar nog nie eers ‘n entstof teen Covid-19 bekend gemaak is nie. Gbajabiamila het teen die reëls van hulle regstelsel opgetree toe hy die inentingsprogram, genoem die Control of Infectious Diseases Bill 2020, oorweeg het.

Die Opposisie verwerp die plan en dring aan dat alle lede die Speaker konfronteer oor sy plan om die Bill, soos die plan in kort genoem word, onwettig uit te voer. Dit word as ‘n bose plan beskou wat verban moet word.

Nigeriërs word daaraan herinner dat daar nog geen inentingstof vir Covid-19 ontwikkel is nie en dat hierdie program nie die ineengestorte ekonomie sal herstel nie. Die Opposisie is bereid om alle parlementêre reëls te verontagsaam en die Huis onderstebo te keer as dit is wat dit verg om die geforseerde inenting te keer.

Intussen het die Speaker 12 lede aangestel om die aantygings dat hy en ‘n paar van sy parlementêre lede 10 miljoen dollar as omkoopgeld ontvang het, te ondersoek...

...VIR PRESIDENT VAN MADAGASKAR 

Die President van Madagaskar, Andry Rajoelina, het die Wêreld Gesondheidsorganisasie (WHO) van sameswering beskuldig waartydens daar gepoog sou word om die Covid-19 Organics, die “kuur” wat in Madagaskar vir die virus gebruik word, met gif te besmet.

Rajoelina beweer die WGO het hom 20 miljoen dollar aangebied om die medisyne met gif te besmet sodat Madagaskar se bevolking nie van Covid-19 herstel nie.

Die drankie wat as kuur vir die virus gedrink word, is gemaak van die Artemisia-plant wat suksesvol teen malaria gebruik word. Die plant is in die sewentigerjare van Sjina na Madagaskar gebring spesifiek om malaria te genees. Volgens President Rajoelina word Covid-19-pasiënte wat die kuur gebruik binne 10 dae gesond.

Die WGO het nie die resep van die kuur of die plantjie vir die President van Madagaskar gevra nie; hulle wou doodeenvoudig hê die kuur moet die mense nie gesond maak nie.