Gedagtes vir elke dag
Of lees almal by Gedagtes vir elke dag
Hulle wat nie bid wanneer die son skyn nie, sal ook nie weet hoe om te bid wanneer die wolke saampak nie. As jy in goeie tye getrou in jou verhouding met God wandel, sal die wolke nooit so dik pak dat jy nie sy Ligstrale daardeur sal kan sien nie.
AS DIE ROOILIGTE BRAND
Sedelike verval
Ds. A.E van den Berg
Inleiding
ʼn Volk se geestesgesondheid word aan sy sedelike peil gemeet. Van die 22 beskawings wat al van die wêreldtoneel verdwyn het, het 19 weens sedelike verval ten gronde gegaan. Dieselfde rooi ligte brand ook aan die suidpunt van Afrika. Indien die sweer van sedelose verrotting nie uitgesny word nie, sal die gat in die morele osoonlaag groter word en ʼn beskawing verdwyn.
Geen volk oorleef sonder sterk morele grondslae nie. Ons volk het in die verlede sy naam altyd in die diepte van sedelikheid geanker en min probleme met sedeloosheid ondervind. Daarna het verraderlike politici en onverskillige kerklui ʼn gees van ongebondenheid ontketen wat ongekende ontwrigting veroorsaak het. Niks wat sedelik verkeerd is, kan ooit polities reg wees nie en laat telkens booshede soos ʼn stofwolk oprys.
IS ONS OOK BEKOMMERD?
Hannes Ollewagen
Ps. 38:1-23
“Ja, my ongeregtigheid bely ek, ek is bekommerd oor my sonde.” (:19).
Ek wonder hoeveel van u vandag met kommer in u hart sit? Daar is seker nie ‘n enkele volwassene wat nie die betekenis van bekommernis verstaan nie. Die vraag vandag is egter meer spesifiek: Waaroor is u vandag so uiters bekommerd?
Ek is seker daar is vandag duisendtalle mense wat bekommerd is oor die moontlikheid dat hulle hul werk kwyt is. Ek is ook seker dat daar vandag duisendtalle mense is wat oor hul finansies bekommerd is. En ek is seker dat daar vandag duisendtalle mense is wat oor hul kinders bekommerd is. Daar is seker ook duisendtalle mense wat hulle oor hul veiligheid bekommer. Ek is egter onseker of daar mense in hul derduisende is wat hul vandag oor hul sonde bekommer. En hierdie gebrek aan kommer is nie omdat daar soveel heilige en sondelose mense op aarde is nie, maar omdat dit hulle nie hinder om in hul sondigheid voort te leef nie.
SA REGTER: INPERKING IS ONWETTIG
Uiteindelik staan ‘n vooraanstaande Suid-Afrikaanse regsgeleerde op en sê prontuit wat hy van die huidige toestand in ons land as gevolg van die virus-sage dink. Mag hy nie dieselfde pad gaan as sommige van sy eweknie in Amerika wat net so dapper was en daarom vandag nie meer met ons is nie... Die Voorsitter van die FMF Rule of Law Board of Advisors en voormalige Regter van die Hooggeregshof van Suid-Afrika, Regter Rex van Schalkwyk, meen dat die inperking wat ons tans beleef, veral ons “huisarres” soos hy dit noem, ‘n onwettige instelling van die huidige regime is.
Regter Van Schalkwyk sê toepassing van die Reg is ‘n buffer wat die publiek teen tirannie moet beskerm. Die wettig- of onwettigheid van die inperking moet gesien word in ooreenstemming met die reëls van die Reg.
Hy meen huisarres is ‘n algemene vorm van straf vir ‘n veroordeelde krimineel en hierdie straf kan slegs wettig toegepas word op ‘n persoon wat ‘n regverdige verhoor gehad het.
GRU-GRENDEL-GEBEURE (2)
Lees daaroor by Gru-Grendel-Gebeure
Elkeen van die gebeure in hierdie reeks speel af in die inperkingstyd vanaf 26 Maart 2020 en is opgevolg om seker te maak dat dit volkome waar is
‘n Leser skryf: Ons is deel van ‘n groep boere naby ‘n grens van Suid-Afrika waar op groot stukke grond geboer word. Elke jaar hierdie tyd, reeds vir ‘n hele paar jare, maak elke boer ‘n groot klomp van sy oes bymekaar en bring ons dit na ‘n wit plakkerskamp waar die nood maar hoog bly. Ons het ‘n persoon wat die organisasie van die skenkings behartig en ons almal skakel wanneer die tyd aanbreek.
Hierdie jaar het hy nie gebel nie. Toe sommige van ons met hom kontak gemaak kry het hy in groot angstigheid gesê dat ons nie hierdie jaar soontoe moet kom nie want die polisie wag ons in om ons te arresteer. Op watter klagte sal hulle alleen weet!
Ons het egter soos een man besluit ons gaan nou eers bymekaar kom en pakkies opmaak met iets van elkeen se produk daar in. Dan sal ons weer met ons skakelpersoon kontak en vra dat hy die inwoners van die kamp aansê om op ‘n spesifieke dag en tyd gereed te staan sodat wanneer ons die pakkies aflaai, hulle dit met groot spoed sal gryp en laat spaander. Hopelik sal ons gou genoeg daar wegkom sonder arrestasie en sonder dat die polisie hulle gulsige vingers op die pakkies kan lê.
Is dit nie verskriklik dat ons nie eers ons medemens in nood meer kan help sonder om in die tronk in hierdie polisiestaat te land nie!
GRU-GRENDEL-GEBEURE (1)
Lees daaroor by Gru-Grendel-Gebeure
Elkeen van die gebeure in hierdie reeks speel af in die inperkingstyd vanaf 26 Maart 2020 en is opgevolg om seker te maak dat dit volkome waar is
‘n Leser vertel: Ons het ‘n klein sake-onderneming op die platteland. Een van ons gereelde kliënte kom ‘n paar dae gelede redelik bleek daar ingestap en ons spot hom oor die grendeltyd saam met sy vrou hom so uitgeput laat lyk.
Hy sê nee, dis nie dit nie! Hy kom nou vanaf ‘n Indiërwinkel waarvan hy gehoor het hy sigarette te koop kan kry. Hy sê ‘n vriend wat net so desperaat vir rook was het hom aanbeveel om soontoe te gaan.
Hy kom toe daar maar die Indiër-eienaar sê sy voorraad is uit, hou nooit lank nie, maar sy volgende vrag is oppad en amper daar; hy moet glo net bietjie wag.
Die man gaan sit toe in sy motor buite en wag terwyl hy wonder wat op aarde vang hy nou aan want sy hele selfbeeld is daarmee heen – nog nooit het hy so eenvoudig en afhanklik gevoel nie!
Hy het nie lank in sy motor gesit nie toe daar ‘n polisiemotor langs hom stilhou. Hy skrik hom byna van sy sitplek af want die spul is seker gekontak om hom nou te kom arresteer. Maar nee, die drie poliesmanne maak die kattebak oop en haal ‘n yslike groot sak uit wat hulle aldrie saam optel en binne die winkel indra. Na ‘n rukkie kom hulle weer uit, klim in die polisiemotor en ry weg.
Na nog ‘n klein rukkie kom die Indiër-eienaar uitgestap en sê hy kan maar binne kom, die voorraad het gekom. Die man stap in en sowaar, daar is ‘n hele vrag sigarette op die toonbank uitgegooi uit die sak wat die polisiemanne ingedra het!
Nodeloos om te sê dat die goedkoopste pakkie sigarette hom R80 uit die sak gejaag het want ons kan raai wie moet nou almal in die winste deel...
WIE MAAK ONS GELD? (9)
FRIEDRICH JOSEF IRSIGLER
Lees reeks by Wie maak ons geld?
BREINSPOELING: DIE GROOT TOWERLAMP EN HOE DIT WERK
"The vested interests of our age. . . have constructed a wonderful machine, which we shall call the Great Steriopticon (Magic Lantern). It is the function of this machine to project selected pictures of life in the hope that what is seen will be imitated. All of us of the West who are within the long reach of technology are sitting in the audience. We are told the time to laugh and the time to cry, and signs are not wanting that the audience grows ever more responsive to its cues. . . The Great Steriopticon like most gadgets has been progressively improved and added to until today it is a machine of three parts: the press, the film pictures and the radio." [1] (Die gevestigde belange van ons eeu. . . het 'n wondermasjien opgebou wat ons die Groot Towerlamp sal noem. Die masjien se werk is om uitgesoekte voorstellings van die lewe te projekteer met die hoop dat wat gesien word, ook nagevolg sal word. Al ons Westerlinge binne bereik van die tegnologie, sit binne die gehoor. Daar is geen gebrek aan tekens nie dat ons, die gehoor, al vatbaarder word vir sy aanwysings oor wanneer om te lag en wanneer om te huil.
DIE MAG VAN DIE PERS...
... is skrikwekkend en dit dring deur tot die privaatheid van byna elke huis, elke volk, elke land, soos nou weer gesien word met die virus-sage. As dit nie vir die media was nie, het ons vandag 'n normale lewe voortgesit sonder die ongesonde gebruik van gesigmaskers; het ons ekonomie nie totaal ineengestort nie (ons sal binnekort die gevolge hiervan sien); het duisende klein besighede nie gevou nie; het miljoene mense nie hulle werk verloor nie en het ons besef dat ons 'n normale griepseisoen beleef soos dit elke jaar gebeur. DIT, IS WAT DIE PERS AAN ONS GEDOEN HET - sonder hulle was die Geldmag se hande afgekap!
DIE PERS ONDERSTEUN...
... elke poging om die doodstraf af te skaf, agiteer vir hervorming van die wette op wapenbesit en -gebruik (voorspraak vir ontwapening van die gemeenskap), publiseer talle artikels waarin verdraagsaamheid en begrip vir buite- en voorhuwelikse seks, gebruik van dwelms, sodomie, lesbianisme en ander perversiteite bepleit word - JOSEF IRSIGLER
DIE PERS ONDERMYN...
...die regses en die morele onderbou van 'n volk deur die gebruik van sinspeling, smeertegnieke, skeltaal en herhaalde koppeling aan "Nazi'sme", sodat ferme, korrektiewe optrede teen ondergrawing onmoontlik gemaak word. Die pers ondersteun alles wat liberaal, vuil, vervalle en onsedelik is - JOSEF IRSIGLER
DIE DOEL VAN DIE PERS IS...
... om te ondermyn en te besmet. Die doel is om die Westerse demokrasie te verswak en te ondermyn, terwyl hulle uitbasuin dat hulle kampvegters van vryheid en vyande van totalitarisme is. Met hierdie laaste aanspraak verswyg hulle die werklikhede van totalitêre kommunisme — die bloedigste, onmenslikste en mees absolute diktatuur ooit en rig hulle venyn op "Fascisme" as weerligafleier - JOSEF IRSIGLER
DIE PERS, SOOS DIT VANDAG...
... misbruik word, is om die volke vir oorname sag te maak, sodat fisiese botsing tot die minimum beperk kan word. Moderne oorlog word met die verstand en oneerlikheid gevoer. As 'n volk oor 'n lang tydperk oordeelkundig ondermyn kan word, is die oorwinning verseker. 'n Ontmoedigde, verwarde en skuldbewuste volk bied maar swak weerstand - JOSEF IRSIGLER
NAPOLEON HET BY GELEENTHEID...
...gesê dat hy liewer voor 'n duisend bajonette as voor vier vyandiggesinde nuusblaaie staan. In die lig van wat die pers reeds sedert sy dae aangevang en bereik het, is sy opmerking vir hierdie eeu sag gestel - JOSEF IRSIGLER
VANDAG IS ONS OPGESAAL...
... met 'n verwarde en ontwortelde massa mense wat deur die media tot 'n ellendige sedelike verval gebring is. Geestelik het die groot Towerlamp die mens verarm, sy lus vir ondeug en verwording geprikkel, sy intellek en instink benewel, die voortreflikheid van materialisme besing en hopeloosheid en wanhoop ontketen - JOSEF IRSIGLER
DIE MEDIA IS EEN VAN DIE DROEWIGSTE...
... moderne voorbeelde van 'n potensiële mag ten goede, wat vir die bose aangewend word. Die wagwoord van sommige koerante mag wel wees: ‘Watter dinge ook al oneerbaar is, water dinge onrein, watter dinge lelik, bepeins dit’. – W D CHALMERS
DIE TOWERLAMP...
...het 'n skemerwêreld geskep waarin die grense tussen werklikheid en fantasie in die skadu’s verlore geraak het. Ons begrip van die wêreld en die gebeure van ons dag, ons idees, verwagtinge en aspirasies, ons verontwaardiging en ons haat, ons meegevoel word vir ons gevorm en gefatsoeneer deur die vier dele van die diaboliese masjien — die pers, film, radio en televisie - RICHARD WEAVER
ONS WORD DEUR DIE PERS...
...duisende brokkies inligting gevoer, party waar, ander vals, sommige ter sake, ander nie, party bevestigend, ander ontkennend. Geen duidelike patroon verskyn uit die mosaïek nie, sodat die gewone man sy skouers optrek en ophou om die wêreldsituasie te probeer verstaan. So word die politiek vir hom iets vreemds, so ook die ekonomie en die buitelandse beleid. Daarom wend hy hom liewer na die sportverslae of bespiegelings oor foto's van die vroueliggaam - JOSEF IRSIGLER
‘N DEPARTEMENT VAN MISLEIDING (Disinformation) ...
...bestaan in baie lande. Sy funksie is die doelbewuste verspreiding van vals gegewens, misleidende inligting, gerugte en botsende verslae. Die benaming is eg, nie satiries nie en getuig van die versiendheid van George Orwell wat in sy boek 1984 'n "dubbelprater" en 'n Vredesdepartement insluit om oorlog te hanteer - JOSEF IRSIGLER
DAAR IS NIE SO DING...
...soos 'n onafhanklike pers nie. . . nie een van ons kan dit waag om 'n eerlike mening te uiter nie. Dis 'n joernalis se plig om te lieg, verguis, om bek te lek en stert te swaai aan Mammon se voete. . . ons is marionette. . . hierdie manne trek die toutjies en ons dans. . . ons is intellektuele prostitute - John Swinton
AS ENIGIEMAND DAARAAN TWYFEL...
...dat die pers wêreldwyd beheer word, moet hy kan verduidelik hoe 'n onbekende figuur soos Steve Biko 'n wêreldbekende martelaar kon word en hoe die aangehitste verontwaardigingskrete nie gehoor word wanneer die kommuniste 'n kwartmiljoen mense in Kambodja vermoor nie - JOSEF IRSIGLER
PERSVRYHEID BETEKEN...
...vryheid om te verdraai, om te lieg, om feite te verberg, vryheid om te beswadder, om te skimp, inbreuk te maak op leed en privaatheid en vryheid om te verwar. - Prof Richard Weaver
Soos daar ook nou rondom die virus-sage gedoen word.