Gedagtes vir elke dag
Of lees almal by Gedagtes vir elke dag
Elke dag hoor ons hoe mense God se heilige Naam ydellik gebruik. In films en stories word daar moeite gedoen om die HERE se Naam te probeer ontheilig; ander weer dink nie eers daaroor terwyl hulle sy Naam misbruik nie. Die Bybel vertel ons wat met mense gebeur wat neerhalend van die HERE gepraat het – soos Góliat, en soos Sánherib in 2 Konings 19. Dink goed vóór u praat soos die meeste mense deesdae doen...
BLOEDRIVIER
Nog 'n besielende gedig deur AG Visser:
O heldeskaar wat in julle siele-angs
Julle hoë siele-adel het behou,
Aan eer en vryheid tot die dood getrou,
Vermoeid, verwond, die harde trekpad langs,
Hoe kan ons julle dank of eer betoon,
Aan julle nagedagtenis vergoed
Volharding weergaloos en stoere moed –
Ons wat op jul bloedspoor vreedsaam woon?
Geen marmersuil maak julle roem bekend,
Maar elke boerehuis wat veilig staan,
En elke ploegvoor, elke land vol graan
En elke pad is julle monument!
Vryheid het julle gedrywe, ‘n blanke wig
In donker Afrika – en daar was lig.
Mag hierdie besielende woorde elke Afrikaner wat dit lees, weer só begeester dat ons opnuut met krag sal streef om ons verlore vryheid te herwin.
VIRUSSE
DIE WÊRELD VAN DIE KLEINSTES (6)
SKOOLPROJEK
Lees reeks by Mikrobes - Wêreld van die kleinstes
Jac Schoonens
Ten slotte nog een mikrobe waaroor ons wil praat: die virus.
Virus beteken "smetstof", en dit is dus duidelik dat dit 'n stof moet wees waardeur 'n mens besmet en siek kan word. Dit geld glad nie net vir mense nie want ook diere en plante kan deur virusse besmet word.
NIMMER OF NOU
Nog pragtige gedigte by Gedigte
Geniet saam met ons A G Visser se mooi vaderlandse gedig, Nimmer of Nou.
Wank’lende skepies op went’lende bare,
Maar ‘n standvastige hand aan die roer –
So het die Almag deur duisend gevare
Voortyds ons voorsate hierheen gevoer.
Kennelik sien ons sy hand deur die jare
Nog in die wiss’lende lot van die Boer:
Wag’lend sy wa in ‘n see van barbare,
Vas sy vertroue op God en sy roer.
Sal ons die Voortrekkerstempel bestendig –
Heer van sy hoewe en baas van sy plaas -,
Of deur verslapping ontaard en lamlendig
Op ons geboortegrond kneg word en Klaas?
Had ons die Eendrag – die Mag – van ons leuse;
Had ons die Wil om te handhaaf, te hou. . . ,
Hier lê die kruispad, en kort is die keuse,
Maklik die dwaalweg, maar. . . lank die berou!
Ja, nadat ons op ons geboortegrond die kneg en Klaas geword het, het ons nie eers meer die wil om te handhaaf en te hou nie. Presies hoe lank gaan die berou daaroor nog wees?
DIE BELEG VAN MAFEKING (3)
Dr JP Botha
Lees reeks by Die Beleg van Mafeking
Die interessante storie van LADY SARAH WILSON
Baden-Powell het gereeld van die Barolongs van by Mafeking gebruik gemaak om boodskappe na geheime agente buite Mafeking te stuur, wat dan weer onderneem het om dit aan die militêre owerheid te besorg. Een van hierdie agente, ‘n sekere mevrou Abrams wat te Taungs gewoon het, het daarin geslaag om boodskappe van Baden-Powell, wat sy deur middel van swart rapportryers bekom het, verder suidwaarts te stuur, ten spyte van die feit dat Taungs deur die Boere beset was. Hierin is sy bygestaan deur kaptein Molala, wat die boodskappers van ryperde voorsien het.
Vanaf die begin van Desember 1899 het die Boerewagte kort-kort een of meer van hierdie swart spioene gevang en van die Engelse rapporte wat hulle by hulle gehad het, onderskep. Dit het die Boere op hul hoede gestel.
Afgesien van mevrou Abrams te Taungs het Baden-Powell ook van die diens van ‘n ander vrou gebruik gemaak, naamlik lady Sarah Wilson, wat haar op die vooraand van die Oorlog te Mafeking bevind het.
DIE BYBEL (11)
Dr JP Botha
Lees reeks by DIE BYBEL
OPGRAWINGS
Die wetenskap van Argeologie help ons om deur middel van opgrawings vas te stel hoe die mense destyds geleef het, hoe die stede in die ou tyd gelyk het, waarmee die mense geëet het en wat hulle as klere gedra het. Opgrawings word sistematies gedoen en daarmee kan baie vasgestel word, maar dit bly maar net een stukkie van die groot legkaart.
Opgrawings word gedoen op plekke waar die argeoloë weet of vermoed dat daar baie jare gelede mense gewoon het. Soms is daar ruïnes, maar soms is daar niks meer oor behalwe die oorblyfsels wat onder die grond versteek is nie. Op die plek word alles versigtig opgegrawe, aangeteken en bestudeer. Daar is omtrent geen einde aan wat argeoloë kry nie; van grafte en bene, meubels, implemente, kombuisware, potskerwe, juweliersware en wapens, gebalsemde diere, oorblyfsels van kos en so meer. Soos die opgrawings op ‘n plek vorder, word die groter prentjie ook geleidelik duideliker, byvoorbeeld hoe die huis gelyk het, die buurt en die dorp.
Een van die belangrikste ontdekkings van ‘n ou Romeinse hawestad is onlangs in Xanten, Duitsland gemaak, toe hulle ‘n pad oor ‘n oop veld wou bou.
WAS DIT 'N GOEIE VRYDAG?
Gister was dit die jaarlikse herdenking van die grootste weldaad wat daar ooit aan die mensdom bewys is: die kruisiging van Jesus wie in ons plek vir ons sondes moes ly sodat ons die ewige lewe kon verkry; dit was Goeie Vrydag – in elkgeval vir sommige. Vir die meeste van die Afrikanervolk was dit 'n dag van groot jolyt, sommige reeds by hul langnaweekbestemmings, ander nog op die pad. En soos tydens die meeste Paaslangnaweke was daar sommer vroeg Donderdagaand reeds 'n hele aantal sterfgevalle op die besige landspaaie in die groot uittog na plesier. Vir dié wat die uittog op die pad oorleef het, het die druk verkeer deur die nag hulle eers baie ure later laat arriveer en kon hulle seker Vrydag goed uitrus.
Maar daar was ook diegene wat, waar hulle ookal Vrydagoggend was, die behoefte gehad het om die versoeningsete saam met die HERE te eet, in die woorde van Jesus tydens sy laaste nagmaal voor sy kruisiging, "Ek het sterk verlang om hierdie pasga met julle te eet ..."
STAP SAAM AFRIKANERVOLK!
Ons hou 'n Volksoptog op 27 April 2011
Die gemelde optoggedagte is gebore uit diepe besorgdheid ten opsigte van ‘n Volk wat ‘n baie diep identiteitskrisis beleef. ‘n Toestand wat vir baie jare reeds bekend is.
Verdermeer is hierdie Volkie in die huidige demokratiese opset gereduseer tot ‘n vreemde soort minderheidsgroep. Dit bind haar in reg om Volk te wees en het haar uitgelewer aan die wêreldmanipuleerders. Die stelselmatige ineenstorting van die huidige RSA bestel, dwing hierdie Volkie om tot eenheid oor te gaan.
Dit is van uiterste belang dat hierdie Volk self haar volkskap aankondig en fisies demonstreer.
Hierdie is ‘n eerste fase-optrede waarin ‘n uitmekaar gejaagde Volk begelei word om weer die diep emosie van Volkskap te ervaar.
VAARWEL, GELIEFDE VYAND !
KORSIES VAN PASTEI
(Die hele pastei by: Korsies van Pastei)
Kom ons geniet saam met P G du Plessis ‘n man se frustrasie omdat sy geliefde vyand dood is en nie meer daarvan bewus sal wees hoe heerlik-intens hy sy nagedagtenis bly haat nie!
Jy kry nie ‘n grens nie, of daar word oor die ding baklei.
Bakens, penne diep onder die grond, landmeters, énigeen kan vir twee strydende partye met jota, tittel en onverstaanbare driehoeksmeting kom bewys dis só en nie anders nie, maar een van die twee gaan kwaad daar weg oor die onregverdigheid van die wiskunde, die omkoop van regeringsamptenare, die dinge wat hy gehoor het toe hy gekoop het, of wat sy pa hom nog persoonlik uitgewys het.
Hy sal sy eie landmeter kry as hy weer een kan bekostig. . .
Elke keer as ek sien hoe gooi John McEnroe sy rakette rond, of as ek verneuk voel oor ‘n lynbeslissing in die muurbal, dan besef ek weer: jy sien dinge in jou guns maklik raak, en dié waar jy dalk verneuk kan word, nog makliker. Maar in albei gevalle sien jy meestal verkeerd. Jy sien wat jy wil sien. John sien letterlik die bal wat uit is, in, al is daar met sy oog kennelik nie veel verkeerd nie – vandaar sy raket-gooiery.
DIE BESTAAN VAN AFRIKAANS (8)
Lees reeks by Die bestaan van Afrikaans
POLITIEKE DWANGMAATREËLS
Dr JC Steyn
Fisieke geweld is een middel waarmee 'n magtige land teen 'n swakker volk kan optree. Gewoonlik gebruik hy meer "vreedsame" metodes.
Vanuit 'n taaloogpunt was een van die vreedsaamste imperialismes dié van die Romeine. Hulle het die lojaliteit van die oorwonne volkere probeer wen deur hulle goed te behandel, korrupsie en uitbuiting teen te gaan, paaie, besproeiingskanale en ander bouwerke op te rig en die gebied ekonomies te ontwikkel. Die verowerdes kon ook hul taal en godsdiens behou as hulle wou. Die Romeine was die ander tale van die ryk nie vyandiggesind nie al het hulle dit nie bevorder nie. In Egipte was alle amptelike kennisgewings net in Grieks en Latyn en selde of nooit in Egipties. In Judea is die keiserlike besluit in Grieks en Latyn op koperplate gegrif. Af en toe het die owerheid van hierdie beleid afgewyk. Een geval behandel die evangeliste Lukas en Johannes in die Nuwe Testament: toe Jesus Christus gekruisig is, was die opskrif bo-aan die kruis in drie tale: Grieks, Latyn en Hebreeus.
DIE MOORDVIRUS (2)
Lees reeks by Die Moordvirus
EJG Norval
WAAR EN WANNEER DIE OORSPRONG
Ons het in die eerste aflewering gelees hoe onverantwoordelik verskeie regerings in die wêreld omgegaan het met die VIGS-kwessie, hoe hulle op 'n spesifieke tydstip hulle siening daaroor verander het as gevolg van politieke druk en –invloed en dit klaarblyklik nie beveg nie omdat die wêreldbevolking minder gemaak moet word. Nou kyk ons eers na die ontstaan van die virus, waar en hoe dit bekend geword het.
Die meeste mense ken die afkorting VIGS, of waarvoor dit staan, Verworwe Immuungebrek Sindroom, (in Engels AIDS wat staan vir Aquired Immune Deficiency Syndrome). Hierdie siekte is in 1979 die eerste maal in San Francisco se Algemene Hospitaal by ‘n klompie homoseksuele opgemerk. Die benaming Gay Related Immuno Deficiency Syndrome of te wel GRIDS het dus hiervandaan sy oorsprong. Ons kan vandag in alle eerlikheid sê dat die media naas die VSA-regeringsagentskappe en mediese establishment die grootste aandeel daaraan gehad het om die wanpersepsie te skep dat VIGS ‘n homoseksuele siekte is, ‘n beskouing wat tot sneller verspreiding van die virus gelei het deur die aard en omvang daarvan te verswyg.
HET JESUS FISIESE BROERS EN SUSTERS GEHAD?
AKTUELE VRAE
Lees reeks by Aktuele vrae
Die Bybel leer ons dat Jesus broers en susters gehad het. "Is hy dan nie die timmerman se seun nie? Is sy ma nie Maria en sy broers Jakobus, Josef, Simon en Judas nie? "(Matt 13:55). Matt 12:46-47 en Markus 3:31-32 vertel van 'n tyd toe Jesus die mense onderrig het en Maria en sy fisiese broers buite die skare gestaan het omdat hulle met Hom wou praat.
Die Bybel sê in Johannes 7:5 dat selfs Jesus se broers Hom in die begin van sy bediening verwerp het: "Selfs sy broers het nie in Hom geglo nie".
WIERE EN OERDIERTJIES
DIE WÊRELD VAN DIE KLEINSTES (5)
SKOOLPROJEK
Lees reeks by Mikrobes - Wêreld van die kleinstes
Jac Schoonens
Wiere
Wiere kan baie verskillend van vorm wees. Sommige maak lang drade; ander is rond of ovaal. 'n Besondere groep is die kristalwiere. Soos hulle naam aandui, vorm hulle kristalle met 'n kieselpantser wat uit twee helftes bestaan. Kieselaarde is niks anders as ontelbare sulke klein kieselpantsertjies nie.
Hoewel ook hierdie wiere mikroskopies klein is, staan hulle 'n trappie hoër as die swamme omdat hulle – net soos die hoër plante – bladgroen (chlorofil) kan vorm. Bowendien vorm hulle ook nog ander kleurstowwe sodat die groen kleur partykeer in blou, rooi of bruin verander word. In die daagikse lewe kan ons van die wiere sien soos hulle op nat vleigrond voorkom. Dikwels kry ons hulle ook as 'n groen skuim op damwater.
Die wiere is nogal taai.
GISSELLETJIES EN STRAALSWAMME
DIE WÊRELD VAN DIE KLEINSTES (4)
SKOOLPROJEK
Lees reeks by Mikrobes - Wêreld van die kleinstes
Jac Schoonens
Gisselle
Gisselletjies is nie net groter as bakterìeë en meer eiervormig nie, maar hul manier van vermenigvuldig is ook anders.
Aan die moedersel van 'n gissel kom eers ' n knoppie uit wat groei totdat dit die normale selgrootte bereik. Daarna kan die nuutgevormde selletjie afval en op sy eie weer 'n ander knoppie vorm. Dikwels bly die dogterselletjie aan die moedersel vassit. Die knopvorming gaan voort sodat daar later 'n hele klompie selletjies aanmekaar kleef.
Van die gissoorte is daar die 'egte' gisplantjies wat spoortjies vorm. Daar is ook ander wat die eienskap nie besit nie.
Gisplantjies speel in ons lewe 'n belangrike rol.
DIE VROU IN DIE POLITIEK
AAN STILLE WATERS
Lees reeks by Aan Stille Waters - Langenhoven
"Nasionalisme sal nie standhou as hy van die politiek af buite toe moet vloei nie, maar alleen as hy van buite af in die politiek invloei."
Generaal Smuts het Saterdagaand die studente in die CJV-saal op Stellenbosch toegespreek by geleentheid van die openingsaand van die Unie-Debatsvereniging, en ek in die Landbousaal, in teenwoordigheid van 'n groot kampvuur voor die deur, op uitnodiging van die Vroue-tak van die Nasionale Party. Wat die generaal se ondervinding was weet ek nie; myne was, soos gewoonlik daar, dat ek meer besieling daarvandaan gebring het as wat ek daarheen geneem het. (Hier volg enkele uittreksels uit Langenhoven se toespraak):
Ek het die gehoor toegespreek soos van ouds af die beleefde gebruik was, as "dames en here". Maar die dames is nou nie meer akademies teenwoordig nie; hulle is volle deelnemers aan die verrigtinge: ja, dis juis op hulle uitnodiging wat ek vanaand hier is. Miskien sal die nuwe betrekking 'n geskikte geleentheid verskaf om iets te sê oor die werk van die vrou in die politiek. Ek was een van die teëstemmers van vrouestemreg, nie omdat ek beskou het dat die vrou nie goed genoeg is vir die politiek nie, maar omdat ek beskou het dat die politiek nie goed genoeg is vir haar nie. Noudat sy daarin is moet sy hom maar goed genoeg maak.
HOE HET BOEKE IN SA ONTSTAAN?
SKOOLPROJEK
Lees reeks by Skoolprojekte
Sedert die eerste mense taal ontdek het, wou hulle verhale en inligting aan ander mense oordra en deur tekeninge (en later skrif) kon hulle die verhale en inligting bewaar.
Eerste boeke
Die eerste 'boeke' in Afrika was dalk die rotstekeninge wat duisende jare gelededeur die San gemaak is. Vandag kan ons nog van hul jagtogte en oorloë in daardie tekeninge 'lees'.
Leenbiblioteke
Toe Europiërs in Suid-Afrika kom woon het, het sommige van hulle boeke saamgebring. In 1761 het Joachim von Dessen 4 565 boeke nagelaat om die eerste gratis biblioteek in die land te vorm en in 1829 het die Suid-Afrikaanse Openbare Biblioteek in Kaapstad geopen. Mense wat nie boeke kon bekostig nie kon dit nou van die biblioteek leen.
Vandag is daar meer as 1 600 openbare biblioteke in ons land waar jy boeke, plate, kasette, cd's, afdrukke en video's mag uitneem. Daar is spesiale biblioteekdienste wat boeke aan mense in hospitale, tronke, die weermag en ouetehuise verskaf. Mobiele biblioteke in spesiale 'boekbusse' besoek afgeleë gemeenskappe wat nie biblioteke het nie.
HOE SAL ONS ORDE IN DIE VOLK HANDHAAF!
AAN STILLE WATERS
Lees reeks by Aan Stille Waters - Langenhoven
"UITVERKOPING!!!
38 SAMBREELS
All to be Sacrificed –
No Reasonable Offer Refused!"
Langenhoven het bespiegel of Die Burger bogemelde advertensie sou deurlaat nadat hy hom verwonder het oor hoe maklik 'n groot sambreel kan wegraak, net soos spelde: Jy gebruik hulle nie op nie en jy hou aan met koop – beland hulle nie dalk êrens nie...
Ek wonder wat van al die, sê maar verlore, sambreels word. Hulle is groter as spelde en minder verdwynbaar. Ekself, en elke ander mens waar ek nog ooit mee gepraat het oor die saak, het nog nooit 'n sambreel opgetel nie nog minder per ongeluk geneem en allerminste gesteel. Maar in die reëntyd moet ek ál om die ander dag 'n nuwe koop – teen 36 duisend persent wins vir die winkelier. Wat word van die sambreels wat almal van ons gedurig aanhou om te koop en te verloor?
POLITIEKE SLUIPMOORDE IN SUID-AFRIKA (9)
Lees reeks by Politieke sluipmoorde in SA
DIE SMIT-MOORDE (4)
"Ek is Deon Preuyt van BOSS," sê 'n man en wys sy identiteitskaart aan 'n lid van die uniformtak by die hek waar hy voorgekeer word.
"Wie wil jy sien?"
"Wie is in bevel?"
"Dis kolonel Verwey, CE Smit en kaptein Nicholson."
Maar uiteindelik is Preuyt toe saam met speurder Glen Edwards na Robert Smit se kantoor waar hulle die ondersoek voortgesit het. Afgesonder van die groot lessenaar en 'n paar gemakstoele, het die ruim kantoor die gewone grys staatskabinette, 'n tweede tafel en stoele en 'n muurhorlosie gehuisves. Teen die agterste muur was geraamde sertifikate en toekennings. Aan die symure was NP-plakkate. Anders as in die studeerkamer van Smit se huurhuis was die boeke, dokumente en lêers op hierdie lessenaar netjies gerangskik. Alles het in orde gelyk.
Edwards het na die lessenaar gestap en die oop leergebonde dagboek langs die telefoon gesien. Toe hy mik om dit nader te trek het Preuyt sy hand uitgesteek. Die speurder het Preuyt se arm vasgegryp en dit teen die tafel gedruk terwyl die twee mans mekaar aangluur.
"Dis 'n polisiesaak hierdie," het Edwards gesê".
"Wel, dit stink na die ANC," het Preuyt geantwoord terwyl hy sy arm wegruk, "en dit is my spesialiteit."
"O, verseker, dit stink, en dít is mý spesialiteit. Ek is nie seker wat jý soek nie maar ek is hier om 'n motief en verdagtes te kry."
DIE MOOISTE STRAAT IN DIE WÊRELD
LAND VAN ONS VADERS
(Lees reeks by Land van Ons Vaders)
Dr MCE van Schoor
"Bloemfontein se President Brandstraat is die mooiste straat in die wêreld!"
Die man wat so praat is 'n argitek – eintlik 'n professor in argitektuur. En hy kom oor die water – 'n man wat dus al heelwat van die wêreld gesien het.
Ek kan my ore nie glo nie. Ek stel 'n teenvraag: "Is die hooggeroemde hoofstraat van Edinburgh, Skotland, met sy mooi ou geboue en parke nie mooier nie?"
"Nee," is sy besliste antwoord, "daar is geen straat in die wêreld wat met President Brandstraat vergelyk kan word nie.
DIE BELEG VAN MAFEKING (2)
Dr JP Botha
Lees reeks by Die Beleg van Mafeking
Ons het in die eerste artikel nagegaan waarom die Boere vanaf 15 Oktober 1899 Mafeking gaan beleer het, tot groot vreugde van die Engelse, en wil nou ‘n bietjie kyk wat Baden-Powell alles in die dorp en omgewing aangevang het om die Boere van sy lyf af te hou. Vooraf gesê, hy het daarin uitmuntend geslaag om twee redes: Die Boere het geglo dat Mafeking oninneembaar sterk teen ‘n aanval verskans was, en dat die Britse Bevelhebber oor ‘n ontsaglike groot besettingsmag beskik het. Hulle het gemeen dat die dorp alleen teen ‘n geweldige lewensverlies aangeval en ingeneem kon word, en daarteen het generaal Piet Cronjé opgesien.
Intussen het kolonel RSS Baden-Powell, deur die Britse owerheid daartoe gelas, twee regimente op die been gebring, die Protectorate Regiment met ongeveer 770 troepe vir Mafeking en die Rhodesian Regiment wat hy noordwaarts gestuur het.
MONUMENTE WAT LEWE
ONS GESKIEDENIS VASGELÊ OP DVD
Ons is verheug om te kan bekend maak dat ons ‘n verdere twaalf titels toegevoeg het tot die reeks van DVD’s wat deel vorm van ons historiese DVD-projek. Dit bring die totale aantal titels nou op twee en-dertig te staan.
In Suid-Afrika is daar tans ‘n berekende en sistematiese veldtog aan die gang om die sigbare tekens van ons volk se geskiedenis te vernietig. Dit geskied deur die verandering van die name van plekke, strate, berge, damme en riviere en deur die verwydering van standbeelde en monumente. Dit is gerig op die uitwissing van ons historiese bewussyn en op ons uiteindelike permanente verslawing. Iemand het gesê: "Die geskiedenis is die wapen waarmee die oorwinnaar die oorwonnene in permanente knegskap wil hou." Ons het egter nie nodig om dit toe te laat nie.
Ons vyand kan die sigbare getuienis van ons geskiedenis vernietig, maar niemand kan die monumente wat deur middel van beeld en klank op ons hartsnare en ons breinselle gebou word, vernietig nie.