Ds Andrè van den Berg

“Die opening van u woorde gee lig; dit maak die eenvoudigste verstandig” - Ps.119:130                            

Het jy al ʼn Bybel in ʼn vreemde taal onder oë gehad?   Ek glo die meeste van ons het.  Gestel dit was jou enigste Bybel; sou jy geestelik groei?  Nee, jy sou maar in die duisternis wees.   Tereg sê die teks: “Die opening van U woorde gee lig;...” Om die Bybel in eie taal te hê, is onontbeerlik vir geestelike groei.

Luister wat sê die aanwesiges in die tempel toe die Heilige Gees op Pinksterdag uitgestort is: “en hulle was almal verbaas en verwonderd en sê vir mekaar: Is almal wat daar spreek dan nie Galileërs nie?  En hoe hoor ons hulle, elkeen in ons eie taal waarin ons gebore is?  - ons hoor hulle in ons eie taal oor die groot dade van God spreek” (Hand.2:7,8, 11).

Ons voorsate het vir eeue slegs die Nederlandse Statevertaling of King James Bybel gehad.  Daar was nie ʼn Afrikaanse Bybel nie omdat Afrikaans as ʼn kombuistaal beskou is.  Selfs skoolonderrig, prediking en kategese was alles in Nederlands.  Mense het Afrikaans gepraat, maar Nederlands geskryf.

Hannes Ollewagen

Titus 2:11-3:11

“Maar toe die goedertierenheid van God, ons Verlosser, en sy liefde tot die mens verskyn het – nie op grond van die werke van geregtigheid wat ons gedoen het nie, maar na sy barmhartigheid het Hy ons gered deur die bad van die wedergeboorte en die vernuwing deur die Heilige Gees wat Hy ryklik uitgestort het op ons deur Jesus Christus, ons Verlosser; sodat ons, geregverdig deur sy genade, erfgename kan word ooreenkomstig die hoop van die ewige lewe.” (:4-7).

Ons leef in ‘n samelewing waarin mense amper verleer het om verantwoordelikheid vir hul eie optrede te aanvaar.  Mense sal verskonings en verwyte uitdink oor waarom hulle in slegte omstandighede verkeer, maar weinig sal erken dat dit as gevolg van hul eie optrede en besluite is.  Dit is makliker om die verskoning van moeilike kinderomstandighede te gebruik om ‘n lewe van verslawing te probeer regverdig as wat dit is om daarteen te veg en die mag van die bose te oorwin.

Harm Oost

"Die laaste opdrag van genl De Wet aan my was om aan die nageslag die waarheid te laat weet. Dit was soos 'n bevel, daarom skryf ek hier".

Lees reeks by Wie is die skuldiges

HOE DIE BOM GEBARS HET

"Die Engelse het die manier om in 'n 'voormalige' vyand, wat hulle tot 'n vriend wil maak, allerhande deugde te erken of te ontdek. Genl. Botha se bekwaamheid as krygsman word geëer deur hom in 1911 te verhef tot ere-generaal van die Engelse leër, 'n heel besondere onderskeiding vir 'n Engelsman maar 'n totale skande vir 'n Boer! Hierdie toekenning was tot toe alleen aan lede van die Koninklike Familie toegeken en tot lid van Sy Majesteit se Geheime Raad (P.C.) "

Maandagmore, 12 Oktober 1914, het die regering die nuus omtrent Maritz se "gruwelike verraad” wyd en syd en met al die uitgebreide middele tot huIIe beskikking versprei deur die pers, die telegrafiese dienste aan magistrate en krygsoffisiere. Met so ‘n ywer het huIIe dit gedoen dat huIIe die indruk gewek het dat dit goed is dat Maritz nou kant gekies het. Die skilpad het sy kop uitgesteek. Die bom het gebars. ‘n Groot verligting. Nou kan die regering optree.

Die offisiële mededeling wat met soveel nougesetheid onder die gretige aandag van elke lid van die publiek gebring is, was die "Bekendmaking of Manifest”, wat ‘n vermenging van korrekte en valse voorstellings is: dit eindig met 'n skrikwekkende bedreiging. Almal het dit gelees en herlees, en in 1924 het Manie Maritz en skrywer dit (na sy terugkeer uit ballingskap) weer van vooraf bestudeer.

Ds Andrè van den Berg

“Julle bid en julle ontvang nie, omdat julle verkeerd bid…” (Jak. 4:3)

Gebed is ʼn voorreg wat God slegs vir die mens bestem het omdat die mens na God se beeld en gelykenis gemaak is.  Hierdie Bybelse uitdrukking beteken egter nie dat ons soos God lyk nie want die Bybel leer ons dat God Gees is.   Om na die beeld van God geskape te wees, beteken dat God vir Hom in die mens ʼn gespreksgenoot geskape het.   Dink daaraan dat die mens die enigste van God se skeppings is wat met Hom kan praat.  Daarom is dit vir elke mens ʼn hemelse voorreg om met sy Skepper te praat.  Elke gebed is soos ʼn hek wat na die hemel oopgemaak word!

Soos wat die maan ʼn beduidende invloed op seegetye het, beïnvloed gebed ons geestelike lewe.   Hoe sterker ons gebedslewe is, hoe hoër is ons geestelike gety.   Die teenoorgestelde is egter ook waar.  Hoe minder ons bid, hoe swakker is ons geestelike lewe.

Mense besef nie altyd die krag van gebed nie.

Ds Andrè van den Berg

“En vaders, moenie julle kinders vertoorn nie, maar voed hulle op in die tug en vermaning van die Here” - Efes.6:4                                           

In Efes.6 aanvaar Paulus dat daar kinders in die gemeente is.  Kinders is ʼn gawe van God: “Kyk, seuns is ʼn erfdeel van die Here; die vrug van die moederskoot is ʼn beloning.  Soos pyle in die hand van ʼn held, so is die seuns van die jeug. Gelukkig is die man wat sy pylkoker daarmee gevul het! (Ps.127:3,5).

Daarom begin Paulus hoofstuk ses met: “Kinders, julle moet julle ouers gehoorsaam wees, in die Here...” (6:1)   Die woorde in die Here sê dat kinders van vroegs as moet weet dat dit goed is om in God se weë te wandel. “Waarmee sal die jongeling sy pad suiwer hou? Deur dit te hou na u woord” (Ps.119:9).

Die doel van opvoeding is om eerbare, Godvresende kinders te kweek.  Sulke kinders is juwele in sy koninkryk en ʼn sieraad vir elke gemeenskap. 

Hannes Ollewagen

Spreuke 3:1-33

“Laat liefde en trou jou nie verlaat nie; bind dit om jou hals, skryf dit op die tafel van jou hart,” (:3)

Ons kyk vandag na ‘n eienskap wat nog by baie min mense in ons moderne samelewing te bespeur is, maar wat ontsettend welbehaaglik is voor God se Aangesig.  Die eienskap waarna ons gaan kyk, loop hand-aan-hand met liefde – wel, met opregte liefde.  Hierdie eienskap is om getrou te wees en trou te bly.

Dit is nie alleen die Woord van God nie, maar ook die hele geskiedenis van die aarde wat getuig van die getrouheid van God.  Ons dink byvoorbeeld daaraan dat God in trou elke dag die daeraad ontbied ten spyte van die wêreldbewoners se Goddelose lewenswandel.  Ons onthou hoedat God duisende jare gelede vir Abraham beloof het om sy nageslag te maak soos die sterre van die hemel en die sand wat aan die seestrand is en ons huidige geslag kan getuig van sy trou in hierdie verband.

Harm Oost

"Die laaste opdrag van genl De Wet aan my was om aan die nageslag die waarheid te laat weet. Dit was soos 'n bevel, daarom skryf ek hier".

Lees reeks by Wie is die skuldiges

Die skandale op Krugerdag in die Operagebou te Pretoria

"Daar het boere van hulle plase gekom vir die gedenkdag; onder hulle was Jopie Fourie, wat op Wildebeesthoek gewoon het, daar anderkant Hornsnek, 'n uur of drie te perd vanaf Pretoria. Hy was 'n sterk man, bekend ook om sy moed gedurende die Driejarige Oorlog, kruppel geskiet deur die vyand en as gewonde mishandel deur die bevelvoerende offisier en later vermoor omdat Smuts soos 'n lafaard gevlug het toe daar vir Jopie se lewe genade gevra word. Jopie en ander sou, indien nodig, die orde in die saal wel kon handhaaf.... ‘n Minuut later staan Jopie Fourie voor ‘n man, wat agter die ballustrade sit met ‘n kassie eiers op sy skoot. Jopie vra: 'Is dit jou hoendereiers?' Die antwoord kom: 'Yes, have a few'. Jopie vat die hele kassie en druk dit met sy breekbare en ongeurige inhoud omgekeerd, soos 'n hoed, op die eierman se kop. Dit Iaat almal, vir hom padgee, ook die eierman se vriende. Toe begin Jopie en sy manne hulle vuiste gebruik. Jy sien net mense vlug. 'n Paar tuimel oor die ballustrade, en beland op die vloer van die saal. Jopie-hulle het aangehou tot die galery 'skoon' was en die leier van die oproermakers (die hoof van die British League) skoonveld."

Die bekende skandale in Pretoria was op die aand van dieselfde dag dat Manie Maritz op Van Rooisvlei vir Ben Bouwer as afgevaardigde van genl. Smuts ontmoet het, (dus die oomblik dat die Maritz-rebellie op die uitbreekpunt gekom het) 

Hierdie voorval het 'n groot uitwerking gehad. Die pers is, onder bedreiging met die swaarste strawwe, deur die polisie verbied om ‘n woord daaroor te berig. Maar om historiese redes is dit egter wenslik om ‘n volledige verslag vir die nageslag te bewaar.

BEPROEWING

Ds AE van den Berg

“...en Hy het my uit die kuil van vernietiging, uit die modderige slyk opgetrek en my voete op ’n rots gestel; Hy het my gange vasgemaak” - Ps.40:3                                  

Was jy al ooit in ’n situasie wat vir jou soos ’n doodloopstraat gevoel het met geen hoop op uitkoms of iemand wat tot jou redding kon kom nie?   Miskien iets waarin jy onskuldig beland het en buite jou beheer soos Josef wat as slaaf verkoop is.  Miskien iets wat jou eie skuld is - jy het jou doodloopstraat gebou!

Koning Dawid was in ’n doodloopstraat toe hy Ps.40 geskryf het:  “Want onheile sonder getal het my omring; my ongeregtighede, ek kan nie sien nie; hulle is meer as die hare van my hoof” (:13).   Hy noem sy nare ervaring 'n kuil van vernietiging – ’n put van die dood.  Dit was ’n bekende uitdrukking in die OT vir ’n plek van mens-en-God verlatenheid; ’n plek waaruit jy nie kan terugkeer nie - a point of no return. Jy spartel en spook, maar sink al dieper in die dryfsand van wanhoop weg.   Het jy dit al ervaar?

Jeanette Koekemoer

Die meeste Suid-Afrikaners het reeds gewoond geraak aan die periodieke kragonderbrekings in ons land. Sommige het hulself goed, en ander minder goed, ingerig om die ontwrigting daarvan die hoof te bied en almal verduur dit nog in relatiewe kalmte aangesien dit hoogstens 'n uur of twee op 'n keer duur.

Maar wat as dit langer duur? Of glad nie weer aangeskakel word nie?

Met die winter amper verby slaak almal 'n sug van verligting want die risiko van 'n totale elektrisiteitsineenstorting is mos nou kleiner.  Ja, 'n verantwoordelike mens sou so kon redeneer.  Maar in die lig van nuusberigte wat plaaslik onder die mat ingevee word, is die verwagting nie dat daar verantwoordelikheid aan die dag gelê word nie.  Euronews berig byvoorbeeld op 5 Desember 2014: "Ukraine’s fuel crisis has deepened after a deal to buy South African coal collapsed. The imported coal turned out to be unfit for purpose. The head of a Ukrainian state energy firm has been arrested on suspicion of embezzlement in relation to the deal."

Te midde van 'n elektrisiteitskrisis in Suid-Afrika wat reeds etlike jare duur waartydens Suid-Afrikaners ten duurste opdok maar steeds die ongerief van gereelde kragonderbrekings beleef, gaan die Suid-Afrikaanse owerheid 'n onwettige transaksie met die Oekraïne aan en verkoop ons land se steenkool vir 'n inkomste wat nie op die boeke reflekteer nie.

Harm Oost

"Die laaste opdrag van genl De Wet aan my was om aan die nageslag die waarheid te laat weet. Dit was soos 'n bevel, daarom skryf ek hier".

Lees reeks by Wie is die skuldiges

Publieke vergadering die dag na genl De la Rey se begrafnis

"Die Smuts-regering hou die front van vrywillige deelname aan die oorlog teen die Duitsers sodat die gemoedere nie te hoog loop nie; intussen kommandeer hy elke burgermag op om na sy pype te dans. Vrywillig in die publieke oog, maar onder dwang van die regering – wat 'n valsheid!"

Die dag na genl De la Rey se begrafnis, 21 September, was daar op Lichtenburg 'n publieke vergadering wat deur aanwesiges tussen 800 en 1200 geskat is. Die voorsitter was genl. Kemp wat as majoor van die Verdedigingsmag en hoof van die Potchefstroomse oefenkamp, nes ander offisiere bedank het op dieselfde dag dat genl. Beyers sy kommandant-generaalskap neergelê het. Genl. Kemp het dadelik na die doodsberig van genl. De la Rey ontvang is, sy bedanking herroep, maar dis nie deur die minister aanvaar nie!

By daardie byeenkoms, nes by die begrafnis, het genl. Beyers gebruik gemaak van die Daimler, wat 'n groot gat in die bakwerk gehad het van die opslagkoeël waardeur genl. De la Rey gedood is.

Hannes Ollewagen

Lukas 2:1-7

“...en sy het haar eersgebore Seun gebaar en Hom toegedraai in doeke en Hom in die krip neergelê, omdat daar vir hulle geen plek in die herberg was nie.” (:7)

Hy moes sy oë oopmaak in ‘n wêreld waar daar geen plek vir Hom was nie.  Ons leer  God in Génesis ken waar Hy deur die Woord, Jesus Christus, alle dinge geskape het.  Die heelal het dus deur Hom ontstaan en ons weet dat geen ding wat ontstaan het, of wat standhou, sonder Hom ontstaan het of standhou nie.  Daar is m.a.w. geen lewende organisme op hierdie aarde wat die gawe van lewe nie aan Hom te danke het nie.  Die besluit wat in Génesis gemaak is, is egter ‘n besluit wat die mens vandag steeds moet maak – kies ek vír Hom, of téén Hom?

In die Paradys het die listige Satan vyandskap teen God veroorsaak en daardie stryd sal voortduur tot met voleinding van die wêreld.

Harm Oost

"Die laaste opdrag van genl De Wet aan my was om aan die nageslag die waarheid te laat weet. Dit was soos 'n bevel, daarom skryf ek hier".

Lees reeks by Wie is die skuldiges

Genl Beyers as Kommandant-generaal van die Burgermagte (4)

" 'Beyers moet dood'. Die jingo’s het planne beraam om hom deur sluipmoord 'van die vlakte af te maak'. Dit maak die gevolgtrekking dat genl De la Rey per ongeluk raakgeskiet is terwyl die koeël vir genl Beyers bedoel was meer as ooit geloofwaardig – 'n moordplan waaragter Smuts volkome gesit het."

Dit was taamlik algemeen bekend dat genl. Beyers van plan was om af te tree as die invalsbeleid toegepas sou word, want hy het dit met baie van sy vriende bespreek. Genl. Botha het sy bedanking al vanaf 7 Augustus verwag. Net genl. Smuts, in weerwil van sy uitgebreide en ywerige inligtingsdiens, het nooit onder die indruk gekom dat genl. Beyers sou bedank nie! En genl Smuts se mededelings omtrent die vorming van die planne van inval is in stryd met al die ander beskikbare inligting. Dis naamlik die konferensie van Engelse militêre wat dit op 21 Augustus beklink het, onder andere dat die mag van Maritz saam aan die inval sou moes deelneem. Dis amper 'n anderhalwe maand streng geheim gehou. Genl Beyers het daardie vergadering slegs af en toe so 'n rukkie besoek. En dat hy "aktief het opperbevel in Duits Zuid-West Afrika op zich zou nemen,” was waarskynlik ook vir genl Beyers self nuus, toe hy dit in genl. Smuts se antwoord lees.

Maar genl. Smuts het hom nooit bra bekommer oor die juistheid van sy "feite” nie.

Harm Oost

"Die laaste opdrag van genl De Wet aan my was om aan die nageslag die waarheid te laat weet. Dit was soos 'n bevel, daarom skryf ek hier".

Lees reeks by Wie is die skuldiges

Genl Beyers as Kommandant-generaal van die Burgermagte (3)

"Die bewering dat Engeland in die oorlog gegaan het om reg en geregtigheid ontwil, om die onafhanklikheid van klein nasies te beskerm en om traktate na te kom, word nie geglo deur 'n sterk faksie in Engeland self nie en is ook in stryd met ons eie ondervindings. En terwyl daar beweer word dat die oorlog gevoer word teen die "barbaarsheid van die Duitsers, herinner ons ons die barbaarshede in ons eie land gepleeg" gedurende die Driejarige Oorlog skaars elf jaar gelede. Ons het vergewe, maar nie vergeet nie. Dat die imperiale regering £7 miljoen as 'n Iening aan ons toegestaan het, is betekenisvol. Die publiek word deur die minister van Verdediging bang gemaak met die afkondiging dat Duitsland besluit het om Suid-Afrika te annekseer. Dis die gewone nasionale suspisie wat in dergIike gevalle ontstaan en die gevaar daarvoor sal verhaas word as ons die Duitse gebied inval sonder enige provokasie. Die beweringe dat die Duit­sers reeds ons grense geskend het, is weer eens 'n leuen deur Engeland en totaal ongegrond."

Genl. Beyers het van die begin af 'n duidelike uitgangspunt vir homself vasgestel. Aan die regering het hy gesê dat hy téén die oorlog teen Duitsland is; en teenoor sy vriende wat met planne vir 'n opstand teen die regering rondgeloop het, was sy houding net so beslis; hy sal aan daardie planne nie deelneem nie, "want dis sonde”.

Dis nou 'n tyd van geheimsinnighede.

Ds Andrè van den Berg

“Moenie wat heilig is aan die honde gee nie; en gooi julle pêrels nie voor die varke nie, sodat hulle dit miskien met hulle pote vertrap en omdraai en julle verskeur nie” - Mt.7:6

Die Skrifgedeelte begin met ʼn waarskuwing: “Moenie oordeel nie, sodat julle nie geoordeel word nie”.   Mense is geneig om vinnig te oordeel en stadig te dink in plaas van net anders om.  Adam se veroordeling van Eva nadat hy van die verbode vrug geëet het, is ʼn sprekende voorbeeld hiervan.   Het hy dan niks van die vrugteverbod geweet nie?

ʼn Mens mag nie veroordeel nie, maar slegs beoordeel.  Dit moet ook net aan die hand van God se Woord geskied.  Gelei deur sy Woord en met die hulp van die Heilige Gees help God gelowiges om tussen reg en verkeerd te onderskei. En om dit te doen, oefen die mens sekere voorkeure ter wille van sy eie behoud uit.

...SONDE OF NIE?

Ds Andrè van den Berg

Efes.5:25-33

In Suid-Afrika beoefen die staatspresident en talle van die swart stamkonings veelwywery.   Alhoewel dit die eerste Suid-Afrikaanse staatspresident is wat dit doen, is veelwywery geen nuwe verskynsel nie.   Dit kom al eeue lank onder sommige kultuurgroepe voor en word in ons land selfs met die Wet op Gebruiklike Huwelike (Wet 120 van 1998) gesanksioneer.

Toe Suid-Afrika ʼn Christelike grondwet gehad het, is kulturele veelwywery ontmoedig.  Maar nadat hierdie grondwet in 1994 geskrap is, het veelwywery met die Wet op Gebruiklike Huwelike regsgeldigheid verkry.  Wat leer die Woord van God oor die huwelik?  Wat is reg?  Monogamie (een-vrou huwelik) of poligamie (meer-vroue huwelik)?

Die duidelikste aanduiding dat God monogamie voorstaan, kom van Christus self toe Fariseërs Hom by geleentheid oor die wettige redes vir egskeiding gevra het:

Harm Oost

"Die laaste opdrag van genl De Wet aan my was om aan die nageslag die waarheid te laat weet. Dit was soos 'n bevel, daarom skryf ek hier".

Lees reeks by Wie is die skuldiges

Genl Beyers as Kommandant-generaal van die Burgermagte (2)

Daar het 'n besliste teensin bestaan teen die uniform wat vir die aktiewe burgermag uitgekies is. Dit was te veel 'kakie’ , 'n woord wat toe 'n gruwel was in die ore van die Afrikaner. Die studente van Stellenbosch, afkomstig uit al die dele van die Unie, het heftig geprotesteer. Hulle het op 28 Maart 'n groot protesvergadering gehou, bygewoon deur die kommandant-gene­raal. Daar is toegestaan dat die Iede van die Aktiewe Burgermag nie genoodsaak sou word om die gewone oefeninge in die teenswoordige uniform van die burgermag” uit te voer nie. En toe daar tog 'n burger twee keer deur 'n Regeringshof skuldig bevind en beboet is omdat hy geweier het om die uniform te dra, is daar n petisie teen "die dra van 'n kakie- of kakie-agtige uniform deur die Burgers van die Aktiewe Burgermag” aan elke Volksraadslid gestuur met die versoek o.a. "dat ten minste vir die HoIIands-Afrikaanse bevolking 'n ander uniform by die aktiewe burgermag sal ingevoer word.”