Gedagtes vir elke dag
Of lees almal by Gedagtes vir elke dag
Hoe ouer mens word, hoe meer besef jy dat die ouderdom sinvol en ryk kan wees. Dat jy meer ervaring en meer wysheid het om aan ander deur te gee, dat jy meer tyd het om dinge te doen wat jy nog altyd graag wou doen. En boweal, jy het meer tyd om te bid vir almal wat jy liefhet.
BELA-WET ONDERTEKEN
Futiliteit van openbare deelname-proses
Die omstrede BELA-wet is vandeesmaand in sy totaliteit aanvaar en in wetgewing vasgelê nadat Ramaphosa die wetsontwerp onderteken het.
Vir volksgenote wat hulle deur die DA, die VF+ en Solidariteit laat mislei het om te glo dat daar daadwerklike opposisie daarteen is tot so ‘n mate dat die wetsontwerp gestuit sou word, was dit ‘n geweldige ontnugtering.
“Kragtige” Solidariteit/ANC ooreenkoms beteken niks!
Dirk Herman van Solidariteit roem nog rondborstig aan die begin van Desember oor die bilaterale ooreenkoms tussen hulle en die kommunistiese regering – volgens Herman sou dit ‘n kragtige ooreenkoms wees wat hulle in ‘n posisie plaas “waar pres. Ramaphosa wel die laaste besluit het, maar nie net eenvoudig kan doen wat hy wil nie”. Hy reken toe dat hierdie ooreenkoms Solidariteit “in ‘n ongelooflike sterk posisie” geplaas het. Dié ooreenkoms sou dan kwansuis verseker dat die twee mees omstrede gedeeltes van die wetgewing, naamlik dié oor toelating- en taalbeleid nié in Desember geïmplementeer sou word nie.
ANC hou nie by ooreenkoms
Herman reken nog vroeg in Desember dat die ANC-regering nou wel nie openlik wil erken dat hulle hierdie “kragtige” ooreenkoms met Solidariteit gesluit het nie,vanwëe faksiegevegte in die ANC. Maar, sê hy, dis maar net politieke geraas – en wanneer dié geraas eindelik weg is, dan bly hierdie ooreenkoms wat Solidariteit se kragtige posisie verskans steeds staan! Dis dan nou ook hierdie ooreenkoms tussen hulle en die ANC, verklaar hy met groot stelligheid, wat dan die direkte gevolg sou hê dat die BELA-wet NIE geïmplimenteer sal word nie!
Nou ja, ons weet dat die aankondiging wel toe deur die ANC-regime gemaak is dat die VOLLE Bela-wetsonwerp (inlsluitende die 2 ooreengekome gedeeltes wat Solidariteit se bilaterale ooreenkoms veronderstel was om te keer) in geheel goedgekeur en aanvaar is. En dit ‘n skamele 2 weke ná Herman se bravade oor Solidariteit wat as’t ware die hef in die hand sou hê...
Solidariteit skep valse hoop
Hierdie grootbekkige Solidariteitpraatjies vorm natuurlik duidelik ‘n patroon – en het ons nie al daaraan gewoond geraak nie! Hoeveel maal moes Solidariteit-ondersteuners nie deelneem aan hul futlose veldtogte nie. Die geld wat daardeur ingesamel word verseker luukse reise na die buiteland vir die bestuur van Solidariforum wat natuurlik vir die spesifieke saak moet gaan stemming maak. Maar van die saak waaroor dit gaan kom daar gewoon nooit iets van nie. Nooit weer word ‘n woord gerep oor enige van hierdie futiele oefeninge nie. Nee, daar word gewoon ‘n volgende belangrike veldtog aangekondig waarvoor weer geil bygedra moet word... Antwoord net “JA” en Solidariteit sal dit of dat stopsit! Elke SMS kos net R5...
Geen veldtog bereik sukses nie
Verlede jaar was die veldtog: “Skrap die Raswet”. In Junie 2023 het Solidariteit saam met 25 ander organisasies ‘n ooreenkoms gesluit om “die raswet te beveg totdat dit geskrap is”. Het dit toe gebeur? Nee. Dit gaan ook nie. Onthou u die Massa-Klag-Toer waar Solidariteit by die Verenigde Nasies gaan kerm het oor die oop grense. Wat het daarvan gekom? In 2021 al is ‘n “reuse-deurbraak” gemaak toe die klag wat by die IAO ingedien is deur dié organisasie aanvaar is. Maar wat was die uiteinde van dié “reuse deurbraak”? Het dit toe die ANC se rasbeheptheid tot stistand laat knars? Wat het van Solidariteit se veldtog om van Panyasa Lesufi ontslae te raak geword? Hy staan sterker en meer radikaal as ooit. Op die pas afgelope Suid-Afrikaanse Kommuniste Party (SAKP) -kongres verklaar hy: "If we fail in this mission, the National Health Insurance (NHI) and other essential goals will also falter. Issues like energy, electricity, and land must be addressed if we are to succeed". Hier beywer hy hom onder andere vir die implementering van die drakoniese Nasionale Gesondheidsversekeringswet – nog ‘n saak waarteen Solidariteit sonder enige sukses betoog het.
DA en VF+ is deel van hierdie misleiding
Die DA en VF+ het albei aanvanklik hul teenkanting teen BELA te kenne gegee. Op 28 November nog was die VF+ “over joyed and wishes to congratulate Solidarity” as gevolg van Solidariteit se oorwinning om die twee ergste gedeeltes van BELA te stuit! Maar voor jy die oë kan knip laat albei dié partye hul teenkanting teen die wet vaar en stem hulle albei daartoe in dat hulle president dit teken! Aanvanklik sou die aanvaarding van die wet potensiaal gehad het om die RNE uitmekaar te laat spat, só sterk was die DA en VF+ daarteen gekant! Maar soustrein-posisies gaan met groot voordele gepaard. Dit noodsaak maar dat somtyds anderkant toe gekyk moet word...
Solidariteit, VF+ en DA is kulkunstenaars!
Solidariteit en sy filiale buite die parlement, en die VF+ en die DA daarbinne, se uitsluitlike doel is om die Afrikaner besig te hou met aksies en optogte en soortgelyke oefeninkies ten einde hom te laat glo dat daar iets gedoen kan word om die ANC-regime tot verantwoording te roep. En, deur “iets daadwerkliks te dóén” word hy daarvan weerhou om die ware feite in die oë te kyk. Hulle probeer die illusie skep dat die Afrikaner steeds in ‘n posisie verkeer waar hy ‘n daadwerklike verskil kan maak en byvoorbeeld drakoniese wette van die ANC-regime kan keer.
Die Afrikaner het GEEN sê in hierdie bedeling nie
Die presiese teendeel daarvan is juis nou met die ondertekening van die BELA-wet onteenseglik bewys. Nie eers die massa-optog met meer as 10 000 mense by die Voortrekkermonument kon enige indruk op die kommunistiese regime maak nie. Die Afrikaner kan alleen in hierdie land ‘n politieke rol speel wanneer hy weer alleen oor die politieke mag beskik. Daardie politieke mag is in 1994 hom ontneem deur slinkse optrede van verraaier-leiers. Nou is die Afrikaner in hierdie bedeling ‘n gekastreerde minderheid. Hy het GEEN seggenskap en nog minder invloed meer in die demokratiese prosesse van die land nie.
Afrika verstaan nie Westerse demokrasie
Nêrens in Afrika werk die Westerse demokratiese stelsel nie. Die Swartman kan nie ‘n demokratiese stelsel effektief bestuur of daarin fungeer nie. Dis teenstrydig aan sy aard en sy regeerstyl. Die duidelikste bewys daarvoor is die bespotting wat jaarliks van parlementsittings gemaak word. Dit is daarom gewoon selfmoord vir Blankes om aan so ‘n veelrassige demokratiese bedeling te wil deelneem.
ANC sal kommunistiese beleid implementeer, ongeag uitkoms daarvan
Laat dit duidelik verstaan word: Die ANC is ‘n kommunistiese organisasie wat ‘n bepaalde ideologie wil implementeer. Dit moet geskied aan die hand van sy kommunistiese handves – die Freedom Charter. Dit beteken dat “land reform” sál voortgaan en afgedwing sál word – ongeag of dit ramspoed en hongersnood tot gevolg gaan hê. Ook sal gesondheids- en onderwyswette wat daardie ideologie ondersteun beslis aangeneem word, ongeag die implikasies daarvan. Geen aksie of protes deur die parlementêre opposisie (of dan deesdae vennote in die RNE), en nog minder Soilidariteit se protesaksies, sal dit van stryk bring nie. Moenie u tyd en geld mors deur hierdie futiele pogings te ondersteun nie. Dit het tot op hede geen sukses behaal nie. Daar sal ook dadels van kom in al die volgende aksies wat hulle gaan loods.
Verenig in ware verset!
Ons heil lê buite hierdie bedeling. Daar is geen hoop om enigiets te vermag in onderhandelinge met die Swart meerderheidsregering nie. Laat ons ons kragte in protes saamsnoer ten einde in ‘n staat van verset te kom teen die onreg van die verraad van 1994! Daar is geen sin of enige waarde in die gekruip voor ‘n vyandiggesinde regering nie!