Gedagtes vir elke dag
Of lees almal by Gedagtes vir elke dag
Magsmisbruik lei dikwels tot selfverryking. ‘n Slegte leier leer geen kuns gouer aan as om die staatskas te plunder nie. Eers raak hy van die reëls van ‘n ordelike gemeenskap ontslae waarna hy sy land op die glybaan van korrupsie en verkwisting laat beland. Daarna word hy soos room - ryk en dik!
SKRYF NÓU JOU KOOPBRIEF...
... EN VERSEËL SÓ JOU ERFREG IN DIE LAND WAT GOD AAN JOU GEGEE HET
Jeanette Koekemoer
"Daar het die Here egter ook die belofte aan Jeremia gemaak dat Jerusalem nie net herstel sou word nie maar dat Israel en Juda se grondgebied ver buite sy grense sou uitbrei die dag as die Here hulle weer 'na hierdie plek terugbring – uit al die lande waarheen Ek hulle verdryf het in my toorn en in my grimmigheid en in groot gramskap - en hulle veilig laat woon...' - Lees Jeremia 32."
Suid-Afrika, ons voorspoedige en selfonderhoudende land wat met vaste tred op die pad na wêreldleierskap gestap het, is nou 'n Derdewêreldse land waarin misdaad, korrupsie, moord en verwoesting van alles wat met sorg tot stand gebring is, seëvier - op so 'n skaal dat die uiteinde daarvan, in die woorde van die Here, "...'n wildernis, sonder mens of dier", 'n gegewe is. Hierdie is nie 'n oordrewe siening wanneer die potensiaal van barbare gemeet word aan hul verwoestingsvermoë nie. Daarvan is talle voorbeelde dwarsoor die wêreld bekend. Suid-Afrika staan reeds in daardie statistiek opgeteken ná vernietiging van ons kernbedryf wat ten volle in ons elektrisiteitsbehoeftes kon voorsien, van ons uitvoerbedryf wat ons ekonomiese infrastruktuur gedra het; ons ryke grondstowwe wat nou aan buitelanders verkwansel word tot verryking van korrupte ampsdraers, en die ergste wag nog op ons wanneer die duiwel self onder sy kinders gaan losbreek in hul sogenoemde laaste fase van rewolusie met grootskaalse anargie, verwoesting en afbrand van alles wat voorkom.
Ons situasie in Suid-Afrika is nie uniek nie. En dít wat aanleiding gegee het tot die verval van alles rondom ons, ook nie.
Die oorsaak en sy gevolge is so oud soos die berge; dit is selfs in die Bybel aangeteken, geval ná geval, en kom woord vir woord ooreen met wat in ons land gebeur het: sondige volke word gestraf met heidense oorheersing, godlose barbare wat alles wat kosbaar is vernietig.Suid-Afrika staan soos in 'n spieël na homself en kyk ook wanneer Jerusalem se geskiedenis herroep word waar Jeremia as profeet vir sy eie veiligheid in koning Sedekia se huis toegesluit is omdat die magte van Nebukadnésar, koning van Babel, hulle in Jerusalem beleër het. Daar het Jeremia aan koning Sedekia voorspel dat Jerusalem deur dié heidense koning ingeneem en tot 'n wildernis vernietig sou word.
Daar het die Here egter ook die belofte aan Jeremia gemaak dat Jerusalem nie net herstel sou word nie maar ver buite sy grense sou uitbrei die dag as die Here die kinders van Israel en Juda weer "na hierdie plek terugbring – uit al die lande waarheen Ek hulle verdryf het in my toorn en in my grimmigheid en in groot gramskap - en hulle veilig laat woon..." Lees Jeremia 32.
Só vas het hierdie belofte gestaan dat die Here ook daar vir Jeremia 'n kontrak vir die aankoop van 'n stuk grond laat teken het met die opdrag om die koopbewys in 'n kleipot te verseël tot die dag waarop hulle na Jerusalem sou terugkeer. Natuurlik was Jeremia baie skepties hieroor want die Chaldeërs was reeds besig om Jerusalem te verower; hy sou waarskynlik die grond nooit in besit kon neem nie. Maar in geloof het Jeremia ten einde die kooptransaksie afgehandel en kontant, sewentien sikkels silwer, aan die verkoper, sy neef Hanámeël, uitgetel. Die brief is in tweevoud voor talle getuies geskryf en onderteken. Soos die gebruik was is een brief verseël en die ander oopgelaat. Beide is voor die Joodse getuies aan Barug gegee om in die erdepot waarin dit lank behoue kon bly, gebêre te word.
Kom ons kyk na die redes waarom, en die manier hoe die Here hulle in sy toorn na ander lande verdryf het.
In sy eie woorde soos aan Jeremia gespreek, sê die Here:
"Want die kinders van Israel en Juda het van hulle jeug af net gedoen wat verkeerd is in my oë; (dus reeds 'n hele geslag) want die kinders van Israel het My deur die werk van hulle hande net geterg...
Want 'n oorsaak vir my toorn en my grimmigheid was hierdie stad vir My van die dag af dat hulle dit gebou het tot vandag toe, sodat Ek dit van my aangesig moet verwyder weens al die boosheid...
...om My te terg, hulle, hulle konings, hulle vorste, hulle priesters en hulle profete en die manne van Juda en die inwoners van Jerusalem,
dat hulle my die rug toegekeer het alhoewel Ek hulle geleer het, vroeg en laat, sonder dat hulle geluister het om tugtiging aan te neem.
Maar hulle het hul verfoeisels neergesit in die huis waar my Naam oor uitgeroep is, om dit te verontreinig..."
So het Israel afgode gedien, "hoogtes van Baäl gebou" waar hulle afgode aanbid en selfs hul kinders geleer het om deur vuur te loop, 'n afgodsoffer waarvan die Here sê: " – iets wat Ek hulle nie beveel het nie en wat in my hart nie opgekom het nie, dat hulle hierdie gruwel sou bedrywe..."
Die Here bevestig uitdruklik dat hiérdie die redes is waarom hy die stad in die hande van die koning van Babel oorgegee het aan "die swaard, en die hongersnood en die pes." Hierná sou Israel lank onderdane van die heidense konings in Babilonië wees voordat die Here hulle Jerusalem laat herbou en hulle grondgebied uitgebrei het, waarvan sy belofte lui:
"En daar sal grond gekoop word in hierdie land waarvan julle sê: Dit is 'n wildernis, sonder mens of dier... Gronde sal hulle vir geld koop en die briewe onderteken en verseël en getuies neem... want Ek sal hulle lot verander."
Die Here het nie 'n behae in die onderdrukking van sy kinders nie – dit geld ook vir ons hier in Suid-Afrika. Sy begeerte spreek duidelik in sy belofte oor hoe dit sal wees wanneer Hy Israel na hul eie land terugbring:
"Ek sal My oor hulle verheug om aan hulle goed te doen; en Ek sal hulle duursaam in hierdie land plant, met my hele hart en met my hele siel... Soos Ek oor hierdie volk gebring het al hierdie groot onheile, so bring Ek oor hulle al die goeie wat Ek oor hulle spreek...
...Ek sal 'n ewige verbond met hulle sluit, dat Ek My van hulle nie sal afwend om aan hulle goed te doen nie...
Kyk, Ek laat vir die stad genesing en gesondmaking tot stand kom en sal hulle gesond maak en aan hulle openbaar 'n oorvloed van duursame vrede."
Kan u die ooreenkoms tussen die omstandighede van die Boerevolk in Suid-Afrika, en Israel van destyds sien? Die Here het 'n verbondsvolk oor wie Hy heers en waak, ongeag watter tyd hulle geleef het en waar Hy hulle gevestig het. Onder die leiding van leiers wat God met oorgawe dien, volg die volk daardie leiding en gaan dit met hulle en hul land baie goed. Kom daar misleiers aan bewind soos reeds vanaf die bewind van John Vorster, en veral FW de Klerk en sy bende, vind afdwaling van God se weë sonder uitsondering plaas. Dobbelhole ontstaan en word meer as kerke besoek, moord in die vorm van aborsies word gewettig, baälpriesters mislei die Christelike denominasie en die volk draai hul rug op God. Dit gaan soms vir 'n geslag of twee so voort sodat die kinders geen kennis meer van God het nie, en dan straf Hy hulle met oorheersing van heidense owerhede en die verwoesting van hulle land.
Suid-Afrika is geen uitsondering op hierdie 'resep' van God om terugkeer en herstel te bevorder nie want dit is wat dit is: 'n metode om ons tot ons sinne te dring om uit radeloosheid na Hom terug te keer. Hy pleit dan in sy Woord dat ons na Hom moet terugkeer sodat Hy ons land kan herstel. En Hy sál dit doen, nie omdat ons dit verdien nie maar omdat Hy 'n God van liefde is wat geen behae in ons lyding onder godlose owerhede het nie. Hy wag egter vir die regte tyd wanneer ons gereed sal wees. En wat sal ons gereed máák hiervoor? Genoeg lyding? Genoeg moorde, hongersnood (waarvan die duisende blankes op straathoeke kan getuig), genoeg onreg en pyn? Ons het die keuse om hierdie lyding kort te knip deur elkeen na Hom terug te keer "met my hele hart en met my hele siel" – presies soos Hy met ons wil doen.
Laat elkeen van ons gelouterde volksgenote dan daardie koopbrief in die teenwoordigheid van getuies in duplikaat skryf, in 'n kleipot verseël en in geloofsvertroue bly wag dat God ons grond wat ons duur gekoop en lank reeds met baie sikkels silwer betaal het, aan ons teruggee.
Wees gereed, daardie dag sál aanbreek!