deur Gustav Norval saamgestel

                           Knight en ou Kwien Victoria

Die Britse koningshuis se kaste is vol geraamtes. Hulle smeer toe vir die vale om te keer dat die koninklike manewales op die lappe kom. So hier en daar val ‘n geraamte wel uit een van Buckingham Paleis se kaste wat hulle nie kan keer nie. Een so ‘n geval was die aanslag op Prinses Diana se lewe soos beskryf in King en Beveridge se boek “Princess Diana, the hidden evidence”. Nog een van die geraamtes wat uitgeval het was die Jack the Ripper-saga wat die joernalis-skrywer Stephen Knight uitgesnuif en opgeteken het in sy boek “Jack the Ripper- The Final Solution.” Skrywer wil graag sy bevindings hier weergee om twee redes, naamlik om daarop te wys hoe Britse bloubloed-adelikes en koningshuis hulself besig hou met skandes en intriges en tweedens, hoe van hierdie lords, sirs en Queen wat betrokke was in skandale, hulself ongevraagd bemoei het met die twee klein Boere-Republieke in die 1800’s en verder.

Die rolspelers in die ripper-saga was:

Prins Eddie, Walter Stricker, Dr William Gull (die ware “ripper”), Sir Charles Warren (destydse hoof van Scotland Yard Polisie) en Koetsier Netley

*Queen Vic se kleinseun, Prins Albert Christian Edward, Duke of Clarence of Prince Eddie soos hy bekend gestaan het, kroonprins en toekomstige koning van die British empire: Eddie was ‘n nikswerd neelsie, ‘n rokjagter en ‘n verleentheid vir die koningshuis. Iets moes gevind word om hierdie haantjie uit die kwaad te hou en daarom het ouma Queen hom gestuur om skilderlesse te neem by die bekende Londonse skilder, Walter Stricker.

*Sir Charles Warren, waarna die dorp Warrenton vernoem is het hom bemoei het met die Boere se sake in die 1880’s. Hy het ‘n vernederende drag slae van die burgers by Spioenkop op die lyf geloop, waarna hy stert tussen die bene uit die land gestuur is om ‘n onbeduidende pos in Gibraltar te vul.   Wie en wat was Warren en watter rol het hy gespeel? – ons gaan derhalwe terug na 1888 in London toe Jack the Ripper se moorde opslae gemaak het,

* Koetsier by name John Netley het die prins elke oggend vanaf Buckingham paleis na die agterstrate van Whitechapel neem waar Eddie sy skilderlesse moes neem.

*By die skilder se huis het ene Annie Elizabeth Crook as huishoudster gewerk en dit was ook nie lank nie of die prins het ‘n verhouding met Annie aangeknoop. Annie was ‘n katoliek en ‘n sogenaamde “commoner” wat nie sou deug as ‘n toekomstige koningin nie, weens haar status en geloof, veral omrede die koningshuis anti-katoliek en Anglikaans was en steeds is. Daarom het die troue tussen Eddie en Annie in die geheim plaasgevind.

                                         Annie

Niemand moes hiervan weet nie, want dit sou die ‘scoop’ van die jaar wees as hierdie storie op die lappe sou kom. Die koetsier het daarna vir Eddie soggens na die huisie geneem wat Eddie vir Annie aangeskaf het en waar sy hulle eersteling verwag het. Eddie het ook ander draaie gery deur die rooiligstrate van Whitechapel waar hy ‘n sekere sosiale siekte opgedoen het.

‘n Geheim bly egter nie altyd ‘n geheim nie en Annie se vriendinne het gou agtergekom hoe die wind waai: dat Annie met ou Queen Vic se kleinkind getroud was, ‘n Anglikaan met ‘n katoliek en daarby die kroonprins met ‘n kind oppad. Wat ‘n wonderlike kans was dit nie om geld uit die suurknol Victoria te wurg nie. Daar was juis geen liefde tussen Queen Vic, haar lords en Sirs van die Tory-Party en die opposisie, naamlik die Social Democrat Labor Party nie.   Die gevolg was dat Annie se 5 vriendinne, wie se sedelike lewe alles behalwe aanbeveelbaar was, ‘n anonieme brief aan ou Queen Vic gerig het oor Eddie en Annie se mannewales en dat hulle hierdie storie aan die Labor Party sou gee, ‘n skandaal wat die ou Queen en haar Tories uit die paleis en uit die kussings sou lig, indien die ou vrou nie sou opdok nie. Mens kan jou kwalik indink hoe hierdie stywe-lip lady met die bollatjie hierdie afpersery deur straatvroue begroet het!

Om te raas en te skel op Eddie sou nie help nie en ‘n plan moes gemaak word om die Empire van anargie en totale ondergang te red. Queen Victoria, die hoof van die Saxe-Coberg-und-Gotha koningshuis, Patron Saint van die Britse ridderordes: “the Most Worthy Noble Order of the Garter”, “Order of the Bath”, “Order of the Thistle” en “Order of St.Patrick”, ensovoorts was bereid om te lieg, te steel en te moor om die Empire en die koningshuis van ondergang te red.

Daarom het die Queen vir Sir Charles Warren, 33 graad Scottish Rite “Grand Inspector General” en hoof van Scotland Yard ontbied, om te help om die saak ten gunste van die queen te beredder: “We are in trouble” het sy aan Warren vertel. Warren het ‘n vry hand van Victoria gekry om hierdie kwessie dadelik in die kiem te smoor, al sou dit wat kos in geld en menselewens. Nie net die Tory Party, die Windsor huis en die Empire was in gedrang weens sedelose vrouens se afpersing en die streke van ’n voortvarende en onverantwoordelike prinsie nie, maar…… as die Britse koningshuis val, dan val ook die mag wat die Empire en Europa beheer, naamlik die Most Worthy Order of the Noble Garter, wat bestaan uit 28 Britse- en Europese adelikes, mense wat hulself beskou as die nasate van koning Dawid, Jesus en King Arthur.

Op die muur by een slagoffer het die woorde “the JEWES are responsible for the murders” gestaan en Warren het dit dadelik met ‘n lap doodgevee. Volgens Knight was die woord “JEWES” ‘n kodewoord vir Vrymesselaars. In elk geval, ‘n mens kan jouself indink in watter dilemma Victoria, die adellikes, lords en sirs, die ridderordes, geheime organisasies en die Empire hulleself bevind het. Die Queen het Warren gelas om haar persoonlike dokter, Dr William Gull te betrek in hul soeke na die 5 afpersters wat durf waag het om die queen en haar gespuis af te pers. Gull was baie behendig met ‘n snymes en hy was bereid om die mes te gebruik toe hy hoor dat sy queen en sy party in gedrang was.   Eers moes Eddie op ‘n lang vakansie gestuur word en daarna was die koetsier gedwing om Warren en Gull na Annie se huisie te neem. Hulle het Annie ontvoer en na ‘n gestig vir geestesafwykings geneem, waar Gull ‘n lobotomie op haar uitgevoer het, naamlik Gull het haar brein oorkruis deurgesny en arme Annie sou daarna nie eens weet of sy kom of gaan, wie sy was en wat voorheen in haar lewe gebeur het nie.

Sy sou die res van haar lewe in die inrigting, tot haar dood op 58-jarige ouderdom gedurende 1920, slyt. Voordat Gull haar lewe vernietig het, het Warren die name van haar 5 vriendinne uit haar gewurg. Gewapend met die name van Annie se vriendinne, het Gull en koetsier Netley saans die state van Whitechapel kruis en dwars deurgery om die vyf straatvroue te soek. Wanneer Gull een vind, het hy hulle met ‘n trossie druiwe sy koets ingelok en na ‘n stil plek geneem, waarna hy hulle van onder tussen die bene tot by die ken oopgesny en so gelaat het. Die 5 slagoffers was:

1: Elizabeth Stride, 2:Annie Chapman, 3:Mary-Anne Nichols, 4: Mary Kelly en 5: Catherine Eddows

Warren het ‘n brief na die pers gestuur waarin hy geskryf het: “My name is Jack and I will rip them all.” Vandaar die populêre naam “Jack the Ripper”.   Na die vyfde moord het die moordorgie skielik teen die einde van September 1888 gestop, omdat die 5 afpersters uit die weg geruim was.

                         Warren se brief

 Queen Victoria en haar lords, sirs, Empire-bouers en geheime ridderordes kon weer asemskep danksy Gull alias Jack die Ripper se snywerk.   Die dokter het self in ‘n gestig geëindig waar sy brein ook soos die van Annie Crook deurgesny was, sodat hy ook in ‘n koolkop verander was omdat hy die geheim geken het. Koetsier Netley het sy lewe verloor in ‘n skynbare selfmoord en so was sy mond ook gesnoer. Annie Crook en Prins Eddie se dogtertjie Alice was deur die skilder Walter Stricker aangeneem en sy sou later met sy seun Joseph trou – die einste seun wat die gebeure na byna 100 jaar later aan Stephen Knight vertel het wat toe die storie te boek gestel het. Stephen Knight het ook sy lewe in ‘n skynbare ongeluk verloor. Prins Eddie het in 1894 weens sifilis gesterf.

120 Jaar na die Rippersaga skerm die Britse koningshuis steeds vir wat hulle voorsate aangevang het. In die boekie “They walked in Darkness” (DC Pieters, Bienedell Uitgewers) word beweer dat Queen Victoria nie die dogter van koning Eduard was nie, maar dat sy gebore was uit ‘n buite-egtelike verhouding tussen haar ma en ‘n man wat hemofilie in sy familie gehad het. Die persoon was Baron Dokter CF Stockmar. Vandaar die bloedsiekte wat skielik in haar nageslag verskyn het, maar nooit in haar voorgeslag voorgekom het nie. Daarbenewens het haar ma se buite-egtelike vryer geen porfirie in sy familie gehad soos wat Victoria se voorouers gehad het nie. Vandaar dat die velsiekte nie verder in Victoria se lyn voorkom nie.

Dokumente en bewyse oor Jack die Ripper lê toegesluit in die Scotland Yard Polisie hoofkantoor in London met die veronderstelling dat dit na 100 jaar d.w.s. in 1988, aan die publiek oopgegooi sou word. Maar nee, dit moes nie en so word die waarheid steeds onder die mat gevee, terwyl ‘n stortvloed van disinformasie oor Jack die Ripper se ware identiteit in die media opgedis word. Nog nooit was die moorde van 5 straatvroue so in die nuus soos hierdie spesifieke storie nie. Talle Ripper-verdagtes was in die media geskep om die kollig van die werklike moordenaars te verskuif. Die koningshuis se rol word vir die publiek doodgeswyg. 80 boeke, talle dokumentêre programme en vele films was al oor Jack the Ripper opgedis, in teenstelling met slegs twee films wat die koninklike verbintenis uitlig, naamlik “Murder by decree” en “From Hell”. Jammer dat die Boere nie van al hierdie sappige stories geweet het net voor die Engelse oorlog nie...