Gedagtes vir elke dag
Of lees almal by Gedagtes vir elke dag
Daar is 'n egte manier om jou rykdom te meet: moet dit nie meet aan wat jy besit nie maar meet dit aan dié dinge wat jy nooit vir geld sal verruil nie.
2e GROOT TREK (6)
...EN DIE TERUGTREK VAN DIE GROOT TREK
AHM Victor
Lees reeks by ...en die terugtrek van die Groot Trek
"VERNUWING" EN DIE KERK
"Nee, die politiek is nie die Kerk se werk nie maar wanneer die duiwel in die politiek die septer begin swaai, het die Kerk 'n plig. Wat nodig was, is dat die Kerk aan die hand van die Bybel self die waarheid deur sy preke moes bring, die kennis moes versamel om hierdie listige rol van die magte van die duisternis aan die lidmate oor te dra. 'n Christenmens sou dan toegerus wees om sy oordeel oor 'n regering uit te spreek."
Nog voor die oorname van Uniewinkels deur die volksvreemde geldmagte in 1976 het die Afrikaner se aandeel in die handel reeds weer gedaal tot die peil van 1939. Word die volk by implikasie wysgemaak dat hy in sy "nuwe-nasie"-wording 'n erfreg sal kan bekom in die vreemdes se geldbelange wat Suid-Afrika se ekonomie in groter mate as in 1939 in die holte van sy hand hou? Intussen aanskou ons hoe "Afrikaner"-beroepspolitici met verhoging op verhoging in vettigheid en weelde lewe op 'n Progbeleid. Die ergste was die saamjuigery van die Afrikaanse Handelsinstituut met alles waarvoor die Association of Chambers of Commerce voorheen gestaan het, terwyl die redakteur van Volkshandel skel op die "dromers" van 1939. Ja, Vader Kestell, 'n A.J. van der Merwe en andere, hulle was dan die "dromers".
Andermaal word langs hierdie weg te kenne gegee dat ons voorsate geen ideale met die Groot Trek gehad het, waardig en suiwer genoeg vir hulle nasate om in ere te hou nie.
Die ironie van die dag is dat sommige van die plaaslike Afrikaanse sake, veral dié wat direk voortgespruit het uit voorgemelde sosio-ekonomiese strewe, ons soort mense se heelhartige ondersteuning geniet, omdat ons net die anders kan nie, maar hulle nogtans in kultuur-, kerk- en geheime liggame teen ons "verkramptes" saamsweer. Saamsweer omdat ons uit hoofde van ons Afrikanerherkoms en loutering, en getrou aan die ideale van ons voorgeslagte, wat kulmineer het in die oorwinning van die Afrikaner by die stembus van 1949, nie ons weg oopgesien het om sela te sê op die moderne Nasionale Party se voetvallery jeens die Magte van die Duisternis nie.
Waar staan die Kerk?
Hier is vroeër aangedui hoe die Kerk van die Afrikaner hom tydens die Groot Trek aan die kant van die Kaapse liberale regering geskaar het en met gevoude hande toegesien het hoe die Trekkers sonder predikant trek.
Nadat die Trekkers reeds nagenoeg 'n dekade lank herderloos in die binneland gevestig was, het die Kerk skielik weer begaan begin raak oor die mense se siele. Dit, nadat die Trekkers met groot opofferinge wel hier en daar daarin geslaag het om oorsese predikante te werf.
Dit is inderdaad so dat die NG Kerk in byna elke krisisuur van die Afrikanervolk in sy afwesigheid geskitter het. 'n Mens kry die indruk dat die Kerk in sy Dogterskerk (sending-skakering) tot veel meer risiko's bereid was as ten opsigte van die Blanke lidmaat. Wat nogtans 'n verbasende feits is, is dat hierdie volk wat deur sy Kerk van tyd tot tyd uiters stief behandel is, desnieteenstaande as Godvresende volk bly voortbestaan het.
Maar waar het die kerk in die krisisuur van 1979 en wat hierop sou volg in die tagtigerjare gestaan? Die totale aanslag op die Afrikaneren op alles waarom sy volkswordinggewentel het, 'n totale aanslag op die Christendom wat hoofsaaklik sentreer om die gestalte van die Afrikanerin hierdie Suideland, 'n totale aanslag op ons sedes en ons tradisies, ons Christelik-nasionale lewensingesteldheid; op die volk uit wie se hand die barbaar geëet het, wat hom beveilig het teen homself, wat hom gekersten het en geleidelik die poorte van beskawing binnegelei het? Hierdie keer kom die totale aanslag openlik van die duiwel self, en sy agentskappe: die ateïstiese politieke Sionisme, ook die Kommunisme (beide stigtings van die Illuminatie met sy geldmagte soos die Rothschilds, Rockefellers, ens), die VVO met al sy skakerings, die internasionale bankinstellings wat hulle voordoen as statutêre instellings, en die Vrymesselaars, uit die Broederbondorganisasie van die Afrikaner.
Die Kerk aanskou stilswyend hoe ons beroepspolitici onder druk van dié magte alle soorte assosiasies aanknoop met onder andere heidense volke soos Israel en obskure staatjies uit Afrika, en nie nalaat om hulle duiwelse leuenpropaganda oor Radio en TV op weerlose mense uit te stort nie. Die Kerk sit en toekyk hoe die détente "gee my ses maande"-beleid van 'n vorige Eerste Minister oor die volgende vier jaar uitgeloop het op blote uitvoering van obskure Afrikastate se voorskrifte wat kulmineer in 'n onheilige geknoei in Rhodesië, Suidwes-Afrika en toe 'n finale aanslag op die Blankedom in Suid-Afrika, met min détente en baie bloed wat vloei; met die Witman gekondisioneer met "vrede-vrede" - draai die ander wang-mentaliteit – kanend aan die verloorkant. Dit glo alles ter wille van "ekonomiese en politieke stabiliteit".
Nee, die Kerk staan nie stilswyend en toekyk nie, hy speel in die sirkus mee. Is verreweg die meerderheid predikante van die Kerk nie Broederbonders nie? Is dit nie die NG Kerk wat in Oktober 1974 saamaanbidding op Kerkrade afgedwing het nie (in 1961 aan die hand van die Bybel dit nie geregverdig nie maar toe skielik aan die hand van dieselfde Woord geregverdig het?) Is dit nie so dat die Kerk nog steeds sonder bewende hand die sakramente by die Nagmaal uitdeel, o.a. aan beroepsolitici wat binne die raamwerk van die korrupte staatsvorm van verhoog tot verhoog mislei en inderdaad ook valse getuienis spreek nie? Is dit nie so dat in die hand van baie prediante van die NG Kerk die Nuwe Testament verbuig word tot Marxisme, wat op 'n godsdiens van humanisme neerkom? Was dit nie ook die godsdiens van die Reads, Van der Kemps, Huddlestons en De Blanks nie?
Dieselfde kerk wat nou so preek oor die onchristelikheid van die sogenaamde swaarkry van die Swarte, het in alle tale geswyg toe die Witman sy eie armblanke tyd beleef het. Soos baie andere moes ek vir drie jaar van my hoërskoolloopbaan naweek vir naweek sestig myl per fiets aflê oor sand- en grondpaaie, selfs op treinspoorskouers waar die pad te sleg was; in elke denkbare omstandigheid van wind, reën, hitte en koue. In daardie tye was daar ook vermoënde mense om ons. Tog het niemand, veral nie die Kerk, ons omstandighede as onchristelik, onderdrukkend bestempel nie, of 'n poging aangewend om ons lot te verlig nie. Deur te spook, te spartel en baie hard te werk, moes elkeen maar toesien hoe hy weer bo kom. Was dit omdat ons vel wit was dat niemand sentimenteel oor ons lot kon voel nie?
Is dit nie die NG Kerk van Universteitsoord in Pretoria wat met sy saamaanbidding die Swartes op Engels by die dienste verwelkom het nie? Is dit nie die NG Kerk wat aan die hand van een van sy gelykmakingsdagblaaie aanvegbare grepe uit preke verskaf nie? En reageer jy op die berig word jy versoek om liewer die "agent" by sy kantoor te spreek want dit is nie in belang van die kerk om 'n debat in die openbare pers te hê nie! Die vrome predikant se propaganda en al die gepaardgaande agente se ondersteunende artikels moet ongehinderd deurwerk na die man in die straat.
Nee, die politiek is nie die Kerk se werk nie maar wanneer die duiwel in die politiek die septer begin swaai, het die Kerk 'n plig. Wat nodig was, is dat die Kerk aan die hand van die Bybel self die waarheid deur sy preke moes bring, die kennis moes versamel om hierdie listige rol van die magte van die duisternis aan die lidmate oor te dra. 'n Christenmens sou dan toegerus wees om sy oordeel oor 'n regering uit te spreek.
Die Kerk se taak was om die Bybel vir eens en vir altyd reg te lees en dit nie kort-kort só te lees dat dit by "veranderde tye, vernuwing, sinvolle ontplooiing"-propaganda aangepas moes word nie. Die norme wat deur die Woord uitgemeet word, is onveranderlik. Om saam te beweeg met "wegbeweeg van diskriminasie" was 'n loflied in die idioom van die politieke pionne.
Vervolg...