Gedagtes vir elke dag
GEDAGTES VIR ELKE DAG
Of lees almal by Gedagtes vir elke dag
2e GROOT TREK (1)
...EN DIE TERUGTREK VAN DIE GROOT TREK
AHM Victor
Lees reeks by ...en die terugtrek van die Groot Trek
"Mag hierdie werk dien tot bemoediging vir 'n volk wat op die vooraand staan van 'n ander louteringstog – 'n nuwe Groot Trek".
'n Oorsig van die politieke verloop in SA sedert 26 Mei 1948, die rol van die Internasionale Geldmag daarin, hoe dit die Afrikaner op maatskaplike, ekonomiese, kerklike, opvoedkundige en kulturele terreine beïnvloed het, en die pad vorentoe...
Moord, roof en plundering aan die 'Oosgrens'; die onvermoë of onwilligheid van 'n Blanke liberale Britse bewind om wet en orde te handhaaf; Swarte Ommegang; die Reads en Van der Kemps se gepamperlang van 'natuurkinders' in die naam van Christelikheid; die gewapende Pandoere, Slagtersnek, ens. Dit was die faktore wat die lewensruimte van ons voorsate sodanig ingekort het dat hulle in 1836 georganiseerd Kaapland verlaat het. Hierdie Godvresende voorsate van ons het hulle met hierdie daad die onmin van die Britse regering op die hals gehaal. Wat egter skokkend was, is dat die Kerk van hierdie stoere geslag, in die koor saamgeskel het op die "hardekoppe en dwarstrekkers". Ja, die volk het sonder sy predikante getrek.
Langs 'n louteringsweg wat tussen neerlaag en oorwinnings noordwaarts gewentel het langs bakens soos Weenen, Bloukrans, Bloedrivier en Vegkop, het die klein bende uiteindelik sy beslag as Afrikanervolk gekry, is sy Volksrepublieke gestig en sou hy by Thaba Bosego en later by Magersfontein, Colenso, Ladysmith, Majuba, Moordpoortjie en Paardekraal sy verdere loutering deurmaak wat sy fisiese neerlaag wat in die Vrede van Vereeniging kulmineer het, van sekondêre belang sou bewys.
Met 'n onoorwinlike geesteskrag waarteen die Milners en andere wat ook die volksiel gesoek het, nie opgewasse was nie, sou steeds gebou word. Die strewe om as Afrikanervolk weer vry te word, het in 1910 met Uniewording momentum gekry, is met die Westminister-statuut van 1932 versterk en het tasbaar tot uiting gekom in die stigting van die Helpmekaar en FAK, die Simboliese Ossewatrek, en is tot 'n hoogtepunt gevoer met die Eerste Ekonomiese Volkskongres in 1939. " 'n Volk Red Homself", was die wekroep. Die Reddingsdaadbond is gestig waaruit die Afrikaanse Handelsinstituut en die Ekonomiese Instituut tot stand gekom het. Landwyd is kultuurverenigings, skakelkomitees, sakekamers, ens, gestig.
Die room van ons Afrikaner-politici het uit hierdie liggame gekom en hulle Afrikaner-integriteit kon nooit bevraagteken word nie. Die feit dat Suid-Afrika sedert 1910 amptelik met 'n Anglo-Joodse staatsvorm regeer is, 'n staatsvorm wat die Boervolk afstootlik gevind het, sou juis die Afrikaner-politici motiveer: terug na die Volksstaatsrepubliek in die aangesig van 'n Sapregering wat aan bewind was. Die 'Volksorganisasies' wat bestaan het uit die Broederbond, OB en FAK, sou voortaan ook waghond speel oor politici en hulle moes ook telkemale ingryp wanneer die versoeking van die kompromie te groot sou word vir politici. Die opdrag aan die NP was deurgaan: terugvoer na die Volkstaatrepubliek wat op die Christelik-nasionale beginsels geskoei sou wees. Die kultuurstuwing het gedurende die oorlogsjare 1939-45 buitengewone momentum gekry en dit moes uiteindelik kulmineer in 'n oorwinning van die NP in Mei 1948. Die hoofmandate was: Ons vryheid binne die Volksrepubliek en apartheid tot elke prys.
Hierdie is enkele buitelyne van ons volkswording teen welke agtergronddie verdere maatskaplike, godsdienstige, politieke, ekonomiese en opvoedkundige ontwikkelinge gesien moet word met die klem soos dit op die volgende geval het:
- Afrikanerdom in beweging op Christelik-nasionale grondslag.
- Vrymaking binne die Volkstaatlike republiek wat nou setel in die historiese veroweringsreg van die Witman.
- Die bevestiging van die Blanke staat.
Ons wat reik na die Lig
onder lanfer van jul wasdom,
ons strengel deur die sekelgroei
van jul takke
deur jul Wag-'n-bietjies,
en huil-Boerbome,
deur die Broederskap van Bos
op
óp
en uit
gekneusde kelke van verset
sal baie bye skep...
Die politieke verloop sedert 1949... vervolg...