NUWE TESTAMENTIESE VERBONDSVOLKE

Jan Schlebusch

• Leer die Bybel van Nuwe-testamentiese Verbondsvolke, of is daar net ‘n geestelike Verbondsvolk in die Nuwe Testament? Of is die fisies-biologiese Israel die enigste Verbondsvolk?
• God se verbond was in die Ou Testament net met Israel[1]; en ná die verdeling onder konings Rehabeam en Jerobeam was daar twee Verbondsvolke: Israel (ook genoem ‘Efraim’[2]) en Juda.
• Die Bybel leer dat God [JHWH] Israel uitverkies het uit al die volke en met hulle ‘n Verbond gemaak[3]. In sy Verbondsbeloftes het Hy gesê Hy sal vir hulle ‘n God wees en hulle moet vir Hom ‘n volk wees en voor Hom wandel[4].

Lees volledig by Kultuurdagboek

KULTUURDAGBOEK 14 APRIL

Ongeveer 30 000 Boere is in die Tweede Vryheidsoorlog in gevangeneskap gehou. Die meerderheid was krygsgevangens, 'n kleiner groep wat oor die Mosambiekse grens gevlug het is in drie interneringskampe in Portugal aangehou, terwyl die Kolonianers wat gesimpatiseer het met die Republikeinse saak, in strafkampe en tronke in Kaapland gevange gehou is.

 Die krygsgevangenes is egter hoofsaaklik aangehou in kampe oorsee. Op die eiland St Helena was drie kampe, op die Bermuda-eilandgroep ses, in Ceylon vyf, en in Indië tien sulke kampe. Die Kaapse kampe is streng bewaak teen moontlike ontsnapping.

Lees volledig by Kultuurdagboek

1838: VERENIGING VAN DIE VOORTREKKERS BY DOORNKOP

Doornkop, geleë in die nabyheid van Chieveley, het 'n belangrike rol in die geskiedenis van die Trekkers in Natal gespeel. Dit was dié plek waar die Trekkers vir die eerste keer werklik verenig het. Ná die moord op Retief en sy geselskap en die daaropvolgende slagting onder die Trekkers, het Gert Maritz die klein laertjies, wat oor 'n groot gebied versprei was, en ook sy eie laer, na Doornkop, die staanplek van die hooflaer van Piet Retief, verskuif.
Piet Uys en Hendrik Potgieter het hulle kort daarna, op versoek van Maritz, by die res van die Trekkers kom voeg. Die Trekkers was dus in hierdie stadium in drie laers by Doornkop georganiseer, te wete dié van Maritz, Retief en Piet Uys. Potgieter se kommando het in twee groepe verdeel en by die laers van Maritz en Retief onderskeidelik ingeskakel.

DONALD, DIE KEISER, HET GEEN KLERE NIE...

Prof Michel Chossudovsky

Oor die outeur:

Michel Chossudovsky is 'n bekroonde outeur, Professor in Ekonomie (emeritus) aan die Universiteit van Ottawa, Stigter en Direkteur van die Sentrum vir Navorsing oor Globalisering (CRG), Montreal, Redakteur van Globale Navorsing. Hy het veldnavorsing in Latyns-Amerika, Asië, die Midde-Ooste, Afrika suid van die Sahara en die Stille Oseaan onderneem en het breedvoerig geskryf oor die ekonomieë van ontwikkelende lande met die fokus op armoede en sosiale ongelykheid. Hy het ook navorsing in Gesondheidsekonomie onderneem (VN Ekonomiese Kommissie vir Latyns-Amerika en die Karibiese Eilande (ECLAC), UNFPA, CIDA, WGO, Regering van Venezuela, John Hopkins Internasionale Tydskrif vir Gesondheidsdienste (1979, 1983). Hy is die outeur van 13 boeke, insluitend Die Globalisering van Armoede en Die Nuwe Wêreldorde (2003), Amerika se “Oorlog teen Terrorisme” (2005), Die Globalisering van Oorlog, Amerika se Lang Oorlog teen die Mensdom (2015). Hy is 'n bydraer tot die Encyclopaedia Britannica. Sy geskrifte is in meer as twintig tale gepubliseer. In 2014 is hy bekroon met die Goue Medalje vir Verdienste van die Republiek van Serwië vir sy geskrifte oor NAVO se aggressie-oorlog teen Joego-Slawië.

Almal beskuldig Iran dat hy die Straat van Hormuz gesluit het. Dis verkeerd. Iran het dit nie gesluit nie. Londen het. Nie die regering nie. Versekeringsmaatskappye. Die belangrikste olie-slagaar in die wêreld het amper opgehou vloei. Normaalweg vaar elke dag ongeveer 107 vragskepe daardeur — energie-lewenslyne vir die wêreldekonomie.

Na die uitbreek van die konflik het slegs 19 skepe daar deurgevaar - 'n 81% vermindering in verkeer. Geen missiele nie. Net een besluit:

Versekeringsmaatskappye het dekking onttrek.

Lees volledig by Kultuurdagboek

KULTUURDAGBOEK 13 APRIL

Vir die klein Kaapse nedersetting was die jaar 1688 van groot betekenis. Met die koms van die Franse vlugtelinge is die geledere van die koloniste versterk en het die Calvinistiese godsdiens 'n verdere versterking en stukrag ondergaan. Die Hugenote het hulle vaderland in 1685 verlaat nadat die Edik van Nantes herroep is en hulle aan meedoënlose vervolging, vernietiging van hul kerke, ens, blootgestel is. Die bewindhebbers van die VOC het van die geleentheid gebruik gemaak om 'n aantal van hierdie Protestantse vlugtelinge na die ylbewoonde Kaapkolonie te stuur. As vlugtelinge was die Hugenote vanselfsprekend brandarm, en slegs deur geloof, deursettingsvermoë en onvermoeide ywer het hulle die eerste moeilike jare oorleef. In die vallei van die Bergrivier het hulle hul gevestig, veral in die boloop van die rivier, in die 'Fransche Hoek'.

Die Hugenote was soos die Hollandse koloniste, Calviniste, maar in sterker graad.

Lees volledig by Kultuurdagboek

Die eerste 22 Franse Hugenote land in 1688 in Sadanhabaai. Lees hieroor in hoofartikel.

Louis Trichardt, Voortrekkerleier, bereik Lourenqo Marques in Mosambiek in 1838 nadat hy die Soutpansberg in Augustus 1837 verlaat het.

Hannes Ollewagen

2 Tim. 1:3-18

“Want God het ons nie 'n gees van vreesagtigheid gegee nie, maar van krag en liefde en selfbeheersing.” (:7)

Hierdie is ’n teksvers wat baie maklik deur dwalende leraars van die voorspoedgodsdiens heeltemal uit verband aangehaal en voorgehou word. Maar die is nie ’n teksvers wat ten doel het om ons tot ’n onverskillige lewe aan te moedig omdat ons met “krag van God” optree in die najaag van ons eie voordeel en doelwitte nie. Dit leer nie dat ons kan handel na hartelus onder die illusie dat ons in “God se krag” optree en geen gevolge hoef te vrees nie. Hierdie is myns insiens eerder ’n barometer van ons verhouding met God en die nabyheid van God in ons lewe. Die vermaning is om naby God te leef en deur sy nabyheid en teenwoordigheid in ons lewe teen vreesagtigheid te waak en bestand te wees. Dit rig ons lewe in die rigting waar ons doelwitte en besluite deur die gebod van liefde en die strewe na God se eer eerder as ons eie selfsugtige begeertes dikteer word.

Lees volledig by Kultuurdagboek

KULTUURDAGBOEK 12 APRIL

Die meeste Transvaalse Afrikaners het die anneksasie as 'n onregverdige daad beskou maar was om verskeie redes nie by magte om dit gewapenderwys teen te gaan nie. Gevolglik het die regering van die Republiek skriftelik teen die anneksasie geprotesteer en 'n afvaardiging in hierdie verband na Londen gestuur. In afwagting van die uitslag het die burgers hulle rustig gedra. So het 'n wanindruk ontstaan dat die Transvalers in die anneksasie berus het. Dit het bygedra tot die besluit van die Britse  regering om die ware begeerte van die Transvalers te verontagsaam. Hierdie begeerte is beliggaam in 'n geskrif aan die Britse koningin waarin uit 'n moontlike 8 000 burgers, 6 591 hulle teen, en 587 hulle ten gunste van Britse gesag uitgespreek het. Ofskoon sommige burgers na die wapen wou gryp, het die leiers daarop aangedring dat in ooreenstemming met die protes eers alle vreedsame metodes aangewend moet word om die vryheid te herwin.

Lees volledig by Kultuurdagboek

1. Brittanje annekseer die ZAR in 1877. Dit sou op 13 Desember 1880 te Paardekraal herstel word. Lees hieroor in hoofartikel.

2. Dr Christiaan Frederik Louis Leipoldt, Suid-Afrikaanse digter, skrywer, dramaturg, joernalis, kinderarts, kok en kosskrywer, is in 1947 op 66-jarige ouderdom in Kaapstad oorlede en in die Pakhuispas in die Cederberge te ruste gelê. Hy was saam met Totius en Jan F Celliers die Driemanskap van die Tweede Afrikaanse Taalbeweging. Hy is met die Hertzogprys vir Poësie in 1934 vir Skoonheidstroos en vir Drama in 1944 vir Die Heks asook die Die Laaste Aand, bekroon.

Lees volledig by Kultuurdagboek

1. Piet en Dirkie Uys sneuwel in 1838.

2. 1902: SLAG BY ROODEWAL

Nadat genl JH de la Rey reeds na Klerksdorp vertrek het om aan die voorlopige vredesonderhandlinge deel te neem, het genl JCG Kemp, wat hy in bevel gelaat het, besluit om die Britse kamp by Roodewal aan die Brakrivier aan te val, in Wes-Transvaal vas te trek, en 'n knou toe te dien. Met sowat 2 600 burgers, verdeel onder genls Liebenberg en Celliers en kmdt Potgieter, is die sowat 11 000 Britse troepe op heldhaftige wyse bestorm.

Anita Joubert

Wat is die loon wat ons in die hemel gaan ontvang?

In Grieks is daar twee woorde vir kroon. Die eerste is diadēma, wat ‘n koninklike kroon beteken. Die woord wat egter in die Bybel gebruik word vir die krone wat aan gelowiges gegee gaan word, is stefanon. Dit beteken eintlik iets soos ‘n lourierkrans wat te doen het met vreugde en oorwinning.

Die Griekse woord bema, wat in 2 Korintiërs 5:9 gebruik word en in ons Bybels vertaal is met ‘regterstoel’ of ‘regbank’, het eerder amper meer die betekenis van ‘n plek waar daar erkenning gegee gaan word vir prestasies as wat dit ‘n plek van oordeel is. Dit is dieselfde woord wat die Grieke gebruik het vir die plek waar die atlete wat gewen het tydens die Olimpiese Speles, hulle medaljes of lourierkranse ontvang het.

Lees volledig by Kultuurdagboek

Ná die ondertekening van die Bloemfontein-konvensie op 23 Februarie 1854, wat die onafhanklikheid van die Oranje-Vrystaat verseker het, is 'n 'Raad van Volksrepresentaten' of kortom Volksraad van 29 lede deur die verskillende veldkornetswyke en dorpe verkies. Hul eerste bestuursdaad was om die tradisionele republikeinse staatsbeskouinge van volksoewereiniteit en uitoefening van die volkswil in 'n geskrewe grondwet vas te lê. Die twee uitlanders JJ Groenedaal, Nederlander en onderwyser, en JM Orpen, Ier en landmeter, het waarskynlik die grootste bydraes tot die bewoordingvan die grondwet gelewer.

Lees volledig by Kultuurdagboek

1.Jacobus Johannes (Jim) Fouché word in 1968 in die Groote Kerk in Kaapstad ingehuldig as tweede staatspresident van die Republiek van Suid-Afrika. Die inhuldiging het te midde van groot openbare belangstelling op 10 April plaasgevind. Tydens die plegtigheid waar die predikante JS Gericke, dr PSZ Coetzee en prof WD Maxell voorgegaan het, het mnr Fouché die ampseed voor hoofregter LC Steyn afgelê. Na afloop hiervan is die nuwe Staatspresident na die Parade waar hy deur die Eerste Minister, mnr BJ Vorster, aan tienduisende lede van alle bevolkingsgroepe voorgestel is. In sy toespraak het mnr Fouché gesê dat deur sy verkiesing erkenning gegee is aan die waarde van toegewyde diens van die gewone mens. Hy het ook daarvoor gepleit dat Suid-Afrika 'n beleid van leef en laat leef volg, en dat elke bevolkingsgroep die waarborg van selfbehoud moet hê.

2. 1854: Die grondwet van die Oranje-Vrystaat word geproklameer. Lees meer hieroor in hoofartikel.

Hannes Ollewagen

Luk. 24:1-12

“En toe hulle baie bevrees word en met hulle aangesigte na die aarde buig, sê die manne vir hulle: Waarom soek julle die Lewende by die dooies? Hy is nie hier nie, maar Hy het opgestaan. Onthou hoe Hy vir julle gesê het toe Hy nog in Galiléa was: Die Seun van die mens moet oorgelewer word in die hande van sondige mense en gekruisig word en op die derde dag opstaan.” (:5-7).

Dit is vir ons maklik om vanuit ons posisie te vra hoe hierdie mense dan by die graf na Christus gaan soek het? Hulle moes mos geweet het dat hulle Hom nie daar in die graf sou vind nie? Hy het immers vooraf vir hulle prontuit gestel dat Hy gekruisig sou word, maar ook dat Hy uit die dood sou opstaan.

Lees volledig by Kultuurdagboek

KULTUURDAGBOEK 9 APRIL

Emily Hobhouse is op Liskeard in Cornwallis, Engeland gebore. As pastoriedogter het sy haar sieklike vader pligsgetrou versorg en 'n leidende aandeel in gemeentewerk geneem. Sodoende het sy die skadukant van die maatskaplike lewe leer ken en is die weg gebaan tot die opheffingswerk wat sy later in Suid-Afrika sou doen. Vir haar as oortuigde pasifis, het die oorlog teen die Boere-republieke haar van meet af aan teen die bors gestuit en het die Konsentrasiekampbeleid van die Britse militêre owerheid in Suid-Afrika haar met weersin vervul. Enersyds het sy haar verontwaardiging openlik in toesprake, brosjures en briewe aan die pers gelug, en andersyds het sy oorgegaan tot die stigting van 'n noodlenigingsfonds.

Met die karige bedrag van R600 op dié wyse geïn, is sy persoonlik na Suid-Afrika en het sy 'n aantal uitgebreide reise deur die oorloggeteisterde gebied onderneem ten einde eershandse inligting oor die toestand in die kampe in te win en terselfdertyd persoonlik noodlenigingswerk te doen. Op dié wyse word sy vir die Boervrou en –kind die verpersoonliking van ware menslikheid en mensliewendheid te midde van oorlogsmart en –onreg.