NUUTSTE BYDRAES

Gedagtes vir elke dag

Of lees almal by Gedagtes vir elke dag

'n Ware vriend staan nooit in jou pad nie – net wanneer jy op die afdraande pad is!

DIE WONDERS VAN GOD!

GELOFTEDAG 2024

Hannes Ollewagen

Joh. 12:1-11

“En Maria het ‘n pond egte, baie kosbare nardussalf geneem en die voete van Jesus gesalf en sy voete afgedroog met haar hare. En die huis is vervul met die reuk van die salf.” (:3).

Die besoek wat Christus aan hierdie familie se huis bring, het ’n heel ander stemming as die vorige besoek waarvan ons lees. Die vorige keer wat Christus vir Martha, Maria en Lasarus besoek het, was Lasarus dood. Christus kom en vind hierdie mense in ’n ellendige toestand, maar te midde van hierdie slegte omstandighede het hulle steeds met verwagting en geloof op Hom gehoop. “En toe Maria kom waar Jesus was en Hom sien, val sy aan sy voete neer en sê vir Hom: Here, as U hier gewees het, sou my broer nie gesterf het nie.” (Joh. 11:33). Hierdie hoop van Maria-hulle beskaam dan ook nie. Christus gebruik hierdie ellendige toestand om die krag van God vir hulle wat glo aan die skare op hierdie dag teenwoordig te openbaar. “Jesus sê vir haar: Het Ek nie vir jou gesê, as jy glo, sal jy die heerlikheid van God sien nie? Hulle neem toe die steen weg waar die oorledene lê.  En Jesus het sy oë opgeslaan en gesê: Vader, Ek dank U dat U My verhoor het; en Ek het geweet dat U My altyd verhoor, maar ter wille van die skare wat rondom staan, het Ek dit gesê, sodat hulle kan glo dat U My gestuur het.”(:40-42). En met ’n enkele bevel verander God hierdie ellendige toestand in ’n situasie van onbeskryflike dankbaarheid en vreugde. “En nadat Hy dit gesê het, het Hy met ’n groot stem geroep: Lasarus, kom uit! En die oorledene het uitgekom, ....” (:43&44).

Wanneer Christus hierdie man en sy twee susters weer besoek, is die dankbaarheid van hierdie mense uit hul optrede kennelik sigbaar. Hulle het vir Hom daar ’n maaltyd berei. En benewens hierdie maaltyd wat vir Hom berei word, kom Maria ook nader met ’n pond egte, baie kosbare nardussalf waarmee sy Hom salf. Dit is duidelik dat haar dankbaarheid teenoor Hom ontsaglik groot is en die guns wat Hy aan hulle bewys het haar diep raak. Maria wou nie haar dankbaarheid teenoor Hom net in woorde uiter nie, maar sy het gekom om deur haar optrede haar dankbaarheid aan Hom te betoon. Benewens die feit dat die salf wat Maria spesiaal vir hierdie geleentheid gebruik duidelik ’n baie duur produk was, blyk dit ook dat Maria niks van hierdie kosbare salf probeer terughou of spaar nie. Ons lees in Matt. 26 ook van hierdie gebeure en die dissipels het Maria se handeling met hierdie kosbare salf selfs as ’n verkwisting beskou. “En toe sy dissipels dit sien, was hulle verontwaardig en sê: Waarvoor is hierdie verkwisting?” (Matt. 26:8). So ruim en amper oormatig is hierdie salf gebruik dat die huis vervul is met die reuk van hierdie salf – ’n heerlike geur. Ja, was hierdie lieflike reuk van die kosbare nardussalf wat die huis vervul het nie in skrille kontras met die reuk van die dood wat die graf gevul het die vorige keer toe Jesus en hierdie familie byeen was nie! “Jesus sê: Neem die steen weg. Martha, die suster van die oorledene, sê vir Hom: Here, hy ruik al, want hy is al vier dae dood.” (Joh. 11:39).

Wanneer ons soos vandag hier byeen is om die wonderlike gebeure in die lewe van ons volk tydens Geloftedag te herdenk, is daar vir my soveel ooreenstemming in ons volkslewe teenoor die gebeure waarvan ons vanoggend gelees het. Daar in Natal - Desember 1838 by Bloedrivier – was ons nie ook maar in ’n verskriklike ellendige toestand toe God ons volk daar besoek het nie? Die doodsreuk van Piet Retief en sy kommando by Umgungundlovu,die moorde by Bloukrans en Wenen asook die tragedie van Italeni nog walglik en skerp in ons neus. ’n Mens sou seker nie oordryf om te sê dat ons volk daar by Bloedrivier reeds met een voet in die graf gestaan het nie. En dan, in hierdie ellendige toestand in Natal weet ons voorsate ook, soos die familie van Lasarus, dat ons hoop en verwagting in Hom is. Hierdie mense rig die hart en oog tot God en bid Hom ook om barmhartigheid, genade en ontferming. En soos wat God vir Lasarus en sy susters barmhartig en genadig was, was Hy ook ons voorouers barmhartig en genadig om hulle op wonderbaarlike wyse te beskerm en te red. Ons kan op heel gepaste wyse die getuienis van Jeremia in Klaagliedere 3:25 hier aanhaal. “Tet. Goed is die Here vir die wat op Hom hoop, vir die siel wat Hom soek.”

Na hierdie wonder wat God aan Lasarus en sy familie gedoen het, is Hy natuurlik met sy volgende besoek by hierdie familie as die Eregas ontvang. Daar is nie alleen vir Hom ’n maaltyd berei nie, maar Maria het Hom ook met daardie kosbare en duur nardussalf gesalf. Hierdie mense se optrede was ’n duidelike en opregte getuienis van die diepe, diepe dankbaarheid wat hulle vir sy barmhartigheid en goedheid gehad het. Hierdie bewonderingswaardige optrede van hierdie mense voer ook my gedagtes weer tot by ons volk vandag. Dit laat by my die vraag ontstaan – “Hoe word Hy – wat soveel barmhartigheid en genade aan ons volk bewys het by Bloedrivier en dan ook in die jare daarna – vandag in ons volkshuis ontvang en verwelkom?” Word die roem en die eer van die oorwinning werklik aan Hom gegee? Hierdie is dalk ’n ongemaklike vraag, maar dit is nietemin ’n belangrike vraag wat aan ons gestel moet word. En kom ons bespreek dit. Die logiese, beskaafde en regte reaksie teenoor hierdie wonderlike God wat aan ons soveel barmhartigheid bewys behoort mos ongetwyfeld te wees dat ons met opgewondenheid daarna sal uitsien om Hom in ons volkshuis te ontvang. Ons behoort ook opgewonde te wees om Hom as die Eregas te ontvang en met alles wat ons het te dien. En tog is dit nie heeltemal die geval nie. Hoeveel mense is nie vandag maar net besig om hul “normale gang” te gaan met geen gedagtenis oor God vir sy weldade nie? En hoeveel mense is daar nie wat hierdie dag maar net as ’n lekker vakansiedag beskou en hulself met allerhande vorme van vermaak besig hou nie? ’n Mens hoor selfs van sommige mense die belaglike argument dat hulle nie deur die Gelofte van Bloedrivier verbind is nie, omdat nie hulle of enige van hulle direkte familie daar teenwoordig was nie. So ’n tipe verskoning onderstreep net ’n persoon se absolute gebrekkige kennis van God. Ek sê dit om twee redes. Ten eerste omdat ’n persoon met ’n gesonde kennis en begrip van God ’n verbintenis soos hierdie Gelofte as ’n absolute voorreg en eer sal beskou eerder as ’n onaangename las waarvan jy jouself wil loswikkel. En dan ten tweede omdat so ’n mens onder die wanindruk verkeer dat God ’n mens se toestemming nodig het om sy besluite te bekragtig. Daar is dan boonop ook vandag hoeveel mense wat iewers staan en een of ander verwronge gedagte van “sogenaamde versoening” verkondig – ’n versoening met die goddeloosheid van hierdie wêreld! Sou dit betaamlik gewees het vir Lasarus en sy familie om te ontken dat Christus vir Lasarus uit die dode opgewek en op hierdie wonderbaarlike wyse gered het? Natuurlik nie! Nou hoe kan dit betaamlik wees om die oorwinning wat God aan ons volk op wonderbaarlike wyse geskenk het te misken?

Geliefdes, toe Maria die kosbare nardussalf geneem en Jesus daarmee gesalf het, was daar ook die suggestie deur sommige gemaak dat haar optrede onbetaamlik is. Daar is gestel dat hierdie ’n verkwisting was. En tog spreek Christus haar nie hieroor aan nie. Inteendeel, Hy prys haar optrede. “Maar toe Jesus dit merk, sê Hy vir hulle: Waarom val julle die vrou lastig? Want sy het 'n goeie werk aan My gedoen.Want die armes het julle altyd by julle, maar My het julle nie altyd nie.Want toe sy hierdie salf op my liggaam uitgegooi het, het sy dit gedoen met die oog op my begrafnis. Voorwaar Ek sê vir julle, oral waar hierdie evangelie verkondig sal word in die hele wêreld, sal ook gespreek word van wat sy gedoen het, tot 'n gedagtenis aan haar.” (Matt. 26:10-13).  Maria het in haar dankbaarheid teenoor God, Hom nie alleen met hierdie kosbare salf gesalf nie, maar sy het niks hiervan probeer terughou nie. Sy het nie net ’n bietjie van hierdie salf gebruik om Hom te salf nie, dit blyk dat sy alles gebruik het. Ja, die reuk van hierdie salf het die huis vervul. En die ander wat teenwoordig was se kritiek t.o.v. die volle oorgawe waarmee sy haar Meester gedien het, het haar min geskeel. Behoort ons as bevoorregte volk wat hierdie wonderdade van God in ons volkslewe ook kan sien nie hierdie voorbeeld van Maria na te volg nie? Ons behoort Hom ook met soveel dankbaarheid, opregtheid en met volle oorgawe te dien. Ons moenie op hierdie of daardie terrein van ons lewe ’n bietjie probeer terughou nie, maar behoort Hom met alles wat ons het en wel ook op elke lewensterrein Hom op eerbiedige wyse te dien. Moet ons volkshuishouding nie ook gevul wees met die aangename geur van Christus tot eer van God nie? Luister na die woorde uit 2 Kor. 2:14&15. “MAAR God sy dank wat ons altyd laat triomfeer in Christus en wat die reuk van sy kennis deur ons oral versprei. Want ons is ’n aangename geur van Christus tot eer van God onder die wat gered word en onder die wat verlore gaan;”.

’n Laaste punt wat ek in hierdie verband wil aanraak, is die rede waarom God hierdie wonderdade verrig het. Hy het Lasarus uit die dode opgewek sodat sy mag openbaar kon word en God daardeur verheerlik kon word. “Jesus sê vir haar: Het Ek nie vir jou gesê, as jy glo, sal jy die heerlikheid van God sien nie? Hulle neem toe die steen weg waar die oorledene lê. En Jesus het sy oë opgeslaan en gesê: Vader, Ek dank U dat U My verhoor het; en Ek het geweet dat U My altyd verhoor, maar ter wille van die skare wat rondom staan, het Ek dit gesê, sodat hulle kan glo dat U My gestuur het.” (Joh. 11:40-42). Christus was wel bewus van Lasarus se siekte en het doelbewus twee dae vertoef in die plek waar Hy was. Hy het Hom nie gehaas om Lasarus gesond te gaan maak nie, want so het dit God behaag om sy heerlikheid te openbaar. Hy gaan egter later, in menslike terme “te laat”, na Lasarus en dié se twee susters en verrig hierdie wonder om Lasarus uit die dode op te wek waardeur God se naam verheerlik sou word. Dit was in ons volk se geval nie anders nie. God het Hom nie oor ons ontferm omdat Hy om een of ander rede dit aan ons verskuldig was nie, of omdat ons hierdie uitsonderlike volk was wat Hy nodig gehad het om sy Naam te verheerlik nie. Maar Hy het hierdie wonder aan ons volk juis hier by Bloedrivier gedoen sodat sy Naam ook daardeur verheerlik sou word. En soos wat hulle wat in die tyd van Lasarus ongelowig en kleingelowig was na hierdie maaltyd kon gaan en vir Lasarus lewend aan die tafel saam met Christus kon sien sodat hulle sou glo, so moet die wêreld na ons volk kyk om ook van sy krag en heerlikheid oortuig te word. En ons, ons kinders en alle geslagte ná ons wat deur God se wil nog in aansyn geroep sal word, is die eer van hierdie wonder en weldade van God aan Hom verskuldig. Sy opdrag in hierdie verband is duidelik. “Offer dank aan God, en betaal jou geloftes aan die Allerhoogste; en roep My aan in die dag van benoudheid: Ek sal jou uithelp, en jy moet My eer.” (Ps. 50:14&15).

Opsoek na inligting?

  • BOEKE TE KOOP

    MASSAMOORD - BILJOENE MOET STERF.  Hierdie nuwe boek oor die geheime agenda om die groot getal mense op aarde uit te dun, handel oor soveel verskeidenheid in fyn besonderhede dat enige besorgde Afrikaner dit behoort te lees.  Om die boek te bekom, kontak dr Gustav Norval by Hierdie e-posadres word van Spambotte beskerm. Jy moet JavaScript ontsper om dit te lees.   Lees meer oor die boek by hierdie skakel.

     

    VUUR EN VLAM, geskryf deur dr Gustav Norval, handel oor die geskiedenis van die Transvaal 1881-1899: dit behels die Eerste Vryheidsoorlog, die Pretoria Konvensie, die ontstaan van die ander Transvaalse dorpe en die republieke van Vryheid...   Lees HIER meer daaroor.

     

    VINGER OP DIE SNELLER  -  Die geskiedenis van die Transvaal 1840-1880.   Outeur dr Gustav Norval, geskiedskrywer en patoloog.   
    Dit vertel die gebeure van die eerste 40 jaar in die Transvaal.  Dit sluit in die stigting van Potchefstroom, Orighstad, Soutpansbergdorp, Heidelberg, Lydenburg, Pretoria, die eerste inwoners van elke dorp... lees HIER meer daaroor.

     

    RAUTEM, is die verhaal deur dr Philip Venter waarvan u hier op Gelofteland in die reeks BROKKIES UIT DIE BOEK RAUTEM gelees het. Bestel die boek by hom deur te skakel 083 444 7672. Lees hier meer daaroor

    VERSETLAND is 'n spanningsverhaal wat elke leser sal boei. Die outeur is dr Philip Venter, bekende skrywer van vele romans, fiksie en meer.  U kan die boek by hom bestel by 083 444 7672.  Lees meer oor die inhoud by hierdie skakel.

     

    TAKHARE EN JOINERS, outeur dr Gustav Norval, is 'n versameling van 70 ware avontuurverhale uit die tyd van die Voortrekkers, die Anglo-Boere Oorlog en die Ossewa-Brandwag. Daar is tragedies, romantiese verhale, skattejag- en oorlogsverhale en meer. Lees hier meer daaroor. 

     

    Die Engelse oorlog was alles behalwe die sg. "gentleman's war" soos sommige Britse skrywers dit genoem het. Lees meer oor die boek VRYHEIDSVEGTERS, outeur Gustav Norval, by Vryheidsvegters .

     

    In ‘n nuwe boek deur die geskiedskrywer Gustav Norval, getiteld ONSKULDIGE BLOED, word skokkende feite oor beweerde Britse oorlogsmisdade tydens die ABO onthul. Lees meer hieroor by Onskuldige Bloed. 

     

    Hierdie geïllustreerde A4-groote 300-bladsy boek deur EJG Norval, IN DIE SMELTKROES, vertel die verhaal van die gevegte tussen Boer en Brit in die 1840’s die drie verwoestende ba-Soetoe oorloë in die Oos-Vrystaat tussen 1858 en 1867, en nog meer. Lees daaroor by In Die Smeltkroes .

     

    BLOED, SWEET EN TRANE, nog 'n uitstekende boek uit die pen van EJG Norval. Die boek handel oor die trek oor die Drakensberge na Nataldie Vrystaat en Transvaal, die oorloë tussen Voortrekkers, Zulus en Matabeles asook die rol van Britse regering in die saga, wat tot vandag toe weggesteek word.  Daar word getuienis aangebied dat die moorde op die Voortrekkers deur sekere Britse agente ea beplan is.  Lees meer hieroor by Bloed, Sweet en Trane.

     
  • BYBEL 1933/53-druk nou gratis

    Gelofteland is dankbaar om aan al ons lesers die 1933/53-uitgawe van die Bybel gratis te voorsien. Al wat u hoef te doen is om 'n e-pos na

    Hierdie e-posadres word van Spambotte beskerm. Jy moet JavaScript ontsper om dit te lees.

    te stuur met die versoek om die Bybel te ontvang, en ons sal dit aan u stuur.

     

    _____________________

     

     Laserskywe in stelle van 10 te koop

    VRYHEIDSBEDIENING

    Ds. Andre van den Berg werk sedert November 1990 weekliks met volksgenote in die gevangenis in Pretoria-Sentraal. Hy bied ʼn reeks laserskywe teen R200 (posgeld uitgesluit) per stel van 10 aan. Die opbrengs van hierdie verkope gaan vir Gevangenisbediening.

    Dit handel oor aktuele onderwerpe soos:

    1. Die lewe hiernamaals.
    2. Word verantwoordelik oud.
    3. Die pad na die ewigheid.
    4. Bied beproewing die hoof.
    5. Raad vir tieners.
    6. Gelowige kinderopvoeding.
    7. Oorwin depressie.
    8. Kikker jou huwelik op .
    9. Alle mense is nie gelyk nie.
    10. Homoseksualisme - ʼn gruwel vir God.

    Bestel by:

    E-pos: Hierdie e-posadres word van Spambotte beskerm. Jy moet JavaScript ontsper om dit te lees.

    Sel: 074 967 5187

    Bankbesonderhede:

    ABSA

    VRYHEIDSBEDIENING

    9062088855

    _______________

     

    Skryf in vir die gratis e-blad OORSIG EN REPLIEK

    'n Blad wat dmv verduidelikende agtergrond by die kern van ons volk se
    stryd uitkom.

    Kontak die redakteur by

    Hierdie e-posadres word van Spambotte beskerm. Jy moet JavaScript ontsper om dit te lees.

    Lees ons gereelde uittreksels daaruit hier op Gelofteland by OORSIG EN REPLIEK

    __________
     
    DIE HISTORIESE KOMPAS
    _________ 
     
    BOEKRESENSIE:

    Die Legkaart van ons Lewe – ‘n Boodskap van Hoop

    Lees meer oor dié getuienis by:

    DIE LEGKAART VAN ONS LEWE

    __________

    BOEKRESENSIE:

    DIE VOLMAAKTE REPUBLIEK – Christen-Teokratiese Separatisme

    Suid-Afrika verkeer tans in 'n kommerwekkende toestand omdat mense se kennis oor die Bybel en die Staat so verwater het dat land en volk as gevolg hiervan ten gronde gaan.

    Hierdie boek uit die pen van ds AE van den Berg, het in gedrukte vorm verskyn.  Dit bring helder perspektief oor rasseverskille en natuurlike skeiding wat sal lei tot die herstel van Suid-Afrika. Die land het 'n dringende behoefte wat landsburgers van geestelike denke sal laat verander en van onregte en gewaande vryheid sal bevry.

    Sinvolle besluite in die lig van God se Woord, en onophoudelik gebed dat bevryding spoedig verwesenlik word, is noodsaaklik. Politiek is erns en harde werk wat wet en orde handhaaf en durf nie in eerlose hande gelaat te word nie. God is 'n God van orde, en mense word aangemoedig om die koninkryk van God eerste te stel.

    U kan hierdie boek bestel by ds A E van den Berg

    Tel: 074 967 5187  of by

    vryheidsbediening

    @gmail.com

    Prys: R50-00

     
  •                                                                        ______________

     

    BOEKE TE KOOP

    ‘n Nuwe Trek: Terug na u God

    Die Oerteks van die lotsbepalende 1838-Gelofte

    J L du Toit & dr L du Toit

    'n Bundel oor die bronne vir die 1838-Gelofte is nou ook by Exclusive Books in Suid-Afrika beskikbaar: 

    Alhoewel die nuutste prys op Exclusive Books se netwerf tans R191 per boek is kan u dit vir so min as R60 per boek direk by Hierdie e-posadres word van Spambotte beskerm. Jy moet JavaScript ontsper om dit te lees.. bestel.

    Lees meer by: 'N NUWE TREK: TERUG NA GOD

    _______________

    ONDERSTEUN U VOLKSGENOTE IN DIE GEVANGENIS

    Wil u meer oor aktuele onderwerpe lees of vir iemand 'n besondere geskenk gee? Goeie voornemens;  Dink reg, leef reg; Moenie bekommer nie; Leuens; Woestyngedagtes, en Niks ontbreek nie, is van die aktuele onderwerpe wat in twee besondere preekbundels behandel word. Vir slegs R60 elk of R100 vir beide kan u 'n waardevolle bydrae maak vir u volksgenote in die gevangenis. Ondersteun hulle asseblief en bestel nou hierdie preekbundels by ds Andrè van den Berg by

    Hierdie e-posadres word van Spambotte beskerm. Jy moet JavaScript ontsper om dit te lees.

                                                                           ________________

     

    GOD PRAAT MET DIE BOEREVOLK – DEEL 2

    Hierdie bundel, net soos deel I, is saamgestel uit twintig van die beste boodskappe wat sterk op ons volkslewe gerig is. Die inhoud bestaan uit aktuele onderwerpe wat die daaglikse lewe van elke Christen raak. Die koste beloop slegs R60 (posgeld uitgesluit) en is 'n uitstekende geskenk vir die regte persoon. Die inkomste gaan in geheel aan gevangenisdiens vir ons volksgenote.
    Plaas u bestelling per e-pos by ds Andrè van den Berg by

    Hierdie e-posadres word van Spambotte beskerm. Jy moet JavaScript ontsper om dit te lees.

    of skakel hom by 074 967 5187

    ________________

    Bestel 'n uitstekende digbundel deur BOERIUS
    Volledige besonderhede hier:

    Gietoffers van my Siel


    _________________

    Hierdie e-posadres word van Spambotte beskerm. Jy moet JavaScript ontsper om dit te lees.

     
  •  

    DIE CHARISMATIESE GEVAAR
    Mense word so maklik deur dwaalleringe mislei. In hierdie boek word talle kwelvrae beantwoord.

VERGADERING-

PROSEDURES

(GRATIS)

Daar is min mense wat nog die waarde van 'n ordelike byeenkoms bedink en kan uitvoer. Sonder hierdie kennis en orde en gedissiplineerde toepassing daarvan sal 'n byeenkoms in wanorde verval en die doel van die vergadering nie bereik word nie. Die boekie kom handig te pas in alle omstandighede waar 'n vergadering van persone plaasvind, ongeag die sakelys of doel van die byeenkoms.

Klik hier om die boekie wat u op hoogte kan bring van korrekte vergaderingprosedures, gratis af te laai. Indien u van Windows 10 gebruik maak sal die inhoud outomaties onder die lêer "Downloads" geberg word en kan dit daar gehaal en gebêre word waar ookal dit maklik gevind kan word.

 

GRATIS E-BOEKE EN VERSBUNDELS OM AF TE LAAI:

 

As God volke aan hul eie lot oorlaat

Die waarheid oor ons volk en die Nuwe SA

Volksverraad geskryf deur adv. P.J. Pretorius

'n Oorblyfsel... deur genade alleen

Christen-Teokratiese Separatisme

Verse van Verset

Vreedsame Naasbestaan = Afsonderlike Ontwikkeling

No Ships in the Harbour

Ons heilsverhaal in die Ou Testament

Daniel

Evolusie - kan ek dit glo?

Petrus, die rots

Romeo en Juliet

Ester

Apokriewe - By modderpoele of suiwer fonteine?

Midsomernagdroom - Shakespeare in Afrikaans

Die Openbaring van Henog

Die Derde Tempel

Macbeth - Shakespeare in Afrikaans

Met ryperd en mauser

Goue strate het nie stof nie

Derdepoort

Die Laaste Pous

Josef

Rut

Drie Eeue van Onreg

Ons Geskiedenis

Engelse skandvlekke

Voortrekker-Pioniers in Oos-Transvaal

_______________

 

 

1919: VRYHEIDSDEPUTASIE KEER TERUG

1800: GRAAFF- REINETSE REBELLE GEVONNIS

1917: OOM JAPIE HELPMEKAAR

SKERP SLAGSPREUKE

(Lees die reeks by SKERP SLAGSPREUKE)

                                                                         __________________

 

AFRIKAANSE IDIOME EN GESEGDES

(Lees by AFRIKAANSE IDIOME EN GESEGDES - die hele reeks

                                                                         __________________                                                                  

In die sweet van sy aanskyn eet die Adamskind sy brood; in die sweet van 'n ander se aanskyn sy pastei.

Leer jou ambag so goed dat jy jou altyd kan verhuur aan 'n baas wat daar minder kennis van het as jy. Dan sal jy sy baas wees.

'n Presiese baas hou nie nalatige knegte lank nie. Dié wat hy nie wegja nie loop weg.

Maak in die somer hout bymekaar en sit in die winter by die vuur.

Besoekers aanlyn

Ons het 3908 gaste aanlyn