KULTUURDAGBOEK 24 FEBRUARIE
Lees volledig by Kultuurdagboek
Die Randse Afrikaanse Universiteit het tot stand gekom ingevolge Wet nr. 51 van 1966, waarin die RAU omskryf is as Afrikaans in gees en karakter, en dat die beginsels vervat in Randse Afrikaanse Universiteit die aanhef van die Grondwet van die Republiek aan die RAU gehandhaaf sal word.
Die universiteit is op 24 Februarie 1968 amptelik geopen. Sy eerste kanselier, dr. N. Diederichs, is ingehuldig, nadat die eerste 741 studente hulle op 3 Februarie begin inskryf het en die eerste lesings op 13 Februarie aangebied is.
In die eerste sewe jaar is van 'n tydelike kampus in Braamfontein, Johannesburg, gebruik gemaak totdat die moderne nuwe kampus op 24 Mei 1975 deur dr. Diederichs, Staatspresident en Kanselier van die universiteit, amptelik geopen is.
Die Randse Afrikaanse Universiteit was 'n universiteit van die grootstad en het daardie jare in die besonder in diens van die Afrikaanse gemeenskap gestaan – natuurlik nie meer vandag nie. Deur sy Afrikaanse gees en karakter wou die universiteit die kultuur, lewensbeskouing en strewe van die Afrikanervolk bevorder en verryk. Hy wou jong Afrikaners help vorm en ontwikkel om volwaardig hul regmatige plek in die intellektuele, kulturele, geestelike, ekonomiese en professionele lewe van ons vaderland in te neem.