Ons is basies in 'n stryd vir die oorlewing van die menslike ras, wat transhumanistiese tegnokrate van plan is om te vernietig en te vervang met hul eie maaksel – 'n "slawe ras" sonder selfbeskikking – en om hierdie bedreiging met enige hoop op sukses te bekamp, moet ons veg vir ons reg op vrye spraak, en inligting deel om diegene wat deur hierdie sosiale ingenieursprogram tot selfvoldaanheid gesus word, wakker te maak.

Dit is wat dokter Joseph Mercola van Amerika al vir 25 jr op sy webwerf doen: https://articles.mercola.com/ Maar, die aanslae op sy moedigheid begin nou groot afmetings aanneem. Selfs sy bankrekeninge is pas deur die Geldmag gesluit want hulle kan nie bekostig dat die waarheid so wyd versprei word nie. Lees dr Mercola se kort brief hieronder:

“Sedert die begin van die COVID-pandemie is die uitruil van idees basies verbode, en deur my siening oor die pandemie, COVID-behandeling en die eksperimentele COVID-inspuitings met lesers te deel, het ek 'n teiken van die Withuis, die politieke establishment en die globale kabaal geword.

“Sen. Elizabeth Warren het druk op Amazon uitgeoefen om my topverkoperboek, "The Truth About COVID-19" te verbied (maar het nie daarin geslaag nie), CNN het my tot by my huis agtervolg en geteister, en die media en selfs die POTUS het leuenverslae opgetrek en gebruik om my te besmeer en as 'n gevaarlike ‘disinformasie-agent’ te bestempel.

“YouTube het my sonder soveel as 'n waarskuwing verbied en tienduisende ure se werk uitgevee. Twitter sensor en verbied dikwels lede om skakels na my artikels te kan volg, en Google het my verbied deur hul algoritmes te verander om my artikels in sy soekresultate te verwyder.

“Smeeraanvalle en sensuur is een ding, maar finansiële instellings – wat ook deel is van die wêreldwye kabaal – het diegene geteiken wat die amptelike narratief teëwerk, en hierdie soort aanvalle is baie meer problematies en moeilik om teen te beskerm.

“Dieselfde week wat YouTube my platform uitgewis het, het PayPal my niewinsvennote verbied, en banke het beide my persoonlike en besigheidsrekeninge gekanselleer. Die bedoeling was duidelik. Hulle wou my vermoë om inligting te deel tot niet maak, en hulle was bereid om baie moeite te doen met onwettige en immorele metodes. Gelukkig het ons 'n alternatiewe oplossing gevind.

“Aangesien soveel van die aanvalle artikelverwydering behels het, was die oplossing waarmee ons vorendag gekom het om al die artikels van my webwerf te verwyder 48 uur na publikasie, en hulle oor te dra na Substack, 'n private ledevereniging (PMA), wat ons teen hierdie soort sensuurpogings probeer beskerm.

“Op hierdie manier is my artikels steeds gratis vir 48 uur op my webwerf om te lees. Om by Substack aan te sluit was eenvoudig die beste opsie beskikbaar om hierdie inhoud lewendig te hou.”

Ons moet nooit ons vryheid opoffer vir 'n valse gevoel van veiligheid nie. Vryheid van spraak is noodsaaklik. Verstaan dat, sodra 'n standaard van versorging deur die regering gedikteer word, of die mag om gesondheid en behandeling van siektes aan 'n wêreldwye owerheid soos die WGO oorgedra is, jy alle vermoë verloor om te beheer wat met jou gebeur.

Die feit van die saak is, die beste persoon om beheer oor jou gesondheid te neem, is JY. Ons is nou in 'n era waar hierdie mees basiese regte bedreig word. Die globale kabaal is vasbeslote om alles oor jou te beheer, insluitend jou liggaam en gees.

Moenie toelaat dat dit gebeur nie; staan op en veg vir jou regte!