Gedagtes vir elke dag
Of lees almal by Gedagtes vir elke dag
God het geen behae in die dood van die goddelose nie maar dat hy hom moet bekeer. Wat doen ons om mekaar te waarsku teen verkeerde dinge? Sluit ons liewe vredesonthalwe ons oë toe vir ons kinders en geliefdes se sondige lewens? God sê dat daardie verlore siel se bloed dan aan ons hande sal wees. As ons die persoon wel waarsku en hy gaan voort om in goddeloosheid te leef, sê God dat ons daardeur ons eie siel gered het (Eség 33).
WAT MAAK ONS MET SONDE?
Ds A.E. van den Berg
“Julle weet dat Jesus gekom het om die sonde weg te neem. Elkeen wat in Hom bly, sondig nie. Elkeen wat sondig, het Hom nie gesien en Hom nie geken nie” (1 Johannes 3:5,6).
Johannes skryf aan gelowiges in die verstrooiing oor die hoofrede van Jesus se koms na die aarde: “Julle weet dat Jesus gekom het om die sonde weg te neem”. Dit beteken om mense van die oordeel oor sonde te verlos. Toe Maria swanger raak, sê 'n engel vir Josef: “Sy sal ‘n seun in die wêreld bring, en jy moet Hom Jesus noem, want dit is Hy wat sy volk van hulle sondes sal verlos”. Johannes die Doper sê vir die skare op die oewer van die Jordaanrivier: “Daar is die Lam van God wat die sonde van die wêreld wegneem” (Joh.1:29).
Hoe neem Jesus sonde weg? Deur die straf van sonde op Hom te neem. Daarvoor het Hy een Vrydag aan 'n kruis gesterf, drie dae later uit die dood opgestaan en daarmee die mag van sonde oor ons gebreek. Wie Hom as Verlosser aanneem, is van hierdie mag bevry. Deur die bekering word ons een met Jesus. Sonder 'n persoonlike verhouding met Jesus is die hel die mens se voorland. Daarom moet ons seker wees dat ons Jesus as Verlosser aanvaar het.
1857: OVS VLAG EN WAPEN
KULTUURDAGBOEK 23 FEBRUARIE
Lees volledig by Kultuurdagboek
Reeds op 23 Februarie 1854 het die Oranje Vrystaat tot stand gekom, maar sy onafhanklikheid sou eers drie jaar later op ‘n waardige wyse herdenk word. Dié dag het ‘n besondere betekenis en inhoud verkry omdat die Vrystaatse vlag en die staatswapen — simbole van 'n vrye volk – toe plegtig in gebruik geneem is. Nadat ds. Andrew Murray in gebed voorgegaan het, het pres. Boshof 'n indrukwekkende rede gehou waarna die Vrystaatse Vierkleur vir die eerste keer onder 21 kanonskote gehys en ontvou is.
1854: OVS KOM TOT STAND
KULTUURDAGBOEK 23 FEBRUARIE
Lees volledig by Kultuurdagboek
Nadat sir Harry Smith die gebied tussen die Oranje- en Vaalrivier tot die Oranjerivier-Soewereiniteit verklaar het, sou die Republikeinse Trekkers met die steun van Andries Pretorius tevergeefs by Boomplaats in Augustus 1848 die gebied probeer herwin. Die Britse gesag is opnuut bevestig, maar dit is halstarrig en onwillig deur die Boere aanvaar.
Ook Mosjesj, die Basoeto-opperhoof, het in vyandskap met die gebied geleef en die Britse resident, maj. H.D. Warden, het dit moeilik gevind om die Basoeto's se roofaanvalle op die blankes te bekamp. Hy het sake vir homself nog moeiliker gemaak deur hom voortdurend in te meng met die onderlinge twiste tussen die inboorlingkapteins en ander stamme in die gebied.
ADV. JURGENS PRINSLOO EN DR. JANN SCHLEBUSCH...
...MOET VRAE BEANTWOORD
In Deel 7 van die artikelreeks Regse Verraad wat op Gelofteland en daarna op die ANB-webblad verskyn het is onder andere ook die naam genoem van dr. Jann Schlebusch van Bloemfontein, ‘n bekende in kultuur- en godsdienskringe.
Daaroor het mnr. Boeta Erasmus, lid van die ANB-dagbestuur, met dr. Schlebusch in privaat gesprek getree. In die loop van die wisseling van argumente is die verraderlike rol van die topleiding van die Konserwatiewe Party (KP) onder die loep geneem.
Hierteen het dr. Schlebusch sterk geprotesteer, waarna hy besluit het om sy siening van die saak in ‘n plasing op sy Facebook-blad te publiseer.
Daar was ‘n oorweldigende reaksie op sy plasing, met heelwat deelnemers wat dr. Schlebusch laat bontstaan het met die statering van feite rondom die verhouding tussen die KP en HNP voor en na 1994, asook die rol wat die topleiding van die KP en die Volksfront (AFV) gespeel het in die 1994-verraad.
DIE KRAG VAN GOD
Hannes Ollewagen
2 Kor. 12:1-10
“En Hy het vir my gesê: My genade is vir jou genoeg, want my krag word in swakheid volbring. Baie liewer sal ek dus in my swakhede roem, sodat die krag van Christus in my kan woon.” (:9).
Elkeen van ons het sekerlik al die hoogtepunt sowel as die laagtepunt van krag in ons eie lewe ervaar. Daardie kere wat dit gevoel het asof ons onstuitbaar is en geen ding op aarde vir ons ’n hindernis te groot of te klein kan inhou nie. En hoe maklik is ons nie deur klein hindernisse van hierdie hoogte afgewerp nie! Ons beland dan dikwels só laag in die afgrond van moedeloosheid dat dit voel asof niks in hierdie ganse heelal ons weer sal kan opbeur nie. En dan bewerk die HERE vir ons ’n gebeurtenis uit ’n totale onverwagse oord op só ’n tydige en volmaakte wyse dat ons in ’n oogwink weer moed skep.
1707: STRYD TEEN W.A. VD STEL GEWEN
KULTUURDAGBOEK 22 FEBRUARIE
Lees volledig by Kultuurdagboek
Die inwoners van Stellenbosch is in die nag van 22 Februarie 1707 uit hul slaap gewek deur 'n jong man wat te perd deur die stil strate gejaag en die lug laat weergalm het met die kreet “Victorie, Victorie!!" Die gerug het die burgers bereik dat hulle die stryd teen die omstrede goew. W.A. van der Stel en sy hoë amptenare gewen het, en dat die goewerneur uit die Kaapkolonie verban is.
1707: Hendrik Bibault: “IK BEN EEN AFRICAANDER”
KULTUURDAGBOEK 22 FEBRUARIE
Lees volledig by Kultuurdagboek
Die oorwinning oor Van der Stel het nie sonder uitbundige vreugde gepaard gegaan nie. Vier jong mans van Stellenbosch het te perd deur die strate van die dorp gejaag en onder die invloed van drank by die meule moles gemaak deur die graanbakke rond te gooi en die meulenaar uit te skel. Landdros Starrenburg, wat op die lawaai afgekom het, het twee van die jong mans met 'n rottang bygekom, waarop een, Hendrik Bibault, geskreeu het: “Ik wil niet loopen, k'ben een Africaander."
BROKKIES UIT DIE BOEK: POENA (21)
083 444 7672)
Marcus is eenkant, half onder ‘n boom begrawe. Daar is nie werklik tyd vir rou nie en selfs sy mense help met die moeisame taak om petrol uit die kalfie te tap, in kanne te plaas en dan weer die gevaarlike tog na die bokant van die paadjie met die twee voertuie uit te ry.
Niemand sien kans om daar op te bestuur nie, behalwe Paul en Joe en ook hulle senuwees is later op. Uiteindelik is daar genoeg brandstof vir elke kar en met die merkies op “vol” wag hulle vir skemer, die onafwendbare smart van Marcus se vroue en kinders en uiteindelik die vroeë voor-dagbreek ontbyt.
1877: TOTIUS GEBORE
KULTUURDAGBOEK 21 FEBRUARIE
Lees volledig by Kultuurdagboek
Jacob Daniel du Toit (Prof. J.D. du Toit) is meer bekend onder sy digtersnaam Totius — die naam wat sy studentevriend, B.J. Esser in 1901 in Amsterdam aan hom gegee het. Sy lewe, wat op hierdie dag in 1877 in die Paarl 'n aanvang geneem het, vind 76 jaar later 'n graf in Potchefstroom.
'n Buitengewoon vol lewe: skitterende student, Kaapse rebel saam met die Boeremagte, 'n predikant, 'n professor in Teologie, 'n Bybelvertaler, 'n volksman, kerkman, 'n Psalmberymer, 'n taalstryder, 'n digter... onder sy eie mense en oorsee geniet sy werk groot erkenning; nege doktorsgrade word aan hom toegeken! Dr. J.D. Kestell noem hom op 'n keer namens die volk: “Ons innige geliefde Totius."
1657: 1e TOEKENNING VAN GROND AAN VRYBURGERS IN KAAP
KULTUURDAGBOEK 21 JANUARIE
Lees volledig by Kultuurdagboek
Op hierdie dag het die eerste “nege vrije luyden" grond aan die Kaap gekry. Die burgers kon hulle eie grond uitkies en is in twee kolonies gevestig, nl. Harmanskolonie en Stevenskolonie. Hulle moes die landbou op vasgestelde voorwaardes bevorder. Die Kompanjie sou aan die Vryburgers plaasgereedskap en trekosse voorsien, en verdere benodigdhede kon hulle op krediet van die Kompanjie koop.
Dit was hulle toegelaat om vrylik handel te dryf met die skepe vanaf die derde dag dat die bote die hawe binnegekom het.
DANKSY TRUMP EN POETIN...
... IS ZELENSKY EN NATO SE DAE GETEL
Dr Charles van Niekerk
Een miljoen soldate het gesterf in die oorlog wat deur die Oekraïne pion-president, Zelensky en die VSA gedryf is. Nou staan die man op die vooraand van ‘n welverdiende nederlaag. Sedert die oorlog begin het is Oekraïne aangepor deur NATO om die Minsk-verdrae te ignoreer en het hulle vir Rusland eenvoudig ‘n streep in die grond getrek.
Met die nuwe Trump-Poetin kombinasie is die skrif aan die muur vir die pion Zelensky. Trump gaan niks nonsens van die klein niksnut vat nie.
NATO (Die Noord-Atlantiese Verdragsorganisasie) se einde is ook naby, dit kan nie sonder die VSA bestaan nie.
Ja die koms van Donald Trump het die wêreldtoneel dramaties verander. En dit binne net een maand!
NATO was eens gesien as ‘n ”noodsaaklike organisasie vir wereldvrede” – ‘n leuen – nou gaan hulle ontmasker word vir wie en wat hulle regtig gedoen het. Hou maar dop!
TRUMP EN SY GELDBASE
Daar word oor die toekoms van die mensdom besluit terwyl ons hier praat. En dit word nie besluit op 'n slagveld in Oos-Europa, of die Midde-Ooste of die Straat van Taiwan nie, maar in die datasentrums en navorsingsfasiliteite waar tegnologiese kundiges "die fisiese en virtuele infrastruktuur skep om die volgende generasie met kunsmatige intelligensie te beheer. " Dit is 'n volskaalse, verskroeide-aarde vry-vir-almal-beleid.
Toe president Trump die bekendstelling van 'n $500 miljard KI-infrastruktuurprojek en die ontwikkeling van “inentings teen virusse” (Stargate) aangekondig het net ure nadat China sy DeepSeek R1 vrygestel het, het dit pynlik duidelik geword dit is nie 'n stryd wat enige kante kan bekostig om te verloor nie. Hierdie aankondiging van Trump was totaal teenstrydig met al sy ander positiewe beloftes hoe om Amerika weer ‘n beter plek te maak. Hieruit was dit duidelik dat hy met sy geldmagbase ooreengekom het om die held en vertroueling van die Amerikaanse publiek te word sodat hulle hom ook later sal volg en vertrou terwyl hy met die Geldmag saamwerk om die wêreldpopulasie drasties te verminder deur sogenaamde inenting (gifinspuitings) teen virusse asook kunsmatige intelligensie wat tot hulle eind-ideaal sal bydrae, te bevorder.
1656: JAN V RIEBEECK SE SEUNTJIE STERF
KULTUURDAGBOEK 20 FEBRUARIE
Lees volledig by Kultuurdagboek
Anthony, die babaseuntjie van Jan en Maria van Riebeeck, het slegs twee maande oud geword. Omdat daar gedurende hierdie tyd geen predikant aan die Kaap was nie, het hy gesterf sonder dat hy gedoop is.
Die sterftesyfer onder jong kinders was in die sewentiende eeu ontsettend hoog.
1937: TOTIUS IN BLOEMFONTEIN GEHULDIG
KULTUURDAGBOEK 20 FEBRUARIE
Lees volledig by Kultuurdagboek
In 1937 besit die Afrikaanse volk reeds die Psalmboek in sy eie taal. Totius was die berymer. Ook met die Afrikaanse Bybel het hy die leeue-aandeel gehad. Kerk en volk is innig dankbaar, en die FAK neem die voortou om hierdie dank te bewys.
En so word 1937 die jaar van die Totiusfeeste met die hoogtepunt in die stadsaal van Bloemfontein op 20 Februarie. 'n Skare van 2 000 vul die saal van hoek tot kant, en vader J.D. Kestell voer namens die volk die woord. Aangrypend is Die Volksblad se berig:
DIE IDASA-KOMPLOT IN ‘N NEUTEDOP
Boeta Erasmus, Dagbestuurslid van die Afrikaner Nasionalistiese Beweging (ANB), gee in die hieropvolgende artikel ’n briljante opsomming van die IDASA-komplot wat aanleiding gegee het tot die verknegting van die Afrikanervolk in 1994. Daarbenewens gee hy ook ’n blik op die toekoms van die Afrikaner. Hy wys op die dure plig van die Afrikaner om nou pal te staan en te veg vir dit wat regmatig sy eiendom is, maar deur die slinksheid van Afrikaner-(mis)leiers wat saamgewerk het met die magte van die Duisternis, van ons ontneem is.
Lees ook by hierdie skakel: https://www.anbsa.co.za/die-waarheid-van-ons-geskiedenis/
Die deursnee Konserwatiewe Party- en Afrikaner Volksfront-ondersteuner (bykans een miljoen Afrikaners) sou tussen 1990 en 1994 nie kon droom dat hulle deur hul eie “leiers”, wat hulle volkome vertrou het, verraai en uitverkoop sou word nie.
So-iets mág nooit weer met die Afrikaner- / Boerevolk van Suid-Afrika gebeur nie!
Dáárom: NEEM KENNIS van wat vóór 1994 gebeur het.
BROKKIES UIT DIE BOEK: POENA (20)
083 444 7672)
‘n Vierwieldryf is met min uitsonderings swaar voertuie, dit wil sê hulle weeg baie. Die ekstra gewig van ‘n tweede ewenaar, sterker onderstel (selfs waar dit ‘n sogenaamde “unibody” of “monocoque” konstruksie is, is dit dikker gemaak), die swaarder veerstelsel, en oordrakas, tweede dryfas en ander meganiese goed, maak dit swaar.
Daarby is die goed gewoonlik toegerus met groter enjins, wat veral moet sorg vir meer wringkrag. Die meeste wat uitkom met ses of agt silinder enjins se brandstofverbruik is nie baie slegter as hulle tweewieldryf-eweknieë op die oop pad nie, maar in die veld, waar dikwels na vierwieldryf geskakel word en soms selfs laestrek, kruip hulle nie baie ver met ‘n liter brandstof nie. Paul se Land Cruiser met die groot 5,8 liter Ford V8 gee skaars twee na drie kilometer per liter. Hy is geskok as hy weereens, net soos by Jakobsput, besef die brandstofnaald is net bokant kwart.
1856: VRYSTAATSE ONAFHANKLIK- HEIDSDAG TOT FEESDAG VERKLAAR
KULTUURDAGBOEK 19 FEBRUARIE
Lees volledig by Kultuurdagboek
Aangesien die onafhanklikheid van die Vrystaatse Republiek in 'n sekere sin op die inwoners van die gebied afgedwing is en 'n gedeelte daarteen geprotesteer het, was daar met die ondertekening van die Bloemfontein-konvensie op 1854 naas 'n klompie kanonskote nie van feesvieringe sprake nie. Ook die Republiek se eerste verjaarsdag het ongemerk verbygegaan, maar op 19 Februarie is besluit dat al die aanstaande “Zaterdag, de 23ste Februaij, gevierd zal worden als een publieke feestdag, ter herinnering van den vrijdom van onzen Vrijstaat en dat het in vervolg jaarliks zal worden gehouden." Ondanks dié besluit, is geen besondere feesprogram afgehandel nie, want selfs die Volksraad het op daardie dag met sy gewone werksaamhede voortgegaan. Eers die volgende jaar sou 23 Februarie as feesdag tot sy reg kom.
1730: JAN DE LA FONTAINE WORD GOEWERNEUR VAN KAAP
KULTUURDAGBOEK 19 FEBRUARIE
Lees volledig by Kultuurdagboek
Die Kaapse koloniste het op hierdie dag met blydskap verneem dat Jan de la Fontaine die nuwe goewerneur aan die Kaap sou wees nadat hy reeds 20 jaar getroue diens aan die Kompanjie gelewer het. Hy het die agting en liefde sowel van die burgers as van die amptenare aan die Kaap geniet.
OPSTANDE IN DUITS-WES-AFRIKA (2)
Deur dr Gustav Norval
WC Palgrave 
In 1876 het die Britse regering hul agent Palgrave na Walvisbaai gestuur om te keer dat die Dorslandtrekkers die land sou beset en om voorbrand te maak dat die streek tussen die Oranje- en Kuneneriviere met tyd deur die Britte geannekseer kon word. Daardeur het hulle gepoog om te keer dat die Boererepublieke ‘n seehawe aan die Namibiese kus kon stig. Palgrave moes eerstens Nama- en Damaraland inpalm en die inboorlinge teen die koloniste en nuwe intrekkers opstook, sodat hulle geen grondgebied in Namibië kon bekom nie. Die geweersmokkelaar Lewis was sy regterhand om te help om die taak uit te voer. Op 6 Maart 1878 het Britse troepe in Walvisbaai geland en die land in ‘n radius van 24 km as Britse gebied geannekseer. Agv die oorloë met die Zoeloes en Boere, het die Britte die wil om Suid-Wes-Afrika te annekseer in 1880 opgesê. Die Duitsers olv Frans Adolf Eduard Luderitz het die kusstreek noord van Walvisbaai tydens Augustus 1884 tot Duitse gebied verklaar. Hy het tydens Oktober 1886 in die Oranjerivier verdrink na sy boot omgeslaan het.
1902: KMDT GIDEON SCHEEPERS TERREGGESTEL
KULTUURDAGBOEK 18 FEBRUARIE
Lees volledig by Kultuurdagboek
Op die ouderdom van sestien het Gideon Jacobus Scheepers tot die Transvaalse Artillerie in Pretoria toegetree. Vanaf 1894 dus sou hy in militêre kringe beweeg. Hy was skrander, fier, bekwaam en baie gewild. Die manne het hom Die Springbok van die Hoëveld begin noem.
Scheepers is opgelei as heliograaf deur luit. Paul C. Paff, en sy skoolonderrig het onder maj. Thomas Kroon voortgegaan. Heliografie is 'n metode van kommunikasie met sonligflitse, en Gideon was spoedig so behendig in die stuur en lees van boodskappe, soms oor groot afstande, en hy soveel aandag getrek het dat maj. Richard Albrecht van die Vrystaat-Artillerie vir pres. Kruger gevra het of hy Scheepers kan leen om sy jong manne op te lei.