Nuutste bydraes

GEDAGTES VIR ELKE DAG - druk f5 op u rekenaar vir 'n nuwe gedagte

Of lees almal by Gedagtes vir elke dag

Ghandi het op 'n keer gesê: "Julle Christene het 'n dokument in julle besit met genoeg dinamiet daarin om die hele beskawing op te blaas; om die wêreld onderstebo te keer, om vrede na hierdie oorlggeteisterde wêreld te bring. Maar julle lees dit asof dit net goeie literatuur is!" Wat 'n skandvlek op ons Christendom!

APOKRIEWE BOEKE (1)

Jeanette Koekemoer

Lees reeks by Apokriewe Boeke

WAT IS APOKRIEWE BOEKE EN WAAROM HET DIT ONSTAAN?

Op hierdie webblad het ons al gepraat oor die apokriewe boeke van die Bybel. Nou gaan ons in 'n reeks meer breedvoerig daaroor gesels omdat talle mense nie weet wat dit is, waar dit vandaan kom en hoe om hierdie geskrifte te plaas nie. Daarby is dit 'n baie interessante onderwerp wat veral Christene sal verryk as hulle die boeke self lees.

Die betekenis van die woord 'apokrief' wat natuurlik 'n Griekse woord is, is 'om iets weg te steek." Dit beteken nie noodwendig om iets fisies te verberg nie maar eerder dat hierdie boeke nie bedoel was vir almal om te lees nie, moontlik net vir 'n klein groepie gelowiges wat die amper verborge waarhede daarin sou raaksien en verstaan. Heel moontlik is dit ook fisies weggehou van diegene wat tot verkeerde gevolgtrekkinge hieruit sou raak – veral die Nuwe-Testamentiese apokriewe blyk in hierdie kategorie te val.

Maar laat ons eers kyk na wat apokriewe eintlik is en waar dit vandaan kom.
Die heel eerste Christene het net soos ons vandag, ook lus gehad om te skryf en daar is talle verhale geskryf met 'n Christelike boodskap, briewe van bemoediging aan mekaar, en dokumentasie ter uitruil van inligting. Tesame met die Bybel het ons dus 'n redelike oorsig oor boeke wat in daardie tyd geskryf is alhoewel die apokriewe skrywers nie op dieselfde vlak as die Bybelskrywers  gestel kan word nie.

  Martin Luther het gesê: "Die Skrif alleen!", menende slegs die Bybel is die Boek van God wat as gesaghebbend beskou en volkome geglo moet word, maar dit beteken nie dat ons nie die ander boeke mag lees nie; ons kan daaruit 'n beter begrip vorm van waarmee die eerste apostels en die vroeë kerkvaders te doen gekry het en selfs die Bybel beter verstaan hieruit. Maar dit is nie deel van die Bybel nie en ons mag dit nie so beskou nie. Dit mag nie as mededinging vir die idees van die Bybelboeke verstaan word nie; ons moet dit slegs lees om die mense in die Bybelse tyd beter te verstaan, asook ons plek as Christene hier op aarde, wat hieruit vir ons duideliker word in perspektief met die Bybel.

Ons moet ook onderskeid tref tussen apokriewe van die Ou Testament, en apokriewe van die Nuwe Testament omdat dit op totaal verskillende wyses tot stand gekom het.

Hoe die Ou Testamentiese apokriewe tot stand gekom het
Sonder om in te veel besonderhede in te gaan kan ons die bestaande Ou Testament se 39 boeke wat natuurlik eers in Hebreeus geskryf is, in drie kategorieë plaas naamlik die wet, die profete, en die geskrifte.

Die Wet
Hier is vyf boeke naamlik Genesis, Eksodus, Levitikus, Numeri en Deuternonomium. Hierdie boeke is teen ongeveer 450 vC as gesaghebbend aanvaar.

Die Profete
Dit sluit in boeke soos Josua,Rigters, Jesaja, Jeremia, Hosea, Joël en Amos. Hierdie boeke is teen ongeveer 200 vC as gesaghebbend aanvaar.

Die Geskrifte
Dit is boeke soos Psalms, Spreuke, Job, Prediker, Daniël en Ester. Hierdie boeke is teen ongeveer 100 nC as gesaghebbend aanvaar.

Baie mense het egter ná die ballingskap van Jode buite Palestina gebly en hulle kon later nie meer Hebreeus verstaan nie. Daarom is daar in die derde eeu begin om die Hebreeuse Bybel in Grieks te vertaal, 'n boek wat genoem is die Septuagint. Natuurlik het daar ook baie verskille ontstaan tydens die vertaling, en so ook 'n hele klomp byvoegings van boeke wat nie in die Hebreeuse Bybel bestaan nie.

Latyn het later egter al belangriker in die kerk geword en Latynse vertalings het die lig gesien. Hieronimus is die man wat toe die Ou Testament vertaal het en hy het eers na 'n hele ruk besef dat hy eerder die Hebreeuse Bybel moet gebruik en nie die Septuagint nie. Nog het die Rooms-Katolieke Kerk by die Sinode van Trente beveel dat die ekstra Ou Testamentiese boeke wat nie deel van die Hebreeuse Bybel was nie ook gesagvol aanvaar word. Om hulle saak te versterk het hulle die terme gebruik:
Proto-kanoniek ("eerste aanvaar as gesagvol");
Deutero-kanoniek ("tweede aanvaar as gesagvol").

Martin Luther en die ander Hervormers het egter nie hieroor saamgestem nie en het net die 39 boeke in die Hebreeuse Bybel as gesaghebbend erken. Daarom het hulle die ekstra boeke 'apokriewe'  (verskuild) genoem.

In die Nederlandse Geloofsbelydenis verskyn hierdie lys van apokriewe boeke alhoewel hulle dus vir die Protestante slegs inligtingswaarde maar geen goddelike gesag het nie:
Esra 3 & 4
Tobit
Judit
Die Wysheid van Salomo
Die Wysheid van Ben Sirag
Barug
Toevoegings tot Ester
Toevoegings tot Daniël
Gebed van Manasse
Makkabeërs 1 & 2

Hoe die Nuwe Testamentiese apokriewe tot stand gekom het
Dit het in totaal ander omstandighede as die Ou Testamentiese apokriewe tot stand gekom. Christen-skrywers het nie sommer dadelik geweet dat net die 27 boeke wat ons nou in ons Nuwe Testament het, die gesaghebbende boeke van die Bybel sou word nie en daar is 'n hele klomp geskryf, maar uiteindelik is daar op 'n natuurlike wyse deur Christene self onderskeid getref tussen wat gesagvol is en wat nie. Baie van hierdie boeke is ook heelwat later geskryf as die Nuwe Testament soos ons dit ken, en bevat duidelike verbeeldingsvlugte van die latere skrywers, maar selfs vandag is daar sommige geleerdes wat verskil oor waarom sekere boeke as Nuwe Testamentiese apokriewe beskou word alhoewel die meeste eenstemmig hieroor is.
Baie van die Nuwe Testamentiese apokriewe is nie volledig beskikbaar nie.

'n Lys van die Nuwe Testamentiese apokriewe:
EVANGELIES
Die Evangelie van Ebioniete
Die Evangelie van die Hebreërs
Die Evangelie van Nikodemus
Die Evangelie van Petrus
Die Kindheidsevangelie van Tomas
Die Proto-Evangelie van Jakobus
Die Evangelie van Maria
Die Evangelie van Filippus
Die Evangelie van Tomas

HANDELINGE
Die Handelinge van Andreas
Die Handlinge van Johannes
Die Handelinge van Paulus
Die Handelinge van Filippus
Die Handelinge van Petrus
Die Handelinge van Tomas

BRIEWE
Die Abgarlegende
Die Briefwisseling tussen Paulus en Seneka
Pseudo-Titus
Paulus se Brief aan die Laodisense
Derde Brief aan die Korinthiërs

OPENBARINGS
Die Openbaring van Petrus
Die Openbaring van Paulus
Die Openbaring van Tomas

Behalwe die apokriewe boeke is daar ook baie ander briewe en dokumente wat deur Christene in die eerste eeue geskryf is om inligting met mekaar uit te ruil. Veral van die belangrike kerkvaders het destyds hierdie briewe geskryf en word daarom genoem die Apostoliese Vaders.  Hulle is gelys as:

Klemens 1 & 2
Ignatius
Polikarpus
Die Didagé
Barnabas
Die Pastor van Hermas
Die Martelaarskap van Polikarpus
Die Brief aan Diognetus

Ons moenie hierdie boeke as totaal geskiedkundig korrek beskou nie maar dit leer ons baie van gebeure en oor gelowiges se denkwyses in daardie tyd.

In die volgende paar aflewerings kyk ons na die inhoud van die apokriewe boeke.

U soek na?

BOEKRESENSIE:

Die Legkaart van ons Lewe – ‘n Boodskap van Hoop

Lees meer oor dié getuienis by:

DIE LEGKAART VAN ONS LEWE

___________

VEROOTMOEDIGING 2014

U word van harte opgeroep om hierdie jaar saam voor ons almagtige God te kniel. Lees meer hieroor by:

KOM VEROOTMOEDIG SAAM

___________

BOEKRESENSIE:

DIE VOLMAAKTE REPUBLIEK – Christen-Teokratiese Separatisme

'n Boek getiteld DIE VOLMAAKTE REPUBLIEK - Christen Teokratiese Separatisme, uit die pen van ds AE van den Berg, het pas in gedrukte vorm verskyn. 
Suid-Afrika verkeer tans in 'n kommerwekkende toestand omdat mense se kennis oor die Bybel en die Staat so verwater het dat land en volk as gevolg hiervan ten gronde gaan.  
DIE
VOLMAAKTE REPUBLIEK - Christen Teokratiese Separatisme, bring helder perspektief oor rasseverskille en die natuurlike skeiding van rasse wat sal lei tot die herstel van Suid-Afrika. Die land het 'n dringende behoefte aan geestelike transformasie wat landsburgers van denkrigting sal laat verander en van al die sogenaamde polities-korrekte onregte en gewaande vryheid waarmee hulle belas word, sal bevry.
Lesers word aangemoedig om hulle daadwerklik vir 'n Christen-teokrasie in 'n volmaakte republiek te beywer deur sinvolle besluite te neem in die lig van God se Woord, en onophoudelik te bid dat dit spoedig hier aan die suidpunt van Afrika verwesenlik word. Politiek is 'n saak van erns en harde werk waardeur wet en orde gehandhaaf word en durf nie in eerlose hande gelaat word nie. God is 'n God van orde, en mense word aangemoedig om die koninkryk van God eerste te stel, iets wat op staatkundige gebied slegs in 'n Christen-teokratiese bestel tot sy reg sal kom.

U kan hierdie boek bestel by
ds AE van den Berg
Tel: 083 230 5686  of by vryheidsbediening @gmail.com
Prys: R50-00

 

BOEKE TE KOOP

‘n Nuwe Trek: Terug na u God

Die Oerteks van die lotsbepalende 1838-Gelofte

J L du Toit & dr L du Toit

('n Bundel oor die bronne vir die 1838-Gelofte is nou ook by Exclusive Books in Suid-Afrika beskikbaar: 'n Nuwe Trek (Exclusive Books) Prys: ZAR180

Alhoewel die nuutste prys op Exclusive Books se netwerf tans R191 per boek is by http://tinyurl.com/lx9vrs8

... en loot.co.za dit verkoop teen R169 http://tinyurl.com/l26h6jl

... kan u dit vir so min as R60 per boek direk by josefdutoit@gmail.com. bestel.

Lees meer by: 'N NUWE TREK: TERUG NA GOD


ONDERSTEUN U VOLKSGENOTE IN DIE GEVANGENIS

JULIE 2013

Wil u meer oor aktuele onderwerpe lees of vir iemand 'n besondere geskenk gee? Goeie voornemens;  Dink reg, leef reg; Moenie bekommer nie; Leuens; Woestyngedagtes, en Niks ontbreek nie, is van die aktuele onderwerpe wat in twee besondere preekbundels behandel word. Vir slegs R60 elk of R100 vir beide kan u 'n waardevolle bydrae maak vir u volksgenote in die gevangenis. Ondersteun hulle asseblief en bestel nou hierdie preekbundels by ds Andrè van den Berg by vryheidsbediening@gmail.com 

GOD PRAAT MET DIE BOEREVOLK – DEEL 2 NOU BESKIKBAAR

Hierdie bundel, net soos deel I, is saamgestel uit twintig van die beste boodskappe wat sterk op ons volkslewe gerig is. Die inhoud bestaan uit aktuele onderwerpe wat die daaglikse lewe van elke Christen raak. Die koste beloop slegs R60 (posgeld uitgesluit) en is 'n uitstekende geskenk vir die regte persoon. Die inkomste gaan in geheel aan gevangenisdiens vir ons volksgenote.
Plaas u bestelling per e-pos by ds Andrè van den Berg by vryheidsbediening@gmail.com
 


Bestel 'n uitstekende digbundel deur BOERIUS
Volledige besonderhede hier:

Gietoffers van my Siel


vryheidsbediening@gmail.com

 

Kliek op DIE CHARISMATIESE GEVAAR om meer oor hierdie boek te wete te kom
...
 

FILM OOR DR HF VERWOERD

Kyk by hierdie skakel http://youtu.be/TcO3zPF8998

  na die kort film oor dr HF Verwoerd.   
Dit kan ook direk bestel word by Riaan: +27823712682 of by riaan@intellect.org.za

 
 

SKERP SLAGSPREUKE

(Lees die reeks by SKERP SLAGSPREUKE)

'N BIETJIE LANGENHOVEN:

Ek sê nie al die suur mense is Fariseërs nie, maar naastenby al die Fariseërs is suur. In alle geval, solank hulle onthou om Fariseërs te wees. Want dis ook 'n inspanning.
Verbeel jou 'n wêreld sonder 'n skaterlag, sonder eens 'n glimlag. 'n Hemel op aarde, sal die Fariseër sê. Uit so 'n hemel sou ek wou wegloop hel toe.

Die man wat ek na soek, is nie dié wat die minste foute maak nie, maar dié wat die meeste foute régmaak.

Slaap laat solank as jy jou eie baas is en daar sal 'n tyd kom wanneer 'n 'n baas jou sal laat vroeg opstaan.

Ontydige vlyt is die merk van die luiaard. Dis sy verskoning vir ontydige rus.

Ons reken ons geluk vir ons loon en ons straf vir ons ongeluk.

Welvaart is die  dogter van matigheid en die moeder van weelde.

My swaarste pad trap ek self vir my plat, en die swaarste is die wat my voete nooit vat.

Daar is geen kuns by sukkel en geen sukkel by kuns.

Die boer wat nie saai nie sal nie misoeste kry nie, maar hy sal geen goeie ook kry nie.

Het die daeraad lief en die dag sal jóu liefhê.

'n Man wat werklik oor homself baas is, is nooit die kneg van 'n ander nie.

Dis die flukse perd wat flou word. Meer moeite as wat die vlytige het vir sy loon, het die luiaard verniet.

Op die ou end werk die vlytige man vir homself, die luiaard vir 'n ander.

In die sweet van sy aanskyn eet die Adamskind sy brood; in die sweet van 'n ander se aanskyn sy pastei.

Leer jou ambag so goed dat jy jou altyd kan verhuur aan 'n baas wat daar minder kennis van het as jy. Dan sal jy sy baas wees.

'n Presiese baas hou nie nalatige knegte lank nie. Dié wat hy nie wegja nie loop weg.

Maak in die somer hout bymekaar en sit in die winter by die vuur.

Kla net oor jou kooi as dit 'n ander is wat dit vir jou opgemaak het.

Hoe korter jy jou kuier maak, hoe gouer sal jy weer genooi word.

Om my naaste lief te hê is vir my 'n sware gebod. Met die mense daargunter kry ek dit nog op 'n manier reg.

Jy sê "ja" waar jy moes "nee" gesêhet omdat jy die ander nie wil aanstoot gee nie. Maar eken hoe het hy jou aanstoot gegee met sy versoek!

Aan 'n nuwe wa kan jy sien of dit 'n goeie skilder was; aan 'n oue of dit goeie wamaker was.

Trek liewer vir jou vriend jou broek uit as om vir hom vir 'n baadjie borg te staan. Anders loop julle naderhand albei nakend.

Die vriendskap wat jy moet koop is 'n duur artikel. Jy sal nie weer jou prys kry as jy dit van die hand wil sit nie.

Moenie vriendskap en besigheid meng nie – jy bederf albei.

'n Man wat nie vyande het nie deug nie vir 'n vriend nie.

Maak jou vriendelikheid goedkoop en hou jou vriendskap duur.

Moenie jou vriend vergeet nie; dit sal hom seermaak. Maak jou vyand daarmee seer.

'n Skare is 'n versameling van eensames.

Stuur die luiaard na die miere, en as hy nie te lui is om te gaan nie sal hy te lui wees om weer terug te kom.

Dis net so moeilik om maklikheid in die ou wêreld te kry as wat dit maklik is om moeilikheid te kry.

Waardeer die werk van jou vrou. Jy kan nie op die aarde 'n ander kneg kry vir dieselfde diens en dieselfde prys nie.

Met spaarsaamheid sal jy uit die kleinste inkomste iets oorhou; met verkwistery sal die grootste vir jou te min wees.

Besorg jou eie boodskap en reken die moeite teen dit wat die misverstand jou sou gekos het.

Het die ryk man nodig om so suinig te wees? Maar hy is nie 'n ryk man wat suinig geword het nie; hy is 'n suinige man wat ryk geword het.

Help jou swakke mededinger op die bene bly.  As hy tot niet gaan, kom daar dalk 'n sterke in sy plek.

  AFRIKAANSE IDIOME EN GESEGDES (7)

(Lees die reeks by AFRIKAANSE IDIOME EN GESEGDES - die hele reeks

  • Die adderbyt van naberou is verskriklik (Naberou is ontstellend.)
  • Hy het hom in 'n addergebroedesel begewe (Hy was tussen 'n groep nydige, aanvallende mense.)
  • Sy het hom adieu toegeroep (Sy het vaarwel gesê.)
  • 'n Adres van adhesie is 'n geskrif waarin instemming betuig word met 'n versoek.
  • Jy is nou by die verkeerde adres (Jy soek die oorsaak van die kwaad by die verkeerde persoon.)
  • Dit was advokatery (Dit was regskundige uitoorlêery.)
  • Hy sal die werk weer afbroddel. (Hy sal knoeiwerk of slordige werk verrig.)
  • Sy wil elke takie afbrom (Sy kla die hele tyd terwyl sy werk.)
  • Jy kan nou maar afdans (Jy kan nou maar skoert.)
  • Moet hom nie op sy verdienste afdwing nie (Moet hom nie verkleineer nie.)
  • Die ou werkie draf ek gou af (Ek sal dit sommer gou afhandel.)
  • Hulle wil die rusie afdrink (Hulle wil vrede maak.)
  • Sy het soms baie affêrinkies (Sy is dikwels vol nukke en nonsens.)
  • Hy sal wel weer geld van haar affutsel (Hy sal dit op 'n oneerlike manier van haar kry.)
  • Daar kan niks van afgaan nie (Dit kan nie ontken word nie.)
  • Hy sal 'n afgehekste loesing kry ('n deeglike pak slae.)
  • Sy is 'n afgelekte meisie (Sy het al baie kêrels gehad.)
  • Jy lyk so afgesak (Jy lyk baie moeg.)
  • Hy het afgetop gelyk (Hy het verleë gelyk.)
  • As jy iets van hom wil hê sal jy dit moet afgoël (Hy is so suinig!)
  • So 'n afhaler is onnodig ('n Onnodige belediging.)
  • As dit afhang moet ons dit maar opbind (Skertsend wanneer iemand gedurig begin met "Dit hang af..."
  • Na elke partytjie is hy babalaas ( dan ly hy aan die gevolge van te veel alkohol).
  • Daar was 'n Babelse gegons van stemme (Almal het gelyktydig gepraat).
  • Dit was 'n Babelse verwarring (Dit was baie deurmekaar).
  • Hy sal weer mooi broodjies kom bak (Hy sal kom vlei en mooipraat om sy doel te bereik),
  • Hulle eet nie uit een bak nie (Hulle is nie vriende nie).
  • Sy het hom 'n bak gewys (Sy het hom onvriendelik tereggewys).
  • Gou by die bak maar lui by die vak (Hy is eerste daar waar iets te ete is maar traag as hy moet werk).
  • Hy maak sy hande bak (Hy kom bedel iets).
  • Ons moes bak staan (Ons moes hard werk).
  • Dit was sommer 'n bakerpraatjie (Dit was 'n skinderstorie).
  • Jerusalem is die bakermat van die Christelike Kerk ( Dis waar dit begin het. 'n Bakermat was 'n mandjie waarin die baker – die vrou wat 'n pasgebore baba versorg het – die kindjie op haar skoot voor die vuur versorg het).

In die sweet van sy aanskyn eet die Adamskind sy brood; in die sweet van 'n ander se aanskyn sy pastei.

Leer jou ambag so goed dat jy jou altyd kan verhuur aan 'n baas wat daar minder kennis van het as jy. Dan sal jy sy baas wees.

'n Presiese baas hou nie nalatige knegte lank nie. Dié wat hy nie wegja nie loop weg.

Maak in die somer hout bymekaar en sit in die winter by die vuur.

Besoekers aanlyn:

We have 945 guests online