Dr Gustav Norval

MMR-entstof

Gegee: op 15 maande, 4-6 jaar en dan weer op 11-12 jaar.

In 1960 was 77 Down sindroom kleuters in Engeland deur Dr. Aldius en Professor Butler as proefkonyne vir ‘n entstof teen masels gebruik (google: “Down’s Babies Used in Vaccine Experiments”).   ‘n Entstof teen masels het daarna in 1963 op die mark verskyn en toe op groot skaal op 36,000 Britse kinders beproef.  In 1988 is die maselentstof saam met pampoentjies- en Duitse masels-entstowwe in die MMR-entstof (Merck & Co.) saamgevoeg.  Die entstof bevat neomisien, sorbitol, gelatien en lewendige-maar-verswakte-virusse gekweek op kuiken- en mensfetusweefsel, en is gerig teen die kindersiektes masels, pampoentjies en Duitse masels (Rubella).  Vandaar die naam MMR of Measels-Mumps-Rubella. 

In 1989 het die CDC en Kaiser Permanent C0. die sogenaamde ED-masel entstof op 1,500 Meksikaanse en Negerkinders in Los Angeles getoets.  Soos gewoonlik was entstoftoetse op mense uitgevoer wat as useless eaters bestempel word.  Die bevinding was dat die entstof die kinders se immuunstelsel vir 6 maande tot 3 jaar onderdruk en dat die kinders verskeie infeksies opgedoen en gesterf het.  Die WGO het sowaar daarna die entsof se gebruik aanbeveel, maar dit eers in 1992 van die mark onttrrek.  Volgens Miller behoort niemand wat allergies vir eiers is, met MMR geënt word nie.  Die doeltreffendheid van MMR-entstof word deur o.a die National Vaccine Information Center (NVIC) bevraagteken en die besware hierteen word vervolgens saamgevat onder die volgende hoofde:

* tydelike immuuniteit:

Die NS:Nov.1989 skryf: “Evidence is growing that the vaccine used worldwide against measles may not always provide lifelong protection against the disease.”  Dit kom daarop neer dat mense ‘n paar jaar na die aanbevole inentings teen masels weer vatbaar word vir masels en dat epidemies dan moontlik word.  Een inenting teen masels bied slegs tydelike beskerming teen die maselsvirus.  In die NS:Aug.1990 word berig dat die VSA en Sentraal Amerika ‘n erge maselepidemie beleef en dat daar in die eerste helfte van 1990 7,600 maselgevalle gerapporteer was, ‘n 40% toename van wat dit in 1989 was.  Uiteindelik was daar 18,000 masel-gevalle en 41 sterftes in die VSA.  Dan die erkenning: “About 40% of those who have contracted measles in the current epidemic have been vaccinated” en volgens gesondheidsowerhede het sommige kinders masels gekry omrede die kinders nie die ‘booster’-dosis ontvang het nie.  Die volgende jaar was daar weer 27,000 maselgevalle in die VSA, die meeste waarvan onder Negers en Meksikaanse immigrante.

Miller skryf: “In the US, measles and rubella are resurfacing despite the shots.  A large majority of measles are occurring in vaccinated people. To conceal this fact, authorities recommend a booster shot at 4 to 6 years.”  In Minnesota was daar byvoorbeeld 769 gevalle van pampoentjies in staatskole in die 1990’s: hiervan was 632 (82%) kinders voorheen daarteen geënt.   Volgens die CDC was 89% van alle kinders wat masels in 1989 opgedoen het, voorheen teen masels ingeëent.  Toe ‘n maselepidemie in 1992 uitgebreek het, was daar 2,720 gevalle aangemeld en hiervan was nogal 72% daarteen geënt.  Wanneer min maselgevalle voorkom, word gesê dat die entstofprogram suksesvol was, maar wanneer masels in groot getalle uitbreek, word die ouers geblameer dat hulle nie hul kinders vir ‘n “booster-dosis” geneem het nie. 

Kinders kan masels maklik oorleef, mits die kind se voedingstatus en immunniteit in goeie orde is.  Maar wie weet wat die sterftetempo sou wees sonder enige entstof?  In arm lande is immunisasie grootliks afhanklik van geld wat donateurlande skenk om die program in arm lande in stand te hou.  Jaarliks sterf sowat 2 miljoen kinders aan masels in arm lande en volgens die entstof-firmas is dit grootliks omrede die kinders nie ‘n opvolg ‘booster gekry het nie.  In Uganda het WHO-amptenare almal voor die voet ingeënt, of hulle nou reeds masels gehad het (en dus daarteen bestand is) of te nie.  As dit nie oneties is nie, wat is?  Volgens die NS:April 2000 werk MMR nie vir Afrika nie, aangesien sommige variante van Afrika-maselvirusse bestand is teen die antiliggame wat dit in die ontvanger uitlok en ook omrede die WGO-maselentstof slegs een (verswakte) maselvirus-variant bevat.  So word die piekanninies geënt met ‘n waardelose entstof en dit terwyl hulle weet dat die entstof probleme veroorsaak waar wanvoeding voorkom (Review of Infect. Diseases: Mei, 1983).  Toe die masels-entingsprogram in 1970 in Sentraal Afrika van stapel gestuur was, het dit slegs die voorkoms van masels tydelik afgebring van 18 tot 4 per 100,000, maar binne 15 maande na die enting, was die syfer weer terug op 18 per 100,000.

* kolitis:

Volgens Garret ontwikkel baie kinders dikdermontsteking (kolitis) as hulle MMR voor 15 maande oud ontvang en verder maak 4,1% van geënte kinders geen antiliggame teen masels nie.  Die British Medical Journal:April 1992 waarsku dat die toediening van MMR die ontvanger ook blootstel aan ‘n verhoogde risiko vir kolitis.  Volgens die Lancet: April 1995 is daar ‘n verband tussen die maselsentstof en die voorkoms van dermsiekte en die ontvangers is ook 3 keer meer vatbaar vir die ontwikkeling van kroniese dermsiektes soos Chrön se siekte en ulseratiewe kolitis. 

* meningitis:

In Japan moes die MMR se pampoentjies-komponent vervang word weens die talle meningitisgevalle wat dit veroorsaak het (NS:Febr.2002).  Volgens Muhlendal word dit nie aan ouers vertel nie: “because of the extreme rarity of this complication, parents need not to be told about the risk before deciding on vaccination” (The Lancet:Aug.1988).   Volgens The Lancet:Sept.1992 het Britse farmafirmas hul MMR-entstof in 1992 onttrek weens die feit dat meningitis in geënte kinders voorgekom het.

* ensefalitis (breinontsteking) wat hospitalisasie benodig

* arthritis (gewrigsontsteking)

* outisme (“autism spectrum disorder/mad child disease”)

Outisme is ‘n toestand waar ‘n kind homself onttrek in sy eie private wêreld waar kommunikasie, sosiale interaksie, leervermoë en sensoriese stimulasie agteruitgaan.   Kinders met outisme ly ook aan ‘n verswakte immuniteit teen infeksies – dermontsteking is een van die eerste tekens van die toestand.  Sowat 4% van Amerikaanse kinders ly aan wisselende grade van outisme.  Die voorkoms vam outisme het drasties in die laaste aantal jare gestyg, byvoorbeeld 876% in 8 jaar net in California alleen (google: “Vaccines link to massive rise in autistic children”).   Dit kom neer op 6 kinders per dag, of een nuwe geval elke 6 uur in een Amerikaanse staat! (google: “Vaccinations may be Rx for Disaster”).

Volgens Cassel-Harkins (sien google: Vaccines, Mercury Toxicity and Skyrocketing Autism: 2002 Update Report”) het die CDC resultate gekook wat op die gevare van kwik (timerosal of etielkwik) in MMR-entstof wys en dat timerosal ADD, breinskade, leerprobleme, spraakprobleme en outisme veroorsaak.  Volgens ‘n CDC-verslag ontstaan breinskade na inname van 62,5 mikrogram kwik in babas (een ampule entstof het 25 mikrogram kwik), maar dit het nie gemaak dat die farmafia-kliek die kwik uit entstowwe nie verwyder het nie.  Talle Amerikaanse kinders kry soveel as 237 mikrogram kwik van geboorte tot 18 maande oud in en dit alles a.g.v. ‘n reeks verpligte inentings.    

Andrew Wakefield van die Royal Free Hospital in London het in 1998 twaalf gevalle opgeskryf van kinders wat binne 14 dae na die toediening van MMR outisme en derminfeksie ontwikkel het.  Wakefield het (volgens die NS:Febr.2001) verklaar dat hy toe alreeds van 170 outisme gevalle weet wat gevolg het net na die toediening van MMR.   Volgens hom verander die maselsvirus-gene in die entstof die derm op so ‘n manier dat voedselafbraakprodukte soos peptiedes makliker deur die derm in die bloedstroom inkom, waarna dit die brein beskadig.  Hy beweer voorts dat maselsvirusse algemeen in ontsteekte dermwande gevind word. 

 Dr. LEN HOROWITZ            

Dr. Horowitz (sien: www.tetrahedron.org) wys daarop dat entstowwe soos MMR ‘n reeks immuunonderdrukkende chemiese stowwe bevat (sien ook google: “Vaccine Ingredients and Contact Info”):

• aluminiumsulfaat
• 25 mikrogram timerosal per ampule (etielkwik): ‘n kwikverbinding wat tydens die vervaardiging van MMR-entstof gebruik word en verantwoordelik is vir outisme en wiegiedood in kinders (google: “God’s Medical Malpractice Case Against Vaccine makers). 
• Formalien
• Polisorbaat
• Fenoksie-etanol
• Gealtien en sukrose
• Skaap-rooibloedselle
• Natriumglutamaat (MSG)
• grondboonolie
• Varkpankreas proteïen
• Menslike aborsieweefsel
• Antibiotika soos polimiksien, neomisien en gentamisien

Volgens Dr. Horowitz bestaan daar ‘n: “secret report showing a definitive link between the mercury ingredient (ie. thimerosal), common to most vaccininations, and the skyrocketing rates of autism and behavioural disorders affecting our children.”  Die polemiek duur voort: Horowitz is so seker van sy saak dat hy en Kongresman Burton van Indiana die timerosal-kwessie by die Amerikaanse Kongres geopper het.  Op 26 Aug 2004 het die California parlement ingestem om vanaf Junie 2006 alle timerosal-bevattende entstowwe in die staat te verbied. Sekere entstowwe moes sedert 1999 timerosal uitfaseer, maar in 2004 was daar nog steeds entstowwe met timerosal op die mark.  

O’Leary van die Trinity College in Dublin meen dat daar ‘n verband bestaan tussen masels, dermontsteking en outisme: “75 of 91 children with regressive autism had the measles virus in damaged areas of their bowels, whereas the virus was present only in 5 of 70 normal youngsters” (NS:Junie 2002).  Nadat O’Leary 12 uit die 75 simptomatiese kinders bestudeer het, maak hy die volgende belangrike punt: “the virus in their guts is the weakened strain used in MMR, the triple vaccine against measles, mumps and rubella.”  Wakefield se kommentaar hierop was: “MMR virus present in the damaged guts of autistic children adds to the evidence for a causal connection between MMR and autism.”   Entstof-ghoeroes skiet die bevindings af en beweer dat die dermprobleme eerder die simptoom as die oorsaak van outisme is en dat kinders met onderliggende ontwikkelingsprobleme nie die virus uit hul derms kan skop nie.  Hulle weier om MMR verantwoordelik te hou vir hierdie probleme.

Wakefield het die saak verder gevoer en na die Amerikaanse Kongres verwys, waar hy gesê het dat die kwik in die MMR-entstof kinders se immuunstelsel verswak op so ‘n wyse dat die maselsgene in die MMR die kind beskadig.  Verder beweer hy ‘booster’-entstowwe die graad van outisme en dermontsteking vererger en dat kinders wat ‘boosters’ ontvang meer gedragsafwykings toon as die wat net een MMR-enting ontvang het.  Maar firmas wat MMR maak wil nie hoor dat hul wonderlike MMR-entstof outisme in sommige kinders veroorsaak nie.

Singh van die Utah State University vind dat outistiese kinders meer maselsantiliggame produseer as ander kinders en dat die MMR die reaksie aan die gang sit (NS:Febr.2002).  Volgens die Jnl. Of Allergy and Clinical Immunology (vol. 109, Jan 2002) het 60% van outistiese kinders teenliggaame teen maselsvirus-gene wat in MMR-entstof voorkom, tesame met teenliggame teen breinweefsel in hul bloed wat geensins in nie-outistiese kinders voorkom nie.  Volgens Singh is outisme ‘n outo-immuun siekte, aangesien hy hoë vlakke van antiliggame teen senuwee-proteïen by outistiese kinders gevind het.  Singh beweer voorts dat sommige kinders met een of ander genetiese vatbaarheid se immuunstelsel uitermate teenoor die maselsgene in MMR-entstof reageer: “53% of 80 autistic children (but none of 60 other children) had abnormal antibodies to the measles component of the MMR.  What we are finding, is that many autistic children have an inappropriate respons to MMR.  An atypical measles infection, perhaps in children with a particular genetic vulnerability, might lead to autism.  It might be possible to identify children who shouln’t be given the vaccine.” 

Die farmafirmas was egter gou om te probeer bewys dat MMR en outisme nie verband hou nie, aangesien hulle vrees vir massiewe teëkanting teen hul produk en hofsake wat daaruit kan voortspruit.  Die firmas wys die publiek daarop wat die gevolge is in ‘n bevolking wat nie MMR ontvang nie.  Hulle sê dat die kinders encephalitis, breinskade en “subakute skleroserende panensefalitis”/SSPE sal ontwikkel, dat miskrame en geboorte-afwykings met blindheid en doofheid kan onstaan by babas wat gebore word van moeders met Rubella-infeksie (Duitse masels).  Met betrekking tot die risiko’s, kom die firmas met die ou storie dat MMR wel ‘n risiko inhou, maar: “the risks from the diseases themselves are far greater” en dat die risiko’s egter weglaatbaar klein is: naamlik 4 per 100,000 dosisse (NS:Febr.2001). 

Toetse wat in Australië en Finland uitgevoer was, kon geen verband tussen MMR en outisme vind nie, terwyl Amerikaanse wetenskaplikes gepoog het om die fokus van MMR te verskuif en ‘n sogenaamde “outisme-geen” geïdentifiseer het wat verantwoordelik sou wees vir outisme.  Maar volgens die NS:Mei 2000 is die geen maar net teenwoordig by ‘n klein persentasie van outistiese kinders.  

Marchant meen dat outisme ‘n genetiese grondslag het en dat iets in die omgewing die siekte na vore laat tree: “autism is at least partly a genetic disorder.  And while many autistic children show signs of autism from birth, some seem to develop normally but then regress after their first year.  This suggests it is triggered by something in the environment.  It may well be both: something in the environment may trigger the disease in children who are genetically susceptible.”  Die “something” is heelwaarskynlik MMR, want die CDC erken self dat kinders wat timerosal-bevattende entstof ontvang, 27 keer meer outisme toon as kinders wat nie MMR gekry het nie (google: “Why don’t the Amish have Autistic Children”).  Laasgenoemde artikel vertel ons dat die Amish-kinders (die Amish is ‘n geloofsgroep wat apart leef en nie hul kinders laat inent nie) geen probleme het met outisme, soos die 1 uit 166 Amerikaanse kinders rondom hulle nie.   Baie insiggewend!

Ander weteskaplikes meen outisme is die gevolg is van ‘n Vitamien A gebrek (NS:Febr.2001), terwyl ander meen dat outisme te wyte is aan ‘n verteringswanfunksie, waar ‘n kind nie melk-of graanproteïene kan verteer na aminosure nie, sodat skadelike peptiedes vorm wat dan in die bloedstroom beland en uiteindelik die brein beskadig.

Die NS:Febr.2001 wys daarop dat die outisme-statistieke skielik met die gebruik van MMR in die 1980’s drasties gestyg het: voor die 1980’s  was slegs 1 uit 2500 kinders as outisties gediagnoseer, maar  onlangse studies wys dat die toestand nou in soveer as 1 in 250 is.  Die Britse pers het ook gewys op die outisme-MMR verband en duisende bekommerde ouers het daarna geweier om hul kinders te laat ent.  Maar Britse regerings-epidemioloë het dadelik probeer bewys dat daar geen verband is tussen MMR en outisme nie.  Tony Blair se regering moes net bontstaan om weer ‘n positiewe beeld van MMR-entstof te skep en ‘n massiewe advertensieveldtog was geloods om weer die ouers se vetroue in MMR te herstel.  Sommige ouers het die Britse gesondheidsminister na die hof gesleep om kompensasie vir hul outistiese kinders te beding. 

Die tragedie is dat entstofbeseerde kinders met kroniese siektes soos outisme lewenslank afhanklik word van die farmafia se kroniese medikasie en “lewensreddende” konkoksies wat hulle voorsien.  Hul slagoffers verseker die firmas van ‘n konstante stroom van dollers.  Ja, timerosal veroorsaak beslis breinskade en bes moontlik speel dit een of ander rol by kinders met leer- en konsentrasie-probleme en waarskynlik ook in gedragsafwykings wat by baie kinders voorkom.   Baie miljoene kinders loop deur onder die farmafia, wat ‘n regeringsgesteunde vrypas het, ja, ‘n “licence to kill” het om hekse-konkoksies bestaande uit kieme, vreemde gene, kwiketiel en ander nadelige gemors in brose liggaampies van babas en kleuters in te spuit.

* ITP (idiopatiese tromositopeniese purpura):

Dit is waar bloedplaatjies vernietig word deur ‘n pasiënt se eie immuunstelsel met gevolglike bloedings dwarsdeur die liggaam.  Volgens die NS: Maart 2001 is dit te wyte aan maselsvirusse in MMR-entstof.  Die virusse kleef aan bloedplaatjies en verander die bloedplaatjies op so ‘n manier dat die liggaam se immuunstelsel dan die plaatjies aanval en uitwis.  ITP kom by 1 in 27,000 MMR-geënte kinders voor, waarvan die meeste gehospitaliseer moet word.  Twee derdes van ITP-gevalle wat binne 6 weke na MMR-inenting voorkom, word deur MMR veroorsaak.  Die toestand klaar op na ‘n paar weke, maar by 5% van gevalle word die toestand kronies en benodig verdere behandeling.  Volgens Miller, kom ITP egter meer algemeen as outisme na die toediening van MMR voor.

* Yuppy griep:

Volgens Miller is die Rubella-entstof teen Duitse masels (wat in 1979 op die mark verskyn het), die oorsaak van die sogenaamde “Yuppy griep” (Engels “Chronic Fatigue Syndrome”/CFS) wat vir die eertse keer in 1982 in die VSA beskryf was.  Die toestand, ook genoem  “mialgiese ensefalomiëlitis”, CFIDS (chronic fatigue and immune dysfunction syndrome) veroorsaak koors, keelseer, geswolle limkliere, spierpyn, spierswakheid, kopseer, slaapversteurings, diaree, emosionele veranderings, die opbou van melksuur in spierweefsel, depressie, erge chroniese moegheid en lusteloosheid.  Volgens Liëberman (Clinical Ecology:vol.7, no.3) word dit veroorsaak deur Duitse maselsvirusse (Rubellavirus) en kan die toestand selfs van een mens na ‘n ander tydens sosiale kontak oorgedra word.  Die farmafia-wetenskaplikes het weereens die MMR-CFS verband bevraagteken en beweer dat CFS eerder die gevolg is van te min kortisol-bynierhormoon in die liggaam.  Onlangse navorsing wys daarop dat sogenaamde “stealth viruses” vir die toestand verantwoordelik is en dat hierdie virusse in aapnierweefsel voorkom waarop sommige entstowwe gekweek word.  Maar moenie dink die farmafia sal ooit die oorsaak in hul konkoksies soek nie. 

Vervolg…(6)