Gedagtes vir elke dag
Of lees almal by Gedagtes vir elke dag
God is besorg oor die dinge in jou hart want ʼn beter wêreld, land, gemeenskap en gesin begin op geen ander plek as in jou hart nie. As ons met rein harte begin bid, sal ons verbaas staan oor wat God met Suid-Afrika gaan doen.
DIE MOORDVIRUS (6)
Lees reeks by Die Moordvirus
EJG Norval
VIGS IN SUID-AFRIKA (2)
In die Wes-Kaap het VIGS stadiger gegroei met 1,66% in 1995; 3,1% in 1996 en 6,2% in 1997, hoewel sekere areas soos Plettenbergbaai, Knysna en Guguletu-Khayalitcha in 1997 sowat 12% positiewe groei getoon het. Tuberkulose-gevalle het in die vorige dekade verdubbel vanweë MIV se bydrae en volgens Die Burger (Januarie 1997) het die voorkoms van MIV in die Wes-Kaap tussen Januarie 1996 en Januarie 1997 verdubbel van 3,09% tot 6,29%. Teen hierdie tempo sou 24% van die Wes-Kaapse bevolking twee jaar later MIV-draers wees. Op 2 Desember 1997 het Die Burger berig dat 13% van Khayalitsha se inwoners besmet is en dat 'n Wêreldbankverslag voorspel het dat die epidemie Afrika gaan verswelg.
Verder is berig dat die siektesyfer elke 12 maande in Transvaal verdubbel, dat daar reeds 2,4 miljoen gevalle bekend is en dat daar 7 miljoen MIV-draers sou wees teen 2007, bo en behalwe die 1,5 wat dan reeds aan VIGS sou ly. Geprojekteerde waardes het daarop gewys dat die Transvaalsyfer tot 25% in 2002 sou styg.
Die Australiese pers het berig dat Suid-Afrika een van die wêreld se vinnigste groeiende VIGS-infeksietempo's het, dat ongeveer 5 miljoen Suid-Afrikaners teen 2000 deur die virus geïnfekteerd is, en dat die verdubbelingsperiode tussen 20 tot 24 maande is.
Die AIDS Bulletin van 1992 skryf dat die verdubbelingstyd 7 tot 9 maande was in 1988-1989. Daarna het die SA Mediese Joernaal:84, 1994, berig dat die verdubbeling elke 12 maande plaasvind.
VIGS in Suid-Afrika het vinnig toegeneem in Suid-Afrika, in weerwil van die SA Departement van Gesondheid wat in Oktober 2003 verklaar het dat daar net 4,69 miljoen MIV-positiewe mense in die land was, en dat die infeksietempo aan die afplat was – dit was dus 'n leuen want ons weet dit het pandemiese afmetings aangeneem en dat grootskaalse behandeling van die massas buite die kwessie is. Daar is geen fondse beskikbaar om alle MIV-draers gratis op staatsonkoste te behandel nie, en dit geld vir enige land ter wêreld maar veral vir Suid-Afrika wat deur 'n kommunistiese regime nie belastingsbetalersgeld kanaliseer na waar dit moet gaan nie.
Ten spyte van president Bush (jr) se $1 000 miljoen skenking van Amerikaanse belastinggeld aan Afrika (soos in Augustus 2002 deur die media gerapporteer) waarmee Afrikalande anti-retrovirale medikasie moes koop om "VIGS hok te slaan", het dit niks bygedra om MIV te stuit nie. Soos later beskryf, kan die sogenaamde "anti-retrovirale middels" slegs VIGS se simptome tydelik vertraag en uiteindelik is dit net skatryk Amerikaanse farmaseutiese korporasies en hul aandeelhouers in die VSA-regering wat by die aankope baat.
Volgens Clem Sunter van die Anglo-American Maatskappy sou VIGS-medikasie in 1996 al op R50 000 per persoon per jaar te staan gekom het en sou R100 miljard benodig word om 2 miljoen MIV-draers te behandel, 'n som wat 20% meer as hierdie land se totale bruto binnelandse inkomste beloop het.
Die volgende aanhalings is beramings wat die tempo waarteen VIGS in Suid-Afrika uitbrei aantoon:
- Volgens die BS: Julie 2000 is SA by verre die ergste geaffekteerde land. Syfers deur die VV se organisasie, UNAIDS, het voorspel dat die helfte van tienerseuns vandag, later in SA sal sterf aan VIGS. Hulle self het ook nie hul weg oopgesien om betyds genoeg anti-retrovirale middels aan Suid-Afrika te verskaf nie.
- Die UNAIDS-verslag van 2003 het gemeld dat 70% van alle manlike persone tussen 15 en 49 jaar oud in die Afrika Statebondslande MIV-positief is. Ook is dit bekend gemaak dat Suid-Afrika, wat maar 1% van die wêreld se bevolking uitmaak, 'n yslike 12% van die wêreld se VIGS-getalle uitmaak en dat 5 000 slagoffers daagliks in SA aan VIGS sterf – Augustus 2003.
- Die John Hopkins Universiteit in die VSA het in Oktober 2003 verslag gedoen oor die stand van VIGS in suidelike Afrika en onder ander gewaarsku dat 66% van die kinders in Suid-Afrika teen 2015 aan VIGS sal sterf. Sou dit moontlik wees om die risikofaktore in hierdie groep met 50% te halveer, sou daar steeds 47% van die kinders teen 2015 sterf.
- In Botswana sal 88% van die kinders teen 2015 gesterf het en sou die Botswana regering daarin slaag om die land se risikofaktore te halveer, daar steeds 78% gaan sterf.
- In Zimbabwe is die ooreenstemmende syfer 52% en al sou die risikofaktore totaal verwyder word, sal al die huidige MIV-draers teen 2015 uitsterf. Volgens die UNAIDS-verslag is dit egter oral te laat om die ramp af te wend en gaan die lewensverwagting vir SA teen 2010 slegs 30 jaar wees. Geen wonder die SA Gesondheidsdepartement keer dat die statistiek bekend gemaak word nie aangesien syfers soos hierdie wat in die UNAIDS-verslag vervat is, 'n verleentheid is en een wat soos 'n etiket om die regering se nek hang dat VIGS buite beheer is. Sulke statistiek skep geen beleggersvertroue nie en nog minder dien dit as 'n toeriste-aantreklikheid.
- Die Burger: September 1998 se hoofartikel getitel "Dreigende VIGS-epidemie", berig: "Volgens die Wêreldbank dra een uit elke veertien mense in SA die MIV-virus. Die syfer kan straks nog styg omdat die virus die land ook deur baie onwettige immigrante ingebring word uit Afrika suid van die Sahara, waar 63% van die inwoners reeds besmet is."
- Ekonome by die Universiteit van Natal het beraam dat daar teen 2000 reeds 250 000 Suid-Afrikaanse VIGS-wesies was en dat die getal teen 2005 tot 1 miljoen sou toeneem (die waarheid sou ons egter nooit later verneem nie). Sowat 60% van alle MIV+ mense in SA val in die 15-25 jaar ouderdomsgroep. Interessantsheidshalwe kan hier genoem word dat mense ouer as 35 jaar die VIGS-simptome gouer ontwikkel as jonger mense na infeksie.
- Volgens die 'SR Epidemiological Comments' (vol 2.1, 1994), is die verspreiding van die siekte onder die verskillende bevolkings by verre die hoogste in swart bevolkings.
- In sekere streke in Suid-Afrika is die infeksietempo buite verhouding hoog (die sogenaamde 'hot spots') soos Fort Beaufort-omgewing waar 50% van die mense in 2002 positief getoets het – Die Tigerland: Maart 2002, en die Richardsbaai-gebied waar 'n syfer van 45% in 1997 voorgekom het.
- Die lyk nie of VIGS-onderwys op skole enige vrugte afgewerp het nie: 87% van skoolkinders in die drie hoogste grade is seksueel aktief – hiervan beoefen 52% 'onveilige' sekspraktyke, en 47% glo dat die siekte geneesbaar is – SA Med. Journal: vol 82, 2992.
- Van die tradisionele genesers is daar 71% wat nie glo dat seksuele omgang die hoofoorsaak is van MIV/VIGS nie. Terselfdertyd glo 71% dat 'n diep soen nie VIGS kan veroorsaak nie en het baie lede van die swart bevolking probleme met die beoefen van sogenaamde 'veilige seks' aangesien hulle kondome beskou as 'n "challenge to the male ego, and were associated with sexually transmitted diseases. Their contraceptive properties were viewed with suspicion and considered undesirable by those teenagers who wished to prove their fertility."
Intussen tik die VIGS-bom meedoënloos voort in Afrika, onder die wakende oog van die SA Departement van Gesondheid en die UNAIDS-organisasie.