Gedagtes vir elke dag
Of lees almal by Gedagtes vir elke dag
As 'n trein deur 'n tonnel gaan en dit donker om jou word, gooi jy nie die treinkaartjie weg en spring van die trein af nie. Jy sit stil en vertrou die ingenieur.
DIE MOORDVIRUS (3)
Lees reeks by Die Moordvirus
EJG Norval
VIGS IN AFRIKA (1)
Dit blyk dat die eerste Afrika VIGS-gevalle vissermanne was, afkomstig van die Zaïre-kant van die Tanganjikameer, soos deur dr Piot teen die einde van die 1970's opgeteken. Die mense het aan 'n eienaardige longsiekte gely en Piot het hulle na Antwerpen oorgeplaas waar hulle ten spyte van behandeling gesterf het. Volgens Garret was die eerste VIGS-geval waarskynlik in 1977 in die Mama Yemo-hospitaal in Kinshasa, Zaïre, opgeneem en het die vrou die daaropvolgende jaar gesterf. 'n Bloedmonster van hierdie pasiënt het later bevestig dat sy aan VIGS gesterf het.
In die begin van 1983 het 'n jong Noord-Tanzaniese prostituut met VIGS-simptome gepresenteer en die storie was dat sy die virus van 'n materiaalverkoper gekry het. Die inwoners van die stat het haar toestand dadelik aan toordery toegeskryf, maar 'n Tanzaniese dokter het 'n bloedmonster geneem en dit aan die CDC vir ontleding gestuur.
Dit was daarna duidelik dat MIV ook na Afrika gekom het en die CDC het dadelik sy spanne 'safari scientists' na Afrika gestuur om die omvang van die infeksie te bepaal. Tanzaniërs wat die uitwerking van die siekte aanskou het, die uittering van en die veelvuldige Kaposi-letsels oor die hele liggaam, het aanvanklik verkies om selfmoord te pleeg deur Thiodan insekdoder te sluk wanneer hulle gehoor het dat hulle positief toets vir die nuwe siekte (wat aanvanklik die naam 'slim disease' gekry het).
Teen die einde van 1985 was daar nog maar net 35 sterftes en 206 gevalle in die Kagera-hospitaal in Tanzanië gerapporteer. Volgens Garret se stelling kon mens dalk afleidings maak: " Of particular concern was the discovery that series of injections for some reasons during the previous two years than other patients in the hospital." Wie die inspuitings toegedien het, en watter tipe inspuitings toegedien is, bly 'n onopgeloste raaisel, wat waarskynlik interessante lig sou kon werp op die aankoms van MIV in Afrika.
Besmetting word aangewakker deur die feit dat naalde in meeste Afrika-lande herhaaldelik gebruik word tydens die toediening van entstowwe en antibiotika deur lokale WGO-opgeleide verpleegsters. Volgens CDC-wetenskaplikes wat in 1985 na Tanzanië gereis het om die epidemie te ondersoek, is vuil naalde, wat tydens die entstoftoedieningsprogram gebruik is, verantwoordelik vir die verspreiding van MIV. Maar wat van die entstof self; hoe skoon was dit en was dit werklik MIV-vry?
Teen die einde van 1984 het die 'US Walter Reed Army Facility' bloedmonsters vanuit Zambië getoets en gevind dat die siekte ook Zambiëgetref het. Die CDC-span het ook hul tasse in November gepak en afgesit na Kinshasa-hospitaal in Zaïre, waar daar 38 gevalle in die hospitaal positief getoets het – mans en vroue. Die 'safari scientists' in Zaïre was verstom om te sien dat vroue ook die siekte kon opdoen en die bevindings probeer publiseer, maar hulle het hulself teen 'n muur van teenkanting vasgeloop. Die Westerse wetenskap wou op daardie stadium nie hoor dat MIV ook vroue kon infekteer nie.
Sowat 95% van alle MIV-positiwiteit het in die arm lande voorgekom en 70% suid van die Sahara. Die finansiële las om hulle op staatskoste te behandel het te groot geword vir die meeste van hierdie lande. Volgens 'n voormalige direkteur van die WGO, ene Mann, het navorsing in 1990 aangetoon dat uit 100 van die grootste hospitale in ontwikkelde lande, die meeste nie meer kon voorbly nie, soveel te groter die probleem in die onontwikkelde lande.
Tydens die CDC se eerste Internasionale Konferensie oor VIGS in 1985, het Montagnier onder andere gesê dat VIGS in Afrika ook versprei is op 'n nie-seksuele wyse. Gedurende dieselfde konferensie het Gallo genoem dat bloedmonsters van 1972 uit Uganda reeds die virus bevat het maar volgens ander inligting is die eerste opgetekende gevalle glo eers in 1979 in die VSA gewees. Ook tydens hierdie konferensie het ene Mac Essex aangekondig dat hy die aapvirusse, genaamd STLV.3-mac en STLV.3-agm in die VSA se 'Primate Center' gevind het en dat die VIGS-virus in ape ontstaan het. 'n WGO-spreekbuis het weer beweer dat VIGS dieselfde tyd in Afrika ontstaan het as in Amerika. Tydens die konferensie het Europese joernaliste die Afrikadelegate die harnas ingejaag met vrae soos: "Tell met Docter, is it true that Africans have sex with monkies?"
In Afrika was daar 'n groeiende antagonisme teenoor die 'safari scientists' wat sentraal Afrika-state besoek het om bloedmonsters te versamel en daarna pad te tee om epidemiologiese statistieke met betrekking tot die toename en verspreiding van die siekte in Afrika, in die VSA te publiseer. Hierdie navorsers het geen medikasie of noodsaaklike spuitnaalde saamgebring nie; hulle het gekom met mooi beloftes om groot somme geld vir VIGS-navorsing te skenk en verder het hulle vinnig 'n klompie plaaslike swart assistente opgelei om die nodige bloedmonsters te neem Dit was die somtotaal van die sogenaamde "hulp" wat deur ontwikkelde lande aan Afrika in die 1980's en 1990's geskenk is. So het president Arap Moi van Kenia die CDC beskuldig: "African AIDS reports are a new form of hate campaign."