Klaus Dieter Vaqué

Lees reeks by Misleiding van die volkere

Geen eeu in die geskiedenis van die mensdom was nog ooit so gekenmerk deur leuens en bedrog soos die twintigste eeu nie, 'n eeu wat nou ten einde snel, en beplan is om te lei tot die begin van 'n "nuwe wêreldorde" waarvan die meeste mense nog nie die vaagste benul het nie. 'n "New Age", 'n nuwe tydsgewrig gaan volgens die beplanning van die samesweerders aanbreek, 'n era wat sy ontstaan vind in 'n eeu van onvoorstelbare menslike lyding; 'n sataniese tydsgewrig wie se god die "vader van die leuen" sal wees; 'n tydsgewrig wat "die bewoners van die aarde verlei," soos die Bybel dit uitdruk in Openbaring 13, vers 14.

Wie in Suid-Afrika lewe en die totale aanval op hierdie land mee­maak, gewaar hier waarskynlik duideliker as op enige ander plek in die wêreld die gekoördineerde aanslag van die geheime magte van duskant en van anderkant die ystergordyn. Dit mag wees dat hulle hier minder moeite doen om die samewerking tussen Oos en Wes geheim te hou omdat Suid-Afrika se mond propagandisties so gesnoer is dat die land — in elk geval van amptelike kant — byna nie effektief kan terugslaan nie. Of dit mag ook wees dat die toenadering of sogenaamde "glasnost"-politiek ("propaganda") van die Sowjetunie met die Verenigde State intussen al so ver gevorder het dat hulle die wêreldbevolking so stadigaan wil voorberei vir die beplande samesmelting tot 'n wêreld­regering.

In ooreenstemming hiermee word daar vandag in Europa al skeefge­kyk na iemand wat 'n al te duidelike anti-kommunistiese houding aan die dag lê en 'n mens word dan sommer maklik uitgekryt as "koue kryger" of iets soortgelyks. So 'n houding sou natuurlik ook nie ooreenstem met die verbroedering van die twee wêreldsisteme waarna daar gestrewe word nie. Gevolglik bevorder die massamedia en die geheime manne agter hulle die toenadering en die linkse neiging van die bevolkings op dieselfde wyse as wat die Protestantse en Katolieke kerke van die Aandland, wat eens op 'n tyd Christelik was, nou eis dat daar met ander gelowe "dialoog" en "verdraagsaamheid" moet wees om die pad voor te berei vir die groot verenigde wêreldkerk wat beoog word.

Hoe die samespel met die Sowjetunie en die beplande wêreldrege­ring sou funksioneer, is reeds in 1958 in die amptelike tydskrif van die "American Jewish Committee", New-York, soos volg verduidelik: "Die internasionale regering, die VVO, is eintlik 'n gemeenskaplike interna­sionale regering van die VSA en die Sowjetunie bymekaar".

In 1967 was dit 'n radio-kommentaar van "The Voice of America" wat in die Europaprogram van hierdie sender die kat uit die sak gelaat het. Dit was seker bedoel as 'n proefballon om die reaksie van die bevolking te toets voor daar tot die volgende stap oorgegaan word. Dit het gelui: "Die wêreld sal in die nabye toekoms so regeer word dat die Amerikaanse monopolie nie in teëstelling tot die Sowjetse monopolie optree nie, inteendeel, daar sal 'n afgesproke polarisering plaasvind. Gevolglik sal die VSA en die Sowjets in die geheim saamwerk en die VVO as dekmantel daarvoor gebruik. Daardeur sal die wêreldpubliek wat nie op hoogte van sake is nie, mislei word. Die twee wêrelde sal dus in die openbaar teen mekaar optree, maar in die geheim met mekaar ooreenkom. Dit is die "Nuwe Orde". Oorloë sal nog verder gevoer word, want dit behoort tot die teëstelling, maar hulle sal gekontroleer word en as beperkte strooivure gevoer word, sodat dit nooit tot 'n wêreldkonflik kan lei nie. Maar agter die skerms word dit so gereël, dat geeneen van die twee grotes die gebied van die ander een mag binneval nie. (Voorbeelde: Hongaarse opstand, oprigting van die Berlynse muur, Afganistan ens; die Skrywer) Die ware beslissings waartoe daar in geheime vergaderings ooreengekom is, word dan deur die helpers van die Kremlin en dié van die Wit Huis oorhandig, selfs die satellietstate van die supermagte sal nie te wete kom waartoe ooreengekom is nie totdat hulle voor die genome besluite as voldwonge feite te staan kom.ⁱ⁸⁰ (Beklemtonings deur die skrywer)

Dit was in 1967 die kommentaar van die "Voice of America." Hierdie speletjie word nou al lank genoeg gespeel en nog steeds staar die mense asof deur angs gehipnotiseer op die vermeende Oos-Wes-konflik wat aan hulle die gevaar van die groot allesvernietigende oorlog suggereer.

Die Franse skrywer en Nobelpryswenner van 1952, Francois Mauriac, het ook op hierdie samehang van sake gewys toe hy geskryf het: ons behoort ons minder te bekommer oor die verskille wat die VSA en Sowjetunie van mekaar skei, maar veel meer oor dit wat hulle aan mekaar bind. Die twee supermagte, wat as opponente beskou word, trek die mensdom in dieselfde rigting van ontmensliking. Op die oomblik tree hulle eensgesind op waar hulle saam die stabiele Blanke regerings van Afrika vernietig en die hele suidelike Afrika aan kommunisties-geïnspireerde Swart demagoë uitlewer^.

Wat alle Suid-Afrikaners behoort te begryp en die ander nasies behoort te besef, is net eenvoudig dit: die politieke Sionisme en die Wêreldkommunisme is die dryfkragte van 'n wêreldrewolusie wat sy lewensap ontvang van die internasionale supergeldmag. Albei bewegings kan slegs dan voortbestaan en gedy as hulle deur die internasionale supergeldmag aangehelp word. Hulle moet in die huidige wêreld van onrus, stryd en beplande chaos aan die supergeldmag diesbaar wees deurdat hulle aanhou om hulle nimmereindigende oorlog te voer deur destabilisering, disinformasie of deur opstand en terreuraanslae.

Dit is die vorm van die Derde Wêreldoorlog teen die Weste, sy mense, sy godsdiens en sy kultuur, wat deur steeds nuwe aanslae, deur lewensangs en deur omwentelings verswak, vermurwe en uiteindelik vernietig moet word.

Geen veldslag, geen afweerstryd is egter so seker verlore nie as die een wat gevoer word sonder om die teenstander te ken. Nie net vir Suid-Afrika nie, maar vir alle volkere van die vrye Weste het hierdie afweerstryd onvermydelik geword. Hulle moet die stryd aanpak en terugslaan of anders sal dit van die begin af reeds verlore wees.

Alexander Solschenitzyn het blykbaar dieselfde gedagte gehad toe hy op 26 Maart 1976 in 'n BBC-radiopraatjie gesê het: "Voordat ek na die Weste gekom het en daar vir twee jaar sake deurgekyk het, kon ek my nie in die minste voorstel tot welke uiterste graad die Weste blykbaar blind is vir die wêreldsituasie nie, ja tot welke uiterste graad die Weste 'n wêreld sonder wilskrag geword het, 'n wêreld wat in die aangesig van die gevaar van angs verstar het ... Ons almal staan langs die afgrond van 'n groot historiese sondvloed, 'n vloed wat alle beskawings sal verslind en hele tydsgwrigte gaan verander. ..."

Ons het seker nie vir Solschenitzyn nodig om raak te sien dat die Kommunisme die allesvernietigende sondvloed is nie, wat van plan is om aan die vrye nasies van hierdie wêreld die doodsteek te gee sodat daar op die ruïnes daarvan die "Nuwe Wêreld" van die superbankiers gebou kan word.

Het die wêreld dan nie begryp dat die kommunistiese partye wat in baie Westerse lande vandag die amptelike status van eerbare volkspar­tye geniet, glad nie gewone politieke organisasies is wat vry wedywer met ander partye nie, maar dat 'n mens hier te doen het met kriminele sameswerings teen elke Westerse staatsorde? Is 143 miljoen dooies en byna 2 miljarde verslaafde mense in die kommunistiese magsgreep dan nog nie genoeg om ons oë oop te maak sodat ons sien waarheen Maxisme en Kommunisme ons deur die deur van sosialisme, gaan lei, indien ons dekadente Westerse demokrasieë nie spoedig 'n einde maak aan hierdie gedoente nie?

Dis misleiding van die volkere vind vandag op alle gebiede plaas. In skole, universiteite en teologiese opleidingsentra is sedert die begin van hierdie eeu die saad van verwarring en vernietiging uitgestrooi en die lote daarvan het intussen orals in die wêreld welig begin groei. Toestande van anargie, rebellie teen ouers en onderwysers en godde­lose, leë kerke is die simptome van 'n siek maatskappy wat sonder ideale, morele waardes en voorbeelde koersloos voortsteier. Sielkundige en psigosomatiese siektes het epidemiese afmetings aangeneem en word deur pseudowetenskaplike "deskundiges" van die psigiatrie nog vererger. Die perverse gedagtes van ene Sigmund Freud vorm aan baie universiteite nog die basis van 'n "wetenskap" wat meer verwoes as opbou.

Deur die vervalsing van hierdie eeu se geskiedenis wat deur die oorwinnaarsmagte afgedwing is, word daar aan die jong mense in Duitsland 'n geskiedenisbeeld oorgedra wat vaderlandsliefde en nasio­nale bewussyn as iets verwerpliks voorstel en hulle moet opvoed as Pan-Europeane of wêreldburgers. Trots op en liefde vir die Duitse vaderland en sy groot historiese verlede kry 'n mens deesdae byna net nog by Duitsers in die buiteland wat 'n heldere blik op die geskiedenis bewaar het en geen slagoffers was van die geallieerde "heropvoeding" van almal in Duitsland na die oorlog nie.

In antropologie (menskunde) word die Marxistiese leerstelling van die gelykheid van alle rasse in die studente ingeprent — 'n gelykheid wat daar nòg by mense nòg êrens elders in die natuur gevind word. Hierdie noodlottige leerstelling of ideologie — die ontkenning van die saamhorigheid van stamme en volkere, die ontkenning van die ander­soortigheid van die veelvoud van menslike rasse — het grootliks daartoe bygedra dat chaos en grensoorloë ontstaan het en dat separatistebewe­gings dikwels met moord en terreur veg vir hulle selfstandigheid en hulle eie "aparte ontwikkeling."

Al pas dit hierdie een-wêreld-beplanners ook glad nie, is die feit van verskille tussen volkere nie net ooglopend vir almal wat gedurig met ander rasse te doen kry nie, maar word ook bevestig deur alle bioloë van naam wat die moed het om standpunt in te neem teen die amptelike, polities geïnspireerde siening. Die mag van die geheime manipuleerders is egter so groot dat 'n professor in Biologie of Antropologie sy pos kan verloor as hy hierdie ongewenste waarheid verkondig. Daar is baie voorbeelde hiervan, veral in Amerika, waar die politieke eise van die establishment in geregsake dikwels die voorkeur kry bo die wetenskaplike bewyse van vooraanstaande professore.

Die ondermynende materiaal aan skoolboeke en riglyne vir die gebruik daarvan wat deur UNESCO ('n onderafdeling van die WO) uitgegee word, word vandag deur die meeste lande van die Westerse wêreld sonder kritiek oorgeneem. Die uitwerking daarvan is 'n vervlak­king en gelykmaking van die denke, wat dit vir die komende wêreld­burgers makliker moet maak om die nog komende rewolusionêre veranderings van politieke, sosiale, ekonomiese en godsdienstige aard te aanvaar.

Vervolg...