Of lees almal by Gedagtes vir elke dag

Almal moet soms op 'n ver afstand van die wêreld se gejaag staan sodat daar in stilte geluister kan word na wat binne die persoon afspeel. Dan leer mens om te luister na dít wat die oor nie kan hoor nie – ons orden ons waardes so, besin, beraam deurdagte planne, word verlig van innerlike spanning en druk, en droom so ons ideale sodat ons dit kan nastreef. Laat ons die Here vra om ons te help om genoeg stilte in ons lewens te kry sodat ons hierdie dinge kan doen.