HY'S BETYDS!

KORSIES VAN PASTEI
(Die hele pastei by: Korsies van Pastei)

Koos kom elke oggend laat by die werk. Die baas is naderhand op die punt om Koos af te dank maar besluit om hom nog een kans te gee. Hy praat met Koos en vra vir hom of hy goed slaap.
"Noudat meneer daarvan praat, ek slaap baie sleg. Daar is 'n lig in die woonstelblok wat deur my slaapkamervenster skyn."
Die baas sê vir Koos hy moet sy venster swart verf.      
Koos het toe sy venster swart gaan verf. Hy slaap vreeslik goed daardie nag, word helder wakker op die regte tyd, en hy is goed betyds vir werk. Fluit-fluit kom hy by die kantoordeur ingestap.
"Meneer, ek het dit gemaak!", juig hy. "Baie dankie vir die wonderlike raad!"
"Goed en wel", sê sy baas, "maar waar was jy gister!?"