DONKER EN HELDER DAE

Pieter Botha

Donker dae as jou oë

wegdof op die rant,

is dit soos ‘n vuil gedagte

uit ‘n dronk verstand,

staar jou oog in dooie dampe

waar jou hart verdwaal,

waar ‘n goddelose onreinheid

op ons aarde daal.

Helder dae as jou oë

vér kyk oor jou land,

is dit soos ‘n mooi gedagte

uit ‘n diep verstand,

sien jou oog deur sonneligte,

reik tot aan die blou,

waar die hemel sy genade

oor ons aarde hou.