Gedagtes vir elke dag
Of lees almal by Gedagtes vir elke dag
Hoe weet jy wanneer iemand heel moontlik 'n wonderlike vriend of goeie huweliksmateriaal is? Dit sal iemand wees met 'n sin vir die klein dingetjies, wat lekker kan lag, saam met jou en oor homself.
DIE LAASTE POUS (SLOT)
Andrè van den Berg
Lees reeks by Die Laaste Pous
DIE LAASTE REGERING
"Die EU is besig om ‘n ekonomiese diktatuur te vorm. Amerikaanse handelsondernemings wat al met die EU gebots het, het almal sleg daarvan afgekom. Microsoft is bv. geskud toe dit in Februarie 2007 na ‘n EU ondersoek ‘n reuse boete opgelê is. Daarbenewens skuld Microsoft die EU ook glo ‘n aardige bedrag. En dis maar net een van die talle groot Amerikaanse maatskappye wat deurgeloop het. Apple, Intel, Google en MasterCard het die spit ook lelik afgebyt. "
15.1 Die geskiedenis herhaal homself
Daar is min dinge so gevaarlik soos godsdiens in bose hande! Romeinse keisers het miljoene mense daarmee beheer. Dit gaan weer gebeur wanneer die Antichris as eindtydse Babiloniër die geskiedenis op dieselfde wyse afsluit as wat Nimrod daarmee begin het – ‘n geweldenaar wat homself in sy eie ryk vergoddelik.
Die ideologie van internasionale eenheid wat met die bou van die toring van Babel in oorleg met afgodery nagestreef is, sal sy toppunt met die aanbreek van die ryk van die Antichris bereik. In Europa span kerk en staat alreeds saam om ‘n beduidende greep op die mensdom te verkry; ‘n heroprigting van die laaste Heilige Romeinse Ryk (HRR). Hierdie heilig dui nie op geloofsekerheid nie, maar op ‘n kerkbeheerde wêreld.
Die Roomse Kerk het ‘n verterende passie om die wêreld te bekeer; nie tot Christus nie, maar tot haarself. Al het die keiser van kleredrag verander, het die eeu-oue sisteem en uiteindelike doelwit van hierdie ryk presies dieselfde gebly. Die Antichris sal pas na die heroprigting van die tempel in
“Laat niemand julle op enige manier mislei nie, want eers moet die afval kom en die mens van die sonde geopenbaar word, die seun van die verderf, die teëstander wat hom verhef bo al wat God genoem word of voorwerp van aanbidding is, sodat hy in die tempel van God as God sal sit en voorgee dat hy God is” (2 Thes.2:3,4).
Die ganse wêreldgeskiedenis gaan om die finale oprigting van die HRR; die ryk van die Antichris wat die afgelope 1500 jaar al ses herlewings gehad het. Die sewende en finale herlewing is op hande.
Karel die Grote was ‘n proto-tipe van die Antichris en die eerste koning wat die HRR laat herleef het. Hy is op 2 April 742 in Noord-Europa gebore en is as die grootste van alle Middeleeuse konings beskou. Nadat hy in 800 nC as keiser gekroon is, het hy met die slagspreuk Deur die swaard en die kruis gewelddadig oor Wes-Europa geheers.
Hy was ‘n wreedaard wat deur ‘n see van bloed geloop het om onderdane tot die Katolieke geloof te dwing. Hy het geen meningsverskil geduld nie en teenstanders by die duisende laat vermoor. Toe die Saksers verslaan is, het hy hulle ‘n keuse gestel - doop of dood. Daarna het hy 4500 van die rebelle op een dag laat onthoof.
Herlewings van die HRR is altyd deur ‘n onheilige verbintenis tussen kerk en staat gekenmerk. So ook geweld en ‘n minagting vir menselewens. Oral waar dit herleef het, het miljoene teenstanders gesterf. Die Inkwisisie waartydens miljoene mense om die lewe gebring is, is ‘n sprekende voorbeeld hiervan. Die laaste herlewing van die HRR was na ‘n samewerkingsooreenkoms tussen Hitler en Mussolini wat op die Tweede Wêreldoorlog uitgeloop en na beraming 50 miljoen lewens geeïs het.
15.2 ‘n Onheilige passie
Die Roomse Kerk streef na ‘n eenwêreldregering met die pous as hoof. Dis die ryk van die Antichis wat deur die Groot Verdrukking (Mt.24) ingelei word.
Tydens sy 2004 nuwejaarstoespraak het pous Johannes Paulus II gesê: “Ons ag die totstandkoming van ‘n Nuwe Internasionale Orde al hoe noodsaakliker as vrug van ondervindings en resultate wat in die laaste jare deur die Verenige Volke verkry is. Dit moet ‘n sisteem wees wat in staat sal wees om gepaste oplossings vir huidige probleme te bied en moet gegrond wees op een gemeenskap wat bronne verdeel en in die buitengewone resultate van die wetenskaplik en tegniese vooruitgang deel (Afrikaanse vertaling van Webblad van die Vatikaan).
15.3 Die Europese Unie
15.3.1 ‘n Droom verwerklik
Die droom van ‘n verenigde Europa het na die Tweede Wêreldoorlog in aanvang geneem en later tot die vorming van die Europese Gemeenskap (EG) gelei. In 1992 het verteenwoordigers van die 12 lidlande die Maastricht Verdrag (1992) onderteken waarna die EG die Europese Unie (EU) genoem is.
15.3.2 ‘n Nuwe ekonomiese
Die EU wat tans uit 27 lidlande bestaan, bult al vir ‘n paar jaar sy ekonomiese spiere op die wêreldverhoog. Dit het Amerika so vroeg as 2001 as die grootste enkele ekonomiese handelsblok ter wêreld verbygesteek nadat die wêreld vertroue in Amerika verloor en na meer betroubare beleggingsalternatiewe begin soek het. Toe Europa na jare van relatiewe ekonomiese stilstand begin opbloei het, het talle lande hul buitelandse handelsbelange daarheen verskuif.
Die wêreldekonomie draai tans grootliks om ‘n Europese as. Terwyl die laers van die Amerikaanse ekonomie hoorbaar rammel, vuur die Europese ekonomie op al haar silinders. Dit skep beleggersvertroue wat reuse geldbedrae na Europa kanaliseer en haar groter beheer oor wêreldmarkte bied.
Toe die Euro in 2002 in gebruik geneem is, het Europa feitlik onmiddellik groter eenheid en samewerking op geldelike gebied ervaar. Teen Desember 2006 was die waarde van die Euro note in omloop meer as diè van die Amerikaanse dollar. Daarbenewens het dit in 2006 met ‘n ongelooflike 14% gegroei - verstommend vir so ‘n jong geldstelsel!
Die Euro het vir alle praktiese doeleindes die Amerikaanse dollar as die vernaamste wêreldgeldstelsel vervang. Talle lande het hulle buitelandse dollar-reserwefondse na Euro verander. Daarbenewens gebruik al hoe meer lande die Euro naas hul eie geldstelsels wat van buitelandse vertroue in diè geldstelsel getuig. Dit het teen die tweede helfte van 2006 alreeds die 600 biljoen merk verbygesteek; byna dubbeld die waarde van die 12 geldeenhede wat dit in 2002 vervang het!
Die verstommende vertoning van die Euro het buitelandse vertroue in die Europese ekonomie skerp laat toeneem.
Vandag is die Euro die amptelike geldstelsel van 16 van die 27 lidlande. Meer as 327 miljoen Europeërs en 173 miljoen mense buite die EU maak van die Euro gebruik. Teen November 2008 was daar reeds meer as 750 biljoen Euro in omloop wat dit die geldstelsel met die hoogste samevoegende geldwaarde ter wêreld maak.
15.3.3 Dikatoriale magte
Die EU is besig om ‘n ekonomiese diktatuur te vorm. Amerikaanse handelsondernemings wat al met die EU gebots het, het almal sleg daarvan afgekom. Microsoft is bv. geskud toe dit in Februarie 2007 na ‘n EU ondersoek ‘n reuse boete opgelê is. Daarbenewens skuld Microsoft die EU ook glo ‘n aardige bedrag. En dis maar net een van die talle groot Amerikaanse maatskappye wat deurgeloop het. Apple, Intel, Google en MasterCard het die spit ook lelik afgebyt.
Toe Microsoft die witvlag hys, het Europa die reëls vir wêreldbesigheid begin dikteer. Microsoft se onvermoë om iets aan die situasie te doen of selfs vir toegewings te beding, het die rooiligte vir Amerikaanse besighede in Europa laat aankom. Die boodskap was baie duidelik: Jy gehoorsaam of….!
Die EU skenk tans aandag aan die moontlike instelling van ‘n sterk Europese weermag. Indien dit verwerklik, is dit die fondament wat Europa in ‘n polisiestaat
Op 30 Maart 2006 het die Europese Volksparty wat uit 38 politieke partye bestaan, ‘n spitsberaad in
Sodra die pous daarin slaag om kerk en staat saam te smelt, word die EU ‘n Roomse unie van nasies. Konserwatiewe Europese politici maak sterk opgang en gaan binnekort met die pous saamspan om Europa van ‘n kultureel-godsdienstige ondergang te red. Al wat tans ontbreek, is ‘n sterk leier. En daarvoor is die pous die aangewese persoon.
15.3.4 ‘n Roomse federasie
Die EU neem reeds wêreldrykafmetinge aan en gaan binnekort na 10 groepe, elk met ‘n eie leier, verklein word. Dit sal ‘n herhaling van die geskiedenis wees. Openb.13:1-10 meld van die dier wat uit die see opkom om die mensdom te mislei. Dis ‘n verenigde Europa en unie van 10 volksgroepe wat deur een diktator beheer sal word. Die Vatikaan sal ongetwyfeld die sentrale regering vorm waarna al hoe meer lande hul nasionale selfbeskikkingsreg gaan prysgee om in ‘n federale Roomse owerheid met alleenbeheer oor ekonomiese- buitelandse en verdedigingsake te verdwyn.
Die EU is die finale gestaltegewing van die HRR met die pous as hoof. “En hy maak dat aan almal, klein en groot, en die rykes en die armes, en die vrymense en die slawe ‘n merk op hulle regterhand en op hulle voorhoofde gegee word; sodat niemand kan koop of verkoop nie, behalwe hy wat die merk of die naam van die dier of die getal van sy naam het” (Openb.13:16,17).
Een van die grootste spitsberade wat tot die ontstaan van die EU gelei het, is in
15.4 Tussen sekularisme en Islam
Die pous lieg as hy voorgee om geen godsdiens op die EU af te dwing nie. Hy weet al te goed dat Europa slegs via godsdiens
Sekularisme is net so ‘n bedreiging. Europa is eeue lank aan haar Roomse waardes gekenmerk en eers na die Franse Rewolusie begin sekulêr word. Dit, saam met Islam, bedreig vandag haar ganse bestaan. Die Roomse Kerk verwelkom egter hierdie spanning omdat die geskiedenis bewys dat nasionale krisisse mense saamsnoer om d.m.v ‘n sintese die oplossing te vind. Al manier om Europa teen atheïste (tese) en Islamiete (antitese) te beveilig, is om dit onder ‘n Roomse banier (sintese) te verenig. Gevolglik sien die EU al hoe meer na die Vatikaan op.
15.5 Die laaste Romeinse Ryk
Die heroprigting van die laaste HRR sal die mensdom skielik en sonder waarskuwing tref. Die EU gaan geskaak word en in die hande van ‘n meestermisleier beland (Dan.11:24,25). Hy sal soos ‘n lam (godsdienstige) lyk, maar soos ‘n draak (diktator) praat. Sy sal ongekende lyding tot gevolg hê (Dan.12:1); ‘n verdrukking wat, soos in die dae van Antiochus Epiphanus, 42 maande sal duur.
Antiochus Epiphanus het hom in 167 vC in die tempel in
Europa gaan binnekort ‘n valse godsdiensherlewing beleef wat elke lewe op die aarde gaan raak en die mensdom baie smarte besorg. Europeërs beskou Islam as ‘n baie groot bedreiging. Twee van hulle hoofstede is by geleentheid deur Islamitiese fanatici met bomontploffings lamgelê nl.
Al manier waarop Islam sowel as sekularisme uitgeskakel
15.6 Benediktus XVI die laaste pous?
15.6.1 Johannes Paulus II
Pous Johannes Paulus II het die Roomse Kerk in die stroomversnelling na die ryk van die Antichris geplaas. Sy heerskappy was een van die drie langstes in die geskiedenis van die Roomse Kerk. Alhoewel hy baie talentvol was, het hy dikwels slegte besluite geneem. Desondanks het hy die Vatikaan as ‘n bastion van teologiese konserwatisme ingerig.
Op 12 Maart 2000 het die Britse Sunday Times berig dat die pous gesondheidsprobleme ondervind het en sy verstandelike vermoëns aangetas was. Hy was dus strenggesproke nie meer in beheer van die Vatikaan nie. Die magslugleegte wat toe ontstaan het, is deur fanaties-konserwatiewe kardinale gevul wat die pous verknoei en woorde in die mond gelê het. Geen naam is genoem nie omdat die koerant nie ‘n storm wou veroorsaak nie. Kardinaal Josef Ratzinger was egter een van die hoofverdagtes!
15.6.2 Onverbiddelik konserwatief
Liberale kerklui het niks van Ratzinger gehou nie omdat hy onverbiddelik konserwatief was. Hy het by geleentheid selfs liberale Roomse professore op die rooi tapyt gehad en hulle gedwing om hul vrysinnige standpunte te verander. In 1997 het hy selfs ‘n vrysinnige Sri Lankaanse teoloog uit die kerk laat ban. Ratzinger is weens sy afkeur in vrysinnige tendense soos die aanvaarding van homoseksualisme as ‘n alternatiewe liefdeslewe asook die vrou in die kerkamp spottenderwyse Cardinal No genoem.
Die kantoor waarin hy deur sy voorganger aangestel is, was eers die Kantoor van die Inkwisisie genoem. Ratzinger was hoof van die dogmatiese afdeling van die Vatikaan en as’t ware die hoëpriester (Cardinal Enforcer) van Roomse ortodoksie. Hy het eers in 1997 die oog begin opval toe hy saam met pous Johannes Paulus II ‘n gedugte span teen liberale Roomse teoloë gevorm het. Hy is weens sy waaksaamheid oor die tradisionele Roomse leer spottenderwys die rottweiler van die Vatikaan genoem.
Die Vatikaan was vasberade om Roomse vrysinnigheid uit te roei en ‘n effektiewe Inkwisisie daarteen geloods. Liberale kardinale wat nie uit hul amp ontslaan is nie, se status is verlaag. In Suid-Amerika is alle liberale kerklui met konserwatiewes vervang; mense wat die Vatikaan gebuikspreek het.
‘n Week voor Ratzinger se aanwysing as die nuwe pous, is sy Values in Times of Upheaval uitgegee waarin hy Europa oproep om na haar Christelike erfenis terug te keer. Ratzinger beywer hom vir nuwe geesdrif vir tradisionele Roomse leerstellings, veral diè oor die Maagd Maria. Hy lê ook baie sterk klem daarop dat die kerk nie demokraties nie maar eerder sakramenteel en hierargies moet wees.
Toe Ratzinger pous geword het, het hy die ampsnaam Benediktus XVI aangeneem ter nagedagtenis aan Benediktus van Norcia, die stigter van ‘n vyfde eeuse Benediktynse Monnikorde. Benediktus XVI word allerwee beskou as die persoon wat die meeste ywer aan die dag lê om Roomse Katolisisme in Europa te versprei. Hy is die sesde Duitse pous in die geskiedenis van die Roomse Kerk. Die ander was almal voor die 11de eeu.
Benediktus XVI is uiters konserwatief en roep mense gereeld op om volwassenes in die geloof te wees en hulle nie deur moderne tendense te laat mislei nie. Daarbenewens voer hy ‘n verbete stryd teen relatiwisme. Laasgenoemde voer aan dat geen enkele godsdiens daarop aanspraak
15.6.3 Die Antichis
Kan Benediktus XVI dalk die Antichris wees? Openb.13:11 sê dat die Antichris soos ‘n lam lyk, maar twee horings het en soos ‘n draak praat.
Eerstens lyk die Antichris soos ‘n lam.
Christus is die Lam van God (Joh.1:29). Die pous eien wederregtelik die titel van leraar van Christus vir homself toe en ag homself Christus se verteenwoordiger op aarde. Miljoene beskou hom dan ook as die belangrikste man op aarde. Vooraanstaande staatslui raadpleeg die Vatikaan gereeld oor wêreldsake. George Schultz, gewese Amerikaanse staatsekretaris, het die pous voor elke belangrike samespreking persoonlik gaan spreek. Op 24 Desember 1988 het Yasser Arafat selfs die pous (Johannes Paulus II) gaan spreek. Nadat die Sowjetunie begin wankel het, het Gorbachev ook gereeld met die pous beraadslaag.
Die ongehoorde mediadekking wat pous Johannes Paulus II tydens sy afsterwe en begrafnis ontvang het, het baie gelowiges ontstig. Die vergootglaseffek wat die wêreldmedia aan hierdie oordrewe pousgodery verleen het, is ‘n duidelike bewys van die krag waarmee die Roomse seestroom mense wêreldwyd meesleur. Meer as ‘n miljoen mense het die begrafnis in Rome bygewoon terwyl etlike miljoene beeldradiokykers van uiteenlopende kulture en godsdienste drie ure lank sielsgemeenskap met ‘n prototipe van die Antichris gehad het!
Tweedens het die Antichris twee horings.
Die twee horings herinner ‘n mens aan die pous se tweepuntige ampshoed. In Engels word dit die two horned mitre genoem. Die pous is soos ‘n lam met twee horings!
Derdens praat die Antichris soos ‘n draak.
Openb.12:9 meld dat die Satan ‘n draak en die slang van ouds is. In Joh.8:44 noem Christus hom die vader van die leuen.
Is dit nie presies wat die pous doen nie? Hy is vrot van leuens en lei miljoene der miljoene siele weg van Christus af! Desnieteenstaande word hy wêreldwyd as ‘n groot geestelike leier vereer. Dis om soos ‘n draak te praat! “hy wie se koms is volgens die werking van die Satan met allerhande kragtige dade en tekens en wonders van die leuen” (2 Thess.2:9).
Bose mense hang bose leiers aan. Die Vatikaan is berug vir haar leuens en het bv. al male sonder tal oor haar kindermollesterende kerklui gelieg. ‘n Paar jaar gelede is ‘n priester in Amerika ontslaan omdat hy toegelaat het dat kinders op ‘n gereelde basis gemollesteer en verkrag is. Daarna is hy in ‘n hoë pos in die Vatikaan aangestel. Gee die Roomse Kerk dan nie om wat mense van haar dink nie?
Benediktus XVI het ‘n sterk persoonlikheid wat mense wêreldwyd beïndruk. Hy is ‘n besielende diplomaat wat ernstig aan sy onverbiddelik harde beeld gewerk het. Wanneer sy sagte persoon met sy onverbiddelik onbuigsame leer vergelyk word, kom hy soos ‘n lam voor. Hy praat egter soos ‘n draak!
Dan.8:23 vertel ons watter soort mens die Antichris sal wees - die slegste ooit op aarde! Hy is hard van aangesig. Dit verwys na sy gesindheid en optrede jeens teenstanders. Al hierdie aaklige eindtydprofesieë
15.6.4 Van krag tot krag
Die Roomse Kerk het in die paar jaar van Benedictus XVI se ampsbediening van krag tot krag gegaan. Hy blaas van meet af aan nuwe lewe in die Roomse Kerk en wen selfs Protestantse steun vir sy ondernemingsgees. Benediktus XVI is hard besig om ‘n verenigende mag te vorm!
Die feit dat hy ‘n Duitser is, tel baie punte. Daar was van meet af aan ‘n goeie wisselwerking tussen Duitsland en die Roomse Kerk. Wanneer laasgenoemde probleme met lastige vyande ondervind het, het Duitsland haar gehelp. En wanneer Duitsland gesukkel het om haar onderdane te beheer, het
Josef Ratzinger is in werklikheid nie gekies om die Vatikaan te bestuur nie. Daar was baie ander kardinale en biskoppe wat dit net so goed kon doen. Hy is doelbewus gekies om die wêreld onder Roomse beheer te plaas. “Maar pasop vir die valse profete wat in skaapsklere na julle kom en van binne roofsugtige wolwe is” (Mt.7:15).
Benediktus XVI het ‘n betreklik lelike verlede. As dit die man is wat die Roomse Kerk as leier vertrou,
Benediktus XVI stel baie in
Ironies genoeg het die Roomse Kerk talle massamoorde op Jode (Tweede Wêreldoorlog) vanuit
15.7 Berekende optrede
Die gees van Adolf Hitler is besig om oral in Europa te ontwaak en gaan verskriklike gevolge vir die mensdom hê. Europa hunker na ‘n mag wat haar beeld sal herstel en haar vyande vernietig. Die pous wil so ‘n mag hê. Daar is vir hom niks belangriker as dit nie. Luister gerus na sy toesprake. Kyk waarheen reis hy. Let op met wie hy praat. Dis alles berekende optredes; ‘n middel tot ‘n doel!
Benediktus XVI wil die godsdienstige lugleegte wat in Europa ontstaan het met Roomse Katolisisme vul. Hy draai nie doekies om nie. Hy sê wat hy wil hê - Europa moet na haar oorspronklike godsdienstige wortels terugkeer. Dis die tema van die meeste van sy toesprake.
Europa is besig om te ontwaak. Al die ingrypende kulturele en godsdiensveranderings van die afgelope paar jaar laat Europeërs besef dat iets aan hul benarde situasie gedoen moet word. En wie beter as die pous
Tydens Benediktus XVI se besoek aan Frankryk in September 2008 het hy ‘n indringende gesprek met president Sarkozy oor kerk-staat verhoudings gevoer. Frankryk het geen erkende staatsgodsdiens nie en is sedert die Franse Rewolusie ‘n sekulêre staat wat godsdiens as ‘n private aangeleentheid beskou. Die pous het by mnr. Sarkozy aangedring om ernstig te herbesin en die Roomse Kerk toe te laat om die samebindende faktor te wees wat die Franse gemeenskap
Benediktus XVI is daarop uit om die hele Europa deur diplomatieke gespreksvoering onder die Roomse Kerk te verenig. Wat hy as pous in Frankryk gedoen het, was nie uitsluitlik vir Frankryk alleen bedoel nie, maar vir die hele Europa. Sy versoek het soos ‘n kanonskoot oor die hele Europa getrek. Benediktus XVI weet dat as hy Frankryk
Die band tussen die Vatikaan en Europese leiers word al hoe sterker. Hulle streef na dieselfde doel. So konserwatief as wat hulle in die politiek is, is die Vatikaan in haar godsdiens. Dit laat die sekulariste eensaam op die kantlyn staan. Hulle poging om Europa se tradisionele God uit alles geban te kry, gaan juis tot hulle verdwyning lei!
Behalwe vir sterk leierskap, het Europa alles wat nodig is om die tamboer van die wêreld te slaan en die mensdom na haar pype te laat dans. Haar huidige leiers laat hulle egter deur Moslems en sekulariste rondruk. Maar nie die pous nie. Gevolglik leen die situasie hom al hoe meer daartoe dat die Roomse Kerk haar stempel op Europa
Gelowiges moet uit die geskiedenis leer dat hoe harder die Vatikaan werk om Katolisisme gevestig te kry, des te meer moet sy dopgehou en alarm gemaak word. Dit wat vandag in Europa en elders gebeur, dien as ‘n waarskuwing wat van die dakke af verkondig behoort te word. Die mensdom behoort die mag van die pous meer as diè van die atoombom te vrees. Niks
15.8 Duitsland speel ‘n beslissende rol
Die geskiedenis herhaal homself. Duitsland gaan weereens ‘n beslissende rol in die totstandkoming en samevoeging van die komende eenwêreldregering speel. Die EU is die Trojaanse perd waarin Duitse strewes versteek word. Karel die Grote was ook van Duitse afkoms en het homself as die beskermer van die kerk en haar aardse belange beskou. Hy het Europa destyds van ‘n beskawingsverval gered en d.m.v ‘n sentrale regering baie van die eenheid van die ou Romeinse Ryk herstel. Dit het die weg vir die ontwikkeling van ‘n verenigde Europa gebaan.
Ten spyte van hulle donker verlede, word Duitsland en die Vatikaan aangemoedig om Europa te lei. Al hoe meer Europese volke span met die Vatikaan saam en sien na die pous op. Die geskiedenis skreeu hierteen. Woorde soos sameswering, verraad, bloedvergieting, onverdraagsaamheid en teregstelling beskryf die handelswyse van die HRR van die Middeleeue. Die mensdom behoort eerder te verhoed dat so ‘n iets weer gebeur!
Die hereniging van Duitsland (1989) was ‘n draaipunt in die geskiedenis. Vandag is almal se oë op Duitsland. Die krag agter die Antichris is van die Satan met Duitsland as sy lakei. Die verskillende Duitse Ryke het altyd Europese mantels vir hul strewes geniet. Duitsland het selfs ‘n nasionale geldstelsel aanvaar omdat dit haar droom dien.
Duitsland ervaar ‘n baie ernstige Islam-probleem. Die terreuraanval op die World Trade Centre (11 Sept.2001) is bv. in
Europa se behoefte aan ‘n militêre Duitsland laat stemme vir ‘n kernbewapende Duitse weermag opgaan. Daarbenewens is daar oral in Europa ‘n groeiende anti-Amerikaanse sentiment te bespeur. Duitsland is goed oppad om haar as ‘n supermoondheid te vestig waarmee sy Amerika, haar Tweedewêreldoorlogteenstander, sal troef.
Gevolglik staan die mensdom voor die deur van die mees plofbare ontketening van politieke en militêre magte ooit in die geskiedenis. Die vrug van politieke mag in Roomse hande, is alles behalwe goed. Die mensdom gaan geskok word as die sluier van hierdie vrugte verwyder word. Mense sal nie glo dat iets wat so goed lyk, so boos
Slotwoord
Die rookskerm wat tans oor die internasionale kerklike terrein hang, is aan Roomse misleiding te wyte. Talle internasionale organisasies en bewegings het gemene sake met die Roomse Kerk en is niks anders as voorbokke vir die komende eenwêreldregering en godsdiens nie.
Die hoer van Openbaring is profeties en geskiedkundig alle gelowiges se vyand. Satan gebruik die Roomse Kerk om Protestantse kerke subtiel binne te dring en Protestantisme te vernietig. Haar grootste vyand is Bybelgetroue gelowiges wat die knie nie voor Baäl buig nie.
Die tyd het aangebreek dat gelowiges kerke nie meer blindelings moet volg nie, maar hulle op die proef te stel of hulle werklik uit God is. Kerklike misleiding is besig om plaaslik sowel as internasionaal orkaansterkte te bereik. Dis een van die duidelikste tekens van Christus se naderende wederkoms.
Dinge is besig om soos ‘n legkaart vir die grootste tragedie in menseheugenis in plek te val.
Gelowiges mag nie soos die dissipels van ouds in die krisisuur aan die slaap gevang word nie (Mt.26:40-45). Ons staan onder ‘n heilige verpligting om diegene wat slaap, wakker te skud en soos ‘n wag op die muur (Eseg.33) alarm te maak!
Johannes waarsku die gelowiges teen ‘n bose groepering wat alreeds in sy tyd in die kerk aan die werk was - mense wat hulle as gelowiges voorgedoen het, maar in werklikheid werktuie van die Satan was. Hulle het die Skrif misbruik om ‘n vreemde boodskap uit te dra en mense op ‘n dwaalspoor te plaas.
Johannes het van hulle geweet en kon nie daaroor swyg nie. Hy sou liefdeloos teenoor sy medegelowiges en ongehoorsaam aan God wees. Paulus het self geen doekies omgedraai nie en hard met ‘n gemeentes gepraat: “O, onverstandige Galasiërs, wie het julle betower om die waarheid nie gehoorsaam te wees nie…..? (Gal.3:1).
Sulke waarskuwings staan altyd in die teken van liefde en gehoorsaamheid aan God. Hy wat nie waarsku nie, is liefdeloos. Die hele Skrif is deur God ingegee en is nuttig tot lering, tot weerlegging, tot terregwysing, tot onderwysing in die geregtigheid sodat die mens volkome kan wees, vir elke goeie werk volkome toegerus” (2 Tim.3:16,17). “En wat noem julle My: Here, Here! En doen nie wat Ek sê nie?” (Luk.6:46).
Waarom waarsku Protestantse kerke nie oor hierdie aartsgevaar nie? Die meerderheid staar hulle blind daarteen terwyl dit so duidelik is soos die hand wat die galgtou gereed maak. Baie jare gelede het die NG Kerk haar leraars opdrag gegee om lidmate oor die Roomse gevaar in te lig en selfs ‘n skrywe uitgegee. Vandag nie meer nie; die gevolg van ekumeniese verdraagsaamheid!
Die tyd het aangebreek dat gelowiges baie duideliker standpunt teenoor die Roomse Kerk inneem en mense dringend teen haar waarsku. Babilon het in werklikheid nooit ophou bestaan nie. Dit leef al vir meer as 1,600 jaar in die Roomse Kerk voort. Gevolglik rus God se oordele nog steeds op haar!
Soos wat Lot en sy gesin
Roomse Katolisisme is die grootste klug en die pous die grootste bedriëer van alle tye. Dit het slegs die skyn van Christendom, maar is in werklikheid verbloemde heidendom. Haar leer en lewe bots so hewig met die Skrif, dat daar hoegenaamd geen heil in haar te vinde is nie. Haar leer van redding deur die doop, regverdiging deur goeie werke, selfkastyding, boetedoening, die vagevuur en gebede vir dooies is heidens. Dis Baälaanbidding met ‘n Christelike voorkoms!
Die laaste HRR word opgerig sonder dat mense dit besef. Die boosheid is besig om haar sluier te laat val. Dis nie Ragel nie, maar Lea! Gelowiges moet hulle gereed kry vir die finale stryd op aarde. "Trek die volle wapenrusting van God aan, sodat julle staande
Maak daarom baie seker van waar jy self staan. By die uitverkorenes wat tot die dood toe teen Satan en sy trawante weerstand gaan bied, of sal jy op die ou einde ook maar soos miljoene der miljoene kerkgangers agter die Antichris aangaan?
Dink jy of volg jy maar net blindelings? Die Bybel is die mees korrekte dokument in jou besit. Glo dit met jou hele hart en plaas jou lewe opnuut in die hand van die Skrywer daarvan en jy sal nie verlore gaan nie, maar die kroon van die lewe ontvang (Openb.2:10).