NUUTSTE BYDRAES

Gedagtes vir elke dag

Of lees almal by Gedagtes vir elke dag

Gewone mense dink net hoe hulle hulle tyd kan deurbring; verstandige mense probeer dit gebruik

TERUG NA JESUS

Ds Andrè vd Berg

“....en Petrus het die woord onthou wat Jesus vir hom gesê het... En hy het in trane uitgebars” (Mark.14:72)                                    

Daar was eenmaal ʼn wilde eend wat elke jaar wanneer die lente aangebreek het saam met ander wilde eende noordwaarts oor Europa gevlieg en in die herfs weer teruggevlieg het.   Een jaar het hy baie uitgeput vir ʼn wyle op ʼn Deense plaas tussen mak eende gaan sit. Hy was baie honger en het besluit om vir ʼn dag daar te vertoef voordat hy verder sou vlieg. Die dag het ʼn week en die week het ʼn maand geword. So het hy die hele somer daar vertoef.  

Toe dit herfs word en die swerms wilde eende op hul tog suidwaarts oor die plaas vlieg, het hy opgewonde sy vlerke geklap om by hulle aan te sluit.

Maar hy was te swaar en kon niks hoër as die skuur se dak vlieg nie. Toe het hy maar besluit om daar te bly – dit was veilig en die kos volop. Maar elke lente en herfs as die swerms wilde eende oor die plaas gevlieg het, was sy hart by hulle. Dan het sy oë geglinster en het hy met sy vlerke geklap asof hy nog by hulle kon aansluit. Hierdie verlange het stelselmatig getaan totdat hy geen aandag meer aan die swerms gegee het nie. Hy was tevrede met sy gemaksone.

Hierdie verhaal skets die prentjie van ʼn mens wat sy hoë geestelike ideale en waardes verlaat en met minderwaardige dinge in die lewe tevrede raak. Is jy miskien een van hulle? Was daar dalk ʼn tyd in jou lewe wat jy op baie hoër geestelike grond beweeg het as tans?   Ons beweeg soos die Verlore Seun weg van die Vader en dink dat ons nie te sleg doen nie. Maar diep in jou is jy ontevrede want jy ploeter terwyl God jou geskep het om hoog te kan vlieg!

In Mark.14 lees ons van ʼn man wat ʼn landingsplek in so ʼn gemaksone gevind het: Simon Petrus. Hy is op die verkeerde plek, tussen die verkeerde mense en hy doen die verkeerde dinge; die vernietigende drie V’s – verkeerde plek, verkeerde mense, verkeerde dinge. Maar hoe het Petrus hier beland? Hy het verval. En dit was nie in ʼn oomblik van swakheid nie. Geestelike verval is ʼn geleidelike proses - eers die een gebied, dan ʼn volgende en so hou dit aan totdat jy hoogstens vlerke klap, maar nie meer geestelik kan vlieg nie!

Ps.1:1 skets hierdie agteruitgang. “Welgeluksalig is die man wat nie wandel in die raad van die goddelose en nie staan op die weg van die sondaars en nie sit in die kring van die spotters nie” Let op die werkwoorde: wandel, staan en sit. Die een volg op die ander. Hierdie wilde eend was op die Deense plaas tussen eende wat nie geweet het hoe om te vlieg en ook nie belang gestel het om uit te vind nie. Hulle was met hul gemaksonde tevrede – die ondermaanse!

Miskien is daar iemand wat soos Simon Petrus toegelaat het dat sy hart koud word en, eerlik met homself, erken dat sy aanvanklike ywer vir Jesus afgeneem het.   Miskien wonder jy hoe dit gebeur het en of herstel moontlik is? Die voorbeeld van Simon Petrus leer gelowiges wat geestelik op die bodem beland het om op te staan en selfs groter hoogtes as tevore te bereik. Volg saam met my die gebeure wat tot Petrus se val en opstaan gelei het.

Petrus was ʼn gelowige en het Jesus as sy Verlosser geken. “En Simon Petrus antwoord en sê: U is die Christus, die Seun van die lewende God” (Mt.16:16). Hy het geglo dat Jesus die enigste Verlosser is: “En Simon Petrus antwoord Hom: Here, na wie toe sal ons gaan? U het die woorde van die ewige lewe” (Joh.6:68).   Sy naam staan eerste op die lys van Jesus se dissipels in Mt.10. In Joh.18 verdedig hy selfs Jesus se lewe met sy swaard.  

Petrus was beslis gered. Sy naam staan in die boek van die lewe. Desondanks beland hy in die verkeerde plek, tussen verkeerde mense en doen die verkeerde dinge; die vernietigende drie V’s – verkeerde plek, verkeerde mense, verkeerde dinge.  

Ons leer hieruit ʼn baie belangrike les: Jou sieleheil eindig nie die dag van jou bekering nie; dit begin daar! Jy word net eenmaal saligmakend gered. Hierdie redding plaas jou in ʼn verhouding met Jesus waarna die verhouding gevoed moet word. Dis presies dieselfde met die huwelik – jy trou een maal waarna die huwelik gevoed moet word anders slaag dit nie.

Dis sinneloos om te sê dat jy in Jesus glo, maar nie dienooreenkomstig optree nie.   Die liefde vir Christus is opsigtelik en wys aan ʼn mens: “En toe hulle die vrymoedigheid van Petrus en Johannes sien en verstaan dat hulle ongeleerde en eenvoudige manne was, was hulle verwonderd en het hulle as metgeselle van Jesus herken” (Hand.4:13). Mense kon sien dat hulle ʼn verhouding met Jesus gehad het. Die teenoorgestelde is ook waar: As jy nie aan hierdie verhouding werk nie, wys dit ook – jy verval!   Gevolglik is geestelike verval die resultaat van ʼn verhouding met Jesus waaraan daar nie gewerk is nie

Hoe het Petrus ten spyte van sy redding in so ʼn plek tussen heidene beland? Die Evangelies werp lig op hierdie vraag. Petrus het in drie lewensareas gestruikel – in sy woorde, lewenswandel en optrede. By geleentheid het hy Jesus probeer teregwys en gestruikel hy: “Toe neem Petrus Hom opsy en begin Hom bestraf en sê: Mag God dit verhoed, Here, dit sal U nooit oorkom nie” (Mt.16:22).   Petrus het ook Jesus se woorde geminag toe Jesus vir die dissipels gesê het dat hulle almal aanstoot aan Hom sou neem: ” Petrus sê vir Hom: Al moes ek ook saam met U sterwe, ek sal U nooit verloën nie...” (Mt.26:35).    

In beide gevalle het hy Jesus se woorde afgemaak en sy eie siening gehad.   Toe hy sy mond oopmaak, het sy opstandigheid die bo-toon gevoer.   Aan ʼn mens se praat kom jy gou agter as sy lewe met Jesus nie reg is nie!   Petrus het derdens ook in sy lewenswandel gestruikel. In die tuin van Getsemane was Jesus baie teleurgestel om Petrus en die ander dissipels aan die slaap te vind: “... So was julle dan nie in staat om een uur saam met My te waak nie?” (Mt.26:40).

Toe die poppe begin dans en Jesus gevange geneem word, het Petrus ʼn veilige afstand tussen hom en Jesus geskep: “En Petrus het Hom van ver af gevolg...” (Mt.26:58). Daarna het die droewige episode van die verloëning gevolg. Petrus het saam met die volksvyand, die Romeine, by ʼn vuur gaan sit en die Jesus wat sy siel van die hel gered het driemaal verloën.  

Daarna het dieselfde ding telkens weer gebeur – mense wat in die gees saam met Jesus geloop het en vir wie die Woord kosbaar en rigtinggewend was het dit op ʼn dag gemakliker gevind om te slaap as om te bid, om op Sondae eerder tuis te bly as om kerktoe te gaan, om eerder TV te kyk as om Bybel te lees ens. Kortom: Hulle het Jesus anders begin beleef.   Hy is nie meer so werklik soos tevore nie.   Voel jy miskien so? Wat het gebeur? Kyk mooi; bevind jy jou nie dalk by verkeerde vure nie? Geniet jy die geselskap van verkeerde mense?   Verkwis jy jou tyd met verkeerde dinge? Weereens die vernietigende drie V’s – verkeerde plek, verkeerde mense en verkeerde dinge. Sulke dinge maak jou koud teenoor Jesus. Miskien wonder jy hoe het dit gebeur dat jy wat op eens so vuur en vlam vir die saak van die Here was so teruggegly het?  

Die geestelike verval het in Petrus se lewe ʼn punt bereik waar hy vir ʼn wyle met sy ou lewe aangegaan het.   Hy het sy geestelike wagpos verlaat asof dit die maklikste ding was om te doen.   Ja, die mag van sonde laat mense dink dat hul verkeerde optrede reg is!   Medegelowiges sien dit egter raak. Jy was miskien ʼn ouderling of diaken en het verantwoordelikheid geneem en toe uit die amp neergelê.   Dit wat in jou bedankingsbrief staan, is nie die volle waarheid nie. Jy het moeg geraak vir die saak van die Here. Jy het soos die wilde eend heel tevrede in ʼn gemaksone beland. Wat van jou gebedslewe? Jy bid nie meer so gereeld soos tevore nie, jy gee geen ware dankoffer nie, jou kerkgang verswak. Kortom: Jou hart is nie reg nie!

Dis ʼn bitter moeilike ding om te erken, maar alvorens dit nie gebeur nie, kan geen herstel plaasvind nie.   Jy moet eerlik met jouself wees en dinge sien soos wat dit werklik is. Eers dan kan jy soos ʼn Petrus van ouds na Jesus terugkeer.

Dis goed dat die verhaal van Petrus nie by ʼn Romeinse vuur eindig nie. Sy terugkeer het die selfde nag nog begin “... en Petrus het die woord onthou wat Jesus vir hom gesê het... En hy het in trane uitgebars”.

Berou is die pyn van sonde en hierdie pyn is so pynlik soos die pik van ’n adder! Laat ons eerlik wees: Niemand maak jou seerder as jyself nie. Petrus het dit besef. Hy kon niemand anders as homself die skuld vir sy struikeling gee nie!   Gelukkig dwing berou sondaars tot selfondersoek.   Petrus het homself ondersoek en besef dat hy sake met die Here moes regmaak en gedoen wat die verlore seun gedoen het – na die vaderhuis terugkeer en die verhouding herstel.

In Joh.21 ontmoet Jesus een oggend vir Petrus op die strand, herinner hom aan sy liefde vir Hom en herstel sy roeping. Jesus het Petrus se mislukking vir altyd agter Hom geplaas en hom in ere herstel. Dis wat God vandag nog in Jesus Christus doen: “As ons ons sondes bely, Hy is getrou en regverdig om ons die sondes te vergewe en ons van alle ongeregtigheid te reinig” (1 Joh.1:9).

Net na Jesus se hemelvaart gebruik Hy vir Petrus kragtig toe hy op Pinksterdag met die Heilige Gees vervul is, in die tempel opstaan en preek waarna 3000 mense tot bekering kom.   Daarna het hy reusagtige baanbrekerswerk in die eerste Christelike gemeentes gedoen. Wat het dit moontlik gemaak? Drie dinge; hy was eerlik met homself, hy het na Jesus terugkeer en is met die Heilige Gees vervul.  

As jy vandag eerlik erken dat jy geestelik koud geword het, moet jy terugkeer en nie toelaat dat sonde verder in jou lewe heers nie. Die altaar van God se genade in Jesus Christus is 24 uur per dag oop!   Petrus het gestruikel en die pad na Jesus teruggevind. Jy kan ook!

Opsoek na inligting?

  • BYBEL 1933/53-druk nou gratis

    Gelofteland is dankbaar om aan al ons lesers die 1933/53-uitgawe van die Bybel gratis te voorsien. Al wat u hoef te doen is om 'n e-pos na

    Hierdie e-posadres word van Spambotte beskerm. Jy moet JavaScript ontsper om dit te lees.

    te stuur met die versoek om die Bybel te ontvang, en ons sal dit aan u stuur.

     

    _____________________

     

     Laserskywe in stelle van 10 te koop

    VRYHEIDSBEDIENING

    Ds. Andre van den Berg werk sedert November 1990 weekliks met volksgenote in die gevangenis in Pretoria-Sentraal. Hy bied ʼn reeks laserskywe teen R200 (posgeld uitgesluit) per stel van 10 aan. Die opbrengs van hierdie verkope gaan vir Gevangenisbediening.

    Dit handel oor aktuele onderwerpe soos:

    1. Die lewe hiernamaals.
    2. Word verantwoordelik oud.
    3. Die pad na die ewigheid.
    4. Bied beproewing die hoof.
    5. Raad vir tieners.
    6. Gelowige kinderopvoeding.
    7. Oorwin depressie.
    8. Kikker jou huwelik op .
    9. Alle mense is nie gelyk nie.
    10. Homoseksualisme - ʼn gruwel vir God.

    Bestel by:

    E-pos: Hierdie e-posadres word van Spambotte beskerm. Jy moet JavaScript ontsper om dit te lees.

    Sel: 074 967 5187

    Bankbesonderhede:

    ABSA

    VRYHEIDSBEDIENING

    9062088855

    _______________

     

    Skryf in vir die gratis e-blad OORSIG EN REPLIEK

    'n Blad wat dmv verduidelikende agtergrond by die kern van ons volk se
    stryd uitkom.

    Kontak die redakteur by

    Hierdie e-posadres word van Spambotte beskerm. Jy moet JavaScript ontsper om dit te lees.

    Lees ons gereelde uittreksels daaruit hier op Gelofteland by OORSIG EN REPLIEK

    __________
     
    DIE HISTORIESE KOMPAS
    _________ 
     
    BOEKRESENSIE:

    Die Legkaart van ons Lewe – ‘n Boodskap van Hoop

    Lees meer oor dié getuienis by:

    DIE LEGKAART VAN ONS LEWE

    __________

    BOEKRESENSIE:

    DIE VOLMAAKTE REPUBLIEK – Christen-Teokratiese Separatisme

    Suid-Afrika verkeer tans in 'n kommerwekkende toestand omdat mense se kennis oor die Bybel en die Staat so verwater het dat land en volk as gevolg hiervan ten gronde gaan.

    Hierdie boek uit die pen van ds AE van den Berg, het in gedrukte vorm verskyn.  Dit bring helder perspektief oor rasseverskille en natuurlike skeiding wat sal lei tot die herstel van Suid-Afrika. Die land het 'n dringende behoefte wat landsburgers van geestelike denke sal laat verander en van onregte en gewaande vryheid sal bevry.

    Sinvolle besluite in die lig van God se Woord, en onophoudelik gebed dat bevryding spoedig verwesenlik word, is noodsaaklik. Politiek is erns en harde werk wat wet en orde handhaaf en durf nie in eerlose hande gelaat te word nie. God is 'n God van orde, en mense word aangemoedig om die koninkryk van God eerste te stel.

    U kan hierdie boek bestel by ds A E van den Berg

    Tel: 074 967 5187  of by

    vryheidsbediening

    @gmail.com

    Prys: R50-00

     
  •                                                                        ______________

     

    BOEKE TE KOOP

    ‘n Nuwe Trek: Terug na u God

    Die Oerteks van die lotsbepalende 1838-Gelofte

    J L du Toit & dr L du Toit

    'n Bundel oor die bronne vir die 1838-Gelofte is nou ook by Exclusive Books in Suid-Afrika beskikbaar: 

    Alhoewel die nuutste prys op Exclusive Books se netwerf tans R191 per boek is kan u dit vir so min as R60 per boek direk by Hierdie e-posadres word van Spambotte beskerm. Jy moet JavaScript ontsper om dit te lees.. bestel.

    Lees meer by: 'N NUWE TREK: TERUG NA GOD

    _______________

    ONDERSTEUN U VOLKSGENOTE IN DIE GEVANGENIS

    Wil u meer oor aktuele onderwerpe lees of vir iemand 'n besondere geskenk gee? Goeie voornemens;  Dink reg, leef reg; Moenie bekommer nie; Leuens; Woestyngedagtes, en Niks ontbreek nie, is van die aktuele onderwerpe wat in twee besondere preekbundels behandel word. Vir slegs R60 elk of R100 vir beide kan u 'n waardevolle bydrae maak vir u volksgenote in die gevangenis. Ondersteun hulle asseblief en bestel nou hierdie preekbundels by ds Andrè van den Berg by

    Hierdie e-posadres word van Spambotte beskerm. Jy moet JavaScript ontsper om dit te lees.

                                                                           ________________

     

    GOD PRAAT MET DIE BOEREVOLK – DEEL 2

    Hierdie bundel, net soos deel I, is saamgestel uit twintig van die beste boodskappe wat sterk op ons volkslewe gerig is. Die inhoud bestaan uit aktuele onderwerpe wat die daaglikse lewe van elke Christen raak. Die koste beloop slegs R60 (posgeld uitgesluit) en is 'n uitstekende geskenk vir die regte persoon. Die inkomste gaan in geheel aan gevangenisdiens vir ons volksgenote.
    Plaas u bestelling per e-pos by ds Andrè van den Berg by

    Hierdie e-posadres word van Spambotte beskerm. Jy moet JavaScript ontsper om dit te lees.

    of skakel hom by 074 967 5187

    ________________

    Bestel 'n uitstekende digbundel deur BOERIUS
    Volledige besonderhede hier:

    Gietoffers van my Siel


    _________________

    Hierdie e-posadres word van Spambotte beskerm. Jy moet JavaScript ontsper om dit te lees.

     
  •  

    DIE CHARISMATIESE GEVAAR
    Mense word so maklik deur dwaalleringe mislei. In hierdie boek word talle kwelvrae beantwoord.

VERGADERING-

PROSEDURES

(GRATIS)

Daar is min mense wat nog die waarde van 'n ordelike byeenkoms bedink en kan uitvoer. Sonder hierdie kennis en orde en gedissiplineerde toepassing daarvan sal 'n byeenkoms in wanorde verval en die doel van die vergadering nie bereik word nie. Die boekie kom handig te pas in alle omstandighede waar 'n vergadering van persone plaasvind, ongeag die sakelys of doel van die byeenkoms.

Klik hier om die boekie wat u op hoogte kan bring van korrekte vergaderingprosedures, gratis af te laai. Indien u van Windows 10 gebruik maak sal die inhoud outomaties onder die lêer "Downloads" geberg word en kan dit daar gehaal en gebêre word waar ookal dit maklik gevind kan word.

 
 

1919: VRYHEIDSDEPUTASIE KEER TERUG

1800: GRAAFF- REINETSE REBELLE GEVONNIS

1917: OOM JAPIE HELPMEKAAR

SKERP SLAGSPREUKE

(Lees die reeks by SKERP SLAGSPREUKE)

                                                                         __________________

 

AFRIKAANSE IDIOME EN GESEGDES

(Lees by AFRIKAANSE IDIOME EN GESEGDES - die hele reeks

                                                                         __________________                                                                  

In die sweet van sy aanskyn eet die Adamskind sy brood; in die sweet van 'n ander se aanskyn sy pastei.

Leer jou ambag so goed dat jy jou altyd kan verhuur aan 'n baas wat daar minder kennis van het as jy. Dan sal jy sy baas wees.

'n Presiese baas hou nie nalatige knegte lank nie. Dié wat hy nie wegja nie loop weg.

Maak in die somer hout bymekaar en sit in die winter by die vuur.

Besoekers aanlyn

Ons het 1180 gaste aanlyn