NUUTSTE BYDRAES

Gedagtes vir elke dag

Of lees almal by Gedagtes vir elke dag

As jou geheue swakker word, moet jy net twee dinge onthou: Eerstens dat jy ‘n groot sondaar is en tweedens dat jy deur jou bekering kind van ‘n liefdevolle hemelse Vader geword het.

WAT IS ENGELE...

... EN WAT DOEN HULLE?

Ds AE van den Berg

Lees reeks by Aktuele geloofsonderwerpe: Ds AE vd Berg

’n Kind is oor die algemeen bang vir die donker en sal nie sommer alleen in ’n donker kamer inloop nie.  Maar as een van sy ouers saamloop, is hy nie meer bang nie want iemand groter as hy verdryf die vrees.  Namate ons groter word, begin ander dinge ons bang maak –slegte omstandighede, siektes, misdaad, onreg ens.   Bang mense dink nie altyd baie logies nie en vrees die dinge wat hulle nie verstaan nie.

Maar toe ons tot bekering gekom en Jesus as Verlosser aanvaar het, het ons onmiddellik rustig geword omdat die Bybel vir ons sê dat niks met ons gebeur waarvan ons Hemelse Vader nie weet nie. “Soos ’n vader hom ontferm oor die kinders, so ontferm die Here Hom oor die wat Hom vrees” (Ps.103:13).

Jesus stap soos ’n vader saam met sy kinders die donker kamer van die lewe in.  Hy is die Een wat groter is.   Ons durf niks vrees nie, want met Jesus by ons, is daar niks in die lewe om te vrees nie.   Hy leer ons ook om slegte omstandighede reg te verstaan.  Daarvoor het ons God se Woord.   Hoe meer ons dit lees, hoe beter verstaan ons die lewe as dit donker word en hoe minder vrees ons.   Wie met Jesus in die sonskyn wandel, durf nooit die skadu’s te vrees nie!

In Ps.91 roep die digter gelowiges op om onwrikbaar op God en sy beskerming te vertrou.  En as die storms van die lewe om jou woed, om by die Here te skuil.   Hy gee vir elkeen van sy kinders persoonlik om en beskerm hulle dienooreenkomstig.  Hy doen dit op drie besondere maniere.

  1. Deur net te praat en dit gebeur.  Dink aan die storm op die See van Galilea toe Jesus die storm onmiddellik laat bedaar het! “…Hy staan toe op en bestraf die wind en die watergolwe en hulle het bedaar en daar het ’n stilte gekom” (Luk.8:24)
  2. Deur ander mense te gebruik om ons te beskerm.  Dink maar aan Dawid wat Goliat verslaan en die vyand hakskene laat wys het.
  3. Deur van engele gebruik te maak.

Kom ons let op God se gebruik van engele:  “want Hy sal sy engele aangaande jou bevel gee om jou te bewaar op al jou wee.  Hulle sal jou op die hande dra, sodat jy jou voet teen geen klip stamp nie” (Ps.91:11+12).

In Mt.4 lees ons van Satan wat Jesus in die versoeking probeer lei het.  Hy het Jesus na die hoogste punt van die tempel geneem en gesê dat Hy moes afspring omdat God Hom volgens Ps.91:11 en12 sou bewaar en haal dit aan.  Jesus het hom uit Deut.6:16 tereggewys waar daar staan dat jy God nie mag versoek nie.

Gelowiges bid nie tot God dat sy engele hulle moet beskerm nie.  Hulle bid nie tot engele nie, maar tot God vir beskerming wat dit op sy eie tyd en unieke manier verleen.  Dink maar aan die verhaal van Job!

Die mens wat biddend afhanklik van God leef, weet dat sy Hemelse Vader ’n Beskermer is.  Luister hoe getuig Dawid: “Here Here, Sterkte van my heil, U beskut my hoof in die dag van stryd” (Ps.140:8).   Daarbenewens bring die Heilige Gees rustigheid in ’n lewe: “En die vrede van God wat alle verstand te bowe gaan, sal julle harte en julle sinne bewaar in Christus Jesus” (Fil.4:7).

God se beskerming beteken egter nie dat ons nooit op aarde sal swaarkry en onaangenaamhede beleef nie.  Nee, God bewaar ons in die sin dat die nood soos ’n storm verby sal gaan en ons geestelik sterker maak.  Daarvoor gebruik Hy ook sy engele om ons van, in en deur gevare te bewaar.

Artikel 12 van die Nederlande Geloofsbelydenis sê die volgende oor engele: “…Hy het ook die engele goed geskep om sy boodskappers te wees en sy uitverkorenes te dien” .

Engele is hemelwesens met spesifieke opdragte.  Ons weet nie presies wanneer God hulle gemaak het nie.  Dit was in elk geval voor die skepping van die mens.  Engel beteken gesant of gestuurde.   In Openb.2 en 3 lees ons telkens: “En skryf aan die engel van die gemeente…” Dis nie ’n goeie vertaling nie.   Die N.A.V. vertaal dit met leraar, ook nie ’n direkte vertaling nie, maar met die bedoeling van gesant of gestuurde.

Engele het ook name.   Die Bybel noem twee engele by die naam– Gabriël (Dan.10) en Migael (Openb.12).   Engele het besondere asook gewone take gehad – om God se uitverkorenes te bewaar, Hom te dien en bly te wees wanneer ’n sondaar hom bekeer: “Ek sê vir julle dat daar net so blydskap sal wees in die hemel oor een sondaar wat hom bekeer…” (Luk.15:7).

Engele bewaar gelowiges van gevare.  In Ps.91 lees ons van engele ons van die gevare van onheil en nood bewaar.   By geleentheid het die Assiriërs Jerusalem lank beleer en het dit sleg met Juda gegaan.   Hulle het egter ’n godvresende koning (Hiskia) gehad wat tot God om verlossing bly bid het.

Toe die nood op sy hoogste was, het God op ’n besondere manier die verlossing gegee: “En in dieselfde nag het die engel van die Here uitgetrek en in die laer van die Assiriërs honderd-vyf-en-tagtig duisend verslaan; en toe hulle die môre vroeg klaarmaak, was dit almal dooie liggame” (2 Kon.19:35).

Engele bewaar ons op God se bevel in gevare.   In ’n noodsituasie hou Hy sy kinders vas soos destyds in Jerusalem toe geen Assiriërs Jerusalem binnegedring het nie.  God bewaar ons ook deur gevare.   Dink maar aan Daniël in die leeukuil en sy antwoord aan koning Darius: “My God het sy engel gestuur en die bek van die leeus toegesluit, sodat hulle my geen leed aangedoen het nie..” (Dan.6:23).

Was daar dan nie ook ’n engel saam met Daniël se drie vriende in die brandende vuuroond nie?   “Toe het koning Nebukadnesar verskrik geword en haastig opgestaan; hy het sy raadsmanne toegespreek en gesê:  Het ons nie drie manne geboeid binne-in die vuur gegooi nie?  …..Kyk, ek sien vier manne los binne-in die vuur  wandel sonder dat daar ’n letsel aan hulle is; en die voorkoms van die vierde lyk soos diévan ’n godeseun” (Dan.3:24,25).  God begewe of verlaat nooit sy kinders nie!

Engele bewaar nie alle mense ongekwalifiseerd nie.  Ps.91 sê wie deur hulle beskerm word; diegene wat hul toevlug tot God neem en by Hom skuil; die gelowiges.  God het hulle uitverkies om Hom te dien en met hul lewens te verheerlik.  Daarom is engele in diens van God en nie van mense nie.  Ons sien hulle nie.   Ons praat nie met hulle of bid tot hulle soos die Roomse Kerk deels doen nie.  Ons bid tot God, vertrou op Hom en soek by Hom beskerming!

Al kry gelowiges ook swaar op die aarde en voel dit asof God van hulle vergeet het, bly hulle op sy Woord vertrou wat sê: “Want ek is versekerd dat geen dood of lewe of engele of owerhede of magte of teenwoordige of toekomende dinge of hoogte of diepte of enige ander skepsel ons sal kan skei van die liefde van God wat daar in Christus Jesus, onse Here, is nie” (Rom.8:38 en 39).

Een ding waarna gelowiges uitsien, is om in die hemel saam met die engeleskaar God vir ewig te loof en te prys!  Hoor hoe mooi sluit koning Dawid die pragtige Ps.103 af: “Loof die Here, sy engele, kragtige helde wat sy woord volbring, in gehoorsaamheid aan die stem van sy woord!   Loof die Here, al sy leërskare, sy dienaars wat sy welbehae doen!  Loof die Here, al sy werke, op al die plekke van sy heerskappy! Loof die Here, o my siel!” (:20-22)

Dank God vir sy beskerming hetsy direk of indirek deur engele.  Ons kan maar net soos koning Dawid uitroep:  “Al gaan ek ook in ’n dal van doodskaduwee, ek sal geen onheil vrees nie; want U is met my; u stok en u staf die vertroos my” (Ps.23:4).

 

 

 

 

 

Opsoek na inligting?

  • UBUNTU; Herbedink

    Die gonswoord van 'n dekade of wat gelede, nl 'Ubuntu', het 'n mens nuuskierig gemaak. Wat sou die mooiklinkende woord: 'u-bun-tu' wat blykbaar oornag groot handelswaarde ontwikkel het, werklik beteken? Nadat Desmond Tutu in 'n videosnit die betekenis verduidelik het as:'I am because we are' en Bill Clinton daarop probeer verbeter het met: 'I am because you are', kon dit nie anders nie. Dié saak moes ondersoek word.

    Na 'n ompad deur Afrika en selfs die antieke geskiedenis, is weer in die eie tyd, by uitsprake van Mbeki, Tutu, Steve Biko en andere uitgekom. Daarna is na Ubuntu en die wêreldpolitiek gekyk, maar ook na 'n ubuntuplan en ekonomiese seifbeskikking met die oog op oorlewing.

    Die skrywer, Tobie Hart, slaag met hierdie werk om die leser te boei met aktuele inligting wat elkeen raak. Ook die voorblad, met reënboog en standbeeld praat met die leser.

    Die boek, teen R260-00 per harde kopie kan bestel word by: Groep 7 Drukkers Hierdie e-posadres word van Spambotte beskerm. Jy moet JavaScript ontsper om dit te lees..         Die boek is ook in Engels beskikbaar as Ubuntu: Re-invented

     
  • BYBEL 1933/53-druk nou gratis

    Gelofteland is dankbaar om aan al ons lesers die 1933/53-uitgawe van die Bybel gratis te voorsien. Al wat u hoef te doen is om 'n e-pos na

    Hierdie e-posadres word van Spambotte beskerm. Jy moet JavaScript ontsper om dit te lees.

    te stuur met die versoek om die Bybel te ontvang, en ons sal dit aan u stuur.

     

    _____________________

     

     Laserskywe in stelle van 10 te koop

    VRYHEIDSBEDIENING

    Ds. Andre van den Berg werk sedert November 1990 weekliks met volksgenote in die gevangenis in Pretoria-Sentraal. Hy bied ʼn reeks laserskywe teen R200 (posgeld uitgesluit) per stel van 10 aan. Die opbrengs van hierdie verkope gaan vir Gevangenisbediening.

    Dit handel oor aktuele onderwerpe soos:

    1. Die lewe hiernamaals.
    2. Word verantwoordelik oud.
    3. Die pad na die ewigheid.
    4. Bied beproewing die hoof.
    5. Raad vir tieners.
    6. Gelowige kinderopvoeding.
    7. Oorwin depressie.
    8. Kikker jou huwelik op .
    9. Alle mense is nie gelyk nie.
    10. Homoseksualisme - ʼn gruwel vir God.

    Bestel by:

    E-pos: Hierdie e-posadres word van Spambotte beskerm. Jy moet JavaScript ontsper om dit te lees.

    Sel: 074 967 5187

    Bankbesonderhede:

    ABSA

    VRYHEIDSBEDIENING

    9062088855

    _______________

     

    Skryf in vir die gratis e-blad OORSIG EN REPLIEK

    'n Blad wat dmv verduidelikende agtergrond by die kern van ons volk se
    stryd uitkom.

    Kontak die redakteur by

    Hierdie e-posadres word van Spambotte beskerm. Jy moet JavaScript ontsper om dit te lees.

    Lees ons gereelde uittreksels daaruit hier op Gelofteland by OORSIG EN REPLIEK

    __________
     
    DIE HISTORIESE KOMPAS
    _________ 
     
    BOEKRESENSIE:

    Die Legkaart van ons Lewe – ‘n Boodskap van Hoop

    Lees meer oor dié getuienis by:

    DIE LEGKAART VAN ONS LEWE

    __________

    BOEKRESENSIE:

    DIE VOLMAAKTE REPUBLIEK – Christen-Teokratiese Separatisme

    Suid-Afrika verkeer tans in 'n kommerwekkende toestand omdat mense se kennis oor die Bybel en die Staat so verwater het dat land en volk as gevolg hiervan ten gronde gaan.

    Hierdie boek uit die pen van ds AE van den Berg, het in gedrukte vorm verskyn.  Dit bring helder perspektief oor rasseverskille en natuurlike skeiding wat sal lei tot die herstel van Suid-Afrika. Die land het 'n dringende behoefte wat landsburgers van geestelike denke sal laat verander en van onregte en gewaande vryheid sal bevry.

    Sinvolle besluite in die lig van God se Woord, en onophoudelik gebed dat bevryding spoedig verwesenlik word, is noodsaaklik. Politiek is erns en harde werk wat wet en orde handhaaf en durf nie in eerlose hande gelaat te word nie. God is 'n God van orde, en mense word aangemoedig om die koninkryk van God eerste te stel.

    U kan hierdie boek bestel by ds A E van den Berg

    Tel: 074 967 5187  of by

    vryheidsbediening

    @gmail.com

    Prys: R50-00

     
  •                                                                        ______________

     

    BOEKE TE KOOP

    ‘n Nuwe Trek: Terug na u God

    Die Oerteks van die lotsbepalende 1838-Gelofte

    J L du Toit & dr L du Toit

    'n Bundel oor die bronne vir die 1838-Gelofte is nou ook by Exclusive Books in Suid-Afrika beskikbaar: 

    Alhoewel die nuutste prys op Exclusive Books se netwerf tans R191 per boek is kan u dit vir so min as R60 per boek direk by Hierdie e-posadres word van Spambotte beskerm. Jy moet JavaScript ontsper om dit te lees.. bestel.

    Lees meer by: 'N NUWE TREK: TERUG NA GOD

    _______________

    ONDERSTEUN U VOLKSGENOTE IN DIE GEVANGENIS

    Wil u meer oor aktuele onderwerpe lees of vir iemand 'n besondere geskenk gee? Goeie voornemens;  Dink reg, leef reg; Moenie bekommer nie; Leuens; Woestyngedagtes, en Niks ontbreek nie, is van die aktuele onderwerpe wat in twee besondere preekbundels behandel word. Vir slegs R60 elk of R100 vir beide kan u 'n waardevolle bydrae maak vir u volksgenote in die gevangenis. Ondersteun hulle asseblief en bestel nou hierdie preekbundels by ds Andrè van den Berg by

    Hierdie e-posadres word van Spambotte beskerm. Jy moet JavaScript ontsper om dit te lees.

                                                                           ________________

     

    GOD PRAAT MET DIE BOEREVOLK – DEEL 2

    Hierdie bundel, net soos deel I, is saamgestel uit twintig van die beste boodskappe wat sterk op ons volkslewe gerig is. Die inhoud bestaan uit aktuele onderwerpe wat die daaglikse lewe van elke Christen raak. Die koste beloop slegs R60 (posgeld uitgesluit) en is 'n uitstekende geskenk vir die regte persoon. Die inkomste gaan in geheel aan gevangenisdiens vir ons volksgenote.
    Plaas u bestelling per e-pos by ds Andrè van den Berg by

    Hierdie e-posadres word van Spambotte beskerm. Jy moet JavaScript ontsper om dit te lees.

    of skakel hom by 074 967 5187

    ________________

    Bestel 'n uitstekende digbundel deur BOERIUS
    Volledige besonderhede hier:

    Gietoffers van my Siel


    _________________

    Hierdie e-posadres word van Spambotte beskerm. Jy moet JavaScript ontsper om dit te lees.

     
  •  

    DIE CHARISMATIESE GEVAAR
    Mense word so maklik deur dwaalleringe mislei. In hierdie boek word talle kwelvrae beantwoord.

VERGADERING-

PROSEDURES

(GRATIS)

Daar is min mense wat nog die waarde van 'n ordelike byeenkoms bedink en kan uitvoer. Sonder hierdie kennis en orde en gedissiplineerde toepassing daarvan sal 'n byeenkoms in wanorde verval en die doel van die vergadering nie bereik word nie. Die boekie kom handig te pas in alle omstandighede waar 'n vergadering van persone plaasvind, ongeag die sakelys of doel van die byeenkoms.

Klik hier om die boekie wat u op hoogte kan bring van korrekte vergaderingprosedures, gratis af te laai. Indien u van Windows 10 gebruik maak sal die inhoud outomaties onder die lêer "Downloads" geberg word en kan dit daar gehaal en gebêre word waar ookal dit maklik gevind kan word.

 

GRATIS E-BOEKE EN VERSBUNDELS OM AF TE LAAI:

 

As God volke aan hul eie lot oorlaat

Die waarheid oor ons volk en die Nuwe SA

Volksverraad geskryf deur adv. P.J. Pretorius

'n Oorblyfsel... deur genade alleen

Christen-Teokratiese Separatisme

Verse van Verset

Vreedsame Naasbestaan = Afsonderlike Ontwikkeling

No Ships in the Harbour

Ons heilsverhaal in die Ou Testament

Daniel

Evolusie - kan ek dit glo?

Petrus, die rots

Romeo en Juliet

Ester

Apokriewe - By modderpoele of suiwer fonteine?

Midsomernagdroom - Shakespeare in Afrikaans

Die Openbaring van Henog

Die Derde Tempel

Macbeth - Shakespeare in Afrikaans

Met ryperd en mauser

Goue strate het nie stof nie

Derdepoort

Die Laaste Pous

Josef

Rut

Drie Eeue van Onreg

Ons Geskiedenis

Engelse skandvlekke

Voortrekker-Pioniers in Oos-Transvaal

_______________

 

 

1919: VRYHEIDSDEPUTASIE KEER TERUG

1800: GRAAFF- REINETSE REBELLE GEVONNIS

1917: OOM JAPIE HELPMEKAAR

SKERP SLAGSPREUKE

(Lees die reeks by SKERP SLAGSPREUKE)

                                                                         __________________

 

AFRIKAANSE IDIOME EN GESEGDES

(Lees by AFRIKAANSE IDIOME EN GESEGDES - die hele reeks

                                                                         __________________                                                                  

In die sweet van sy aanskyn eet die Adamskind sy brood; in die sweet van 'n ander se aanskyn sy pastei.

Leer jou ambag so goed dat jy jou altyd kan verhuur aan 'n baas wat daar minder kennis van het as jy. Dan sal jy sy baas wees.

'n Presiese baas hou nie nalatige knegte lank nie. Dié wat hy nie wegja nie loop weg.

Maak in die somer hout bymekaar en sit in die winter by die vuur.

Besoekers aanlyn

Ons het 1388 gaste aanlyn