1984… EN 2020

“The old world is dying, and the new world struggles to be born. Now is the time of monsters.” - Antonio Gramsci

Aan die einde van George Orwell se boek, 1984, het slawerny vryheid geword, twee plus twee was gelyk aan vyf en Winston Smith is lief vir Big Brother. In ons eie land is ons nou self in ‘n toestand van slawerny, maar as mens so om jou kyk lyk dit of hierdie toestand baie meer geniet word as werklike volksvryheid in ‘n eie land. Die sommetjies tel ook nie meer op nie, maar wie gee om, en o ja, ons is darem so lief vir Cyril en Kolisi en elke volksvreemde “held” wat aan ons gegee word. Alles gratis.

Feit is ons breine is “gespoel”, ons geheues is uitgewis en ons omhels enige narratief wat aan ons opgedis word. Dat dit verslawing is kom nie eers by ons op nie, ons sal dit hewiglik ontken. Verslawing wat stelselmatig afgedwing word in ‘n sielkundige oorlog het presies dieselfde resultaat as verslawing deur ‘n oorlog met wapens en is boonop gevaarliker juis omdat dit na bevryding lyk. Nou het ons verslawing deur ‘n virus. Kul jou hier, kul jou daar, en siedaar!

Wat is die “Party”, ons meesters, se narratief vandag? Globalisme, klimaatsverandering, gedragsmonitering, geestelike en fisiese gevangeneming, politieke korrektheid, “oop” grense, vrye beweging (om grense uit te wis), skuld deur inflasie wat jou geld waardeloos maak, sentrale ekonomiese beplanning, “gesosialiseerde” opvoeding, “beheerde” mediese sorg, ‘n verpligte vaksien as gevolg van ‘n skrikvirus. Daarby die Party se “oorlog” teen terreur, dwelms, armoede, “boef” (“rogue”) regerings, koolwaterstof, wapenbesit deur “gevaarlike” individue, individuele regte en eiendomsreg, privaatheid en kontant. Die Party “veg” virons, ons het niks te vrese nie. Ja ons het selfs oorlog teen ‘n virus verklaar!

Ons ken die Party se instellings: korrupte regerings, sentrale banke en hulle banke, intelligensie-dienste, weermagte, polisie, burokratiese staatsdepartemente, multi-nasionale konglomerate, stigtings en dan die sogenaamde “NGO’s”. Nou beleef ons hoe die Party se weermag en polisie optree as ons ongehoorsaam is, soos die weermaghoof in Afrikaans self sê: “Dis julle wat ons vra om te help, nou, dan skop en donner ons die wat nie luister”. En een van die dae moet almal 8-uur saans in die bed klim en nie durf waag om voor 5-uur hulle neuse by die voordeur uit te wys nie…

Ons ken ook die Party se mondstukke, sy media, dinkskrums, woordvoerders, Hollywood, die Holocaust, asook sy akademici. Ons ken dit alles. Hulle wat ons reg laat dink en doen. Ons wil programmeer. Beheer is net soveel makliker van ‘n samelewing wat dit goedskiks aanvaar en aan sy hanteerders ‘n carte blanche gee om dit te doen.

In die vroeë 1990’s het die Club Of Rome ‘n boekgepubliseer met die titel The First Global Revolution. Daarin word gestel:

“               In searching for a common enemy against whom we can unite, we came up with the idea that pollution, the threat of global warming, water shortages, famine and the like, would fit the bill. In their totality and their interactions these phenomena do constitute a common threat which must be confronted by everyone together. But in designating these dangers as the enemy, we fall into the trap, which we have already warned readers about, namely mistaking symptoms for causes. All these dangers are caused by human intervention in natural processes. and it is only through changed attitudes and behaviour that they can be overcome. The real enemy then is humanity itself”.

Die Club of Rome is, soos die Council on Foreign Relations, die Royal Institute of International Affairs en die Bilderbergers, deel van die internasionale komplot om die mensdom te verslaaf. Hulle wil ‘n eenwêreldregering daarstel wat mense in sosialistiese stelsels verslaaf deur hulle banke-netwerk. Hulle “enemy” is ons. Hulle moes iets soek soos “globale” verwarming om mense in ‘n toestand van skok en daarmee saam gehoorsaamheid te kry. Nou het hulle die boerpot geslaan – ‘n virus wat op hierdie stadium nie skadeliker lyk as die gewone griepvirus nie.

Die Club of Rome en die Verenigde Nasies werk nou saam. Ook in die 1990’s het Robert Muller sy manifes gepubliseer bekend as“Good Morning World”’. Dis prontuit gestel dat globale regering bereik moet word onder die voorwendsel van “protecting the earth”. So word ons vertel dat in 2030 die “Apocalypse” ons voorland is as ons nie nou almal inkoop in die agenda van “globale verwarming” nie. Hulle kan seker nie hulle ore glo dat hulle dit al in 2020 reggekry het met ‘n paniek-demie nie!

Die internet was enersyds ons redding en andersyds ‘n verdere middel tot verslawing. Onafhanklike denkers het die internet gebruik om nasionalisme aan te wakker. Die gepeupel sien dit as maar net nog ‘n aangename tydverdryf. Wat wel waar is, is dat dit die monopolie op meningsvorming gebreek het, alhoewel dit ‘n geweldige stryd beteken om mense wel sover te kry om selfs net na webwerwe te soek vir alternatiewe menings.

Kyk ons na Orwell se 1984, moet ons toegee die voorspellings is grootliks bewaarheid. Dinge soos nimmereindigende oorlog (“perpetual war”), alomteenwoordigende regeringspioenasie op burgers (“omnipresent government surveillance”) en propaganda of soos dit vandag genoem word die “openbare mening”; dit het ons alles reeds. Elke staat van die wêreld word ‘n provinsie van die superstaat Oceania wat regeer word deur die Thought Police. Jy mag nie eers meer ‘n vlag vertoon nie, dis krimineel, dit maak die barbaar se hart glo seer.Jy het boonop deur jou lamsakkigheid jou menseregte vrywillig prysgegee deur weg te kruip vir ‘n virus. Big Brother, of dit nou Madiba of Cyril is, het die status van kultus verwerf. Hy kan jou onteien, jou belieg en saam skreeu “Kill the Boer”, maar jy is lief vir hom.

Ja alles van 1984 is hier: Big Brother, doublethink, thoughtcrime, Newspeak, Room 101, telescreen, 2 + 2 = 5, en die memory hole. Ons word deur begrippe mislei wat "Orwellian" is, alles met een doel, naamlik om die totalitêre staat daar te stel.

Orwell se taal Newspeak is ook met ons. Ons het ook ‘n Ministry of Love wat ons haat en ons breine spoel, ‘n Ministry of Plenty wat seker maak ons het niks, ‘n Ministry of Peace, wat oorlog teen ons voer en ‘n Ministry of Truth wat ons elke dag belieg en bedrieg.

Die klasse-hiërargie in Oceania het drie vlakke:

• die opperklas, Inner Party, die regerende elite (minderheid), wat 2% van die bevolkinguitmaak.
• die middelklas, Outer Party, wat 13% uitmaak.
• die lae klas Proletariaat, wat 85%, die “oningeligte” werkersklas,uitmaak.

En nou sal die middelklas verdwyn danksy die bedrog oor die virus. Want ons wou nie vir onsself dink nie.

Die protagonis, Winston Smith, lid van Outer Party, werk in 1984 in die “Records Department of the Ministry of Truth” as redakteur wat historiese rekords moet hersien sodat alles “in lyn” kom met die heersende opvattings. Hoe verskil dit van vandag waar almal dieselfde moet dink? Ons durf nie “fake news” oor Corona versprei nie! Winston kan nie eers meer onthou wanneer dit begin het nie (soos baie van ons) “given the regime's continual rewriting and manipulation of history”.

Baie van ons (wat virons self dink) skryf elke dag opstelle en artikels en boeke om ons eie patetiese situasie te beskryf. Meeste daarvan val op dowe ore. Ons word nie eers meer geraak deur die verdoemende uiteinde wat hierdie agenda op ons gaan hê nie. Ons is in ‘n geestestoestand wat as bevange beskryf kan word. Gevangenes nou in ons eie huise. Oppervlakkig in ons opvattings, omgekantel wat ons politieke denke betref, gekul uit ons toekoms.

Dit is baie laat in die dag as jy waaragtig nie kan insien wat nou besig is om te gebeurnie. “Moet my nie ontstel met die feite(of met jou “conspiracy theory”) nie!”, hoor mens. Die Kerkstraat-bom brigade word toegejuig as hulle ons verneder en verkneg. Ons het nie eers meer ‘n Judasbok nodig om ons na die slagpale te lei nie. Ons sien die slagpale aan as ‘n bevryding, ons stap sommer self daarheen! Die slagpale se naam is Papbroekland, ‘n plek waar lamsakke baie tuis is…

Richard Weaver, die bekende Amerikaanse filosoof, het 50 jaargelede reeds ons situasie reg opgesom toe hy gesê het:

The bourgeois and the barbarian find relevant only what has some pressing connection with their appetite… We approach a condition in which we shall be amoral without the capacity to perceive it and degraded without the means to measure our descent.

Dit kon so anders gewees het…